Contrast

营业中

休息中

果日等朋友等到好攰好熱好肚餓，見依間野禁出名，所以就去食下😆間餐廳唔太多，但枱同枱之間偏近，所以都坐到幾多人下雞蛋布甸配house espresso 🍮黎到當然要叫最出名既雞蛋布甸。布甸份量唔多，有配espresso 可以淋上去食。但注意espresso真係好苦，落得太多會蓋過左雞蛋味🥚布甸上面啲cream 好輕身，好似食緊空氣咁，加埋有濃濃蛋味既布甸簡直一流🤩🤩錫蘭檸檬茶磅蛋糕🧁比想像中好食，本身唔太鐘意食依d 蛋糕，但食落好香檸檬茶味，仲食到有茶葉，證明好足料👍🏻🥰

禮拜六放工同朋友鬆一鬆，特來拜訪放咗喺waiting list試食區的Cafe！同朋友傾吓講吓，由長沙灣地鐵站行過嚟，大概10分鐘到，就好快到啦！在門口等咗大概20分鐘就有位，店員嘅服務態度都好有禮，點食物在櫃檯處理！餐具同埋食水放在一旁，都係自助形式！落單後冇幾耐，烏卒卒嘅墨魚意粉就到🍝，份量都唔少，食落去有啲脆脆口，其實黑蚊蚊都唔知佢係乜，食下食下發現原來配合了d菇菇，豐富左成個口感，墨魚方面都爽口嘅！仲有好濃嘅蒜蓉味，好香口，食完包保你啲牙同埋成個咀都係黑晒，建議初相識嘅情侶，唔好叫呢一樣嘢，費事太尷尬！🤪🤣😂另外，我哋仲叫咗一個🍔漢堡，切開時有少少難道，以為個漢堡會好韌，但食落口又唔覺喎，加埋啲雜菜蕃茄同芝士，一啲都唔覺得漏，再配合左一啲番薯條，甜甜的，食完一條又一條，為食妹食到停唔到口！朱古力咖啡，味道正常，略帶苦澀，都有好香咖啡味；玫瑰花茶，越飲越濃，花香味越飲越出，一啲都冇揸流攤！最後仲食咗一個布甸🍮，畫上完美嘅句號！先試原味一口，再淋上配搭嘅咖啡，有兩種唔同嘅味道；兩個人夾份食就啱啱好！正所謂少吃多滋味多吃壞肚皮！其實都食到捧住個肚走

位於長沙灣內街角落嘅一間型格cafe，Bookmark左呢間好耐，友人適逢喺呢邊放工，終於有機會試下佢😋😋平時經過見到好多人排隊，嗰日平日around2點去即刻有得入😋1️⃣墨魚汁扁意粉伴蟹籽 $78🌩好符合呢間cafe主題嘅一道菜🖤🤍一放上枱見到隻黑色大碟，黑色嘅墨汁意粉同橙紅色蟹籽白色Mozzarella配搭出強烈對比度，打卡一流⭐️🌩除左打卡之外，味道同分量都好出色😋扁意粉友人會覺得偏硬，不過我鐘意食啲有口感嘅，而佢煮得啱啱好😋墨汁濃郁，唔好睇佢成團黑色咁淨係得意粉咁，墨魚份量比想像中多，鐘意食墨魚意粉嘅人必選😋😋2️⃣牛肉漢堡配牛油果角 $102🌩黑色漢堡幾特別，漢堡肉雖然唔算太好肉汁但係勝在夠厚，漢堡整體嚟講不過不失👍🏼🌩沙律配菜亦唔錯，有唔同菜配上沙律醋，開胃之餘又可以抵消漢堡同牛油果角嘅油膩感😋🌩原本好期待炸牛油果會係點，expect佢會係類似炸薯角嘅感覺，但係牛油果本身冇乜味，又冇太大調味，個人而言唔係好習慣牛油果配搭炸糠油膩但係又偏淡嘅感覺，少失望💦3️⃣竹炭糯米窩夫配自家製牛奶雪條 $96⭐️⭐️呢個cafe最出色嘅就係佢⭐️⭐️原本同友人食完2碟main其實飽左，但係見到幾呢個甜品吸引

📍忌廉蟹子墨魚汁麵 🌟🌟🌟🌟🌟一個會食到你成口都係墨魚汁嘅麵，但絕對值得！！非常鮮味，墨魚有咬口得來唔會太韌，蟹子可以整體提升鮮味。忌廉汁唔會太多，恰到好處～ 呢個我絕對會encore！📍superfood salad bowl 🌟🌟🌟就咁睇個名未必知係咩嚟～但係就覺得超級正！有牛油果、半熟蛋、羽衣甘藍、火箭菜、藜麥......咁多蔬菜令自己食完都覺得健康咗！份量都幾大，覺得要兩個人先食得晒！📍Cold Brew Coffee (Columbia)呢種豆都算大路，不過佢炒得好香，濃濃嘅咖啡味一開樽就感受到！又係有驚喜，值得一試！咁熱真係唔飲凍野唔得！

呢間野，賣相高分，但味道就⋯一定冇下次！唔明點解假日會有人排隊食！仲話係呢區的打咭熱店！今日食午飯點咗個巴馬火腿黑松露意大利飯、matcha latte。先講個Risotto，賣相幾靚，味道算正常，但個米仲好生好硬，唔合格！食完幾個鐘都仲勁口渴，要狂飲水，肯定有落重味精！杯matcha latte味淡如水，冇奶味亦冇抹茶味！我知呢間係咖啡店，但非咖啡的飲品都唔洗hea成咁！我平時去開的咖啡店價錢同佢一樣，但質素好得多！

好在今日早到唔洗排隊 12點半左右， 呢間cafe 都算大 同多位 ， 今日雖然早左食lunch 但呢間cafe 有限時 70mins ，開頭以為點解得甘少時間 但坐耐左先知 都多人排隊 等大約1點半左右。今日叫左個all day breakfast 🍳 同risotto仲有玫瑰茶 。個all day breakfast 正常 無特別，但個risotto真係好難食，生米的d飯未熟！雖然我都知risotto 係硬身 ，但佢唔只係硬 係生米個 feel。但如果要排隊 我唔會等吧

話說我朋友個同事話依間野好好味，又成日經過都見到佢排晒長龍咁，今日其他餐廳lunch time 又full晒就試吓依間我哋坐門口嘅吧枱位，對於今日32度嘅溫度都坐到出晒汗，希望可以諗辦法改善一下，甘個環境就100分拉☺️入正題，今日我同男朋友嗌咗一個漢堡包🍔，意大利飯，墨魚汁意粉，仲有一杯凍朱古力先講講個漢堡包就不過不失，牛肉都幾厚又有汁，唔會太熟太乾，配埋d洋蔥同菇菌味道都唔錯，不過$102黎講就性價比吾高，但由於今日未食早餐其他野都吾太岩我胃口，無理由早餐食甜品架嘛🤣，所以我淨係得依個選擇男朋友嘅意大利飯對於佢個人口味黎講佢吾太接受到，因為d飯系偏比較硬身，中間系有少少夾生既口感，味道系吾錯既，不過服務員聽到男朋友話吾岩食，都即刻幫佢拎走左，轉左個墨魚汁意粉俾佢，依到好加分，照顧埋客人既個人口味同感受，希望俾到最好既體驗客人，系好有誠意既店舖！個墨魚汁意粉（忘了影相，借左朋友張圖黎用）等多10 分鐘左右就到咗，味道同平時出面食嘅差唔多不過不失，都幾大碟佢一個人都食唔晒，都算吾錯既！性價比高 由於我唔飲咖啡淨係嗌左杯凍朱古力，我覺得太細杯同埋好多粉，溶吾晒，飲落去系好鞋個種口感，飲一淡

呢排呢間cafe 討論度極高 令我忍唔住去潮下聖 🧸😇 星期六1230去到 好多人呀媽🥲🥲🥲 足足等到1:30 先入到 所以唔想等既朋友仔要早d去🙈 餐廳環境好開揚～ 半室外咁制 坐得都幾舒服 叫左個都幾出名既墨魚汁扁意粉配蟹籽 都真係啖啖墨魚汁 好濃郁 夠哂味 蟹籽粉量都唔算少 幾乎每啖都會食到蟹籽味 🥰 加左少少cream cheese 中和左咸味 配搭都幾好 ～ 賣相都唔錯 😍😊甜品叫左個好IG able 既雞蛋布甸配house expresso. PERFECT MATCH 🥰🥰 因為espresso 既甘苦中和左布甸既甜 食落唔會覺得好大罪惡感😂😂😂😂岩哂減肥人士既心理需求😙 布甸好Q彈 賣相好靚 返黎一定會再叫呢個🥰Cafe點少得咖啡🥰慣性都係叫左杯flat white～ 奶泡好滑身 咖啡味香濃 用黎結束一餐咁唯美既lunch 係最好不過但假日真係要早黎～ 等位位置屬於室外 夏天咁等法 都咪話唔熱🙂

因為早起在附近工作完畢，就梗係搵杯咖啡飲下，就係正附近就有間好簡約嘅 contrast ，就早上無咩人，所以好清靜好舒服。先坐下叫左飲品先，因為太過早還未有得點餐😬😬環境真係好正，鍾意佢個風格💛叫左杯凍朱古力比人飲😆😆自己叫左 Flat White 個拉花好靚呀😍到9點半開始可以點食物，就每人叫左一款，有人最喜歡食嘅all day breakfast 😋，佢呢度好特別咁用左竹炭多士，雖然食落都無咩分別，但係喜歡個賣相💛。我自己叫左一個蘑菇芝士煎蛋竹炭多士💛💛好食，d芝士仲拉絲，外脆內軟👍🏿👍🏿大滿足的早上💛💛💛

之前聽到一個傳說👻話每一間餐廳嘅淡季係星期二🧐當真😍去到竟然唔使排隊😙😙終於食到呢一間🙋🏻‍♀️長沙灣長時間要排隊嘅cafe💖感動🤣難得重要唔使排隊就入到去🥳黑松露蟹肉炒蛋多士👅分量超多嘅厚多士😋雞旦係炒到有少少濕潤💋蟹肉味都濃😺不過就係覺得個多士唔夠我覺得脆口👻👻All day Breakfast🍳 都係好足料的🤣🤣味道都唔錯❤️不過同啱啱嘅蟹肉炒蛋多士一樣過多士唔夠脆口😭同埋大蘑菇好似有少少生生地🙃雞蛋布丁配Espresso 🍮少有食到唔太甜嘅雞蛋布甸雞蛋味好濃郁👍🏻👍🏻👍🏻雖然話用餐時間只有70分鐘但係可能今日冇乜人我同朋友都座超過左一段時間都冇趕我哋走❤️👍🏻

💛#黃店依間長沙灣Cafe見前排ig好hit好多人介紹，裝修走黑白風格係文青cafe。人流都非常多，我12點去到剛剛好仲有位😛👓雞蛋布甸配house espresso $58雞蛋布甸係好食不過價錢貴咗啲。布甸好香滑有雞蛋香，好欣賞可以淋上espresso，好濃郁咖啡味正👍🏻面頭少許cream的甜味加埋特濃咖啡味好夾評分：8/10👓竹炭糯米窩夫配自家製牛奶雪條 $96同樣係招牌甜品，賣相的確好靚。窩夫係糯米質感所以煙韌軟熟係好食，不過嫌中間吾夠多糯米餡料，可以再飽滿多啲。中間cream同草莓嗓子，水果偏酸。旁邊有兜鮮奶醬汁，可以用來沾食窩夫，好似Oreo沾鮮奶食甘都幾得意。不過雪條係敗筆位大大扣分，味道質感根本就係凝固咗嘅忌廉，勁難食完全吾似雪條，俾條雪條拖低咗🥲評分：6.5/10👓巴馬火腿黑松露意大利飯 $88重忌廉汁夠creamy但個飯吾會太濕笠，幾鍾意真係用咗意大利飯有嗰個質感。反而黑松露偏淡唔太明顯。除咗飯面有巴馬火腿，飯粒當中亦混合左巴馬火腿粒添加左鹹香。評分：7/10

上星期同朋友食完之後覺得好好味, 已經好想同男朋友再嚟💓 所以今個星期即刻帶男朋友嚟試吓☺️上次朋友大約兩點到, 排咗好耐隊(大約九個字), 熱到爆炸🔥 不過店員好好都有提供風扇, 一路排隊一路吹冇咁熱🥲 用餐時間70分鐘⏱ (由步入餐廳嗰刻開始計⏳) 所以都食得有啲趕🥵 仲要係坐bar枱 (有少少迫但係都還可以)但係明知係咁都想再去, 你都知咩事啦😋今次同男朋友1點去到, 排咗大約15分鐘就入到去💓 今次坐嘅位置仲要好好多☺️ 環境好開陽, 好舒適☺️(差唔多兩點嗰陣又開始好多人排隊)天氣太熱啦, 一定要飲凍野❄️我叫咗 【🧊☕️iced latte $42 轉oat milk🥛+$5】佢哋呢度冇skimmed milk, 剩係得oat milk / soy milk) 咖啡唔會好苦澀, 好易入口🤎男朋友叫咗【iced matcha latte 🧊🍵 (少甜) $46】抹茶味都幾濃👍🏻 但係建議真係要少甜【墨魚汁扁意粉伴蟹籽🍝🦑🖤 $78】上次食完個墨汁意粉好好味, 今次encore🖤🖤🖤一上碟非常吸睛😍 隻黑色好實在🖤 睇得出好多墨汁😆 意粉嘅蒜香味非常突出, 好惹味😋 上面有蟹籽同埋好濃

不嬲都好喜歡去cafe ，朋友難得放假約我去cafe 飲下咖啡傾下計，當然即時搵下想去既cafe 店，見到長沙灣個呢間一直都好想去，去到門口見到好多人排隊，入到裝修都好簡單舒服😌 我哋好快選擇想食物同想飲野☺️～黑松露蟹肉炒蛋竹炭多士黑松露味道唔算好濃，蟹肉都可以，蛋食落去都好滑。份量都多！～牛肉漢堡配牛油角 牛油角要襯熱食，外脆內軟，牛肉漢堡份量都好大份，材料都好多，有洋蔥，芝士，大咖菇，沙律菜，牛肉，牛肉咬落去有啲乾身，～Falt white /Dirty拉花都好靚，飲落去咖啡味偏淡啲，奶味重啲，而Dirty 飲落去正常，

墨魚汁扁意粉伴蟹籽$78墨魚汁意粉好有光澤而且軟硬適中非常彈牙墨魚肉彈牙冇腥味意粉有微微咸味帶出海鮮既鮮味美味指數：9/10竹炭糯米窩夫配自家製牛奶雪條$96糯米窩夫即叫即做外表香脆內裡有軟糯既質感仲帶淡淡米香味牛奶雪糕牛奶味唔算好濃甜忌廉質地厚實 甜度適中又係一冷一熱既組合夾埋一齊好好食美味指數：9/10凍摩卡 $46咖啡同朱古力味唔算好突出沒有漸層效果不過冰融左都冇變淡味美味指數：6/10

咁岩朋友係附近做野 搵佢食lunch嗰陣簡左依間cafe 聽聞係一間幾人氣既cafe 。食飯時間黎 咁岩得番吧枱有位 前面仲有1枱3位等緊 入座之前都見到有人等緊位黎之前做左啲research 緊係食人氣食品：雞蛋布丁配House expresso($58) 同火炭糯米窩夫配自家製牛奶雪條（$96） 。價錢偏貴，不過依間就免加一 所以都合理。首先黎左甜品 雞蛋布甸配House expresso 味道唔錯 雞蛋味幾濃 唔會話太甜 不過個人覺得加埋house expresso就唔太夾 可以一甜一苦加埋就怪怪地。之後黎左最多人食既竹炭糯米窩夫 睇相已經覺得好吸引 黎到更加覺得吸引 急不及待打完卡就食 糯米味唔太突出 本人唔太好脆卜卜既野 所以佢林林地反而岩我胃口 加埋奶更加味道突出。 而自家製牛奶雪條就食落冇乜牛奶味 建議牛奶味重啲會更好題外話 餐廳限時75分鐘 同埋平日都幾多人 如果想黎記得要早小小