Contrast

营业中

休息中

食評詳見圖片說明。因為食完隔離間西班牙菜之後唔夠飽，所以嚟試下呢間cafe。無論我哋食之前同食之後，呢間都keep住多人排隊。我哋嗰陣應該都排咗起碼十五分鐘先等到入去。呢間cafe冇加一，有好多都要自己做，例如出去order，同埋自己攞餐具、斟水。冇濫收加一實在太好。呢間cafe真係普通cafe，非必食，同埋唔值得排隊。

長沙灣同荔枝角區都係工廠大廈為主，呢間Cafe係一間喺呢區少有可以攞嚟打卡嘅Cafe。呢間Cafe都可以算係幾出名同有人氣，好多時都要等位。個格調就幾好，不過美中不足係有啲枱未必坐得好舒服。嗰日我同另一半就嗌咗一杯綠茶latte，一個鴨胸Superfood沙律同埋大蝦蒜蓉扁意粉。我本身對呢啲打卡Cafe嘅食物質素就冇乜期望，但係我覺得啲食物質素係好過預期，味道好好，唯一差少少嘅地方就係個份量比較少，如果淨係嗌一份嘢對於一個成年男人係唔會飽肚。價錢唔算好貴，我覺得性價比幾好，我本人會推薦。

星期六天下午打算去食甜品，這間算是多人，但待客之道真是極大有問題！當日天氣都是很酷熱,企著熱等已經很辛苦，都知道店舖規舉是在門外等候，但當時近門口吉位是有，但聲稱是留位，但人未到，就算企入室內少少，借少少有冷氣等都要破驅趕，重有位帶cap 帽，身形帶胖嘅店員,眼睛射住我地等侯，那種不屑眼神，實在是完全不爽！ 須知規舉是人定，但請懂得變通才是永恆！香港飲食業相對比其他地方比下去，兼顧這些細位其實都是重要一環！不應只常說成本高地方少！

Contrast係一間行黑白型格路線嘅咖啡店，風格簡約時尚，啲食物高質又打卡able，份量足夠，食得飽，幾適合同朋友嚟小聚。▪️ 大桔朱古力粒粒糯米窩夫 $128呢個窩夫熱辣辣送上嚟，口感煙靭，有嚼勁。搭配嘅白朱古力同原味忌廉滑溜香甜，加上橙醬嘅酸甜味，真係幾有特色，成個味道balance得啱啱好，自家製雪條仲帶嚟一絲清涼感。▫️ 黑松露蟹肉竹炭多士 $72呢個竹炭多士嘅炒蛋滑捋捋，雖然黑松露同蟹肉味唔係太突出，但整體配搭都ok，外脆內軟，口感豐富。▪️ Orange Black $48呢杯咖啡對啡控嚟講唔錯，咖啡味濃郁，橙香同咖啡融合得幾好，飲落有層次感。▫️ Charcoal Latte $44就係一杯latte嘅味道，口感順滑，值得試下。舔脷指數：7/10 😁@hkfoodtaster📍 Contrast長沙灣福榮街512-518號依時大廈地舖

♡香蒜辣大蝦扁意粉🍝$88新鮮肥美的大蝦，淋上醬汁恰到好處的辣勁和蒜香，與Q彈的扁意粉完美融合，層次豐富，口感恰如其分。但唯獨是份量不是很多。評分：🤍🤍🤍.8/5♡竹炭糯米窩夫🧇$118（雜莓，希臘乳酪忌廉，乾燥紅莓，手工紅莓醬，自制牛奶雪條）這款甜品融合了多種複雜元素，層次感十足。先是酥脆可口的竹炭窩夫，搭配爽口的希臘乳酪忌廉，再以手工紅莓醬和自制牛奶雪條增添了清新酸甜的風味。最後用乾燥紅莓點綴，使整道菜的口感層次更加豐富。評分：🤍🤍🤍🤍.8/5♡竹炭拿鐵☕️$44這杯竹炭拿鐵香濃醇厚，口感同普通拿鐵差唔多。但係竹炭味道唔係好突出。評分：🤍🤍🤍.6/5環境 🍃🍃🍃🍃食物🍡🍡🍡🍡性價比💰💰💰推薦🌈🌈🌈🌈回頭🙋🏽‍♀️

本身見到門口好多人排隊都諗緊入唔入去，點知坐bar枱又好快入到去-咖啡選擇非常之多今次同朋友冇特別揀嘢食-淨係叫咗一杯橙啡同埋另一杯coconut coffee-都係我近來最鍾意嘅咖啡選擇兩杯都唔錯跟住個杯都好靚覺得同朋友過嚟chill住傾偈都好開心

一個人去食午餐Flat White 正正常常 飲落算silky諗住推介嘅主食有 牛肋條扁意粉 就嗌嚟食收$94 但啲牛肉真係少得可憐 勁細嚿好孤寒 完全靠啲意粉撈汁先填飽到個肚

🎨Contrast - 長沙灣文青Cafe既視覺盛宴😍隱身係長沙灣福榮街既Contrast係一間充滿藝術氣息既文青Cafe☕️。cafe既裝修同埋餐具都好岩打咭，快d約埋你既besties一齊去啦📸推薦必食1️⃣焦糖雞蛋布丁配Expresso：細緻嫩滑既焦糖雞蛋布丁，搭配香濃既Expresso，甜中帶苦，層次豐富。😋☕️2️⃣蟹籽墨魚汁扁意粉：蟹籽同墨魚汁配搭得好好，保持到鮮味之餘又唔會太搶，啖啖都係海洋既味道🦀🍝3️⃣竹炭車打芝士牛肉Burger：竹炭漢堡包配上車打芝士同勁厚既手打美國牛肉，視覺衝擊極強。牛肉仲勁鮮嫩勁多汁，必需encore😍🍔🖤🎨Contrast長沙灣福榮街512-518號依時大廈地舖

惡劣服務態度 排隊好耐 明明有位置 因為見到我三個人完全冇問我會唔會介意某啲位置就直接將位置讓畀後面嘅人 去reception度反映對此服務態度不滿 隨便敷衍講一句話"下次問你囉"

Contrast 開左好一段時間，但仍然保持到高人氣，每次假日中午時間都大排長龍，今次大約排咗半個鐘左右。已經多次食contrast ，今次就試佢夏天既新品。芒果糯米飯窩夫可以揀半份或者一份，最後想試多啲野食，所以揀咗半份。contrast 既窩夫唔止打咭靚，味道亦都不錯。芒果切半割開好吸睛，而且都好甜，而窩夫仍然保持到水準，外脆內軟，加埋糯米飯、牛奶雪條等食口感豐富。斑蘭芝士蛋糕比起窩夫有少少失色，希望斑蘭味可以再濃啲。

想食呢度嘅麻糬窩夫好耐！今日終於嚟咗，因為落雨所以唔使排隊就直接入得🤭餐廳環境寬敞枱與枱之間有一定距離，適合慢慢傾偈！食物方面，嗌咗竹炭麻糬窩夫，不過就有少少失望，窩夫質地同普通窩夫差唔多，冇乜特別煙靭感，都係有料案內所好食啲🙈配料有牛奶雪條、忌廉同雜莓，視覺效果好好，但係食落真係非常普通，$128全份有啲Overpriced慢煮雞胸沙律嘅雞胸做得唔錯，而且蔬菜都有好多款，欣賞！飲品我哋叫咗flat white 同orange expresso，咖啡香味欠奉🙈總結嚟講，都要試一次嘅，不過應該唔會再嚟luu

長沙灣Cafe環境好chill好舒服，街外路邊唔繁忙、唔嘈吵，好適合一人去me time/ Solo working/ Small Group Gathering。開頭望住佢個Menu 十分糾結去定唔去，因為一個人，但係又好想試食佢啲窩夫，見到啲相都好大份，怕食唔晒，點知去到見到佢Menu竟然有半份選擇！！！ 真係太照顧我呢啲一人行了！🫶🏽我見佢嘅半份都純粹係將四塊窩夫變成兩塊，其餘睇圖完全同全份冇分別，簡直係俾我食少啲，但依然能夠嘗試佢所有嘅好。竹炭糯米窩夫，首先最深刻嘅係佢嘅希臘乳酪忌廉，一開頭見到成大Pat cream真係好有負擔。點知食咗第一啖之後，完全覺得自己食緊Yogurt，一啲都唔膩，完全唔覺得有罪惡感，最後…竟然食晒！第二，佢嘅窩夫煮得剛剛好，咬落軟熟，同時外皮又唔會過熟，未到脆硬口感。之前食過一間個窩夫煮得脆到又硬又介口。第三啲紅莓醬、士多啤梨同埋牛奶雪條完全係豐富味蕾，冰火交融。一定會再encore兼要試埋另一個口味！

日日都3x度🥵🥵熱到痴線，凍啡走唔甩啦，見到有橙啡，其實我未試過，就trytry 啦🤣🤣一杯啡又點夠呢，斑蘭巴斯克啵，唔常見啵，但好好食啵，宜個懶偷得好好囉

吃過幾次的Contrast，窩夫表現一向出色，早餐限定的Menu比常駐菜式更得我心。六七十蚊包飲品，性價比高！環境以黑白色作主調，啱曬打卡！竹炭糯米窩夫每枱必點，窩夫不單外脆內軟，且入口煙韌，有點像麻薯波波的質感！搭配紅莓乳酪忌廉，還有一旁的自家製雪條，牛奶味很濃郁，是吃完也不會太有負擔感的甜點！芝士豬柳蛋窩夫早餐才有的限定menu，蛋黃切開是完美的流心，和厚厚的豬柳搭着吃，甜鹹的滋味更上癮了！煙三文魚沙律配吐司Cafe標配，想吃健康輕食可選這款

這間人氣咖啡店，長期都有人排隊。甜品及咖啡都很有名氣。咖啡店的環境舒適，空間感大。風格是偏向黑白風，很文青，十分有特色。很適合打卡及與朋友談天的好地方。店內的職員態度有禮及友善。另外，咖啡店只收八達通及現金。我最喜歡的是他們的巴斯克芝士蛋糕。在Instagram看到他們有新出的口味，所以專登去長沙灣買了兩件返屋企試一試。每件的價錢是$50。今次新口味是泰國風味的斑蘭味及泰式奶茶味。❇️椰子斑蘭巴斯克蛋糕這個蛋糕很適合打卡，很吸睛。蛋糕面顏色焦得好均勻，焦得啱啱好，蛋糕很流心，斑斕味很特別啊。雖然不太覺得有椰子味，但這個蛋糕很出色會再回購！❇️泰式奶茶巴斯克蛋糕同樣蛋糕很流心，有芝士味。都有泰式奶茶的風味。不過鍾意椰子斑蘭巴斯克蛋糕多一些！