Add Some Thai Restaurant

营业中

休息中

餐廳環境優美，以自然為主題，讓人置身於東南亞地區，十分舒服!金不換烤羊扒2件（$88）羊扒一到，羊的香味己經非常誘人。羊肉偏熟，但肉質依然十分柔軟，沒有一點渣滓！羊肉油份十足，肉質不會乾身。用少少的脂肪配上羊肉，是最為完美的組合！性價比高！泰式串燒拼盤（$148）串燒是全晚的亮點！非常非常好食，好值得推介給大家！雞肉串是我的最愛，雞肉肉質嫩滑多汁，好味道。牛肉同豬肉的肉質十分軟腍，被火烤過的茄子和翠肉瓜表面帶有焦身，伴着肉粒一起食，更能解膩。燒菠蘿味道甜絲絲，十分新鮮。秋葵被烤過後，滑潺潺的質感減退，口感更佳！同時，也十分健康。泰式蒜蓉鹽燒虎蝦2隻（$62）虎蝦大大隻！可惜蝦肉不太新鮮，價錢較貴。曼谷蝦餅3件（$62）蝦餅有3款不同味道。芝士蝦餅最為出色，芝士有鹹香，味道與蝦餅十分合襯。不過總體上，蝦餅質感不太彈牙，炸得較乾身，較一般餐廳的蝦餅略有不同。泰式豬頸肉抄椰菜苗（$62）豬頸肉十分入味，有濃濃嘅香茅同大蒜味！豬肉肉質爽口，椰菜苗靑嫩，份量相對地大。水準高！西貢少女（熱情果荔枝）（$40）荔枝同熱情果味道清甜，仲有原粒荔枝奉上。飲品內有熱情果籽，令口感更豐富有趣！沙灘少子（荔枝

今晚又去試新野~~我至愛既泰國野見到個menu好似有d fusion野食下，於是book左呢度同媽咪家姐食飯。環境幾舒服唔會迫，食品選擇都幾多。3個人叫左3杯野飲，餐廳提供既水有d怪味，我肯定唔係檸檬水但真係唔知咩味，都係唔飲好d叫左個泰式拼盤，馬拉盞通菜同東蔭公原隻魷魚筒意大利飯。先講拼盤，份量ok, 但味道一般，可以唔試。馬拉盞通菜份量十足，但偏鹹。至於我最期待既東蔭公原隻魷魚筒意大利飯實在太令我失望首先賣相唔吸引，魷魚超"un"但入面既飯好生，我明白意大利飯係生d, 但呢個係超生同埋原全冇東蔭公味，只係好似茄汁加左好多青椒紅椒既汁，超級難食，加上太生要求餐廳換過另一樣。換左個保守d既選擇炒金邊粉配大蝦，點知都賴野。。。大蝦冇味肉有d "鞋"但近蝦頭既肉又係生生地。。。真係好難做到而金邊粉既味道亦不似一般吃到的，只有辣椒既辣味而沒有炒金邊粉味道，一間泰國菜既餐廳竟然連炒金邊粉都做得唔好真係太可惜了。成餐飯最值得讚既只有泰式凍奶茶，最有泰國風味亦真係有做到少甜俾我，呢個抵讚不過冇下次

在觀塘區開飯一早已經習慣到工廈搵食，永遠有驚喜，價錢又便宜一點，而且地方比商場大。今天來到駱駝漆大廈一座，內裡有一家氣氛超好的泰菜館！平日下午茶時段人流不算多，用上「隱世」來形容OK嗎？我個人是希望多一些人來嚐嚐Add Some Thai的，好的餐廳要多些客人，食材會更新鮮嘛～餐廳還在試業階段，所以偶有漏單情況，但我覺得是可接受的範圍。至於有食評提到冷氣不足，我猜餐廳經已改善了吧？當天30多度，冷氣沒問題，餐廳空間感十足，坐位舒適，不知不覺和朋友邊吃邊談天兩小時多（笑）一行四人來到，每人點一款下午茶餐試一試。食物包餐飲（特飲／凍飲需額外加錢），價錢$50左右，說不上很「抵食」，不過賣相加上環境，亦算合理。泰皇燒雞炒飯，飯粒炒得夠乾身，一粒粒，有些蛋絲，雞肉和臘腸（？）少少辣勁，份量大，不錯。無骨鳳爪，朋友最愛，酸酸辣辣的泰國風味十足。其實鳳爪是怎樣除骨的？偶爾會想起這個問題，哈哈（汗）沒有骨吃起來當然是方便又夠痛快啦。每一份下午茶可以額外加錢換購小食一款。我們要了沙嗲串燒，每一碟分別有一串豬和雞。中間串有脆肉瓜和茄子，吃起來口感更豐富。肉類烤得不俗，微微焦香，沙嗲汁亦夠濃，花生味夠出眾

早幾日lunch時間傾盤大雨 知道公司附近開左間新既泰國菜 又聽人提過填下問卷有半價 咁來試下啦 上到駱駝漆一期9樓 系門口望左下 有食客 但人唔多 亦無左填問卷半價喇 反正一場來到 就試試佢啦 坐低環境都舒服坐位夠闊 試左個海南雞飯套餐+杯凍奶茶 有幾粒西瓜菠蘿水果 一塊西生菜上面有堆泰式肉碎 包住來食 食落唔錯 一份去骨海南雞 都有雞味亦夠嫩滑 一碗無乜濃味少少色既雞油飯 $85味道算合格 但唔係特別好位置工廠大廈 電梯上落都慢過人講價錢更加唔值 大把好食過佢位置又方便過佢都唔洗呢個價 其他套餐亦價錢偏貴 外賣反而平10蚊8蚊 貪新鮮或等人dup波鐘可一試價錢唔減返3份1左右 唔會回頭

跟朋友聚會來到了工廈中的泰國菜，有點fusion感覺的泰菜來的。門面大大個招牌，街上亦有不少易拉架，地點不難找。下午時段人不多呢，只有數枱客人，感覺悠閒，看來是吹水的好地方。泰式凍檸茶（+$5）＆繽紛樂（+$12）自己點了凍檸茶，泰式的是紅茶底味道不一樣，多了一點香料味，好像有一點點香茅的感覺？！朋友的繽紛樂是朱古力加香蕉，又香又甜好正。泰皇燒雞炒飯（$45）下午茶的份量都算不少，飯炒得香口，雞肉嫩滑，還有臘腸，哈哈，有點中式口味。泰式酸辣鳳爪雜菜沙律（$48）酸酸辣辣的十分開胃，鳳爪很爽口，share食剛剛好。泰式豬頸肉炒金邊粉（$48）又是酸酸辣辣的味道，豬頸肉肥美爽口，加了花生碎很香口，仲有青檸同九重塔，香味十足呢。香燒沙嗲串燒（$18）一串豬一串雞，兩串都好好味，個沙嗲醬勁正。曼谷蝦餅三重奏（$48）蝦餅有三種口味，燕麥蝦籽，無花果黑松露，蟹肉蟹籽，燕麥款好多果仁，口感十足，無花果款甜甜酸酸又有黑松露香，感覺有點怪怪的但又幾好味，蟹肉款最普通，同一般蝦餅分別不大。下午時段預啱店員開餐，食物上得有點慢，但沒無相干，反正也打算同朋友吹下水慢慢食的。

坐位非常寬闊，但沙發座位不夠高，燈光偏太黃，串燒雞和串燒豬不錯，炸一字骨雞翼則不夠脆，意大利飯配魷魚味道不錯，但意大利飯不夠熟，魷魚爽口，有少少薯條和沙拉菜伴碟。如果有酒品配菜更好了。

平時好少會觀塘食飯 今次約埋兩位好友到駱駝漆大廈食下飯傾下計揀左好耐最後揀左呢間新開泰國餐廳 Add Some Thai餐廳入面 無論裝潢擺設都好有泰國feel坐位都好闊落 好適合同朋友慢慢傾計食飯呢度既飲用水都有陣陣既香料味 好有心思係咁熱既天氣當然要飲返杯凍飲左邊係越南特色-青檸薄荷梳打好解渴 酸酸甜甜好開胃右邊係皇牌椰皇沙冰 好重椰子味同奶味我地三個女仔叫左一個冬蔭功大蝦湯 個湯有跟兩塊蒜蓉包 個湯好足料 有唔少海鮮 唔算話太辣既小食拼盤入面有蝦餅、春卷、魚卷、無骨鳳爪，餐廳有幫手切埋，細細件方便share，仲有配兩款醬汁，可以試到唔同味道至尊特長沙嗲牛串燒 聽個名都已經好想試牛肉唔會太硬 燒得啱啱好泰式燒豬肋骨都好足料 仲配多款蔬菜 唔會太油膩 而個醬汁都好有特色女仔食大蝦都好驚會整污糟對手 呢個燒珍寶大虎蝦就唔會有呢d情況出現 d蝦肉好容易可以食到 啖啖肉 夠新鮮好正呀豬頸肉黃咖喱配薄餅，個薄餅好脆即整既，沾咖哩一流，黃咖喱唔會好辣，啱曬d唔食辣野既朋友仔因為個無骨泰式鳳爪太正喇 所以額外叫多左一份，個醬汁酸酸辣辣夠開胃 好快又清左成碟總括黎講 呢餐真係好滿足 3個人每人食左

之前已經講過觀塘一帶好多食肆遷移左上工廠區樓上舖，今次食呢間帶有fusion特色嘅樓上舖泰國菜，門口貼有餐廳嘅溫馨提示，指新開幕期間可能招呼不周。既然我哋都算係新開幕嘅食客，咁我就要俾返啲中肯嘅意見喇。首先我要讚下呢度嘅服務。一坐低無幾耐店員就好殷勤地幫我地斟水，而且成晚食飯都主動幫我地換碟同加水，當中有位女店員好好服務，抵讚！至於食物方面，我地參考過餐牌後，主要都點返餐廳推介項目，至於定價方面都幾合理。首先係串燒類，都唔錯啦。串燒菠蘿（$28）：菠蘿燒得幾juicy!沙爹牛肉串（$49）：好大一串串燒，牛肉都尚算入味。冬蔭公大蝦湯（$58，小）：呢個湯飲落原來都幾辣，感覺似乎缺乏左啲椰漿味，而且配料唔多，蝦係類似急凍蝦仁幾隻，呢個湯要有改進空間。泰式明爐香煎銀鱈魚（$198）：呢度菜係將泰式烏頭魚嘅做法改為以銀鱈魚做食材，其實我覺得係幾大膽嘅嘗試。不過，銀鱈魚都煎得幾香，鋪係底嘅粉絲索滿晒湯汁，幾好味架。酥炸一支骨雞翼（$52）：雞翼炸得香口，有10隻我哋兩個人食都幾多，個人覺得雞翼可以落多啲調味，令肉質更入味。炸蝦餅（$52）：稍嫌外皮太厚粉，蝦膠唔夠彈牙，呢個唔推介。本來仲想食咖

估唔到原來工廈入面都收埋收埋咁多好食既餐廳今次食既呢一間真係用隱世黎形容同時佢係一間好傳統既泰式餐廳由佢杯用薄荷菜沖既水已經覺得 今次都嗌左幾多野食, 就介紹今餐我最鐘意既啦  泰式蒜茸炒通菜腐乳炒通菜一直都係我既最愛, 但好可惜呢一間冇呢個option, 所以我點左個差唔多既蒜茸炒通菜, 估唔到又ok wor, 最正係佢上面d脆脆地既配料, 食落口感一流, 通菜唔會太重口味, 味道適中!! 秘制香草燒雞中翼2串原來一串有2隻之餘仲要個size算係大!! 最正係佢燒到岩岩好, 外表係脆卜卜既雞皮, 好有香草既香味, 而入面都食到有泰式香料既味道, 成個串燒雞翼係勁抵食, 超好食 串燒菠蘿2串香港好少餐廳有串燒菠蘿, 估唔到呢間都有, 我覺得最特別既係呢度配既醬, 係同個串燒菠蘿好match!! 不可不試!! 黑松露菌椰汁金不換忌廉湯一份既忌廉湯既份量足以夠4個人分到每人一碗, 我覺得呢度既同外面食到既最唔同既地方就係佢既椰汁味重好多, 如果鐘意椰汁既朋友都會幾鐘意呢個湯!! 同埋佢size算大, 計落都唔算貴, 可以一試!!  

今日黎到呢個係觀塘區既搵食勝地特登黎搵呢間ADD SOME THAI既樓上泰式餐廳 現場環境非常之泰國FEEL由桌到椅都係非常之似生活係泰國一樣 曼谷蝦餅3件蝦餅係成個球咁大, 而且入面非常足料, 係厚厚既蝦肉, 外脆內軟, 最重要既係佢一定係新鮮現炸既, 因為一上到台香到不行了, 而且見到D煙係咁出黎, 我個人黎講覺得佢唔點醬都已經好好味, 點醬反而食唔到原本個隻蝦味 無骨海南雞1隻每次去到泰式餐廳必點既, 估唔到呢到既海南雞仲要係無骨, 一上桌除左有雞之外, 仲有蝦片同菠蘿, 真係跟足哂泰國餐廳既setting!! 再講番d雞, d雞一件件切好哂, 因為無骨既關係, 可以放心大口大口咁食, 而且我覺得最正既除左雞之外就係d泰式辣醬, 係自家制, 同出面食到既都無得比!! 超級match with the 雞!! 油飯食海南雞點可以唔配油飯呢, 我覺得佢唔算太濕, 係岩岩好係中間, 份量亦都唔少, 一碗夠一個男人食飽!!

星期日下午在觀塘跟好友見面，想找個decent的地方吃下午茶又不想high tea，就在工廈區找家有下午茶供應的餐廳。這家泰西fusion菜館在試業中，兩點多還有開門啊，就它吧。下午茶有專屬的menu~ 木製餐具好有悠閒氣息。基本上它的設計，裝修都用木為主，有自然閒適的感覺，的確很decent牆上這些碟子裝飾也精緻~ 餐廳好大，有好多檯，這就是工廈特別之處吧。下午茶menu較簡單，食物兩版，飲品兩版。沒想到這裡都有high tea set，不過我們沒吃午餐較肚餓，都是叫餐吧，加多一點點價錢又多一道菜，非常抵食。飲品種類比食物還要多~朋友選了泰式奶茶，茶味跟平常茶餐廳的茶不一樣，甜味比較重，是東南亞特色吧！我點了莫忘妳，是香茅荔枝飲品，有點像汽水。那支香茅又可作飲管使用，味道清新又甜美。如果香茅味能再重點更正。泰式酥炸雞翼有十支骨即五隻雞翼，炸得外皮香脆，內裡的肉又熱又嫩滑，點個fusion酸辣胡麻汁味道相當豐富Pad Thai當然是必點，金邊粉炒得軟身，有微微酸辣味道醒胃，不覺飽。豬頸肉是一大重點，又大片又多汁又嫩滑，非常好吃馬拉盞通菜是我在所有泰國菜館都必點的，味道鹹香感十足，又不會

今日3個女人仔去觀堂覓食 又尼到駱駝漆大廈～ （其實係4個先真 有一個係個肚到)add some thai, 係新開的泰國菜～內在環境麵幾闊落，大大張椅，唔洗迫住迫住咁坐餐具係木系餐具～ 燈光比較黃坐底無耐店員就幫我地加水，佢地嘅水有點香草味店員見到我地有個大肚的 ，非常貼心！轉左杯普通嘅水我地之後都叫左3杯飲品越南特色(青檸薄荷梳打）係用真正的薄荷葉而唔係薄荷糖漿～非常好飲落似咸檸～ 佢嘅青檸應該係咸檸～中間係椰皇沙冰，奶味較重，甜甜地另外係熱檸茶～食泰國野當然唔少得冬蔭功！冬蔭功大蝦湯～呢到ge冬蔭功比較清清地 叫碗細嘅就夠哂咁多個人飲～由於太多小食想食，叫左個小食拼盤～蝦餅、春卷、魚卷、無骨鳳爪； 大概無種都寫住有2件，但係會再切一半；都有成4件至尊特長沙嗲牛串燒 牛肉軟淋淋，配上蔬菜另外叫左友人最愛的ribs，有4條骨，醬料平均分報於ribs嘅上面，非常野味！燒珍寶大虎蝦！呢個值得一讚，蝦肉同殻唔洗三兩下手勢就分開左！第二係就咁拎蝦肉上尼嘅時候，蝦頭的蝦膏都會一拼而上； 一啖食哂蝦膏蝦肉豬頸肉黃咖喱配薄餅原來佢地會將豬頸肉放埋落咖喱到，黃咖喱唔係好辣；裹面仲有芋頭究竟係薄餅配咖

見有試業半價優惠，自己本身算鐘意食泰菜就黎試。入到去裝修幾有特式，感覺似去左按摩店，偏黃既燈光令人欲睡。餐廳提供木質既餐具，有俾濕紙巾，唔錯。午餐選擇算豐富，個set唔夠可加錢要小食。最先黎係燒雞柚子沙律，沙律菜夠新鮮同爽。不過果2件燒雞，睇落去似生生地，無燒過咁款，食落去雖然熟但完全無燒雞果種肉香味，入口微暖。沙嗲串燒一串雞一串豬，賣相就算啦呢個味道唔錯，豬肉串較入味，燒得唔算乾。中間有粒翠肉瓜都幾好食。馬拉盞炒通菜夠香口同爽，小食類最鐘意呢個。蝦餅3重奏入口乾身亦比較粉唔夠彈牙，無咩蝦味，三款口味分別唔大，不推。大蝦牛柳伴生菜包份量真係好夠！有隻大蝦+3塊半手掌大既牛柳仲有個生菜包。不過生菜包不值一提，食左啖已經唔想食，豬肉唔新鮮味道不佳。牛柳煮得唔算老，奈何真係無咩牛味同肉汁，個汁好快食哂，牛柳我只食到一件多d。牛柳下既薯條，佢灑左d松露鹽，算有心思，食住最近咩都要加松露既風氣。整體味道仍需改善，得小食味道比較OK⋯⋯服務一般，態度算友善不過速度慢，有錯單漏單出現，話哂試業階段，可接受既。如果味道無改變，不論有無半價都唔會黎。

講到工廈，好多時都會諗起cafe，其實而家都有好多類型嘅餐廳都進駐工廈，喺駱駝漆呢度試左呢間新新地嘅泰菜。餐廳位於9樓，位置相當闊落，所以亦都唔少人考慮喺工廈設店嘅原因，至少喺租金一環能夠少點負擔，更專注做好食物、環境、服務。呢度剛試業不久，門口位會見呢塊黑板仔。「試業期間，可能會遇上招呼不周、食物缺貨或口味不合、環境不夠舒適等問題，小店預先向大家道歉，希望能夠得到大家體諒以及繼續支持…」平日晚上時間，估唔到都有唔少客人，店員都好快出黎招待，餐廳裝潢幾特別，以木枱木梳化櫈為主調，中間以木屏風相隔，餐具都係木製，具泰式風味。不過木梳化略嫌扁左少少，坐上去同木枱嘅高度唔太配合。頭頂有多盞天燈造型嘅吊燈，燈光偏黃調，環境就幾舒適；不過影相效果一般，我冇打燈或者專業攝影器材，所以影到啲相黃黃暗暗餐牌選擇都算豐富，沙律、湯、小食、BBQ類、咖喱、泰式主食、蔬菜、甜品、飲品等，定價合理。主打新派泰菜，當中會見到帶西式元素嘅融合菜式，例如：風乾火腿生菜包沙律、黑松露菌大蝦帶子椰汁忌廉湯、肉眼扒配泰式酸甜青瓜等，聽落都幾特別。泰式酸辣鳳爪雜菜沙律 $65鳳爪食落清新，比平時食開嘅冇咁酸辣，以沙律菜作為

環境真係幾靚，以木為主，可惜冷氣不足...熱到大人小朋友都頂唔順...老公食到發脾氣...我都越食越熱，最後連bb都喊熱到頂唔順！整體嚟講食物好食度就一般唔太好味，出到來又唔夠熱D食物...賣相就不錯！做問卷有半價優惠時價錢還可以接受，如果收正價，我覺得食物同冷氣唔夠唔值依個價錢，最後老公話夏天咁熱，連冷氣都唔開大少少咁焗，叫咗3次開大點冷氣後先有少少感覺少許有涼風...老公話無下次...唔好預佢！