影片
更多
2019-09-22
39 浏览
呢日嚟觀塘搵朋友食晚飯，上網見到有新餐廳，環境好似唔錯，又有優惠，所以嚟試下。個位置其實幾近地鐵站，不過入大廈口個位凹咗入去，好易行過籠😅。一入去就見到餐廳好多人，估唔到星期一都咁full house，餐廳好大，店員帶咗我地去轉彎角落位，感覺private啲啱哂傾計。呢到有set dinner亦都有單點，由於星期一同三晚有主菜買一送一優惠👍，所以我哋散叫。首先叫咗特式凱散沙律($88)🥗，份量唔少，有好多煙肉粒，啱哂餐前開胃。之後就係要咗是日餐湯($68)🥣，好似係忌廉湯，幾creamy有好多餡。小食就要咗白酒煮蜆($168)，有勁多隻呀，幾新鮮，配埋個汁唔錯👍。主菜呢，由於見到隔離枱叫咗個🇩🇪德國香腸拼盤($248)好似好吸引咁，所以我哋又跟機🤣，但後悔了...，因為個份量勁多，有四款腸，每款都大大碌，一開始都唔覺咁多，食落就好快飽哈哈，中間仲有薯蓉添，加埋啲洋蔥粒好香口。腸我就鐘意食紅色嗰兩款多啲，彈牙，脆皮。不過真係好飽，我哋食咗成粒鐘🙈，因為諗深啲呢個應該唔係for兩人，well隔離枱係一班人八個到......，哈哈，所以無錯係啱share食的。好彩呢到服務好好，係會等你食完一
呢日嚟觀塘搵朋友食晚飯，上網見到有新餐廳，環境好似唔錯，又有優惠，所以嚟試下。個位置其實幾近地鐵站，不過入大廈口個位凹咗入去，好易行過籠😅。
一入去就見到餐廳好多人，估唔到星期一都咁full house，餐廳好大，店員帶咗我地去轉彎角落位，感覺private啲啱哂傾計。呢到有set dinner亦都有單點，由於星期一同三晚有主菜買一送一優惠👍，所以我哋散叫。
首先叫咗特式凱散沙律($88)🥗，份量唔少，有好多煙肉粒，啱哂餐前開胃。
之後就係要咗是日餐湯($68)🥣，好似係忌廉湯，幾creamy有好多餡。
小食就要咗白酒煮蜆($168)，有勁多隻呀，幾新鮮，配埋個汁唔錯👍。
主菜呢，由於見到隔離枱叫咗個🇩🇪德國香腸拼盤($248)好似好吸引咁，所以我哋又跟機🤣，但後悔了...，因為個份量勁多，有四款腸，每款都大大碌，一開始都唔覺咁多，食落就好快飽哈哈，中間仲有薯蓉添，加埋啲洋蔥粒好香口。腸我就鐘意食紅色嗰兩款多啲，彈牙，脆皮。不過真係好飽，我哋食咗成粒鐘🙈，因為諗深啲呢個應該唔係for兩人，well隔離枱係一班人八個到......，哈哈，所以無錯係啱share食的。
好彩呢到服務好好，係會等你食完一樣先上另一樣，如果唔係我哋另一主菜應該凍哂😂，我哋仲要咗法國無骨春雞🐔($218)。上碟好精美好grand咁，隻雞仔好肥美，肉嫩，而且仲有好多蔬菜薯蓉👍。味道就好香黑松露味，不過成道菜整體都比較清淡，而伴碟嘅東西亦無乜味道，但比較特別係雞皮下有釀咗啲包糠。
其實已經好飽飽，不過都要食埋甜品XD，menu唔覺眼有，所以問店員，佢推介咗🍫朱古力芝士蛋糕同🥚焦糖燉蛋，前者正正常常，不過後者又估唔到幾出色喎，佢無平日食到嘅咁甜，但夠香濃👍👍。
最後我哋呢餐有叫到兩杯嘢飲🍸，大大杯亦幾抵叫，叫了一杯Jasmine Mojito($68)同Okinawa Bay($68)。
總括嚟講，今餐食咗好多嘢，好飽，食物用心製作😀，味道唔錯。最欣賞係佢會逐樣逐樣煮同上菜，你可以慢慢食，另外佢哋亦會不斷幫你換碟🍽。環境方面，好闊落，坐得舒服，有室外位，但因為天氣都比較熱所以無出去。價錢方面就中高價啦，不過餐廳新開張有好多優惠俾你揀，例如指定日子主菜買一送一，飲品買一半送一咁，好似另外又會有刺身送，下次有機會可以再嚟試下。
张贴
