Add Some Thai Restaurant

营业中

休息中

朋友幫手去護膚品開倉, 中午12點就去拎籌, 下午再回去幫我們買護膚品, 為咗慰勞佢, 即刻同佢食返餐慰勞佢.朋友揀了間新開的泰式餐廳, 估唔到又幾有泰式風味.泰式柚子大蝦雜菜沙律 - $78泰式Fushion西式的配搭, 柚子大蝦沙律配上泰式的酸辣汁, 下層為新鮮的沙律菜配上Ceasar Salad醬, 彌補平日食菜不足的我.黃咖哩 香燒特級美國牛柳 手抓餅 - $138黃咖哩味道甜甜地, 唔辣配牛柳食其實都係第一次, 完全係比美國牛柳吸引住, 好彩都無失望, 牛味重之餘仲夠腍不過同樣地手抓餅都係腍, 同埋凍.圓碌碌串燒菠蘿 (2串) - $48菠蘿串沒有燒至焦香, 幸好菠蘿甜度夠.香燒日本秋葵 (2串) - $30秋葵加了些鹽粒在外皮燒, 唔會燒到好老, 內裡仍於充滿水份, 附上的沙嗲醬好香.曼谷蝦餅 (3件) - $62分別有傳統蝦餅, 蟹籽蝦餅 & 芝士蝦餅, 蝦味濃郁, 外皮較硬

自從上次係觀塘區食過一間工廈餐廳之後，對工廈完全改觀，於是今晚再同朋友黎呢區工廈覓食。「Add Some Thai」 燈光暗黃好柔和，地方大座位寬敞，裝修、傢俱同餐具都以木為主，加埋侍應着嘅制服，好有泰國feel。泰國小食拼盤 $128拼盤大大份，入面有7款小食，樣樣都試到d就啱晒我地。有傳統蝦餅、蝦片、芭堤雅特色春卷、布吉酥一支骨雞翼、香燒豬頸肉、清邁煙肉魚卷、迷你無骨鳳爪沙律。再配埋佢地兩款秘制醬汁，有辣同酸甜，嗜辣嘅我，梗係辣嘅正啦~冬陰功海鮮湯$76 (細)細細碗都足以4人份量，裏面有蕃茄仔、蝦、香菇。材料豐富，但略嫌辣味唔夠出眾。西班牙風乾火腿炒肉碎生菜包 $82生菜新鮮清脆，肉碎味道濃郁，最正係有Parma Ham，令生菜包增添淡淡鹹香。味道唔錯~沙嗲豬肉串 (2串) $28沙嗲雞肉串 (2串) $28碳燒泰式沙嗲牛肉串 (2串) $38串燒燒得唔錯，帶微微焦香，沙嗲醬花生味夠濃。入口時再點一層厚厚嘅沙嗲醬，正~招牌蟹肉蛋白菠蘿炒飯 $98菠蘿會出水，炒得好唔簡單。飯粒炒得夠乾身，粒粒分明。再撈埋蛋白、肉鬆食，醒胃誘人。黃咖喱泰式燒雞手抓餅 $98咖喱有4款: 紅/黃/青/

泰國菜真係點食都唔會厭，得知觀塘有間坐得舒服又味道唔錯的餐廳，就諗都唔諗要老公一齊去。餐廳的四周是以木為主題，近牆的位置仲有一列梳化，坐得好舒服。先來每人一杯飲品降吓温~泰式串燒拼盤除咗牛、豬、雞三款肉串外，仲有菠蘿同埋秋葵串，讓我們食的時候唔會覺得膩。而令我們最意外的，就係條條串燒都係大大串，支竹長過一隻手板。冬蔭功海鮮湯呢鍋湯紅噹噹，一上枱已經聞到陣陣的泰式香草味，而入口時覺得是辣辣地，成身熱呼呼的，好爽~泰式燒豬頸肉豬頸肉很有o趙口，一點都唔乾，點埋甜酸醬更加惹味。泰式明爐香煎銀鱈魚呢道菜好特別，上枱係銀鱈魚加粉絲，之後才加湯和開火滾起，魚肉是很鮮味，同粉絲一齊食係好夾。

突然在OpenRice發現這間新的泰式餐廳，這天來試試它的晚餐。一進店，職員立即上前招待我們，非常好客。這裏的裝修燈光比較暗，空間闊落。餐牌上有很多款式，前菜、蔬菜、主菜、咖喱等，應有盡有。泰式燒豬頸肉賣相吸引，沒想到泰式食品也用一些西式托盤上菜。豬頸肉肥瘦均勻，口感很彈牙爽口，再加上泰式醬，點綴了豬頸肉的味道。 令人覺得疑惑的是，這個沙律醬的味道，像是黑松露的味道，不知道他是否加錯了沙律醬香滑燒雞（紅咖喱）為了吃手抓餅， 我們點了中辣紅咖哩。咖喱味道不錯，甜中帶辣， 而且不會太稀身，雞件份量頗多，但吃不到被燒過的味道。如果薯仔多一點就好了。手抓餅這個要趁熱吃！非常香口，而且口感鬆軟，令人十分開胃，再配上咖喱汁，是一流的配搭！泰式牛肉炒可份量也是頗多的！但略嫌香料味不是太充足，像是吃普通的炒牛河，牛肉偏粗身。莫忘妳（香茅荔枝）這裏的飲品名稱比較特別，點了這杯香茅荔枝，口感挺新鮮！沒想到真的有香茅的味道，再加上微甜的荔枝味，口感清新，令人一試愛上！在整個過程中，職員十分好客，不停為我們加水，態度殷勤。其實下次可以試試它的午餐，應該也是不錯的！

今日同男朋友嚟到觀塘，主要係想睇傢俬既！原來觀塘商廈裏面都有好多好正既餐廳架喎！我哋就跟住傢俬鋪職員嘅建議黎到一間開咗冇幾耐嘅泰國菜！地點唔難搵，不過因為夜晚嘅關係，樓下嘅保安人員我需要我哋登記左先至可以進出大廈～餐廳設計都幾有特色架，燈光比較昏黃，而木製嘅枱櫈都好有味道、好有泰國嘅感覺！職員向我哋推介幾個特色小菜，而我哋都十分喜歡！泰國小食拼盤＄128小食拼盤入面有傳統蝦餅、芭堤雅特色春卷、布吉酥一支骨雞翼、香燒豬頸肉、清邁煙肉魚卷、迷你無骨鳳爪沙律同蝦片等等。上菜時小食拼盤是並冇汁可以點，後來我哋問返職員咗，佢哋超好唔好意思，仲即刻補返兩碟醬汁俾我哋。其中一款酸酸甜甜，而另外一款雖然係白色綠色咁樣，但係都辣到爆炸！！！西班牙風乾火腿炒肉碎生菜包＄82生菜包食得多，連埋Parma Ham一齊食就真係第一次啦！本身肉碎唔太辣，生菜好新鮮，Parma Ham就晝龍點精！幾得意！好特別！冬陰功海鮮湯＄76（細）食泰國菜點可能飲冬陰公湯呢？呢度嘅冬陰公湯唔算太辣，唔食辣嘅朋友仔都可以飲得到！冬陰公湯偏咸，裏面少量嘅海鮮，大蝦同埋大量草菇同香料等等。沙嗲豬肉串2串＄28沙嗲雞肉串2串＄28碳燒

見到觀塘開左間新泰國餐廳，見食物相同環境都幾吸引，就去試一試Holiday Tea。叫左一個海南雞飯同炒金邊粉配2條雞肉串燒。整體感覺唔錯，可以再來。套餐可簡沙律或東陰公羅宋湯歛品叫左，泰國檸檬茶同荔枝疏打水（可半價叫特色飲品，加左20元），荔枝疏打水唔太甜幾清新，荔枝肉都好爽。

突然好想食泰菜 見到呢問新開既Add some thai restaurant就book枱試試一入到嚟 已經好驚訝 因為成個環境好靚佈置得好有心思 黃燈亦都好柔和好浪漫haha 餐具都係木製好襯個環境想食泰菜嘅最大原因就係想食生菜包所以叫左西班牙風乾火腿炒肉碎生菜包($82):呢一個生菜包有兩個醬汁俾你點我覺得醬汁同啲肉碎都幾夾風乾火腿好似得2塊係面 不過原來同生菜夾埋一齊都幾好味如果有辣嘅就更好haha係呀我最鍾意食嘅泰菜係蝦餅所以今次都有叫 曼谷蝦餅(3件) ($62)話說Menu上面話呢個蝦餅有三種味 但係三款我都覺得係同一個味haha 不過都炸得幾脆 亦有彈牙嘅口感 依然啲醬料都係好夾 好好味第三樣叫左泰式炒金邊粉配蝦球($88)金邊粉一啲都唔油膩 調味亦都做得幾好 蝦肉好容易拆出黎食 我朋友最鍾意食呢道菜最後叫咗芒果糯米飯配芒果雪糕($68)我第一次食芒果糯米飯 之前一直唔敢是因為覺得好奇怪 芒果既甜 糯米既軟糯 食落其實都幾架 雪糕好似唔係只係芒果味 好似係兩色定三色雪糕 整體來講我覺得呢間餐廳都幾值得試下 環境舒服寬敞加分xd

Add some Thai restaurant 🍴✨泰式無骨海南雞盛盒 hkd80 會送前菜同熱飲~海南雞係滑既不過係凍身我麻麻地😶成個算係飯盒咁款好大份！生菜肉碎唔夠熱🤷🏽‍♀️隔離個個係火腿包住菠蘿..個火腿好似係生既但咁包住食又幾特別～✨金邊粉配厚切豬排 hkd78 呢個我中意食好多！可能因為金邊粉即炒，熱辣辣都加晒分！而且又有肉😍超大塊勁正前菜係泰式燒雞什菜柚子沙律幾fresh啲沙律唔苦～雞好食黑松露菌椰汁金不換忌廉湯呢個黑松露味重！配埋面包點岩岩好👍🏿But題外話，個日去食前台個只員二服務態度勁爆差！第一印象差到爆！啲野幾好食都假重要啲野食唔係上天咁好食🙄而且成個環境好黃燈，感覺好暗好唔舒服，blacklisted

最近頻頻都工廈覓食，因為一般都不會令人太失望，不過.......朋友喜歡泰菜，在網上找到這餐廳，仲可以網上訂位超方便，一於試下，環境唔錯，不過食物就......泰式小吃拼盤有炸魚餅，炸蝦蝦，泰式鳳瓜，春卷等，味道可以，但又稱唔上特別好味串燒拼盤擺放方式好似一堆亂草，沙嗲醬冇沙嗲味，串燒肉的味道質感還可以馬拉盞炒通菜唯一覺得好味係呢個，除咗菜比較炒得軟身外，味道是夠的，鹹味亦足夠，不過碟菜放上抬的時候，我地都認為廚房未能即時清潔碟邊......但後來應為係特色之一，因為佢係好細心地把辣椒醬放在碟邊，只是美感扣分泰式香辣醉酒牛肉炒河冇酒味，河粉似係用水煮過再炒，牛肉雖然沒有怪味，但食落口感覺好怪，似係打過水的牛肉？又可能用粉醃太耐，大大失望！

突然心血來潮想吃泰國菜，發現公司附近的工廈竟然開了一間，那就試試看！餐廳的燈光是昏昏暗暗充滿著泰國色彩，凍水是薄荷味的，意想不到的是餐牌上不但有各款傳統泰菜還有西式菜式。值得一提是我們看到廚師放了很多心思在食物擺設上，滿有誠意，個人較喜歡黃咖哩軟殼蟹配以新鮮焗製而成的蒜蓉包，真的不得之了，唯較遜色的是甜品部份，沒有了我最喜愛的泰式糕點，確實有點兒失落。

Kwun Tong Industrial areas are full of delicious hidden restaurants and Add Some Thai is one of the newest additions. Although it hasn't been opened for a long time, it certainly is popular. When we arrived at 7:30pm, there were only one or two tables available. Luckily, we managed to score a seat to enjoy this Thai meal.We decided to order 4 dishes, the first being an appetiser: Spicy and Sour Chicken Feet Salad. I was pleasantly surprised that there were two decent sized portion, and I had ini

普通街鋪已經滿足唔到雜食犀牛，所以我又繼續「娟long娟喇」去搵好野食，今次係觀塘工廈嘅一間泰式餐廳。其實觀塘好多好多樓上餐廳，雖然工廈人流少啲所以平啲，但係觀塘呢個舊區實在係太多人係個度返工返工行街啦，所以即使偏少少嘅餐廳都好多客。但要小心......餐廳太多太雜好易中伏 -_-   為左大家犀牛就變身開荒牛去試盡佢地啦!!!!!!! (為左自己定大家?......)第一印象唔錯，門面同裝潢都幾好，餐廳侍應態度良好。(當然唔少得泰姐姐講下你唔識嘅泰文啦，雖然冇乜用但幾有feel啊吹~)  環境好靚好開揚都好舒服！星期二黎食嘅所以唔多人，但Full左都應該仲係咁舒適嘅，即刻好想約啲姐妹黎狂野吹水 <3  仲有一張圓枱，可以坐到7個人，有棵樹插係中間幾有熱帶感覺，雖然棵樹會令未必見到你對面個個人嘅樣...... 唯一大家要注意嘅係梳化！一坐落去係會沉左落去矮左勁多嘅，亦都唔算太舒服，雖然員工話可以墊個Cushion，但作用不太，建議全人類坐木櫈 ！始終一間餐廳最重要嘅係食物，一齊睇下佢地有咩食啦 沙律及生菜包、泰式濃湯、風味小食、BBQ、咖哩、粉麵飯、蔬菜、甜品、特飲等等其實都係

 喺觀塘返工, 梗係喺附近D工廈搵食啦. 今次試間新嘅泰國菜, 放工6:30pm上到去, 唔算太多人, 可以揀位一入到去已經覺得環境唔錯, 黃燈好柔和幾有feel, 檯與檯之間好夠空間, 唔會聽倒隔離檯講乜. 全木嘅裝修加埋著waiter嘅制服, 好有泰國嘅感覺, 唔錯唔錯全店得3張兩人檯, 坐低唔夠1分鐘, 凍到北極咁, 同個staff講, 調去住另一張, 點次坐多5分鐘, 又開始覺得凍, 問個waitress另外果張會唔會好D , 連我都覺得自己煩, 反而個waitress笑笑口叫我試埋果張, 仲麻煩佢幫我將D餐具搬黎搬去, 結果全店得3張兩人檯兼夾3款唔同嘅椅我就試足3張.食物方面, 我地叫左蒜香單骨雞翼 – 好入味, 我覺得連側邊D蝦片都好好食, 而且出街食雞翼單骨方便好多, 可以盡量保持倒儀態嘛大蝦柚木沙律 – 記得倒分開上果兜汁落去, 落左風味加倍, 好食好多, 不過D蝦切開一半上, 變得好薄, 略嫌唔夠咬口黃咖哩豬頸肉 + 烤餅 – 好味, 食咖哩, 識食一定配烤餅, 辣味適中, 連入面D配菜都好好食泰式蒜茸通菜 – 份量夠大, 但本身食野偏好濃味嘅我都覺得個菜偏鹹, 哩

就朋友放工，今次繼續食九龍東嘅餐廳。呢間係樓上嘅cafe，入面環境係幾好，幾有泰feel。暗暗地，啱哂傾計啦，我地食到唔知時間呢。佢有假日套餐，我地叫左海南雞飯，小食拼盤，碳燒大蝦牛柳。海南雞個雞淨啲，我地都認為應該去骨嘅，醬方面唔係正宗泰醬，友人想點平時三色醬，呢間係無。飯淡左啲，唔夠雞味，似平時白飯加小小油。小食拼盤算正常，蝦餅最好味，其他就一般，佢個醬係類似沙律醬，點落都ok嘅。至於個大蝦牛柳，大蝦都夠味，我地牛柳叫左7成，都夠juicy，點佢有個醬都算ok。飲品方面都多啲選擇，我就飲泰式奶茶，奶底唔同嘅，都似係泰國飲嘅。另外朋友叫泰式檸菜，青檸梳打同荔枝冰，普通左啲。

觀塘一直都有好多隱藏美食，要慢慢發掘先搵到好嘢食，都算係一種樂趣今次搵到上工廈，食我喜愛既泰國菜木製既餐具別有特式，令人會覺得舒適放鬆每個午餐都可以選擇湯或者沙律，今次點左“黑松露雜菌金不換忌廉湯”仲有跟個餐包添主角上枱，唔單單只有無骨海南雞，仲有蜜瓜配巴馬火腿同泰式生菜包蜜瓜清甜卷上咸香既巴馬火腿，令人開胃海南雞皮滑肉嫩，仲有好香雞味肉碎帶少少辣味，唔油膩，唔包生菜而配飯食都屬一流加18蚊就有兩串香濃既沙嗲串燒雞肉燒完都仍然嫩滑，豬肉就有少少靭，搽上香濃既沙嗲令人興奮，愈食愈想食