Acquasala

营业中

休息中

每逢一號，我地兩個都會出黎食餐飯、拍下拖🥰今日我地就黎到一間係中環嘅浪漫意識風情餐廳度Chill下、享受下依度嘅寧靜同情調❤️依度環境好舒服，人流唔多，有個Open Kitchen，我地坐係Bar檯附近，佢柔和嘅燈光令成個晚餐嘅氣氛升溫🤤我地專程黎食佢最出名嘅Roast Beef Topped Japanese Rice (日式烤牛肉飯)🥩佢啲牛肉切到好薄，咬落去好軟熟，雖然望落好粉嫩，但係完全唔會覺得佢生🤤將面頭嘅蛋黃撈落啲飯度，啲飯更加香！佢旁邊就比左個Apple Ginger嘅汁我地，雖然蘋果同薑味都唔算突出，但係兩隻味加埋就好出奇地夾左😙但係唯一可惜嘅係佢唔算大碗，個碗都比較淺，但係收費HKD140 (+10)，我地個人就覺得有啲唔抵🥺可能佢啲牛肉比較貴啦！中環蘇豪區真係好多特色美食同小店，環境好適合大家三五知己黎Chill下，上班一族黎Happy Hour都唔錯🤩大家有時間就黎試下依間正宗意大利菜同高級牛排系列啦😋📍中環蘇豪伊利近街13號地下及閣樓(港鐵上環站E3出口，步行大約8分鐘)

🇭🇰Acquasala·近排見到好多人post呢間 好似幾正咁 所以個日黎左呢邊happy hour就去左試下😈😈佢既價錢係中環區都真係幾親民 如果唔係我地已經飲左野 係度再飲翻杯都應該幾chill😚·rigatoni nduja $140呢個超級推介 佢個意粉既質地好好 而且真係索曬汁 超濃郁😎佢個番茄味好濃 而且上面D番茄仔一咬真係爆汁 佢個辣味都好有層次感 完全唔會單調 好值得一試 好想知佢個汁究竟係點整😍😂😂·scallop carpaccio $98呢個口感都幾特別既 佢係整到好薄 有啲似魚類既刺身😌佢個調味都幾清新嘅有好香既橄欖油味同埋basil 而且佢面頭嗰啲蕃茄乾都超級juicy不過因為佢片得比較薄 所以食落無成粒啪咁滿足 有少少唔係好夠喉嘅感覺😈·truffled popcorn $98因為我哋唔係特別肚餓 所以就冇嗌多個主食 就咁嗌左呢一個小食 佢個黑松露味真係好濃 而且佢上面仲有啲芝士絲 都幾好食😋不過佢個爆谷本人就係比較淡味啲嘅 而且因為佢冇焦糖 所以出邊做唔到好香脆嗰個感覺🤭不過都好啱係等嘢食嘅時候一路傾計一路食🥰🥰·#rbyeat#rby西餐#rby中環·📍

蘇豪區除咗多酒吧之外仲有好多隱藏咗嘅實力派小店!之前一直被呢一間意大利菜餐廳嘅Roast beef飯吸引住想去食好耐好耐😳終於比我試到啦!!========================▫️Gratin Tomino Cheese $98令人wow有意外驚喜嘅starter!三件各自由鹹鹹香香嘅 parma ham巴馬火腿 包住會流心軟心意大利tomino芝士，地下仲有一片焗過嘅麵包片，細細件層次感已經超豐富!! 軟心芝士的確好軟綿綿，由淡味少少嘅芝士亦中和單食火腿嘅鹹度，我哋兩人都覺得係perfect match!▪️Warm octopus salad $98凍嘅沙律就食得多但係暖嘅真係比較少～同一石芽八爪魚中有啲偏韌有啲就啱啱好 不過不失▫️Roast beef topped Japanese Rice $150作為店內嘅signature唔可以唔試吓佢!由多片分量慷慨嘅粉嫩色嘅薄切牛肉鋪滿鍋面🥘 牛肉片就咁食可能有啲寡，但拌上半熟蛋黃、略外另上嘅蘋果薑醬汁一齊食令肉味更突出，真係另一番風味，絕對令人回味無窮✨原本有諗過唔好到晒啲醬汁，但係後來入口先至發現個醬汁真係精粹一滴都唔好留🥰

呢排幾popular嘅Acquasala，平日夜晚都ful house👨‍👩‍👧‍👧，menu 只有幾個唔同嘅價錢🤑，好容易睇，另外廚房仲係用透明玻璃，可以睇住兩個外籍靚仔煮嘢食🥰.Appetiser 叫左Gratin tomino cheese🧀，呢個推薦一定要叫👍🏻，Parma ham包住半溶暖暖地嘅芝士，下面配埋舊脆多，成件事好襯🤤.Main叫左Roast beef topped Japanese rice，牛肉🥩切到超薄，燒到半熟，最正係個Apple ginger sauce🍎，味道好正，珍珠米🍚都好好食，好彈牙.另外仲叫咗個Herb ravioli🍝，用左30 months aged嘅芝士🧀，係好rich嘅cream cheese sauce😋

Acquasala❤️中環蘇豪區Chill爆的意大利餐廳，一入去見到細Bar枱同Open Kitchen，環境超有氣氛同超relax，最適合同朋友間黎happy friday輕輕鬆鬆吹下水。menu💁‍♀️28 days Dry Aged Rib Eye Steak（$280)👍"超高質牛扒 牛味超重之餘 食落仲係無筋嫁""同埋佢地好甜心 會切埋一份份咁 方便食客食用"💡可以㨂配Fries/Vegetables💁‍♀️Herb Ravioil（$140)👍"由菠菜香草製成的意大利餛飩 清淡之餘 再加上香濃芝士味的醬汁""滿口芝士的感覺超幸福的喔！"

其實中環Soho區一直有好多好正既餐廳同酒吧，但夏天既時候行到上去實在太熱，所以趁宜家秋天比較涼快就上去食。今次就去左主打多國菜酒吧既【Acquasala】食飯。酒吧餐廳有氣氛情調、而且全部都係高臺。基本上每個種類既食物都係劃一價錢，除非某幾樣標明。Starter – Scallop Carpaccio ($98): 薄切生帶子，加左少少香草調味，旁邊搭配sundried tomato同Olive，襯托出帶子既鮮甜。非常清爽既頭盤。Snack – Italian Cold Cuts ($98)：分量非常多既coldcuts肉拼盤，有3款肉搭配炸薄脆。薄脆同偏鹹既coldcuts非常match，但略嫌炸薄脆唔夠脆。呢個價錢，呢個分量真心抵！Main—Herb Ravioli ($140)：比較清淡既素菜香草Ravioli搭配香濃芝士濃汁，非常香口，但完全唔會覺得膩！             IMPOSSIBLE Burger Sliders ($140)：三個小素肉漢堡搭配薯條。IMPOSSIBLE 素肉口感同味道都似真漢堡肉，不過只係無禁juicy。漢堡裏面有好多蔬菜，都可以解決素肉無

中環蘇豪區真係好多特色小店，呢間環境幾舒服，夠哂chill, 幾適合放工過黎 Happy hour，啲頭盤又好食又適合送酒Gratin Tomino Cheese 📍$98又一碟芝士迷必試嘅菜式，外層用咗parma ham 包住入面流心嘅 Tomino 芝士 (不過我影耐咗，搞到啲芝士俾啲餘溫煮熟咗少少🤣) 但依然充滿濃濃嘅芝士香架Scallop Carpaccio 📍$98擺盤幾靚， 帶子又切得夠薄，加埋啲橄欖油同檸檬汁，酸酸地咁，更加帶出佢嘅鮮味Rigatoni Nduja 📍$140微辣嘅香腸番茄 base 意粉，酸辣集於一身，醒神又開胃Roast Beef Japanese Rice 📍$150意式*日式 fusion 菜，差唔多個個都叫 🤭 粉粉地嘅嫩滑牛肉鋪滿成個碗，再加隻流心蛋同日本米，幾特別

ℂ𝕖𝕟𝕥𝕣𝕒𝕝 中環 • 𝔸𝕔𝕢𝕦𝕒𝕤𝕒𝕝𝕒 🇮🇹📍中環蘇豪伊利近街𝟙𝟛號地下及閣樓➰🔹𝚆𝚎𝚎𝚔𝚍𝚊𝚢 𝙻𝚞𝚗𝚌𝚑 $𝟷𝟺𝟾▫️𝙿𝚞𝚖𝚙𝚔𝚒𝚗 𝚂𝚘𝚞𝚙 🎃▫️𝚁𝚘𝚊𝚜𝚝 𝙱𝚎𝚎𝚏 𝙹𝚊𝚙𝚊𝚗𝚎𝚜𝚎 𝚁𝚒𝚌𝚎 🥩▫️𝚃𝚒𝚛𝚊𝚖𝚒𝚜𝚞 🤎𝑷𝒆𝒓𝒇𝒆𝒄𝒕 𝒄𝒉𝒐𝒊𝒄𝒆 𝒇𝒐𝒓 𝒕𝒉𝒆 3-𝒄𝒐𝒖𝒓𝒔𝒆 𝒍𝒖𝒏𝒄𝒉. 𝑷𝒖𝒎𝒑𝒌𝒊𝒏 𝒔𝒐𝒖𝒑 𝒊𝒔 𝒄𝒓𝒆𝒂𝒎𝒚, 𝒔𝒆𝒓𝒗𝒆𝒅 𝒘𝒊𝒕𝒉 𝒃𝒖𝒕𝒕𝒆𝒓𝒆𝒅 𝒕𝒐𝒂𝒔𝒕𝒔. 𝑻𝒉𝒆 𝒕𝒉𝒊𝒏-𝒔𝒍𝒊𝒄𝒆𝒅 𝒃𝒆𝒆𝒇 𝒊𝒔 𝒕𝒆𝒏𝒅𝒆𝒓 𝒘𝒊𝒕𝒉 𝒔𝒘𝒆𝒆𝒕 𝒂𝒑𝒑𝒍𝒆 𝒈𝒊𝒏𝒈𝒆𝒓 𝒔𝒂𝒖𝒄𝒆 𝒂𝒏𝒅 𝒄𝒖𝒓𝒆𝒅 𝒚𝒐𝒍𝒌, 𝒘𝒉𝒊𝒄𝒉 𝒂𝒓𝒆 𝒕𝒉𝒆 𝒌𝒆𝒚 𝒕𝒐 𝒈𝒊𝒗𝒆 𝒕𝒉𝒆 𝒃𝒆𝒔𝒕 𝒇𝒍𝒂𝒗𝒐𝒖𝒓 𝒐𝒇 𝒃𝒆𝒆𝒇 𝒓𝒊𝒄𝒆✨ 𝑻𝒊𝒓𝒂𝒎𝒊𝒔𝒖 𝒘𝒐𝒓𝒕𝒉𝒔 𝒂 𝒔𝒑𝒆𝒄𝒊𝒂𝒍 𝒎𝒆𝒏𝒕𝒊𝒐𝒏 𝒕𝒐 𝒊𝒕𝒔 𝒍𝒂𝒅𝒚𝒇𝒊𝒏𝒈𝒆𝒓𝒔 𝒔𝒐𝒂𝒌𝒆𝒅 𝒊𝒏 𝒆𝒔𝒑𝒓𝒆𝒔𝒔𝒐🥰 招牌日式薄切牛肉飯，蘋果薑汁和蛋黃撈飯最加分✨ 提拉米蘇入口軟滑☺️🔸𝙰𝚍𝚍𝚒𝚝𝚒𝚘𝚗𝚊𝚕 𝙾𝚛𝚍𝚎𝚛▫️𝙶𝚛𝚊𝚝𝚒𝚗 𝚃𝚘𝚖𝚒𝚗𝚘 𝙲𝚑𝚎𝚎𝚜𝚎 $𝟿𝟾 🧀𝑴𝒖𝒔𝒕-𝒐𝒓𝒅𝒆

朋友推薦💁🏻‍♂️，阿叔👨🏾今次嚟咗呢間位於蘇豪嘅意式餐廳。餐廳環境舒服，吧枱高櫈設計，配上昏暗嘅燈光，感覺夠晒chill，最啱放工後嚟Happy Hour飲番一、兩杯！🍻.Warm Octopus Salad ($98)，主食前先嚟份八爪魚🐙沙律，微熱嘅八爪魚口感爽嫩彈牙，而且數量都唔少，食極都好似仲有咁！😘.Roast Beef Japanese Rice ($150)，加入fusion元素嘅日式牛肉丼飯，半生熟嘅薄切牛肉🐮鋪滿全碗飯，份量十足，口感軟嫩。食之前記得配埋意大利姜汁同撈均蛋汁一齊食，味道更添惹味。🤤.Herb Ravioli ($140)，一塊塊四方外型嘅香草義大利雲吞，入邊包有菠菜蓉，配上芝士醬汁，味道香濃😋，自問係芝士控嘅人絕對唔可以錯過！🙋🏻‍♂️🙋🏻‍♂️🙋🏻‍♂️

🇭🇰正宗意大利菜🇮🇹X超高質牛排系列💕—▫️餐廳：Acquasala▫️地點：全香港有1️⃣間分店📍 中環蘇豪伊利近街13號地下及閣樓(港鐵上環站 E3 出口, 步行約8分鐘)▫️營業時間⏰: 星期一 全日休息星期二至五 08:00 - 00:00星期六至日 10:00 - 00:00▫️價錢：～$100+ —美味：🇮🇹🇮🇹🇮🇹🇮🇹環境：❣️❣️❣️❣️價錢：💰💰💰💰—👧🏻同👦🏻好少食意大利🇮🇹菜😏果日唔係太肚餓，就諗住去有steak既餐廳🤓於是去咗依間💕佢哋啲光暗暗地，加埋小蠟燭🕯️都幾chill—食物方面，主食大部分都係$140🤣👦🏻👧🏻好掛住加拿大🇨🇦果時食既steak💕所以叫咗$280既28 days aged rib eye steak🥩 🥰🥰一放入口，覺得係喺香港食過最好食既steak❤️medium唔會太熟，仲好juicy🥰🥰佢哋既sauce好夾，夠入味😍雖然唔太大塊，但超高級既享受❣️❣️—👧🏻仲食咗herb Ravioli ($140)意大利雲吞真係唔係成日食到❣️依款有芝士💕💕加埋啲香草🌿好好食😋好似得幾塊，但好飽肚😍—#好西 #打卡 #意大利 #café #summervibes #cafe

Dinner Menu 選擇如下, 唔算好多不過酒都唔少28Days Aged Dry Aged Rib Eye Steak $280order 左medium rib eye steak, 可惜有點略過熟, 應該起碼有 medium well. 太熟一邊會開始有點硬. 食到幾有牛肉香, 無筋. 一邊sides 有焗煎香過茄子椒等.Truffle Tagliolini $190頂上灑上 shaved truffle, 食落有truffle 香. 不過比起Tagliolini 更似係spaghetti, 而texture 亦偏腍左d. 最後應有再淋上olive oil或係truffle oil, 底下都頗油.

終於有機會去蘇豪區食飯😍😍呢間位於伊利近街Acquasala嘅意大利菜好岩三五知己嚟邊食邊chill 享受下中環忙裏偷閑嘅生活店員為我哋推介左幾款食物分別係*Warm Octopus Salad 八爪魚沙律$98*佢啲八爪魚分量好多 而且每條都好厚切加埋其他雜菜沙律一齊食 感覺特別清新 *全麥扁身意大利粉Gragnano Spaghetti $140*食得出佢用咗特別嘅汁醬去煮 味道濃烈同平時食嘅意大利粉唔同 感覺正宗可以一試*燜牛頰肉 Braised Beef Cheeks $140*牛頰肉有兩大塊炆得好嫩滑 食完回味無窮呢款熱門菜式非常受歡迎店員都非常推薦 *意式奶酪 Panta Cotta $88*最後當然唔少得甜品 意式奶酪賣相好吸引燴梨的果糖輕烤過 味道更出眾整個甜品做得剛剛好 酸酸甜甜 為舌頭帶來驚喜😋😋

蘇豪區一向多高質西餐廳，適合和朋友放工來輕鬆一聚👍🏻 今次和朋友來嚐嚐意大利菜😊👉🏻食物: 4.5/5全部都高質，令人滿意😋▪️Roast beef topped Japanese rice超吸引😍💕打卡之選！燒肉牛肉切到十分薄，配上流心蛋汁肉質更嫩滑，有淡淡的牛味，入口不會太重口味👍🏻 醬汁是蘋果薑汁，味道頗特別。唯一要挑剔是飯粒入口像泰國米，如果再細、再軟一點的珍珠米會更好！▪️Gratin Tomino Cheese超邪惡之選😈 芝士控必點🧀 用Parma Ham包著流心芝士，一上桌已超吸睛😍 中間流心芝士不會太咸，配著外層帶咸香的Parma Ham剛好好👍🏻 吃一件已很飽！▪️Rigatoni Nduja 看似普通意大利麵，但入口很高質👍🏻長通粉軟硬適中、有咬口，調味以蕃茄、香草味為主，帶少許辣味，十分惹味😋

放假到底有啲咩地方好食好玩💕，今日嚟咗港島區一日遊，去咗好多地方打卡，打到攰左就要搵間餐廳食🤣，經過soho，尋尋覓覓底下，搵到一間好chill嘅西餐廳 😍。我哋叫咗Scallop carpaccio ，一上枱靚到呢，帶子薄切，配上沙律菜，黑橄欖，柑桔等等，簡單配上橄欖油同埋黑胡椒，少少檸檬汁，非常之新鮮又開胃✅。Roast beef topped Japanese Rice哇，非常之吸引，牛肉分量足夠，係粉紅色嘅非常嫩滑，又重牛味，已醬汁方面用咗Apple ginger sauce ，加上醬汁同埋蛋黃拌勻，真係好好食呀💕。Braised beef cheeks燉牛臉，分量十足，煮到非常之入味，而且夠晒淋，底層仲配上椰菜花蓉，非常之夾，食完都想繼續encore😭😋。飲方面我哋叫咗杯紅酒，非常順滑，調左杯Mix Berry既 Mocktail👍🏻，酸甜開胃😍。地址：Acquasala (中環)中環蘇豪伊利近街13號地下及閣樓。最高為(5/5)味道⭐️⭐️⭐️⭐️⭐️價錢⭐️⭐️⭐️⭐⭐環境⭐️⭐️⭐️⭐️⭐服務⭐️⭐️⭐️⭐️⭐推薦星數⭐️⭐️⭐️⭐️⭐。#hkfood#hkfoodie#hkfoodbloggger#hkfo

作為中環打工仔，有時都會去上環Soho區🏙️覓食，過返個chill啲嘅週末🍸今次泥到嘅餐廳環境乾淨舒服，內部只有個細細嘅bar 同open kitchen，燈光柔和配上白色牆身，十分有情調😌-首先出場喺Italian Cold Cuts ($98)，三種ham都好夠味，色澤好鮮明，肉身嘅紅白比例十分平均👍🏽食落香口唔會太過油,，驚太咸仲可以配埋意大利街頭小食🇮🇹Gnocco fritto食，充滿油香味而且食落脆口。*Gratin Tomino Cheese ($98)嘅外皮用上Parma ham 包實內部嘅 Tomino Cheese，芝士口感柔軟而且味道濃厚，同微微煎脆左嘅Parma ham 一齊食，再加埋底層嘅手工烘焙麵包，大大將原本嘅咸味中和返👍🏽屬於驚喜之作❤️*嚟到最出名嘅 roast beef Japanese rice ($140)，牛肉薄身粉嫩，撈埋面頭嘅流心蛋黃令到肉質更滑，醬料混合蘋果同薑，味道溫和唔會太搶，有啲可惜嘅係肉味同醬汁都偏淡，個醬冇乜蘋果嘅清香🤔 但低下嘅日本珍珠米好有咬口，加埋蛋汁，牛肉嘅肉汁同個sauce係唔錯嘅。*braised beef cheeks