Cubus 28 (已易手) 新餐厅

上個星期五同幾個friends去咗Causeway Bay 嘅Cubus 28 sport bar去飲返杯relax下😆，MTR去呢到大槪行十分鐘左右，呢到有2層，一層係餐廳，一層係酒吧，喺餐廳經樓梯上去嘅！呢到裝修得幾high class ，又有海景睇睇！開咗支invisible man奬勵下自己呢個星期返工返得咁chur~~ 。呢到d nuts好好食配埋紅酒啱啱好。🍷P.S 又有好多部大電視，睇波一流！！啱哂遲d去睇波😂。 我已經mark定下次睇波去呢間😛😛😛

今天同朋友去慶祝，選了銅鑼灣新商廈Cubus內的Cubus 28，環境靚，餐廳可選中式或西式菜，我們吃了每人$550的套餐。海膽牛油果藜麥蟹肉沙律，有半個牛油果，切到薄薄的，海膽是火灸，好精緻的前菜。金箔阿拉斯加蟹肉南瓜蛋白羹，滿滿的蛋白在碟底，就像平時吃花雕蒸蟹般，原來配上湯都好夾，蛋白好滑，湯好濃，加上金箔顯得更高貴。日本青芥末生菜盞配伊比利亞黑毛豬，生菜包平時多數泰國菜才吃，這款特別之處生菜新鮮高質，用中菜伴也不錯。黑珍珠海膽燒賣，以印有餐廳logo的木盒呈上，每粒燒賣下都有紙墊住，好仔細，燒賣上有海膽同黑魚子，燒賣裡有蝦同菇，都幾好食。火焰橙酒法式焦糖燉蛋，視覺體驗已經夠吸晴了，用橙酒淋上焦糖燉蛋的面上，看到了微微的火焰，禁不住拍了很多照片，哈！ 味道也很好啊，第一次有橙味的焦糖燉蛋，估唔到又幾夾喎，焦糖面都燒得好脆。

中菜用筷子，西餐用刀叉，看見枱上放置了中西的餐具，就知道這是一間結合中西的Fusion 餐廳了。餐廳名字是 Cubus28, 中文是貮捌，佔地三層，餐廳內設有獨立樓梯穿梭廿七、廿八樓和天台。Dinner Tasting Menu $550手撕法國鵪鶉伴海膽汁海蜇 - 這款前菜用了法國鵪鶉，伴以海膽汁海蜇，另外碟邊還有一些薄脆。海蜇非常彈牙，法國鵪鶉又嫩又滑，還有那些薄脆很香口。花膠螺頭片波士頓龍蝦 - 西式的龍蝦湯𥚃面放着中式的花膠和螺頭片，中西合璧，味道又沒有違和的感覺。金萡阿拉斯加蟹肉南瓜蛋白𡙡 - 阿拉斯加蟹肉上面放了金萡，南瓜湯下面原來還有一層蒸蛋白，口感十分豐富亦很特別。黑松露海皇鮑汁燴米形粉 - 米形粉用了意大利飯的方式去煮，用了中式的海皇鮑汁令味道似又似中式的燴飯，加上黑松露醬就更加香氣四溢。牛油果川味辣子雞 - 四川的辣子雞用了大量的辣椒去炒，加入牛油果中和辣味，是一個很創新的川菜。三文魚子鳳眼餃 - 中式點心鳳眼餃，三種不同口味，有原味、竹炭味和菠菜味。鳳眼餃上還放入日式的三文魚子。火焰橙酒法式焦糖燉蛋 - 甜品用了火焰橙酒令燉蛋做成外熱內冷，焦糖十分脆，燉蛋又很滑，

工作需要有時接待外國客人，帶佢地特色餐廳食飯飲野，朋友今次介紹我去銅鑼灣一間飲+食fusion 餐廳，客人到前與男朋友去體驗下先。一進餐廳，地方很寬躺我被落地玻璃的夜景吸引著，就要服務員安排窗邊坐位餐前先點了一round happy hour 🍸🍹我喜歡Wildberry Dream , 好fresh不太甜！打開menu ，菜色揉合了中式食材西式煮法，我喜歡花膠螺頭片的波士頓龍蝦🦞湯，兩者都是我至愛味道濃郁但又帶來中菜養生特色。日本客人挺喜歡中式辣菜，我們就點了牛油果川味辣子鷄，辣子雞好野味，配上牛油果整道菜口感up另外份量挺大足夠4-6人味嚐！另外再點了松露海皇鮑汁海皇燴米形飯，平日我對炒飯麵飯就一般，黑松露香鮑汁濃互不搶其特色，米形飯咬口像米飯但實質是意大利麵類，食落感受到廚師心思我和男友享受一個完美晚餐，值得推介客人的wine & dine list

交通方便， 離地鐵站約8分鐘路程，環境舒適，可🐅視海景，服務好，效率高，一個高質素西餐廳帶點中式玩意。Cubus 既湯無胃南瓜定花膠龍蝦湯都好足料，而且湯面放了金薄更顯高貴。頭盤：成個set dinner 最欣賞呢道菜，牛油果🥑蟹肉藜麥份外match，口感豐富，香而有咬口。米粉：鏍絲粉通粉就見得多，米形既粉都係第一次食，口感好特別，米粉中加左脆肉瓜粒、紅蘿蔔粒，滑得黎而爽口。臘味炒飯：必食必食必食🤪重要野要講3次！炒飯上放滿臘腸潤腸臘肉，糯米飯🍚飯粒偏長，煙煙韌韌，非常好食，繼豆腐火腩外，之一道男人的浪漫😂😂😘激情過後總是平靜，山楂糕清而不甜，為今晚畫上完美句號。

今日去銅鑼灣睇完戲，然後到位於利園附近的地方用餐，大廈名字為Cubus，餐廳位於28/F，並命名貳捌。一出電梯就看見一條設計摩登的樓梯，闊大的空間感，bar枱前的木枱還非常別緻，木枱邊凹凹凸凸，別有一番古物風味。前菜手撕法國鵪鶉伴海膽汁海蜇碟的外圍是一條條的脆脆，中間是沾滿醬汁的海蜇，上面有鵪鶉肉絲。將外圍的脆脆連同中間的海蜇一齊撈起，農曆新年期間更是有意頭呢。海蜇的醬汁有鹹香海膽味且Q彈新鮮。松草花黑松露野菌湯黑松露湯未入口，香味已撲鼻而來，索一索真是心曠神怡，味道濃郁加上鮮忌廉，口感細滑。黑松露海皇鮑汁燴米形粉粉粒粒做成米的形狀，每粒粉都沾滿了香濃的鮑汁味，入口啖啖鮑香，內裡還有新鮮的彈牙的帶子及蝦🦐肉，又有紅蘿蔔🥕及翠肉瓜作默綴，口感豐富特別，非常推薦這碟粉呢！三文魚籽鳳眼餃三文魚籽粒粒大大粒，脹卜卜，好fresh呀，一咬爆汁，下面的蝦肉大大粒，非常爽彈。

今次要去試試新菜式，中西合璧既Fusion 菜😉餐廳裝潢係西式既酒吧style，有吧枱，有得睇波。食物就融合左中西式既菜式，有中式點心、西式食材等等。餐廳採用Tablet 做餐牌，夠曬環保👍🏻今晚我地試左個Set Dinner前菜手撕法國鵪鶉伴海膽汁海蜇前菜用左西式既鵪鶉 配上 中式既海蜇，食落好似平日食既手撕雞海蜇，但用左鵪鶉去代替鮮雞肉，就更加有口感。湯羹花膠響螺片波士頓龍蝦湯平日飲既龍蝦湯都會好濃味，有時仲會太咸。但哩個fusion 加入左花膠，吸左龍蝦既鮮味，變相好入味之餘，仲調和左唔會過咸，除左龍蝦既西式鮮味，仲有響螺片既中式鮮味互相輝影😋好飲金箔阿拉斯加蟹肉南瓜蛋白羹哩個蛋白羹真係出人意表咁新奇。除左鮮甜既蟹肉之外，仲有碗底既一層蛋白羹。同龍蝦湯成為一個對比，哩個蛋白羹較為清甜，口味較為清淡。兩款湯羹各有特式，不妨每款叫一個大家分享試下。主菜黑松露海皇鮑汁燴米形粉本來想試下西班牙油香臘味炒飯，可惜賣曬第一次食哩一款既米形粉，賣相都可以，但佢既口感我就唔太喜歡，口感滑潺潺，質地比較硬身，唔似飯又唔似粉😂 不過其他配料 同 醬汁味道都好好味！😋日式青芥末生菜盞（伊比利亞黑毛豬）

每次，當感到工作壓力過大時，我總愛請半天假，到處吃吃喝喝來減壓，這天難得好友亦有此想法，所以，我們相約中午放工後，就到銅鑼灣走走，而第一站就是到 Cubus 28開餐。這家餐廳之前已經聽同事提過，知道中午的行政套裝非常抵食，價錢由HK$188起，凡惠顧任何一道主菜，就可以享用沙律吧的美食，以及可以揀選點心一款。沙律吧的食物選擇挺多，包括有沙律、冷盤及麵包，而所有蔬菜都非常新鮮，口感清新爽脆，就是吃光了，店員亦會很快為食物補給，超讚。 個人最愛就是青蘋果沙律，味道清爽，味道甜甜酸酸，加上內裏放了合桃及提子干，令口感變得更豐富，令人越食越開胃。 蕃茄濃湯的湯質濃稀適中，入口充滿濃濃的蕃茄味，味道不會過酸。竹碳金箔蝦餃加上金箔後，蝦餃即時顯得貴氣了，而蝦餃皮薄帶點煙韌黏性，而內裏放了滿滿的餡料，蝦肉既爽口又彈牙，推介。 黑松露海膽燒賣送上來時已經可以聞到陣陣黑松露香味，燒賣挺大粒，入口充滿濃濃的菌香，而海膽入口即融，質感亦令燒賣變得更油潤，加上燒賣內豬肉的脂香，很好吃。 盆曬生抽烤銀鱈魚烤銀鱈魚的份量不算很多，男生吃的話可能會覺得不夠，相反，女生的話就是剛剛好，銀鱈魚烤熟後，外層帶

今日去銅鑼灣行街，同行朋友就提議食fusion 菜，知道附近有一棟美食大廈叫cubus, 有間出名fusion 菜 cubus28, 上到去見到一個好靚既view, 大大塊落地玻璃，已經唔需要特別既裝修都已經非常靚，餐廳主打fusion 菜， 坐底一睇餐具就已經感覺得到，又有刀叉，又有筷子，已經餐具都非常特別，筷子亦都有返咁上下份量。餐廳meun 上面種類非常多，而且由於係fusion 菜，好多好特別既菜式選擇，好有驚喜，我地先叫左杯cocktails 做welcome drink, 2杯cocktails 都帶有fusion 既原素，例如西式既酒配中式既茶，味道亦都唔錯。食物方面，我地先叫左個櫻花蝦避風塘炒茄子，唔講唔知以為係炸豆腐，茄子炸得非常香脆，但裡面一d 都唔乾，仲十分淋，味道好惹味，唔會太辣太咸。餐湯試左兩款，第一款係花膠螺片頭波士頓龍蝦湯，一上枱已經好香，濃淡適中，而家味道好濃郁，龍蝦味亦都好重。第二款係蟲草花黑松露國菌湯，十分creamy, 材料非常多，啖啖都有濃郁黑松露味道。主菜方面就叫左個比較特別既funsion 菜，秘制蜜汁素叉燒，唔講都唔知原來係素菜黎，外表一d

中菜一般給予人的印象是傳統、經典、守舊，所以中菜餐廳是跟長輩用餐的首選，不過我今晚要打破這些框架了。今晚和周路兒吃fusion中菜。這家餐廳一共有兩層，上層是酒吧，下層是餐廳。餐廳燈光微醺，一片落地玻璃，可以眺望一方塊的維多利亞海港，對面的商業大廈仍然在加班，想到這裡，不禁唏噓，還是盡早點餐吧！餐廳設有一人套餐$550。包括前菜、湯羹、小菜或主菜、點心和甜品各一，飲品另外收費。⭐️手撕法國鵪鶉伴海膽汁海蜇將鵪鶉肉絲、海膽汁、薄脆和海蜇攪拌，儼如一道簡單版的「撈起」菜式。口感特別，海膽汁帶點沙沙的粗糙感，配上海蜇和薄脆，口感很豐富呢！⭐️金箔阿拉斯加蟹肉南瓜蛋白羹一小撮粉白相間的蟹肉點綴著奢華的金箔，華麗而美觀。嚐一口，南瓜湯口感綿密，底下還有一層蛋白，層次豐富有驚喜呢！⭐️黑松露海皇鮑汁燴米形粉將米形粉代替米飯，意想不到的驚喜！米形粉嚼起來軟軟滑滑的，沒有米飯的嚼勁，依家飽腹。配搭黑松露海皇鮑汁，配搭清新不違和。⭐️日本青芥末生菜盞生菜就像一個小兜，底深口大，上面放安格斯牛肉，以牛肉取替一般的碎豬肉，口感更嫩滑，更有肉香呢！⭐️黑珍珠海膽燒賣海膽上面點綴著魚子醬，燒賣很爽脆，裏面還有脆蝦，味道不

與外國朋友交流中西文化，最好就係莫過於以一頓飯、一頓豐富的晚餐體驗中西的異同。 今次就帶咗朋友去銅鑼灣的cubus28, 餐廳主打中西合璧嘅fusion菜， 餐廳食物用料配搭 令人意想不到。 最正喺餐廳位處高層， 一邊欣賞食物之餘 ， 一邊亦可以同時眺望維港景色。從餐廳的裝潢設計， 到餐桌器皿廚具的挑選，看得出老闆品味甚高， 在這個環境優雅高尚的地方用餐， 確是賞心悅目。前菜手撕法國鵪鶉海膽汁海蜇， 法國鵪鶉味道甚濃，龍肉質鮮嫩， 低膽固醇之餘又含豐富蛋白質。 海蜇拌上海膽汁， 爽脆可口。配上一條條的脆脆絲，讓口感層次更加豐富。花膠螺頭片波士頓龍蝦湯螺頭一向是中式燉湯的主角， 這次配上 波士頓龍蝦湯， 湯頭濃郁非常， 鮮甜黏口， 加埋啖啖的龍蝦肉、螺頭與及花膠 ，滿滿帶有中式燉湯的滋補，吃過後使人溫暖舒暢。-蟲草花黑松露野菌湯除了有濃濃的黑松露味外， 野菌被打磨混和於湯裡， 嘗到濃郁的菇菌味，湯頭幼滑，足料好喝。 蟲草花本身的味道不算太重， 但其藥用價值高， 配上矜貴的黑松露做湯一起吃，湯頭滋味陪增。-主菜牛油果川味辣子雞平常中菜以水果入饌，通常都是以 菠蘿蜜桃士多啤梨等。Cubus

鬼佬有Boxing Day，我們中國人亦毫不遜色，有一個拆利是日，通常是正月十五之後一日。統計了一下，差不多有一萬多，當中一封最大的是來自老闆，他的一封是五千元! 嘩! 跟Honey 說了就出事! 她要拿錢出來和她一吃一頓。地點、餐廳由她話事，吃中西fusion 菜。我們去了一間位於銅鑼灣Cubus 的高級餐廳 28。這裡的環境裡裡外外都靚絕，內的是指餐廳內的裝修氣派，外的是指從窗外望的景觀。聽店員說，下一層是酒吧，而上一層是天台露天餐廳。我們怕嘈吵，而外邊似乎想下雨，所以最終都是選擇坐在28樓。我點了一杯【Wild Awake】，它是一杯由薑汁、蜂蜜和威士忌混合出來。初嚐一啖薑味頗為搶口，後來又感到蜂蜜的滋潤，威士忌的份量不算多，對酒量淺的我是絕對能夠接受。而Honey就點了一杯【Passionate Dance】，它是一杯由熱情果、橙汁、Rum 酒混合而成。充滿果香味，非常易入口。前菜【海膽牛油果藜麥蟹肉沙律】賣相好吸引，頂層是海膽，中層是牛油果，底層是蟹肉、藜麥。牛油果味道淡得來有點豐膩油脂感，海膽味道鮮味特出，兩者一個含蓄，另一個霸道，fusion 出來又幾夾。【花膠螺頭片波士

剛過年十五，拆利是跟朋友吃一餐好的😄，這餐fusion中菜實在是值回票價。前菜選了海膽牛油果藜麥蟹肉沙律，海膽稍微火炙過，蟹肉很多，十分鮮味，加上海鹽，更能帶出海鮮的鮮甜味，跟牛油果吃來還不錯。餐湯分別點了花膠螺頭片波士頓龍蝦湯及點了金箔亞拉斯加蟹肉南瓜蛋白羹。龍蝦湯龍蝦味很濃郁，花膠大件，螺片鮮味。南瓜蟹肉蛋白羹的味道相對較清淡，蛋白滑溜。兩款餐湯都有特色，把中西飲食文化合併，配料十足。點了一款點心-三文魚籽鳳眼餃，餃皮有三款味道，黑炭、菠菜及原味，顔色突出，餃除了有三文魚籽，以大量鮮甜蟹肉及蝦肉為餡料，爽口彈牙，餃皮亦做得薄且軟硬適中。主菜有黑松露海皇鮑汁燴米型粉，黑松露很香米型粉口感有趣，鮑汁很多，海鮮配料足。另一主菜是日本青芥末生菜盞（安格斯牛），擺碟美觀，每一個生菜盞的牛肉份量比例都剛剛好，牛肉很冧，松子仁令口感更豐富，一點青芥末味道刺激味蕾，吃來整體十分出色，大家都很滿意這菜式。甜品是火焰橙酒法式焦糖燉蛋，待應在送上甜品後用橙酒淋上燉蛋再即時點火，造型很靚，燉蛋香甜creamy加帶點橙香，甜中帶清新果香。一流的環境、食具擺設及服務，配上精品美食，這餐絕對是fine dini

在Cubus 大廈原來隱藏著很好高級食肆，今晚朋友帶我到最頂層的新派中式酒吧餐廳，主打中西合璧的Fusion菜，CUBUS 貳捌佔地三層，一層酒吧，一層新派中菜，一層是天台座位，可遠望維港景色，裝潢風格創意時尚，餐牌用上電子menu，連餐具器具的配搭都經過精心選配，環境寧靜優雅。今晚選了$480位的晚餐，先來前菜- 手撕法國鵪鶉海膽汁海蜇，用法國鵪鶉取代了雞絲、 法國鵪鶉肉香鮮嫩，油脂豐滿，更含豐富蛋白質，底部放了拌上海膽汁的海蜇，同吃出奇地搭配，更有一些脆脆伴碟，一齊食口感會更多。湯是花膠螺頭片波士頓龍蝦湯，花膠螺頭多數出現在中式湯上，餐廳竟然將它跟龍蝦放在一起煮成西湯，濃厚的龍蝦湯，配上爽口的龍蝦肉，花膠同螺頭片，材料十足。另外有蟲草花黑松露野菌湯，黑松露野菌湯飲得多，黑松露跟野菌一齊打磨，一定是香味濃郁的，但配上養生的蟲草花，都是第一次試，蟲草花本身味道不是太濃，所以不會太搶味，只增加了口感。主菜牛油果川味辣子雞，份量幾大，辣子雞外脆內軟，不會太辣，再加上牛油果，多了一份奶油感。而秘製蜜汁素叉燒，用麵根做的叉燒像真度十分高，無論外貌及口感跟真叉燒真的有九成相似，連叉燒脆邊都做得到