Darci by Aldou (已結業)

約左朋友係元朗搵野食，呢條街都多餐廳，之前都試過隔離個d，見街尾呢間靚靚地又未試過就揀你啦！仲係Lunch time時間，叫左lunch set，先嚟左餐湯同餐包，餐湯唔錯我唔中意黑油醋，所以就咁啪左塊包。叫左份漢堡，超級巨形係一拎上手d野就跌曬出嚟，證明好足料😂厚切薯條正呀，熱辣辣！真心想知有咩方法可以優雅地食漢堡，而且唔洗用刀义😂😂跟餐有得揀花茶，玫瑰花好清香岩曬食完漢堡可以解下膩消消滯。餐廳要夠$200先可以碌卡，張單$19x，就碌齊頭$200啦

估唔到屋企附近5分鐘既步程竟然有間咁有情調既餐廳，而且被門口promote既海鮮餐廣告吸引住，就一於試下啦！叫左個海鮮二人餐，主角就緊係個海鮮拼盤啦！一黎到，雖然好大盤，「睇落」份量十足，但仔細一睇，帶子、青口都係BB級，超級迷你🙃雖然食落都算新鮮，但圖片與實物不符，要扣分！而凍蝦就完全唔新鮮！食落啲肉好霉，餐廳以海鮮餐做招牌做promotion，但海鮮質素與價錢不符，令人失望😞

提早一天在網上預訂有88折所以早了一天訂座！這裡環境舒適，座位不會太迫，而且侍應很親切，會推介吃什麼。食物種類也算算多元化這次來吃午餐，選了漢堡，份量很大～南瓜🎃湯很美味！飲料也不錯。可選玄米茶、黃金桂或普通檸茶～

 一入餐廳內 裝潢好優雅環境舒適 門外也可以坐 首先會有餐湯和餐包湯非常濃厚 餐包配上黑醋 非常開胃然後叫了一個海鮮拼盤🦞非常豐富 有海蝦 帶子 蟹蓋 燒菠蘿全部都烤得香噴噴 加上香料作配搭蝦肉新鮮 又大隻蟹蓋好多膏 加上粒粒蟹籽 推薦！好入味 真材實料仲有清甜的菠蘿 主食叫了一個墨魚汁意粉麵條軟熟度剛好 醬汁豐富味道濃郁 加上配汁 大大粒帶子煎成外層少少金黃色 不錯最後是牛扒非常香的牛油 配上牛扒的肉香好好的配搭 肉質剛好 配上薯角 滿足的一餐

自己去開唔同嘅地方搵食，有時都覺得元朗係比較多隱世嘅小店。今日又同女朋友去雞地度發掘一下新嘅餐廳，點知俾我哋發現咗一個西餐廳都幾清幽，連牆上面都有特別設計嘅，好有心思。今次第一樣要介紹都係手工啤酒，就係之前我都飲過嘅少爺啤酒，不過今次係鹹檸七味，即係叫鹹檸啤啦。呢隻啤酒真係玩味十足。佢有好香濃嘅鹹檸味，撞埋去啤酒之後就變咗隻酸嘅啤酒。個人覺得呢隻酒係攞嚟打卡用嘅，飲落我就覺得麻麻地，可能個人口味問題啦，我就唔太鍾意酸嘅啤酒，不過久唔久飲一支又得意嘅。西冷牛扒。今次呢塊牛扒就比我想像中略細，不過佢又幾好肉汁嘅，味道算係唔錯，仲有少少芥末醬畀你調下味。畫龍點睛嘅係佢個薯菜，薯仔焗過嚟嘅，外皮鬆脆，同時佢又有啲芝士醬喺個薯仔上面，非常好食，有種妹仔大過主人婆嘅感覺。香草寶雲酥羊西冷。我之前以為係有支骨嗰隻羊扒，點知同我想像中嘅唔同，不過食落羊嘅騷味都幾突出，加埋羊扒外層鬆脆，係幾好食嘅。不過佢嘅配菜好特別，有嚿黃色嘅類似蛋嘅物體，我食曬成個餐都仲未估到係乜嚟嘅。藍莓梳打。成杯賣相好特別，啱曬啲女仔用嚟打卡，味道就係藍莓溝薄荷味，都唔錯嘅。呢間小店的確係唔錯，之後有機會再過嚟幫襯。

星期五晚上，係元朗搵西餐真係有小小難，因為好多都要排隊，咁岩呢間有人book位除消左，咁好啦，我都想試好耐！首先有d set dinner 都抵架，選擇都多既，不過最後因為想食豬手，所以放棄左食set dinner 一開始叫左2隻蠔試下，新鮮，唔重金屬味，正！18蚊隻大家可以試下！ 蟹肉冬蔭功意大利飯 $122-份量就小左d-冬陰功味唔太重-都算啖味但當然都接受到蜜糖焗德國豬手 配 燒鮮菠蘿片 $188-味就多既 不過無蜜糖味，似食普通德國豬手-菠蘿就正常，甜度適中-但肉都多，同好乾淨，豬手係無毛既！大家都可以試下 Cocktail 仲買一送一架 服務態度真係100分！

住在Yoho 其實食得最多的不是商場食肆我和男友反而更喜歡流連附近的街坊小店偶爾會發現驚喜連連今次來試下darci by Aldou小店走進店，抬頭看見掛著滿滿乾花植物既清新又有文青風，使人倍感寫意當然先來一杯最愛的flat white 輕呷一口，濃醇的咖啡整個口腔都是咖啡香氣送來的南瓜濃湯，配上自家制麵包剛剛好，不會太膩太濃喝完湯，就會送上主菜蜜糖煙豬肉長通粉份量不算多，但賣相及味道恰到好處爽口長通粉配上煙豬肉多了份清新牛油果漢堡賣相超巨型的漢堡可見用足材料加左新鮮爽脆的生菜及軟綿的牛油果等配料可以中和一下厚膩的漢堡肉感清新開胃，吃多都唔覺油膩呢！薯條作為配角都炸得香脆可口仲有新鮮的沙律菜♥️整體感覺都值得加分食物有心思，員工服務效率高不過人多的時候就要耐心地等候喇！

過完農曆新年再度幫襯，點知原來已經換咗套餐嘅餐牌，冇咗我至愛嘅焗蟹蓋😢😢我地一行四人點左兩個$568嘅二人套餐。👉🏻波士頓龍蝦生蠔海鮮凍盤生蠔大蜆新鮮甜美，凍龍蝦就普普通通。👉🏻龍蝦芝士火鍋芝士不會太漏，用來浸冇乜味嘅龍蝦味道都唔錯。👉🏻蜜糖焗德國豬手個人今晚最鐘意呢一道，外皮焦脆充滿蜜糖香，肉質鬆軟用刀輕輕一撥就已經切開。👉🏻紐西蘭西冷牛扒Order了五成熟，牛味足夠略嫌肉質實淨左小小。👉🏻乾瑤柱蟹肉蘆筍意大利飯第一次試呢個組合，感覺都幾新鮮，意大利飯收水收得幾靚。👉🏻香煎北海道帶子伴龍蝦汁意粉略嫌龍蝦汁不夠濃，可能怕龍蝦汁搶走左帶子嘅鮮味，但就變咗食整體個味唔係太夠。

元朗雞地有唔少精緻西餐選擇，我特別鍾意Darci，口味清新，午餐選擇又多，預早透過openrice訂位仲有88折！今日食紅酒雞肉珍珠飯，雞肉好大塊，仲有西蘭花、菇同紅蘿蔔伴碟，好健康朋友食香茅豬扒漢堡，塊豬扒煎得比較燶，有啲失手!另一個朋友食手撕雞意粉，唔好睇佢份量好似好少 其實都幾飽肚架！仲有朋友食虎蝦喇沙，唔太辣，汁好香濃，配料都好豐富！

呢間西餐開左一段時間都未幫襯過，上星期閒日經過試下午餐叫左個牛油果蟹肉包，跟湯餐包同一杯飲品個包好食，麵包有焢過，牛油果同蟹肉份量都唔了小，加埋蕃茄食落好清新，伴菜係哈蜜瓜都好，食完好似好健康咁另外服務幾好，下次黎試下晚餐

假期想搵間餐廳嘆個lunch既時候偶然禁到出黎 見到相都幾靚喎就決定試下啦~果然係間幾舒適既小餐廳！裝飾走節約風 有舒服既梳化椅又乾乾淨淨咁座位不多好彩有訂定位 假期日子等位都特別多人就咁睇menu係普普通通既西餐最開始佢落錯單上錯菜 發現之後都即刻換比我地 +加分依個意粉好好食！咖哩奶油好香意大利飯都做得很不錯！軟硬適中 只不過太細份啦依個係後加單既等左勁耐好彩佢好食既野飲都ok 幾大杯~其實食物我係勁滿意架覺得超過我預期不過上菜時間要調整下…佢落錯單同後加既等左勁耐 係勁耐！其他野都已經食晒我地等佢野食既途中其實佢都做少幾枱客🤦🏻‍♀️

Happy friday又嚟啦~聽日唔洗早起身番工又可以入元朗食好西喇,上次有人試過呢間<Darci by Aldou>話好味道,自己都會再encall,咁我都要嚟試吓。可能我比較小入嚟元朗,嚟到都好有新鮮感,見到餐廳外面掛咗啲燈飾都幾好feel,仲有少少露天座位俾人吹下風或者放下狗咁,都幾寫意同埋餐廳都好多人嚟食,好彩我哋有事先訂位咋^^見到餐牌有啲二人套餐都好吸引同埋價錢都幾抵食,不過另外見到買一送一嘅生蠔更加吸引吖!!!所以叫set怕食唔哂...都係散叫就算喇,咁早嚟食飯都唔係太餓,冇湯飲都OK嘅~餐前小食嚟咗份烤薄餅,另配橄欖油醋可以點嚟食,份薄餅暖笠笠得嚟口感夠軟。法國生蠔($18蚊一隻*買一送一)：真係正呀生蠔先十幾蚊一隻,仲有買一送一嘅優惠我哋即時一人叫兩隻吖~生蠔雖然唔係話好大隻,但係勝在夠新鮮。香煎北海道刺身帶子龍蝦汁意粉($158蚊)：我好鍾意呢個意粉呀三粒帶子超肥美又彈牙,真係同日式嘅新鮮刺身冇乜分別,啲龍蝦汁好豐盛,夠哂cover成碟意粉,意粉嘅質感亦夠乾爽所以唔會一pat pat咁,另外仲有啲小菇菇做配料,味道豐富。香燒鰻魚玉子燒漢堡配薯條($

今日同啲好耐冇見嘅中學同學聚會 去cafe就最好不過 呢間裝修似cafe 食物質素唔差嘅餐廳位於元朗 星期六夜晚非常Full 好在有預先book位 餐廳入面燈光昏暗 幾有情調 用咗好多雲石同金屬去做配襯 文青感十足餐湯係忌廉湯冇乜特別 比得包配意大利黑醋橄欖油 誠意之處係上枱時仲係溫暖蟹肉露筍意大利飯 非常驚喜 上面一大堆生拆蟹肉鮮甜無比 加上蟹籽口感十足 而且個意大利飯煮得軟硬適中 粒粒都比忌廉汁包圍著 一啲都吝嗇帶子龍蝦汁意粉 意粉索曬香濃嘅龍蝦汁味 鮮味十足帶子煎得外脆內軟 入面仲係刺身嘅感覺 火候啱啱好 不過我個人比較鍾意上面嘅意大利飯多啲

知道女朋友成日話食九龍／香港有啲悶，所以今晚就帶佢衝出港九進入新界呢個對我地黎講都係少踏觸嘅地方（其實係我地住得遠，無咩機會入黎就真，哈哈）。雖然BOOK咗枱，但因為星期五晚真係太旺場，都等咗約十分鐘先有位。但好彩餐廳出面有露天住，同啲放狗人仕傾下養狗經，話咁快就入坐了。見佢個SET DINNER十分抵食只需$428，所以就同女朋友SHARE。一邊傾一邊食。先黎係餐湯同餐包，今晚嘅係忌廉蘑菇湯及烘烤薄餅。味道都唔錯菇味濃郁同幼滑，鐘意佢松露味唔會過重，淡淡的更開胃。配湯餐包唔係常見嘅法包，而係烤餅都幾有新意。濕潤得黎又有麥香，沾湯又得沾橄欖油醋又得。手斯雞沙律好創新，將惹味手撕雞同沙律結合，再伴上柚子碎。味道又幾唔錯。咸咸酸酸咁開胃而且有各種蔬菜配搭，好食又健康。一定要加上旁邊嘅手撕雞醬，香味即刻提升唔少。但留意返都算咸嘅唔好落咁多。帶子意粉比較乾身，因為龍蝦汁得杰所以掛麵效果唔錯。食完個碟唔會水汪汪。刺身級數嘅帶子大隻得黎又夠甜。輕輕煎香兩面已經好好食。意粉簡單用磨菇同龍蝦汁調味，加上份量又多。抵食。主菜係西冷伴薯蓉。西冷七成熟乾身咗少少，肉香都濃配上黑椒汁黎食更好，因為補充返肉嘅水

今日同朋友來darci食lunch，雖然餐廳不大，但食物卻很美味。order左咖哩意粉，e個fushion菜都有驚喜，夠特別，咖哩味夠香濃，意粉都煮得岩岩好，煙韌不失口感。豬扒肉都夠嫩，肥瘦分配均勻，冇揀錯餐廳