Add Some Thai Restaurant

营业中

休息中

今晚又係同大帝撐檯腳既一晚大帝中意食泰式串燒，所以我就揀左間新開無耐既工廈泰式fusion菜同佢試下上到去一出lip就見到店舖有泰國風既門面！入面既佈置亦都係以木材同竹為主，富有泰式風情除咗有傳統泰菜既菜式之外，呢度的確有唔少混合西餐元素既菜式！不過同大帝一齊，都係點返傳統的既俾佢食會穩陣啲大帝中意食串燒，咁就先黎一盆“泰式串燒拼盤”HKd$148+10%哇，好大盤呀~岩晒中意串燒既大帝最好既係食完肉肉串燒之後可以有燒得香甜既菠蘿清清嚨嘛跟住點左個“紅咖喱豬頸肉 + 白飯”HKd$108+10% + HKd$10+10%豬頸肉份量都唔少！咖哩配白飯定手抓餅都係好合拍既之後當然要返碟菜平衡下啦“泰式蒜蓉炒雜菜”HKd$58+10%好大碟呀，炒得好有鑊氣仲好重蒜香好惹味呀我仲嗌左杯特飲“沙灘少子”HKd$36+10%俾大帝試下添試左啖，原來係青檸荔枝加薄荷葉既梳打！都幾清涼解渴啵不過可能真係新開無耐，所以上菜都比較慢，幸好店員態度都好好，加上呢度都坐得好舒服

傳統泰菜就食得多，泰西fusion菜比較少見，老公同我都非常喜歡食泰菜，見到有新嘢又去試吓。餐廳雖然喺工廈內同仲喺試業期間，但無阻人流，夜晚去到已經全滿。餐廳裝修好有泰式感覺，微黃的燈光影照著木製家具及餐具。飲品先到，荔枝青檸同熱情果荔枝味道近似，清涼解渴。串燒比想像中長同大串，望落好似好抵食，沙嗲醬亦有一大碗，足夠點醬食用。泰式沙嗲西冷牛肉串有牛味又軟腍，食味不錯。日本秋葵略燒，依然保持爽脆感覺。串燒菠蘿都係略燒，清甜多汁，如果再燒耐少少焦糖化食味會更甜。泰式香辣炒越南大頭蝦先炸再用香辣汁煮，大頭蝦已開邊同炸透可以連殼食，蝦肉爽口彈牙，頭部蝦膏帶甘香。香辣汁有兩碟之多，喜歡點汁可以盡情點。蒜香泰式臘腸炒芥蘭味道近似中式咸魚炒芥蘭，咸香味十足，芥蘭爽脆，送白飯佳品。泰式明爐香煎銀雪魚係創新菜式，銀雪魚肉質鮮甜嫩滑，但菜式缺少泰式香料如辣椒、香茅、南薑、金不換，總是少了泰式風味，菜式感覺比較清淡。明爐下面有兩個火頭，火力太猛，一個應該足夠有餘。

今晚來到觀塘一間樓上泰國餐廳 去到環境寬敞 但桌子太細 放不到很多菜色 要等吃完一道才能上下一道 不能一起吃 有點不方便。。。而且餐廳燈光偏紅和暗 食物的顏色都不太清楚 都變紅紅的了吃泰國菜嘛 當然要喝椰青泰•椰青 $42果然是消暑解渴之選點了一個蒜蓉炒通菜 $58炒得不太油 不錯的上面有很多炸蒜片增加香氣和口感碳燒大蝦牛柳伴特色生菜包配黑松露芝士薯條 $158薯條炸得香脆 只有少量黑松露 但吃不到芝士味 旁邊有黑松露醬可以點大蝦燒得香口 牛柳有三塊 第一塊入口牛味香醇 但不知為何第二和第三塊欠缺牛肉應有的香氣 有點失望不過三塊牛柳的肉質都很淋很鬆化 不會有鞋的口感伴碟的生菜包只有一片生菜配豬肉碎 但肥膏較多...泰式炒金邊粉配蝦球 $88驚喜的來到看到不是蝦球而是兩隻大蝦 開邊燒的大蝦很香和惹味 好吃而金邊粉也不錯 不會過濕或乾 調味適中 是泰式金邊應有的味道本來還想嚐嚐泰式甜品拼盤 可是店員說沒有貨 那便只好下次有機會來再吃了

發覺身邊朋友好多都係觀塘工作，今日難得放假就去搵朋友食個Lunch黎到新開不久的新派泰菜，觀塘食肆多數都係上樓，所以我都係係openrice搵食。入到去全是溫暖的黃橙燈，整體有點暗，我都係喜歡光一點。看得出裝潢，甚至餐具都好有心思，具有特色泰式燒雞柚子什菜沙律一上檯，以跟餐黎講，分量都幾大，而且什菜好爽脆，柚子分量多而且一D都唔苦，微甜。燒雞分量有4-5件，以沙律黎講都幾多圓肉杞子香芒茶仲叫左杯加錢既飲品，好特別既味道，陣陣香芒味，仲有圓肉粒食添主菜黎啦南瓜馬沙文咖哩大蝦雜錦海鮮焗飯配泰式酸甜青瓜上台時用一塊木板上，幾精美賣相好吸引泰式酸甜青瓜，感覺以酸味為主調，甜味略少。南瓜馬沙文咖哩大蝦雜錦海鮮焗飯熱辣辣，記得碗邊好熱，唔好掂啊！大大隻蝦，仲有青口、魷魚圈、魚柳、其他海鮮、大大粒南瓜，好豐富而且醬汁帶甜但不膩，好野味，而且飯粒唔係白飯，係黃飯。大蝦彈牙，魷魚圈都好正，魚柳煎過後焗但一點都唔鬆散好滿足的Lunch

Add some thai這晚放工後去了觀塘吃泰菜，聽聞是新開的人氣泰菜餐館呢～進入餐廳後，發覺餐廳的裝潢設計都具有泰國特色，引人入勝！A.S.T風乾火腿生菜包沙律豬肉碎豬味濃郁，parma ham令其添上鹹香，味道香濃，酸酸辣辣的很惹味，肉餡混入了香葉同炒，令味道更豐富，再用新鮮爽脆的生菜包著來吃，口感更豐盛！黑松露大蝦帶子椰汁忌廉湯這忌廉湯是重點推介的，黑松露味濃香突出，以鍋上下面點著小火，黑松露味芬香馥郁，實在令人著迷，大蝦爽脆新鮮，用料十足豪不馬虎。馬沙文咖哩配泰式燒牛柳（送薯仔芋頭及手抓餅）馬沙文咖哩真係好惹味😍，用來送薯仔芋頭或薄餅來吃最適合不過，這裡的咖喱用鍋上，下面點著小火，香氣撲鼻，味道極濃，金黃色的咖哩非常吸引，而燒牛柳則肉嫩味濃，半熟的軟嫩感實在吸引！甜品蘋果脆脆芝士蛋糕很特別的甜品，蘋果脆脆香脆甜美，芝士蛋糕幼滑清新，口感豐富，是一個很好的飯後甜點，大滿足！總括來說，這間餐廳的食物質素非常高，而且服務態度很貼心，喜愛吃泰茶的一定要來試試！

以前要係觀塘區食泰國嘢，除咗APM外，真係無乜地方好揀。雖然觀塘工廈近幾年多咗好多餐廳，不過一向都係西餐比較多，今次見到新開咗間泰國菜，個樣好似幾靚仔咁，所以就決定去試吓啦！餐廳係駱駝漆大廈，相對比較近地鐵站，唔難搵！餐廳入面有好多燈籠，感覺好有feel! 黃燈感覺永遠都係浪漫啲呢個燒菠蘿$48 好食！食落唔會乾，好Juicy! 蒜蓉飽$28 即叫即焗, 所以上碟時仲係熱辣辣的！咬落去會感受到啲蒜蓉啱啱溶落啲麵包到，就算唔點汁，就咁食都好味。燒雞翼$42，我自細鍾意食！呢個秘製香草燒雞翼大大隻，燒到皮脆肉嫩，比想像中香同惹味。不過呢個泰式燒頸肉$58 略嫌燒耐咗，有少少乾身，食嘅時候要點多少少醬汁中和番。見到廚師推介有呢款泰式香辣炒越南大頭蝦$198，個名好吸引，所以就叫咗啦唔好講笑，size 有成隻手掌咁大，而且超多肉，配埋個特製香辣汁一齊食，食落又香又惹味最後仲叫咗呢個芒果糯米飯做甜品$68，芒果都算鮮甜多汁，不過糯米飯有少少硬身，如果可以再軟身啲就好啦！

今日放工約左朋友去觀塘工廈食泰國菜餐廳座位數目頗多。。而且環境十分舒適。。好舒服。。燈光柔和。。很適合gathering....menu上食物種類很多。。一般的大熱泰國菜式都有所提供。。。而且有些仲有少少西式crossover咁。。感覺十分新鮮這個黑松露菌crossover泰國出名的香料。。金不換本身我跟朋友都超愛黑松露的香味。。。湯不但散發出濃濃的黑松露味。。而且仲加入了金不換。。。飲起來時更為清新而且湯內有大量的菇菌類。。。所以每一啖湯都可以食到爽口的菇。。。十分滋味這鍋湯不但熱辣辣。。而且份量都十分多。。相信都足夠4人飲用真材實料豬頸肉經過炭火燒後，散發出微微的炭火香氣。。。而且 。豬頸肉十分入味。。而且口感很好。。不會過韌，啖啖肉，啖啖滋味。。。豬頸肉仲配上一個汁醬。。。。可以沾一下再食。。味道帶點咸咸的。而且十分香。。。。十分惹味。。可以更帶出豬頸肉味的香。。這個咖哩雞又是超讚的一道菜因為咖哩香而不辣。。。其實menu上有數款咖哩可以選擇。。。可以因應個人能夠接受的辣度而選擇合適的咖哩。。之後更可自己選選想配上什麼食材。。。由於我跟朋友都不愛食太辣。。。所以便選了這款咖哩咖

觀塘美食何其多! 工廈尤其多驚喜選擇 , 所以很喜歡和友人閒時explore工廈新的特色餐廳。最近有同事試了一家新開不久的特色泰國fusion菜餐廳 , 說是不錯的選擇, 今晚便和泰菜控友人來到試一試。由於一早訂了枱,而且時間尚早, 不用等候便能入座。這裡的環境很不俗, 燈光很柔和, 予人自然的感覺, 坐位亦相當寬闊, 可以坐得很舒服的與友人談談天, 吃吃晚飯。我們首先點了芝士黑松露薯條: 賣相很不俗, 薯條炸得很香脆可口 ,  配上濃郁的黑松露, 入口即時充滿了黑松露的香味, 十分美味! 吃著吃著停不了口! 然後便是泰國小食拼盤: 份量很足，有春卷、蝦餅、無骨鳳爪、豬頸肉、單骨雞翅等，最為喜歡無骨鳳爪和單骨雞翅，很入味，肉質嫩滑，十分出色！而其他都很美味，配上兩款特色醬汁，很開胃對味。　　輪到我至愛的冬陰公海鮮湯：份量亦很足 , 湯裡有很多蘑菇，海鮮 , 十分豐富！湯香、甜、鮮、酸、辣 , 五味皆有 , 很不錯！而飲品方面 , 我亦選了至愛的泰式奶茶 , 茶味十足 , 奶味濃 , 而甜度適中 , 不會像有些泰國餐廳那樣勁甜 , 令人滿意。　最後甜品當然也是我們至愛的芒果黑白糯米飯配芒

朋友介紹呢間試業中既餐廳中味道不錯，所以就趁假期去試試～因爲預先訂左位所以唔洗等。限兩小時交枱。服務不錯，環境好，食物分量足👍🏻有好多特色飲品，但驚中伏唔敢叫www最後侍應同我地決定(。-∀-) 兩杯應該分別係芒果椰奶同芒果沙冰之類(?),掛住傾冇睇單同影相所以唔知咩名www 好飲٩( 'ω' )و！唔包飲品叫左應該有5樣野食，多到要加枱先放得曬😜雖然某些菜色偏鹹（如馬拉盞炒通菜，鹹到最後食唔落，有待所善），但整體味道還是很好👍🏻👍🏻👍🏻會再去食٩( 'ω' )و～希望下次去已經改善左🎉

係OpenRice search到呢一間，天氣分幾好所以就入去試吓食晚飯。同其他食評一樣一入去見到有一個大牌寫着試服務中，有咩服務不周請勿見怪。以工廈餐廳來講，呢一間唔算平。所以我哋叫咗一個炒粉，咖喱同埋炒菜。炒牛河幾大份，但河粉稍為濕咖喱唔辣，但找餅份量好少，相反咖喱汁好多，多度見唔到肉， 但係OK好食， 建議加多少少配菜因為只有薯仔少少喺入邊炒通菜OK ,只係小小咸星期六晚好似比較少人， Service來講尚算可以。

最好是BBQ 因為要等，馬拉戔通菜先上，本來是不過不失，但馬拉戔一pat 在西餐碟旁，實是倒胃。 Fusion 扮不到。魚餅應該是隔夜再炸，千萬不要叫咖哩，青咖哩－pat pat 加－早己做好的雞，三分鐘到，比超市菜更差。抓手餅也現成再煎深啡色，其實泰菜沒有的加也不須加那麼差的，冇回頭了。冇回頭亦不須評分了。

呢一晚草根一家又偷懶唔煮飯，因為唔想去得遠，所以近近地去左觀塘搵下有咩新餐廳。駱駝漆出名多餐廳，決定去邊間都諗左一大輪，最後係openrice search到一間新開泰國菜唔係好多人試過，又見好耐冇食過泰菜，一於又去睇睇會唔會食到回憶中一家4口去泰國旅行食到嘅味道。餐廳原來都幾大，環境幾悠閒。當日草根仲被安排坐梳化位，不過梳化好軟，草根最後放左d cushion係底先坐得舒服一打開見餐牌好多選擇，除左傳統泰菜仲有好多fushion菜式，真係花多眼亂，睇完一大輪終於決定好叫咩食。不過可惜原來餐廳新開業，部份菜式仲未有得食，唯有再叫過其他野試下~先叫幾個小食食下開開胃泰式蒜蓉鹽燒虎蝦2隻（$62） 蝦開邊燒，賣相靚，可惜食得出係雪藏貨式，肉質品夠彈牙，而且呢個價錢只有2隻，叫其他野食化算d。曼谷蝦餅3件（$62）有草根妹妹同媽媽係到，炸蝦餅係必叫嘅! 蝦餅有3款味，不過除左芝士味其他唔係好得出有咩分別。最好食係芝士味，有流心之餘，芝士仲有鹹香味好食!可惜其他口味炸得過左火，令到蝦餅好乾身，冇彈牙嘅口感仲冇咩蝦味。金不換烤羊扒2件（$88）羊扒好香，但切開冇粉紅色，己經知熟咗d，好彩肉質仲幾

一行5人，叫左好多野食，但無影哂所有食物。見餐廳新新地又唔少好評咪去試下。點知....中哂伏！餐廳環境幾好，坐得幾舒服！但食物質素真的非常差！首先是海南雞，明顯是剛由雪櫃取出，非常凍，但雞完全無味，又好硬。伴碟的蝦片是ok的，脆的。冬蔭功湯好甜，味道怪怪的，但飲飲下都有少少辣，勉強可接受吧！炒金邊粉無味不特止，粉唔煙「un」林林地，仲有怪膠味！係全檯最難食的一碟！馬沙文咖喱配豬頸肉-咖哩味ok, 但豬頸肉完全無味，咖哩入面配既竟然唔係薯仔，係芋頭，十分奇怪蒜蓉包還可以, 有牛油味但無咩蒜味👌🏻手抓餅太硬，好似未解凍就煎咁小食拼盆-蝦餅唔錯香脆！春卷同魚餅就燶燶地，味道麻麻！鳳爪可以雞翼就好硬，一般般啦！豬頸肉無味又「鞋」馬拉盞炒通菜，是全檯最好食既一碟餸，非常夠味埋單就好抵，5個人每人大約$166左右！非常合理，但食物確實很差，有很大的進步空間！不會再來了！

平時我都好小去觀塘嘅，今次係第一次去觀塘嘅工廈食野入到去，入面環境好寬敞，餐廳入面仲有樹黎做裝飾，好似真係去左泰國咁，好有feel。唔係講笑，天氣咁熱真係要飲翻杯梳打。唔試過都唔知，荔枝同青檸原來都幾夾，入面有好大粒荔枝，咬落好甜而且仲好多汁。青檸可以中和荔枝嘅甜，令到杯梳打唔會太甜，岩岩好。蝦餅有三款，我最鐘意係蝦子蝦餅，食落好爽口又唔會太油。芝士蝦餅都好正，啲芝士味越食越濃，好似一層一層疊上去咁。條魚食落岩岩好，唔會浸得太耐老左。啲魚肉一梳梳咁好易夾出黎食，而且又唔多骨馬拉盞菜就冇乜特別，不過我好欣賞佢面頭啲蝦乾，好香口！呢個牛柳餐其實都已經夠一個人食有多，牛肉好霖，加埋個黑椒汁好襯。而且仲有個生菜包加埋，食落冇咁濟

觀塘出名工廈多，但從來都沒去過食野，收工後同同事決定衝去食呢間Add Some Thai Restaurant！環境唔錯，有別於地鋪及商場餐廳，地點方便同埋都幾易搵到！飲品我就揀左西貢少女（熱情果荔枝），朋友就係黑糖薑杞子香茫茶！不太甜，正呀！芝士黑松露薯條即炸即上台，仲配埋蝦片，黑松露既醬，令人不停食，黑松露又香，隻手都無停過，不停食。曼谷蝦餅3款不同的蝦餅，叫完忘記左有邊3款，哈哈！食落大塊又彈牙⋯⋯沙爹雞肉串雞肉滑口，肉不老，沙爹味道不會太濃烈。泰式馬拉盞炒雜菜十分好味，我最喜歡個分量十足！新鮮不會有草臭味，亦不會炒到老身⋯⋯恰到好處。（＾＾）一定要食的黃咖哩泰式燒豬頸肉配手抓餅黃咖哩係超級好味道，真係用心整架！豬頸肉軟熟，加上小香芋在內，配上手抓餅食，一流呀！仲想加碗白飯配黎食添⋯⋯滿分呀！真係好滿足，估不到咁有驚喜，價錢亦很公道，令我對工廈餐廳印象加分，台與台之間都不太擠迫，好想再約朋友黎食呀！！