Bistro La Bon (已結業)

同朋友去APM行街，搵左呢間坐得好舒服嘅地方，位置寬敞，比我地嘅感覺好放鬆，放假三五知己閒聊下就好perfect，最好係呢度12:00-17:00係免加一!生啤脆漿炸魚漢堡伴薯條好得意，第一次試個脆漿係有啤酒成份，入口真係有少少啤酒口味，好有趣特別又夠脆，漢堡包嘅包皮好有牛油嘅香味，好吸引!燒加拿大豬架配蜜糖芥末汁豬架好厚，入口好JUICY，好林，個汁好似係桂花糖的味道，配上豬扒都好特別，佢嘅配菜都非常高質，好香滑嘅薯蓉同其他蔬菜。