18巷泰國餐廳 (已結業)

Coconut DrinkIt was like crushed coconut meat along with some ice. The frozen drink was probably slightly sweetened to just the right amount. The chilled drink was super refreshing and coconut has its natural hydrating purpose, which is just perfect for summer!Mango drinkComparing to the coconut drink, the mango drink was expectedly slightly more sweetened. It was not too frozen so it was more like a slushy drink rather than milkshake, which I actually really liked too! Salad Poo Nim 軟殼蟹沙律 - $12

自從上星期食泰菜發生"泰呷醋"事件，朋友已經成功控制自己，減少呷醋既出現頻率，睇嚟佢自制能力都幾高。估唔到話咁快又有飯局，又見到呢位朋友，又係食泰菜。今晚佢不再呷醋，反而講講自己既工作。佢工作係需要揸筆，所以佢寫野文筆係幾好，加上佢經常通宵達旦睇佢偶像既文章，自然獲益不少。話說泰菜餐廳其中一間叫做金不換，所以今日佢終唔再提泰呷醋，叫自己金筆換。睇過佢寫既野就知，佢真係揸筆搵食，金筆一揮，妙筆生輝。講到呢度，我地為免再聽佢講廢話，就算唔肚餓，幾條友都齊心叫餓，真係夾過奧運團隊！結果話題又順利落番今晚餐飯度。打開餐牌，囊括左一般接觸到既泰菜，大家好快已經諗到叫咩食。泰式燒牛扒 $178牛肉表面燒到熟透，肉身仲帶有少紅，牛肉香得嚟又保持到肉身爽口。用旁邊既生菜包住牛肉食，多左一份清新既感覺，同時為牛肉既肉感提供一個緩衝。泰東北燒雞青木瓜沙律配糯米飯 $178燒雞啖啖肉，燒得好香口。沾沾辣汁，美味又開胃。食既時間可以配埋糯米飯，令口腔中既酸辣可以得到中和；又或者配埋沙律，以燒雞沙律既形式享受。軟殼蟹沙律 $128沙律用上芒果絲，配上軟殼蟹。食泰式沙律有時好怕用料唔靚，因為芒果太熟會令入口太淋，

✿╮❤╭✿✿雜感女生 好味日記✿˚*•✰。18巷泰國餐廳．泰好味。✰•*˚✿✿舌尖上的銅鑼灣✿✿❤餓底飯聚❤❤是次晚飯是為了看看很久不見的朋友夏天的飯聚，首選酸辣開胃的泰國菜openrice一查，就看到Soi 18的好評一行10人進店，第一句就是親切的sawaddi店員推介椰青特飲是其他店子未見有的作品入口就覺涼快，冰冰由椰青打蓉而成沙冰口感又充滿濃郁的椰香豐盛的❤18巷拼盤❤泰國有很多花多眼亂的香口小食，這個拼盤包羅萬有蝦餅、春卷、粟米蟹肉餅、魚餅和豬頸肉蝦餅最是彈牙而豬頸肉亦很搶手一盤大大碟早被秒殺泰北燒雞配青木瓜沙律+糯米飯 燒雞預先醃過，入味而香口青木瓜沙律中和了雞皮的肥膩感，味道更加酸甜開胃小籃糯米飯樣子可愛，本小姐手嘗試自製就變成了泰式糯米壽司了 ahahahaha泰式燉花膠 砂煲上台，好有中國風大塊的花膠原隻入煲，咬落軟腍黏口而且夠大隻，此似足大少奶煲湯時用的真材實料夠．豪．氣❤必點：辣膏炒蟹 ❤泰式炒蟹向是本小姐最愛此碟作品可改名「冇得輸」辣膏有辣香而不辣口，味道還帶出蟹的鮮甜最重要是蟹是膏肥肉厚，香口的蟹膏沾汁而食送白飯一流！新試：泰北手打辣腸 台灣大小腸吃得多，此

自從上年到泰國渡假後，一直念念不忘泰東北菜~經朋友介紹下來到Soi 18~泰北燒雞、青木瓜沙律配糯米飯 (HKD 178)泰東北菜最大特點，就係常伴一小籃糯米飯~見到上台樣子，十分對板~ 不禁開心又期待~~一啖暖暖的糯米飯，配上醒胃青木瓜沙律~多重口感，煙韌軟糯的糯米配上清脆木瓜絲~味道方面，糯米亦中和到沙律的酸辣味道~一食之下，清邁之旅的回憶~ 又係腦中走一遍~泰北手打辣腸 (HKD 168)當然少不了，夜市常見的燒肉腸~~廚房混入了多種香料 & 辣椒打成的肉腸~絕對自家制作，誠意滿分~單吃肉腸，已經辣得過癮~而且香料調配得宜，唔會只係辣味咁單調~其實正宗食法，係用生菜包住辣肉腸，再放上各項配料~配料有青檸粒、蒜片、薑粒、辣椒仔等等~包生菜這食法，味道頓時變得複雜許多~各樣配料都十分濃味~ 係口腔互相交融~小妹還是鐘意單吃肉腸，簡單惹味~包生菜對我，味道有點太豐富~原條燒盲曹魚 (HKD 208)每次食泰菜，必點燒魚~~因為廚師將香茅、檸檬葉等香料放入魚肚之內~燒製過程中，香茅被熱氣逼出香氣~除左僻腥之用，更令魚肉帶有點點香茅清香！今次亦無令人失望，燒魚時間掌握得好~魚肉嫩滑無比~

泰國菜早已於香港開到成行成市, 形形色色, 有傳統又有新派。泰國菜大致可分為四系: 泰北, 泰東北, 泰中和泰南, 因應不同地區而有不同風味。於開飯內評分都頗高的Soi 18, 就是以食泰國東北菜為主, 廚師為泰東北人, 煮出一手道地泰東北菜。食店面積不太大, 簡潔而細緻的裝修環境, 頗為有異國風情。同行友人大多都選擇飲椰青, 可惜椰子並不是我杯茶, 且有點抗拒感。 還是選上近來是當造, 亦是店員推介的芒果特飲($45)。 類似是芒果沙冰, 但冰粒含量不是太多, 加上芒果的清香, 打得幼滑之餘, 甜度也剛好, 好飲! 亦是之後一解辛辣的良品。軟殼蟹沙律 $128炸香了的軟殼蟹, 脆度十足, 香脆可口。 由切了絲的青瓜, 紫洋蔥, 腰果和生菜組成的沙律, 帶強勁的酸度之餘, 又有魚露的鹹香, 更有辣椒的刺激, 層次很豐富, 非常開胃, 作為前菜非常合適。18巷拼盤 $188食泰國菜又怎可放過乜餅乜餅的經典小食拼盤呢!這個拼盤很大堆頭: 魚餅, 蝦餅, 炸春卷, 粟米蟹肉餅和豬頸肉, 滿足各人喜好。 其中以魚餅最好味, 混合了香茅在內, 令炸香了的魚餅更惹味。 蝦餅打得彈牙爽口, 蝦味不錯

尋日同朋友小聚, 想食泰國野就來左呢間試下. 諗住甘多笑笑地點又係WTC 唔會差得去邊, 價錢仲相當貴係泰國菜來講.我地大食叫左成6,7樣野食, 但竟然無一樣係做得好既!! 個鍋巴仲要走左氣甘咬落林林地又硬身, 劣!!拼盤真頭係垃圾堆填區, D春卷極厚外層又硬, 冬陰湯味道差劣, 燒牛肉貴價細條無牛味, 豬頸肉過油煎過龍, 海鮮飯直頭你俾錢我我都唔想食落口, 又油益味重, 又少配料, 0分! 唔負都偷笑!甘既價錢, 竟然係我食過有史已來最差既泰國野, 連是但搵個Food Court既都好食過呢到, 極之失望!!埋單 每人5百, 食完感覺係食左垃圾落肚俾錢買難受, 以後唔會再來呢間野, 中晒伏!唔好意思無相俾你地睇, 呢D甘既食物我唔想影係我部機入面

幾經辛苦黎到世貿十三樓既soi 18， 慕名而來既叫左咖喱海鮮南瓜盅, 仲有香辣豬頸肉沙律&雞肉串。最值得一試既係個沙律，食到一半先記得要影！！實在太好味啦><||辣辣地仲有清新既香味、配埋生菜，口感一流

這店的泰國菜都算係數一數二難食 昨晚吃了生蝦刺身 啲刺身好霉好唔新鮮冬陰公湯就比較重椰味無想像中辣蟹肉南瓜炒飯 好似將所有野分開黎炒咁仲要無乜味道既炒飯 寧願去個茶樓叫個炒飯都無咁嬲 總之成餐飯咁既價錢咁既味道一啲都唔值！

最近忙到傻，都沒太多時間和男人拍拖，難得星期日只是早上工作，決定和男人走遠一點，坐巴士過海開餐。上次一嚐18巷後，已經說要帶男人來，今天終於來了。我比較貪新鮮，所以都點了上次沒點過的菜式。冬陰公蝦湯這裏的冬陰公湯，頗適合香港人口味，吃得出用上多種泰式香料，但味道不會太辣，材料也很足。泰式椰汁雞湯椰汁雞湯椰汁味很香濃，味道鮮甜，材料也一樣豐富。泰東北鮮蝦蕉花沙律(伴萬金葉)材料包括鮮蝦、蕉花、肉乾、腰果等，鮮蝦夠彈牙，蕉花有咬感，加上肉乾、腰果，有多層口感。味道與平常的泰式沙律不太一樣，不會太酸太辣，但微酸微甜很醒胃。而且可以用萬金葉包著吃，萬金葉強烈的草青味，為味覺帶未衝擊。我自己喜歡包著吃，味道更豐富，男人則更喜歡只吃沙律。18巷拼盤拼盤分別炸魚餅、炸蝦餅、蟹肉粟米餅、泰式春卷和炭燒豬頸肉。整體味道令人滿意，其中我最喜歡炸蝦餅和蟹肉粟米餅。炸蝦餅炸得剛好，炸漿不會太厚又夠香脆，內裡蝦肉又夠彈牙。蟹肉粟米餅則是用上薄炸漿，外層微脆，內層軟綿，蟹肉配爽甜粟米，口感豐富又不太油膩。伴著拼盤上桌的有以上三款醬汁，其中深紅色的辣汁，淺嚐已經夠剌激，會叫人非常回味，用來點豬頸肉或伴糯米飯吃實是絕

今晚同朋友黎銅鑼灣食飯, 佢話食泰菜, 講講下先知原本佢book左呢間18巷~ 18巷, 我lunch的時候來試過~ 佢個香葉肉碎飯真係好令人回味! 今次黎晚飯真係幾期待~今日朋友介紹左幾個菜式, 有燒牛肉木瓜沙律, Niamg豬頸肉同黑椒蟹~燒牛肉木瓜沙律用上和牛, 一D都唔UN, D汁配埋味道好夾, 好正呀~ 加埋木瓜沙律, 又唔會好油膩~Niamg豬頸肉- 炸到好香口, 又野味~ 配埋生菜包住黎食, 仲有花生碎呀, 青檸, 辣椒個D一齊食~ 正呀喂~秘製黑椒蟹- 通常蟹會叫咖哩, 但今次就試下新野, 黑椒味濃, 少少辣~ 肉蟹又多肉~ 點少少汁真係勁滿足~

一家去食晚飯，地方小比較迫但環境幾好。叫咗不同的菜式，總體味道普通。酥皮咖喱雞不夠香，酥皮不夠鬆化。炒軟殼蟹咸到阿媽都唔認得。泰式拼盤ok。酸辣鳳爪冇味道。蒜香通菜ok。豬肉菜包咸咗D。

朋友一心想吃泰國菜, 我們在Openrice的網上隨便找了一家泰國餐廳, 看到是在銅鑼灣世貿中心那裡交通還算方便. 因為只有兩人, 又是星期二晚上, 所以,預先沒有booking, 到了那裹才發現,雖然當時有位子, 但8:00pm要交出位子.  我們7:00pm才到, 有些趕.   我看到門面有氣派有些驚喜  , 泰國的吉祥物大象守在門口. 進到室內, 室內的裝修也甚有泰國風格, 座位寬敞, 完全沒有擠逼的感䁷. 燈光和諧, 環境舒適.  外面冷鋒到港, 特別享受溫暖的環璄.   餐牌還算清楚, 餐牌上有辣椒標記, 讓我們不愛吃辣的人不會搞錯. 等了15分鐘之後, 開始上菜. 辣椒乾腰果炒牛柳粒份量適中,  牛柳粒很嫩, 有牛肉的香味, 完全沒有鹼水味,  腰果味道可口, 配上小量不辣的辣椒. 味道相互帶出, 口感非常好!  椰香青咖喱(軟殼蟹),上菜一小鍋, 無肉小軟殼蟹三四只, 不怎麼脆,  但椰奶和咖喱的香味很夠, 以色香味來說, 味道差了些.   , 性價比低.  此菜很下飯, 當然少不了配上米飯. 最後要了個蒜香炒雜菜, 西藍花味道爽口, 配上黑木耳, 包心

食泰國野，點數都數唔到去銅鑼灣。最近終於俾我搵到間多野食、有特式又好食嘅泰國菜，仲要係泰北菜！大肚後好少食泰國野，BB出世後第一次食，大叫特叫！（加上人奶媽真係成日肚餓）泰式鮮蝦刺身生蝦刺身真係MUST HAVE 菜式，如果唔係就形住爭D野咁。新鮮、爽口、彈牙不特止，醬汁都好重要！分別配上紅綠辣椒，真係幾辣！泰東北冬蔭清湯（石斑）第一次飲冬蔭清湯，用上小鐵鍋上KEEP住溫度，好開心，最怕飲飲下變凍湯，份量亦夠4個人飲。同一般冬蔭唔同，酸味比辣味重，惹味開胃之作。石斑份量亦多，兼且非常爽口。泰東北特式NHEAM豬軟骨材料好多變化嘅菜式~有炸豬軟骨、花生、生菜及蔥、青辣椒仔、薑粒等配菜。可自由組合或變生菜包亦可!細細粒的豬軟骨炸得非常香口，味道帶點點嘅南乳味。將豬軟骨跟花生、青辣椒仔及薑粒放上匙更一啖放入口，味道香濃嘅豬軟骨跟微辣嘅薑同好辣嘅青辣椒仔混合，辣味直衝上腦！勁正！！！呢碟絕對係會食上癮嘅菜式！秘制黑椒豬手店員介紹係新菜式，坐月期間愛上咗食豬手嘅我即點！豬手好大份，有一刻老公好懷疑食唔食得哂….豬皮似係燒過，變得金黃色，大部份油份被炸咗出唻，唔會過份油膩。肉質頗嫩亦有有油香，豬皮

冬至大過年 但親友全不在港 唯有約D同道中人一起過 去咗食泰國菜 每人一份冬蔭功湯 我揀咗蝦湯 D蝦份量好足 湯酸酸辣辣 加上椰奶 一啖入口 又香又滑之後來個拼盤 有魚餅 蝦餅 蟹肉餅 春卷 豬頸肉同雜菜餅 味道不錯 香口食物加上用料新鮮 效果一定不會差得太遠值得一提 是個沙律 用香蕉花瓣 水果肉 配以大蝦 口感新鮮 味道有水果的清甜和大蝦彈牙 口感豐富