Darci by Aldou (已結業)

今日同屋企人過來元朗行街，來左地鐵站附近一間西餐廳食野，我地叫左一個二人套餐：前菜（冬陰功蜆）算可以，一個意粉（巴馬火腿牛肝菌意粉）意粉乾身，個汁好大蘑菇味，一個主菜（歐洲8安士西冷牛扒）我地叫左七成熟，配上薯角。另外跟餐有2個餐湯（算可以香滑）2個飲品（一般茶記飲品），二人餐認真2個大人食的話份量不夠。之後我地加點左一個主菜（香燒比目魚）個魚好滑，皮脆肉嫩。總體還算可以，就是份量比較少。環境不錯，價錢算OK

Although living in yoho is very convenient in terms of shopping and eating, sometimes I want to explore the hidden gems in YL neighbourhood too. Recommended by friend, we decided to try this little cafe and it didn’t disappoint us The sofa seats is really comfy and we can chill out the whole night We decided to go for the dinner set . The soup is broccoli cream, potato and bacon, it is not heavy and together with the pita bread , it’s a nice appetiser The second appetiser is mussel with cream. T

呢日一行二人嚟到位於元朗鳳攸南街嘅 Darci by Aldou食晚飯。餐廳面積唔係好大，但係整體嘅感覺舒服。是日餐湯 ($28) - 椰菜花薯仔煙肉忌廉湯 - 味道香甜，幼滑有質感。餐包帶少許煙韌，配以黑醋及橄欖油，味道唔錯。泰式無骨鳳爪 ($28) - 除咗鳳爪外，仲有番茄、紅洋蔥、洋蔥、紫椰菜、紅蘿蔔絲、生菜……等等新鮮材料，配上一個酸酸辣辣嘅醬汁，味道酸辣，口感十分爽脆，清新開胃。巴馬火腿牛肝菌意粉 ($128) - 意粉帶少許咬勁，配以鹹香嘅巴馬火腿薄片及味道芳香嘅牛肝菌，再加上爽口嘅洋蔥絲及略帶少許辛辣嘅火箭菜，味道豐富好食。蜜糖焗德國豬手配鮮菠蘿片 ($188) - 豬手十分大隻，帶有烤蜜糖味嘅豬皮爽口彈牙，入邊嘅豬肉口感爽爽地，唔嚡口，鹹度適中，配上略為燒過嘅鮮甜菠蘿，好食唔會膩，推介！玫瑰黃金桂/熱檸茶 (跟餐免費) - 食飽飽每人歎返杯靚茶傾下計。整體感覺，食物味美，我特別鍾意今餐嘅蜜糖焗德國豬手。同員工傾開，知道佢哋有另外一間店喺元朗馬田路叫 “Aldou Cafe”，下次經過開一於去試下。

好友住在元朗區，經常帶我食好東西，今次她介紹我到元朗鳳攸南街的 Darci by Aldou，這是一間西餐廳，帶點優閒，令人好 relax ! 這餐廳在元朗有兩間店，荔枝角就有一間 ULYSSA，我們下次會去荔枝角店的 ULYSSA 光顧，品嚐下不一樣的美食！餐廳設置室外座位，一邊進食一邊欣賞戶外景色，開揚寫意！店內裝修雅致，田園風格的佈置，地方整潔，舒適舒服。餐牌上有兩款 Dinner Set，海鮮、扒類、意粉、意大利飯等可供選擇  ;  另有 Seafood Time，時令海鮮 + 指定海鮮任食，還有暖意窩心比利時朱古力鍋、多款單點菜色及特色飲品選擇，造型 so fresh。我選了 Dinner Set $388 for 2，這套餐包括 : 頭盤、餐湯、意粉/飯、主菜、餐飲。先送來椰菜花煙肉薯仔忌廉餐湯，飲起來帶著薯仔忌廉的香味，口感幼滑，香氣撲鼻。配合沾了橄欖和醋的小薄餅一起吃，少少酸，好開胃，不錯。冬蔭功煮鮮蜆蜆肉鮮甜，肉質飽滿，份量很多，湯頭是濃濃的冬蔭功，以多種香料熬製，味道鮮甜美味剎那間已經給我們吃光了啦！巴馬火腿牛肝菌意粉牛肝菌與巴馬火腿同樣帶著鹹鹹香香的味道，配合爽口

滿意的一餐前一天訂了坐，我看完戲就到了，比原定時間早了，員工很快給我們坐位，她亦很有禮貌，燈光及氣氛亦很柔和，很放鬆的感覺，首先來了一個薄餅，簿餅本身沒味道，要點醬，但點湯好食好多，那個南瓜湯真係好好喝，很多蟹肉，之很那海鮮拼盤很新鮮，但生蠔就没海水味，肉眼扒肉質不錯，我叫了5成，煎得剛剛好，那個鮑魚燴飯就差一D了，飯硬了點，燴飯的汁真的很美味，最後係朱古力火鍋，他們用的朱古力不會太甜，我很喜歡那個甜度，整個過程都有人幫忙收盤加水，服務不錯，值得再試

已經唔係第一次幫襯呢一間餐廳，食過一次之後覺得啲嘢食水準高，而且餐廳環境舒服，所以今日又來encore啦-今晚同朋友點左一個二人套餐，包括麵包、沙律、餐湯、主菜、飲品，飽足💯-先上麵包同餐湯麵包熱辣辣，烘得外脆內軟，配既醬汁都好特別好夾，好味啊🤩而餐湯都非常真材實料，係好Creamy嘅忌廉湯，裏面仲有啲蜆肉添-之後就係沙律，煙三文魚沙律，二一個沙律係冇沙律醬嘅，而係灑上大量嘅芝士粉，不過感覺都好似無咁肥🤣🤣因為無被醬蓋過味道，沙律生菜都食到好鮮甜🙌🏻配上煙三文魚係點綴呢！-主菜來了，係蜜糖焗烤豬手配燒菠蘿片豬手非常大隻，而且配上蜜糖烤焗嘅方式，豬手皮係好香嘅蜜糖味😍帶微脆得黎咬落都有小小漿口感覺，而豬手都算煮得淋而入味，真係啖啖肉啖啖肉之餘有就雜果沙律🥗鋪係底，減一減飽膩感配菜嘅燒菠蘿片都燒到非常多汁，好甜！-最後係巴馬火腿牛肝菌意粉首先意粉嘅軟硬度適中，入口尚算彈牙，而呢一個牛肝菌醬汁感覺好開胃，無一般白汁覺得咁滯，因為二個人食一個豬手已經好飽啦哈哈🤣🤣餐廳上碟都好用心，擺得好靚-最後係兩杯熱飲餐茶-總結元朗呢一間小店的確值得一試，價錢中等但係食到嘅水準頗高^_^

今晚又係元朗出沒 諗住食西餐行過見到呢間幾多人就想試吓好唔好食因為入邊都滿左啦所以坐出邊但係個feel都好好㗎 坐得幾舒服佢個dinner menu每樣都係百幾蚊 最貴都係298西餐來講都唔算係好貴 好抵食我哋叫咗個頭盤 一人再叫一個主食 啱啱好一開頭有個忌廉湯都好入味 配埋個包 一流頭盤係泰式鳳爪 酸酸甜甜好開胃主菜叫咗一個parma ham牛肝菌意大利粉同埋蜜糖豬手配菠蘿意粉份量啱啱好 parma ham都好多 好好食豬手啲肉好嫩滑 好大隻好抵食個皮仲好脆添啊啲燒菠蘿好甜好多汁 食啖肉再食菠蘿就可以消滯 我哋兩個都係飲鐵觀音茶 唔會好苦澀如果多啲人嚟share嘢食就可以叫多幾樣啦佢而家仲有個朱古力火鍋 配料任食之後一定要再黎試啊

喺yoho mall行完街,一出商場過條碼路就見到有間幾有格調嘅西餐廳，所以就入去試一試。餐廳都有幾多款食物可以揀，扒或者海鮮都有，仲有唔同嘅set可以叫，不過我地最後決定散叫忌廉湯芝士薯格$68，好多芝士，好香口，兩個人食完都飽飽地帶子墨汁飯$158,必食！煮得好好味，唔會太咸，啲配料好match蜜糖豬手$188,好大隻豬手，有啲sauce可以點，燒得好香口，仲有四塊菠蘿，如果覺得太heavy,食塊菠蘿可以再食過

偶爾經過，被餐廳格局吸引而進入內～～見到做緊promo, 只需$99，（另加一）就可以食60min 朱古力火鍋/意粉/班尼迪蛋/雞翼薯格，超抵！決定一試！意粉係卡邦尼意粉，超濃超香，意粉軟硬適中班尼迪蛋，個醬汁真係整得好好，蛋又半熟剛剛好雞翼薯格，其實我最想食就係呢樣啦！雞翼有用鹽水浸過，咸咸地脆卜卜超正！！薯格都係勁香口，食唔停呀haha最後係朱古力火鍋～作為一餐既最後點綴～～有緣經過會有下次啦哈哈

本來想食隔離chef’s stage 但係太多人唔想等見呢間唔使等 環境同埋menu都ok就入咗呢間服務都唔錯，本來我地同人搭枱，見有空枱都肯俾我地轉過去。4人枱就坐得舒服好多啦。叫咗個溫泉蛋肉醬意大利粉，份量唔多，大食嘅應該會好唔滿足。味道好一般，好似大家樂嘅肉醬意粉仲好味。溫泉蛋蛋白略嫌唔夠滑，熟咗少少。帶子黑松路忌廉意大利飯又係勁細碟，味道ok，但係帶子其實冇咩味，既然都係平價急凍帶子，點解仲環扮高檔俾得個2粒呢？另外其實仲有豬鞍扒，但係同chefs stage差太遠，格梗食完。

又輪到新一段趕freelance時間起身約埋小區街坊去食個Tea叉電今次目標搵啲環境清悠但食物要有質素嘅餐廳比我地搵到一間鳳攸南街 二話不說起行原本想試All day breakfast 可惜已經賣晒 咁就改試煙三文魚班尼迪蛋鬆餅一刀劃開水波蛋 流心蛋黃即時湧出微酸班尼迪蛋加上荷蘭汁 非常開胃煙三文魚保留到魚油 夾於蛋與鬆餅之間三者互相配合 立刻喚醒我個大食胃而隨碟伴有兩件爽甜哈蜜瓜以及沙律好味之餘又健康再叫個蟹肉芝士忌廉意大利飯 呢個本人極度喜歡 誠意推薦首先蟹肉同蟹籽鋪滿飯面 絕對足料意大利飯濕潤度啱啱好 少少意大利人AI denta嘅嚼勁芝士與忌廉包圍每顆飯粒 令其帶有微甜但唔會膩實太欣賞呢個飯 好想請教大廚做法😂餐廳有唔少乾花裝飾同擺設加上安靜嘅環境總算令我煩燥嘅心情得以放鬆

悠閒既下午行左陣yoho mall 就想搵個地方食下午茶傾下計，又想坐得舒服既🤔Search 到lee 到🤔 岩曬la 2點半開始有下午茶😊價錢都好貼地😳重包野飲😳我就睇中左lee 個 蟹肉芝士意大利飯 ($58)係會輕輕有拉絲效果既芝士飯🤗 上面重有蟹籽🤤濃濃芝士配有蟹肉既意大利飯☝🏻唔會過咸，味道岩岩好，飯粒，可以話係粒粒分明🍚🍚蟹肉同飯既比例岩岩好！真係一匙羹飯絕對會有蟹肉load 番🤤😌朋友睇中左煙三魚班尼迪 ($62)大大件既哈密瓜，甜甜的😊係食完濃味蛋後中和番口腔既小清新🤗係爆曬醬既班尼迪😳😌咁先收貨既！配埋熱辣辣既包同埋煙三文魚可以話係三重口感🤤好味🤗 煙三魚好大片🤘肉質新鮮不是合成煙三文魚👏🏻👏🏻👏🏻跟set 我地飲鐵觀音同埋熱檸水😊一人都係$60 炸😊好坐既cafe ****門口重有張台係可以歡迎狗狗人士😻好開心bro 💋😸

《Darci by Aldou》 #食在元朗📍元朗鳳攸南街9號好順利大廈地下60號-有一排都無黎雞地呢邊食飯 好多餐廳都轉左手 睇黎要慢慢再試下呢邊d餐廳啦 但今日就試左行到最入嘅呢間西餐廳先 仲有室外可以坐 都幾有feel架嗌左個飯同豬手 兩個都加左$28跟埋餐湯同餐飲，仲有個2人set其實都幾抵食，餐湯係粟米湯 都幾多粟米粒 但偏甜左小小。🔹蜜糖焗德國豬手 配 燒鮮菠蘿片 $188好多西餐廳都有咸豬手食 雖然我都幾鐘意食 個皮夠脆就好好味 但普遍都會太咸，所以見呢到有甜嘅豬手就一定要嗌！！個皮真係勁好味 好肥美🤤 好多蜜糖夠甜 個底仲有d薯仔粟米 最重要係有燒菠蘿！燒過嘅菠蘿係特別甜 正呀🔹帶子北寄貝墨汁意大利飯 $158帶子同北寄貝都好大粒 唔怕食到成口黑色都可以試下 整得唔錯 味道夠 淋度都岩岩好🔸凍檸茶檸茶偏甜同埋好多冰😂 今次無特別嗌小甜小冰🔸玫瑰黃金桂甜甜地嘅玫瑰味 幾好味🍴8/10

整親腳變咗鐵拐李屈悶在家，妹子放工回家話帶我去走走，佢已經叫定架車在樓下等著，落車先知係去咗元朗鳳攸南街，呢度附近好多各式特色食店。妹子帶我到門外有坐位的小店，店員見我撐著拐杖慢慢走近，即時把自動門保持開啟狀態，方便我進內並細心安排坐在靠近門口的位置，原來妹子早已靜靜雞預訂了位，時間尚早，店內祇有一枱客人，走的時候，門外的坐位也坐滿了。店面細細內裡裝修又幾骨緻喎，妹子就係睇中佢有氣氛格調，同時網上食評又話啲嘢好食，俾個驚喜讓我出來散散悶氣，响有情調的地方吃東西更治癒，好窩心呀。聽說佢哋嘅海鮮拼盤好吸引，可惜醫生話唔可以食有殼海鮮......唯有叫個魚餐頂住癮先啦。主餐+28蚊可以有埋餐湯和餐飲，等待食物時先來餐飲，我揀玫瑰黃金桂玫瑰、桂花和茶葉，好香桂花味，好飲妹子揀玄米茶，離遠已經聞到玄米香，一杯喝完就算太浪費，店員很樂意再添熱水，我們一添再添粟米湯餐湯係用新鮮粟米打成的，香鮮的口感跟罐頭不一樣， 粟米蓉比較幼滑，有吃到粟米粒的外衣。伴隨餐湯有兩件像比得包的麵包，外表烘得香脆，內裡軟熟，醮附帶的欖油和醋醬，熱辣辣，好好味呀。香煎焗比目魚配意式雜菜粒粒撒丁麵原本叫咗個香燒焗香茅鱸魚配西

係openrice訂左位，餐廳打黎confirm booking。 一聽電話，聽見打黎的女侍應大叫：「好痛呀！」 我嚇了一驚cut 了線， 後她再打黎，我先知原來係confirm booking 😓 所以一開始對間餐廳的印象分大減。粟米湯 正正常常海鮮唔夠新鮮， 整體黎計 蟹蓋最好味。全晚最好食係呢個risotto👍🏻牛扒，我地叫medium rare, 但好明顯，呢舊野係完全overcook左。 頭尾位熟到橡筋咁，咬都咬唔到⋯ 失望。 薯角， 完全唔脆。另外，餐廳冇自己既廁所借俾客，要去廁所，侍應話最近係隔離個up dup商場。果個廁所整潔程度係比公廁更差，沒有洗手液。若你食完海鮮要洗手/要去廁所，最好去遠少少yoho mall～ 建議餐廳可提供濕紙巾餐廳坐位好逼，隔離枱講乜都聽得一清二楚，兩張枱只隔開兩cm左右，基本上同一齊食飯冇咩分別～ 我可以接受譚x米線咁做，但西餐廳，不能。最尾，侍應話壞機唔收卡，因為冇人知會過我地，咁咪即刻去禁錢。然後個侍應一臉不高興，叫我移過隔離，叫我「慢慢等～　」 然後好快收走我地個甜品，一路收一路問我係咪finish。 Ok, 你都收緊啦？問黎做咩。好