Bistro La Bon (已結業)

又要諗食咩既時候，响openrice碌下碌下發現到觀塘呢間新開既餐廳，逢星期一同三，6點後入座就main course 買一送一，就同男朋友去左食🤤入到去環境同燈光唔錯，幾岩情侶黎。我地就叫左個鵝肝浸紅酒梨 $138，賣相同伴碟睇得出一花心思，食落啖啖油花，配埋個麵包平衡番個膩既感覺。另外再叫左2個肉眼扒 $348 ，呢個都煮得唔錯，我好怕啲肉靭，但呢個又唔會，食落都好多肉汁，juicy,唔會話太乾，配埋調味料整體幾唔錯，亦都有少少配菜，都正常。不過價錢黎講係有少少貴既，埋單每人接近300蚊，但好食都值得既

今日同同事放工嚟到呢一間西餐廳食嘢，餐廳環境較昏暗，感覺高級，枱同枱之間有一定距離，感覺好友私隱，但係價錢又唔算貴喎，兩個餐除開先一人三百幾蚊，可惜無影張單！而且嘢食都好好味，真心想推介俾大家。因為餐牌實在太多選擇啦，所以我哋決定叫佢嘅套餐！一個套餐係包湯、麵包、前菜、主菜，同埋甜品，除咗主菜之外，其他都係安排好嘅款式。主菜方面有幾款嘢食俾你揀，有飯、有意粉、亦都有扒等等。所以唔使驚唔啱你食，但係如果真係唔啱食都可以揀返散叫嘅，因為佢選擇都比較多。當日嘅湯係西蘭花忌廉湯，隱隱約約食到少少西蘭花碎，相信係新鮮打出嚟，而且用粉沖嘅，而且感覺好忌廉好香！另外個麵包係黑糖麵包嚟嘅，食落有少少甜甜地，係清甜，非常好食而且好鬆軟。前菜就有個炸蝦配麵包，炸蝦內鬆脆內彈牙。主菜方面，我就叫咗個帶子伴意粉，我朋友就叫咗個和牛。帶子意粉嘅帶子好新鮮，邊度啱啱好，火候控制得好好，另外意粉每一條都沾滿左忌廉。至於和牛，我建議大家一定要叫，佢嘅份量好多，好林，好有牛味，完全唔會輸比其他高級餐廳，而且仲會陪埋薯菜，好飽肚。擺碟都非常之靚呀，令我食慾大增。甜品呢，我哋本來以為好似其他餐廳咁，都係送下雪糕就算。但係原

同朋友去APM行街，搵左呢間坐得好舒服嘅地方，位置寬敞，比我地嘅感覺好放鬆，放假三五知己閒聊下就好perfect，最好係呢度12:00-17:00係免加一!生啤脆漿炸魚漢堡伴薯條好得意，第一次試個脆漿係有啤酒成份，入口真係有少少啤酒口味，好有趣特別又夠脆，漢堡包嘅包皮好有牛油嘅香味，好吸引!燒加拿大豬架配蜜糖芥末汁豬架好厚，入口好JUICY，好林，個汁好似係桂花糖的味道，配上豬扒都好特別，佢嘅配菜都非常高質，好香滑嘅薯蓉同其他蔬菜。

嗰日去咗觀塘接朋友收工，於是就搵吓附近會唔會有乜嘢嘢食，見到呢一間原本係另一個地方嘅鋪頭，原來搬咗過嚟新鋪位，於是就上嚟試吓。一入到門口就可以見到一排好靚嘅酒櫃，放滿晒紅酒好療愈。我哋叫咗牛油果虎蝦沙律，白酒煮蜆，煙肉洋蔥意大利粉，法國無骨燒春雞。呢一個牛油果虎蝦沙律份量啱啱好，唔會太少，又唔會太多。而且我特別鍾意佢嗰兩隻虎蝦，大大隻，又煎得好香口，好脆，加埋啲甜沙律醬真係好醒神同開胃呀。至於呢一個白酒煮蜆，唔會有好多隻合埋左口嘅蜆。終於嚟到主菜，煙肉洋蔥意大利粉，唔好睇佢好似好簡單，其實用嚟配酒就好夾啦。原因係佢煙肉味道比較重，配埋我嗌嘅嗰一杯mango rita，一啖重味道嘅意粉再加埋一啖酒，啱啱好可以喺口腔入邊中和左。呢個時候就上埋另一款我哋好期待嘅嘢食，就係法國冇骨燒春雞。一切開啲肉汁就已經流晒出嚟，而且出乎意料之外雞肉好嫩，唔會太熟，諧烚烚，連我嗰個唔係好鍾意食肉嘅朋友都大贊佢舊燒春雞夠晒嫩。最後我哋仲食埋一個精緻嘅Blueberry cheese cake，好滿足。順便一提呢度嘅服務好好，我哋食完一道菜，之後都有過嚟幫我地換碟同刀叉，我真係以為自己係高級餐廳食飯啊。

My dad and I wanted to try out a new restaurant for brunch on Saturday. We came across this one in Kwun Tong. It had many good reviews so we decided to try it.The restaurant is quite spacious. Everything was newly furnished. We sat on a plush sofa near the window.They have a lunch set, which we were told changes every week. My dad ordered set H and I ordered set G. I was happy to see that the sets include both a salad and a soup (so I don’t have to pick between the two 😜) The food came pretty qu

今夜食西餐不知是翻新工廈還是重建反正就是沒留意忽然開左幾間新餐廳😄不過總體上沒有很大的驚喜呢😃😃餐湯是西蘭花薯蓉湯🤤這個好飲🍵食到有少少薯粒🥔味道香濃🥦好快飲哂⭕️厚切黑毛豬架肉質很林是很好🐷但愈食愈咸呢😨安格斯牛扒肉味挺香濃是正常發揮🐂但略嫌Grill 味不夠羊架朋友話話普普通通🐑唔夠羶😂但唔食羊就覺得好羶喇😂伴碟那些綠色cream 不知想怎樣😂覺得色素超強，吃了又只有甜味⁉️沒有反而更好吧？或是用真正綠色材料總體是👌🏻朋友傾計都不錯🤗餐廳做緊promotion飲品買一送一

呢日嚟觀塘搵朋友食晚飯，上網見到有新餐廳，環境好似唔錯，又有優惠，所以嚟試下。個位置其實幾近地鐵站，不過入大廈口個位凹咗入去，好易行過籠😅。一入去就見到餐廳好多人，估唔到星期一都咁full house，餐廳好大，店員帶咗我地去轉彎角落位，感覺private啲啱哂傾計。呢到有set dinner亦都有單點，由於星期一同三晚有主菜買一送一優惠👍，所以我哋散叫。首先叫咗特式凱散沙律($88)🥗，份量唔少，有好多煙肉粒，啱哂餐前開胃。之後就係要咗是日餐湯($68)🥣，好似係忌廉湯，幾creamy有好多餡。小食就要咗白酒煮蜆($168)，有勁多隻呀，幾新鮮，配埋個汁唔錯👍。主菜呢，由於見到隔離枱叫咗個🇩🇪德國香腸拼盤($248)好似好吸引咁，所以我哋又跟機🤣，但後悔了...，因為個份量勁多，有四款腸，每款都大大碌，一開始都唔覺咁多，食落就好快飽哈哈，中間仲有薯蓉添，加埋啲洋蔥粒好香口。腸我就鐘意食紅色嗰兩款多啲，彈牙，脆皮。不過真係好飽，我哋食咗成粒鐘🙈，因為諗深啲呢個應該唔係for兩人，well隔離枱係一班人八個到......，哈哈，所以無錯係啱share食的。好彩呢到服務好好，係會等你食完一

懶懶地，今次就去左位置都幾方便既官塘試下西餐。入到黎，第一個感覺就係廚房人好多～點左兩個沙律，一個特色凱撒沙律（$88），一個香煎帶子沙律配蜜糖黑醋汁（$148）。個人認為，帶子沙律比較吸引我，一黎蜜糖黑醋汁酸酸甜甜既味比較特別，二黎帶子又大粒，煎得又夠嫩滑，相當好食。另外我地仲點左三款飲品。我覺得黑莓既特飲比較突出，仲真係有好多粒黑莓甜甜既俾你試下添。另外兩款頭盤，我地點左白酒煮蜆（$168）同香煎法國鵝肝（$138）。白酒煮蜆方面，我地一致認為佢既蜆好新鮮，唔會有咩奇怪既腥味，又唔會有沙。白酒煮出黎既味道都幾特別，濃濃地咁幾好味。鵝肝就當然好食啦，油香十足，配上清甜既生果同脆脆既面包，口感同味道都好滿足到。黑松露野菌忌廉湯（$78）。佢黑松露味真係超級濃郁，一入口就係各種菇菌味。口感方面，因為都有忌廉既關係，成件事好rich。跟著叫左一個黑松露意粉。意粉生熟程度剛剛好，夠曬咬口。黑松露味濃淡適中，一流。燒德國豬手（$238）。豬手皮脆肉嫩，外面仲卜卜趣，但裏面又唔會太過鞋，又唔會太過乾。法國無骨燒春雞（$218）。黑松露味相當突出。最後既甜品拼盤。我好欣賞佢既絲絨蛋糕同朱古力慕絲。

我們今午(1-4時) 趕著在牛頭角上課，只吃了少許東西，課後與其中一隻豬仔在觀塘吃Late Lunch，我倆計劃晚上回家吃點水果便算。他帶我去了一間新開不久的西餐廳。他説點午餐做新張優惠，不加一。地方頗大，開揚簡約，我們枱的左邊有個玻璃門房間, 自成一角，聚會夠人數可以包來用，還看到後面室外大平臺，可以在外邊用餐的。午餐： 包了餐湯，沙律與飲品菠菜忌廉濃湯濃稠度剛好，青色菠菜粒味清香，吃到有薯仔小粒粒添了口感，配上微脆長條棒棒餅味噌牛油汁紙包焗比目魚伴飯有兩件魚與下層的伴菜，比目魚軟嫩，皮脆外連小骨也可吃下，只是主骨不能吃，除魚本身的油份，少不了牛油的香味，少鹹，空口吃也可，粉粉的南瓜，軟軟的茄子與翠肉瓜，帶著本身的蔬菜味與牛油香，不要以為白米飯很少，擠得實實，粘得有煙韌口感，但沒有失掉柔軟度。甜椒乳酪醬炒羊肉伴墨西哥烤餅有想像過在餸與烤餅中間會挾入飯，黃薑入飯慣常是增加顏色，而不會帶有重薑味；豬(G) 叫我吃點，我把烤餅撕開挾了羊肉與料頭甜椒同吃，烤餅不油膩，羊肉微羶味，肉腍有咬口，因料頭內帶有少許獻汁，吃下不會感乾身，羊肉伴飯是正常的飯餐，一個餐配搭了兩種吃法，食物，加心思，與價錢

今次嚟試試觀塘呢間餐廳新開嘅西餐廳，雖然係樓上舖，但係都好易搵，喺APM沿電梯一落去，轉右直到就搵到。一入到去覺得好有情調，環境好寬敞，外面仲有露天座位～我就揀咗室內座位。除了情侶外，都有幾班人來食。聽staff介紹，原來可以私人包場！無論係包廂定係室內外座位都可以，好啱公司聚會、搞下mini party咁～～開餐啦～青口啲肉好嫩好稔，細細隻，鮮甜得嚟帶有淡淡白酒同洋蔥味。火候恰到好處，唔會煮得太老搞到啲肉好實。份量都唔少，有十幾廿隻。上菜時仲準備個碗比我哋放食完嘅殼，好貼心！帶子好鮮甜彈牙，煎得啱啱好，表面好香脆，入面又唔會太熟，配上香草醬，味道特別。沙律係食西餐一定會有嘅前菜，份量適中。啲菜好爽口，巴馬火腿中和咗菜嘅苦澀味，仲有蕃茄仔點綴。呢道菜式好特別，外皮係酥皮整，咬落好鬆脆，內餡係攪碎嘅菠菜同cream cheese，仲有一粒粒栗子嘅口感。第一次食呢種配搭，幾新奇。個湯好濃郁嘅磨菇味，啲磨菇攪碎晒，每啖都食到有菇，飲落唔稀而且好滑，好好飲。跟湯有兩個餐包，一個係黑芝麻味，一個係帶有淡淡茶味(?唔肯定成份有冇茶)，暖暖地而且好鬆軟，唔洗搽牛油都好好味。睇得出廚師喺製作餐包上都放

這天朋友相約一同前往觀塘工進下午茶，餐廳位於觀塘的商業區，鄰近附近地鐵站路程約需五分鐘左右，地理上還算方便快捷。光顧這家餐廳全因為派發的一張傳。 內容包括以下優惠，新張期內十二點至五點免收加一，另外happy hour時段更提供買一送一優惠，外賣飲品每杯減10元， 優惠種類還算豐富。食物方面，前菜沙律分量十足，蔬菜用料新鮮，最重要乾淨又清新。主菜方面，我點選的就是豬肋骨拼薯條，性價比十足。 豬肋骨醃製時間充分，入口味道豐富， 配搭香脆可口的薯條，又成一道佳餚。這次我們是吃下午茶，但晚市消費滿300元更送上特盛刺身一客，有緣再見。

觀塘工廈轉型成為新蒲點越離越多，上星期去左巧明街國基集團中心四樓既"Bistro La Bon”，全楝大廈剛剛返新，而各層既食店亦陸續開幕營業。餐廳裝修高級優雅，三五知己放工後品酒傾計食晚飯既好地方，餐廳有屋外位置，秋冬天氣坐户外一流，而食物以優質扒類及生蠔海鮮為主，而坐位闊落舒服，感覺非常好。而食物方面，因為新開張，所以頗多優惠，餐廳逢星期一三晚main course買一送一，但當晚星期四，所以無此優惠，而晚餐亦性優比高，二百幾蚊有齊前菜主菜飲品等等。首先沙律係三色藜麥芒果牛油果野菜沙律，一個沙律有多層口感，芒果同牛油果新鮮好味，藜麥又健康，作為前菜清清口腔非常好。另外松葉蟹棒配炸芝士球非常有特色，原條蟹棒啖啖肉，新鮮好味，而炸芝士球外脆內軟好味道。而主菜分別點左西班牙黑毛豬及M5和牛，兩款扒都敢好味，黑毛豬一d都唔肥但係肉質保持嫩滑有口感，七乘熟和牛對我離講剛剛好，肉紅帶紅但不止於有血水，M5和牛質素有保證。最後離一個布典甜品作結，布典不太甜，加上朱古力醬剛剛好。餐廳無論環境及食物都有一定質素，性價比高。

好開心喔！尋日中午同事帶我去試左間新開嘅餐廳好高質，午飯時間坐滿要等位，環境好舒適，又大又型格。lunch set 都有9款，選擇頗多。連魚生丼飯都有好驚喜！12:00-17:00免收加一😁👏🏻👏🏻午餐又多一個好去處！我點咗B餐✨北海道海鮮魚生丼飯定食✨$128大蝦刺身、三文魚、油甘魚、帶子、三文魚子，新鮮又肥美好正啊！就連珍珠米都好軟糯Q彈，仲有去皮切件橙🍊同事點咗E餐✨味噌牛油汁紙包焗新西蘭鱈魚柳伴白飯$128✨味道都好好又啖啖肉，魚柳有兩大舊，魚下面有翠玉瓜、南瓜、矮瓜。👍🏻👍🏻羅宋湯、沙律菜餐茶轉cappuccino+$10

中秋個個去酒樓，我地就揀左去食西餐🍽頭盤先黎每人一碟芝士菠菜炸雲吞雲吞皮好薄，即使係封口個尾端、好多摺，都仍然食到好香脆嘅口感。唔厚粉，所以食落好鬆化。裡面嘅芝士菠菜亦好啱我口味，用嘅芝士唔係好濃味同搶味，所以仍然食到淡淡的菠菜香。配埋火箭菜沙律，中和返炸物嘅油膩感凱薩沙律冇錯，又食沙律😂但冇諗過咁大兜！有齊羅馬生菜、煙肉碎、芝士碎同埋麵包粒，麵包粒再脆啲更好龍蝦湯配餐包湯味道濃郁、口感creamy，請侍應加左少少黑胡椒，更加提昇味道德國豬手Plating幾靚，雖然紅菜頭汁係冇乜味嘅，但顏色就真係好靚。黃色嗰啲醬係蜜糖，同香脆嘅鹹豬手味道好夾。再次覺得呢度野食嘅份量好大白蘭地煮蜆意粉蜆肉乾淨冇沙，都算大大粒。意粉好香牛油同酒味雪糕窩夫！係我最中意食嘅綠茶雪糕！窩夫熱辣辣，唔似整定。水果配料竟然都唔係用罐頭桃，而係芒果，雖然份量唔算多但都欣賞最後嗌埋餐茶，呢餐真係滿足

最近太多暴動， 晚上都唔敢去油尖旺， 中上環等地方，轉移視線到比較安全的地點。 見Bistro La Bon 夠近APM 而且有露天位置， 網上post 既食物買相相當吸引， 試後果然不枉此行！先來愛爾蘭蠔， 嘩， 平時覺得Gillardeau 最正， 沒想到佢更肥美海水味濃而且帶子位勁大粒清甜， 真係想encore 吖！主菜點了澳洲M5 和牛和西班牙黑毛豬， 買相靚不在話， 入口後只有讚嘆與真心覺得性價比高， 牛味香濃， 豬口感與肉香沒法擋， 一口接一口停唔到口， 肯定會再來拜訪！