影片
更多
2021-06-08
214 浏览
話說我朋友個同事話依間野好好味，又成日經過都見到佢排晒長龍咁，今日其他餐廳lunch time 又full晒就試吓依間我哋坐門口嘅吧枱位，對於今日32度嘅溫度都坐到出晒汗，希望可以諗辦法改善一下，甘個環境就100分拉☺️入正題，今日我同男朋友嗌咗一個漢堡包🍔，意大利飯，墨魚汁意粉，仲有一杯凍朱古力先講講個漢堡包就不過不失，牛肉都幾厚又有汁，唔會太熟太乾，配埋d洋蔥同菇菌味道都唔錯，不過$102黎講就性價比吾高，但由於今日未食早餐其他野都吾太岩我胃口，無理由早餐食甜品架嘛🤣，所以我淨係得依個選擇男朋友嘅意大利飯對於佢個人口味黎講佢吾太接受到，因為d飯系偏比較硬身，中間系有少少夾生既口感，味道系吾錯既，不過服務員聽到男朋友話吾岩食，都即刻幫佢拎走左，轉左個墨魚汁意粉俾佢，依到好加分，照顧埋客人既個人口味同感受，希望俾到最好既體驗客人，系好有誠意既店舖！個墨魚汁意粉（忘了影相，借左朋友張圖黎用）等多10 分鐘左右就到咗，味道同平時出面食嘅差唔多不過不失，都幾大碟佢一個人都食唔晒，都算吾錯既！性價比高 由於我唔飲咖啡淨係嗌左杯凍朱古力，我覺得太細杯同埋好多粉，溶吾晒，飲落去系好鞋個種口感，飲一淡
我哋坐門口嘅吧枱位，對於今日32度嘅溫度都坐到出晒汗，希望可以諗辦法改善一下，甘個環境就100分拉☺️
入正題，今日我同男朋友嗌咗一個漢堡包🍔，意大利飯，墨魚汁意粉，仲有一杯凍朱古力
先講講個漢堡包就不過不失，牛肉都幾厚又有汁，唔會太熟太乾，配埋d洋蔥同菇菌味道都唔錯，不過$102黎講就性價比吾高，但由於今日未食早餐其他野都吾太岩我胃口，無理由早餐食甜品架嘛🤣，所以我淨係得依個選擇
男朋友嘅意大利飯對於佢個人口味黎講佢吾太接受到，因為d飯系偏比較硬身，中間系有少少夾生既口感，味道系吾錯既，不過服務員聽到男朋友話吾岩食，都即刻幫佢拎走左，轉左個墨魚汁意粉俾佢，依到好加分，照顧埋客人既個人口味同感受，希望俾到最好既體驗客人，系好有誠意既店舖！
個墨魚汁意粉（忘了影相，借左朋友張圖黎用）等多10 分鐘左右就到咗，味道同平時出面食嘅差唔多不過不失，都幾大碟佢一個人都食唔晒，都算吾錯既！性價比高
由於我唔飲咖啡淨係嗌左杯凍朱古力，我覺得太細杯同埋好多粉，溶吾晒，飲落去系好鞋個種口感，飲一淡朱古力系要配2淡水個種黎，我個人都系鐘意Starbucks依d普通野多d😆下次會試下花茶☺️
不過可能我哋比較少去文青Cafe，我男朋友攞咗最就近嘅木餐具用餐，點知店員話原來d木餐具係俾外賣既客人，堂食餐具要自己去拎，我男朋友都即刻尷尬左，飯都即刻擺低😂
我個人認為店員配備埋餐具俾客人，會令到客人嘅感覺更加良好，對於第一次去嘅客人亦都唔使帶口罩再走來走去拎餐具甘麻煩😃事因我食到中途跌咗把刀，我都費事帶返口罩再行過去拎，唯有用叉同埋匙羹切開個漢堡包就算
總括來講餐廳嘅性價比比較低，食物方面可以再加強反，但店員禮貌系好好，十分滿意，欣賞，不過而家疫症時期比較敏感，我見佢哋啲杯都係沖一沖，好似都冇用洗碗液甘，雖然話其他餐廳可能都係咁，但係佢係我面前洗，我可能就有少少接受唔到，因為我本人都比較鍾意乾淨同埋洗碗一定要有泡
张贴
