Contrast

营业中

休息中

兩組兩人等位。已經十分鐘有多。見靠窗bar 枱四個位，1及3位各坐一個人。所以問女服務員為什麼不叫其中一個移位便可以坐兩個。所以才請其中一位客人移動，客人亦十公願意。當枱執好，矮枱有人走。我想要矮枱，告訴戴眼鏡Cap 帽職員表示想要矮枱。但他說已經因為我要求執好Bar 枱。我表示：一早便應該要求客人移一移，我們觀察了十分鐘有多才出聲。男Cap帽話：我哋做嘢係就自己方便，今日爆哂單。我驚訝：乜話？就自己方便？佢答：係呀。係就自己先。我說：宜家我排先，係咪可以先揀位。佢才答：可以。呢個係老闆之一還是伙記？係咪因為食物質素唔錯，好生意就唔積極安排吓客人坐埋一邊，好讓客人不用在門口曬住等呢？墨汁意粉fb 超愛。黑松露蟹肉多士，黑松露味超濃。

Cold Matcha Latte（$50）口感順滑，濃厚得嚟又帶點清新，鮮奶同抹茶味道比例大約七三。開心果糯米窩夫 全份（$148）賣相不錯，打卡一流。竹炭窩夫，有四件，size 比一般格仔餅大件及厚身。即制，所以上枱時仲熱烘烘，表層脆身，裡面就好軟糯（可能係溝咗糯米粉），而且口感實在，唔會一陣風咁。開心果奶蓋，香滑、綿密，表面洒上開心果碎。意大利開心果醬，開心果味濃，甜度適中，同窩夫好夾。伊朗開心果碎脆脆，開心果味重，十分脆口，好味。椰子開心果金寶，少許椰子味，極度脆口。自家製牛奶雪條，味道十分濃郁，滿滿的牛奶味。餐廳環境舒適，員工有禮，食物及飲料質素不錯，但價錢對我來說就偏貴，久唔久一次半次都可以嘅。

🌈 #長沙灣 💛cafe #contrast 推出新主題《Taste the pride waffle》，朱古力味窩夫配上彩虹水果，仲有呢杯 #KissyPink (荔枝、石榴、青檸、伏特加、蛋白)，響應 #pridemonth2025🏳️‍🌈 ，表達對不同性取向的尊重、和而不同. CONTRAST BUT HARMONY🌈真係又靚又好味，仲好有意義！😋👍❤供應期至6月30日

住係長沙灣嘅我唔係第一次幫襯，但距離對上一次都接近兩年了…今次係無預計之下同兩個朋友黎！平日Lunch時間，唔使等位！-慢煮牛面肉熱那亞扁意粉：味道好，芝士碎同個汁配埋一齊美化左件事，扁意粉質感適中！牛面肉夠入味！-自家製開心果青醬雞肉扁意粉：叫呢個係因為好奇開心果配青醬嘅組合出嚟會係點？？結果佢真係夾到架喎！！開心果碎、芝士碎、加埋出色嘅青醬，加埋扁意粉就係正！仲要比起一般青醬意粉冇咁多油！實在出色！雞肉似係輕輕煎過，好食！-咖啡焦烤巴斯克芝士蛋糕比想像中好，食到淡淡嘅咖啡味，口感綿滑！-Flat whiteCreamy Pineapple BlackApple & Hibiscus Tea飲品全部正常發揮，好飲！

路過見到呢間舖都有條隊排緊，就諗住試吓啦環境OK嘅，裝修都幾特別侍應們嘅服務都幾好我哋叫咗一個飲品，兩款食物結論都係味道還可但係溫度真係令人冇乜食慾叫杯凍飲，杯嘢稱不上為凍，係和和暖嘅溫度另外兩款食物上枱都只可以用微暖去形容其中一個係墨魚汁嘅扁意粉，碟上有四粒墨魚仔，個心都係偏凍嘅另一款食物係薯條漢堡包，啲薯條又係凍嘅呢個價錢，唔算特別好平，但係我覺得食物溫度都係好重要嘅一個point，剛剛放上枱都食唔到應有嘅食物溫度，唔會有下一次囉

去開荔枝角長沙灣做嘢，做完嘢諗起好耐冇去尼間長沙灣人氣cafe 「Contrast」，cafe 以黑白色設計走型格風路線，出名自家製coffee 、甜品、意粉🍝，難得平日不用排隊等位，直入梗係要食個下午茶。除咗以前大受歡迎竹炭系列菜式，而家推出了近期大嘅開心果系列菜式。原本想試窩夫，但見幾大份怕食唔晒冇叫，叫了自家製開心果青醬雞肉扁意粉，估唔到有驚喜。✨自家製開心果青醬雞肉扁意粉 ✨ $96扁意粉軟硬度適中，滿滿開心果淡淡味道，扁意粉吸收了開心果青醬汁，吃到開心果碎與開心果青醬層次風味，雞肉又嫩口，非常好味道。✨白桃菠蘿茉莉茶 ✨$45 淡淡白桃有少少菠蘿味道又香又清新。喜歡貓貓的朋友都可以過嚟打卡，而家Cafe back drop 有個以貓貓做主題的《不笑的貓》的靚靚打卡位，喜歡💕 貓貓可以過嚟影相📸打卡。下次要嚟試吓開心果窩夫，見到賣相相當吸引🤩。

今次嚟到荔枝角及長沙灣工作，午餐決定帶同事到bookmark 咗超耐的Cafe，此Cafe是《Contrast》在2020年開業，主打黑白色走型格路線，除咗裝修上型格外，美食方面都好型㗎，墨魚汁意粉、牛肉竹炭漢堡、竹炭糯米窩夫、竹炭拿鐵🖤🖤🖤當日去到見cafe雖然開業五年，但依然人氣不斷，呢排又撞正大熱的開心果菜式，小妹迫不及待立即決定叫兩款主食及一款甜品～🍝自家製開心果青醬雞肉扁意粉意粉質感唔錯，淡淡開心果香味、開心果青醬濃稠掛汁，意粉醬仲包含開心果碎，口感特別😳勢估唔到開心果醬都可以配搭意粉呢種鹹食🫶🏻除咗開心果醬及意粉出色外，雞肉嫩肉程度也令人眼前一亮😍🍝慢煮牛面肉熱那亞扁意粉番茄牛面肉，好甜美，有番茄牛肋條嘅味道，牛面肉煮得好軟綿綿，同事都大讚好味🤤🧇開心果糯米窩夫濃厚的開心果醬配竹炭窩夫，黑色及綠色的配搭，再配埋牛奶雪條，無幾滋味的，不過越食越甜兩個人分享就有點膩，三人分享一份就剛剛好啦❣️真心好食，即使開業咁耐依然都咁高人氣，真係好難得，下次再分享更多美食資訊給大家🫶🏻

來到Contrast，居然見到前面有一條人龍，大概六至八人在排隊，因為專程來這裏食甜品，所以都繼續排，排了大概15分鐘就入座，不算等了很久。我們專程來試食出名的糯米窩夫，所以叫了一個全份竹炭糯米窩夫（$128），可能是因為糯米窩夫，沒外面沒有平時窩夫的脆口，竹炭窩夫味道比外面一般的窩夫沒有那麼甜，可以算是不甜，我喜歡，配上草莓/紅莓醬，很醒胃。牛奶雪條的牛奶味非常濃郁，而且好Creamy，中間的忌廉灑上紅色乾草莓，酸味味，很解膩，整體不錯。我個人比較喜歡外面脆口的窩夫口感，如果這個窩夫亦做到脆口，會是非常完美。另外叫了橙醬Tiramisu（$58），這個味道比較獨特，我未試過在其他甜品店吃過。這個橙醬內有些橙皮，令到整個Tiramisu味道非常清新。比起窩夫，我更愛這個橙醬Tiramisu。

🍝墨魚汁扁意粉伴蟹籽如果係同唔太熟嘅人嚟食真心唔係好建議🤣食到成嘴同牙都係黑色😛墨魚幾大嚿食起上嚟爽口🦑加左蟹籽卜卜脆更有層次🫶🏻🍞黑松露蟹肉炒蛋竹炭多士炒蛋幾嫩滑，蟹肉份量比想像中多🤣一啖食到哂蛋、黑松露同炒蛋3樣嘢最夾🥰🧇開心果糯米窩夫重頭戲開心果窩夫，全份有4件😛係全餐飯最期待嘅甜品，照舊都係配左條自家製牛奶味雪條，牛奶味超重🤩窩夫既口感外脆内軟，開心果奶蓋加超濃開心果醬係雙重口感!!!加左少少果碎同椰子crumble🥥估唔到原來同椰子味咁夾😋見到呢個窩夫新出左1個月度而且會定係轉，開心果控快啲bookmark試下😚

復活節假期～外賣左咖啡諗住係車慢慢嘆 不幸成杯倒瀉左係車😭😭😭諗住去再買一杯 有反影到杯蓋有啲鬆 建議加膠紙 痴一痴安全啲。店員二話不說 話沖過一杯比我🥹仲有痴返張膠紙🙏🏻👍🏻非常之有人情味我地都係長沙灣街坊 有時間唔中都會同朋友去食下野 吹下水飲下咖啡 布丁🍮同墨魚汁意粉我都覺得好好食👍🏻🫶🏻💕🫶🏻💕🫶🏻💕🫶🏻💕🫶🏻💕🫶🏻💕🫶🏻💕🫶🏻💕🫶🏻

今日接完朋友收工，已經成三點，午餐又不是，晚餐又太早，所以想揾一間cafe坐底輕食並飲番杯咖啡作精神食糧。呢間 Contrast 星期六日真係好多人。我地去到時都有人在等位。坐下時週圍望望，大部份枱上面都點了「開心果窩夫」。那我們當然也點一份吧。這個窩夫，以輕食來說，都很大份。如果一個人食，應該可以作為正餐。窩夫本身質感煙韌，但不會冧，非常有口感。雖然我本身不太喜歡開心果味，但開心果醬配這個窩夫很夾，所以我也完全地享受完它們。那個雪條我感覺如果是雪糕可能更好。不過就因為它是雪條，它融化得慢，反而可以慢慢食窩夫，又慢慢享用雪條。至於咖啡，與一般cafe 差不多，沒有失望，也沒有太大驚喜。下次來要試一試他們的意粉，我看隔離枱食得津津有味。

因為想搵個地方坐低傾下解，聞到陣咖啡味好正，所以入左去，非繁忙時間人唔算多，好有空間感好舒服，所以搵個位坐低都好容易。見到個餐牌有個開心果糯米窩夫，二話不說就叫左。（老細話先推出咗3個禮拜到)，4件窩夫好精緻咁擺係灰黑色既瓷盤上面，加咪其他搭配就好似一碟藝術品咁。翠綠色既開心果醬淋係黑色糯米窩夫既表面，好有食慾，仲有幾粒開心果碎粒+金黃色既脆脆，又增加左幾分色彩。側邊仲有支奶香味十足既雪條，比起其他地方既一球球雪糕會特別一D。撬開個窩夫，外皮酥脆，發出D細微既撕裂聲，切開後係鬆軟綿密既內裡。入口果下，開心果味好濃郁，濃郁得來又唔算好甜膩，同糯米窩夫個味夾得好好。加咪D果肉粒同脆脆，再加少少Cream食落好滑好正，口感好豐富。唯一美中不足既係，開心果醬的分量稍為不足，如果可以再多少少，應該更加完美。店員服務態度好好，特別係老細同一個戴眼鏡既女店員。有下次

開心果糯米窩夫$148（全份） 係附近食完米線，諗住過黎飲杯咖啡，點知見到menu 有開心果窩夫😍（聽聞呢間野啲窩夫好正，估唔到有開心果味）非常驚喜，我覺得佢個開心果奶蓋好濃開心果味，仲有啲椰子開心果金寶，椰子味又香，脆脆地好味😋同行朋友仔唔太好甜品同開心果，佢都話好食，正!問左店員，原來係新加入menu2-3星期左右，會唔會係期間限定就唔知，暫時就會繼續供應有喎。價錢唔算平，不過我就好滿意啦，食得開心🫶如果同$100既杜拜開心果朱古力比，我一定揀呢碟窩夫🤣🤣🤣不過就算係平日，中午時段仍然好多人，我哋食飽就走都唔敢坐得太耐阻住其他人。

其實想嚟好多次 自己是waffle愛好者 店舖就喺街口 開放式格局坐得舒服 附近亦有停車場泊車方便今朝去係去食個早餐 👍🏻👍🏻 pretty good男女staff態度好好 嘢食不錯 當然嚟到係食waffle 我試咗 香蕉waffle 香蕉上面有有脆口焦糖早餐包熱飲 試咗熱朱古力同行家人試咗latte 凍飲over$40加錢便可兩杯飲品都係小甜(冇另外request) 感覺健康啲waffle新鮮 飲品不太甜 好食一定會再來

之前都見過好多排隊，但今次終於有得試！佢哋嘅招牌甜品包括窩夫同牛奶雪條，窩夫外脆內軟，加上酸酸甜甜嘅乳酪忌廉，味道真係唔錯！自家製嘅紅莓醬清新又開胃，牛奶雪條香濃唔易溶，食到最後都保持住好質感