龍華酒店 (下禾輋)

营业中

休息中

脆皮燒乳鴿🔥龍華最出名就係乳鴿，細細個就已經同屋企人食過，直到依家都覺得係好食嘅乳鴿，乳鴿相對比一般酒樓食到嘅大隻啲，自然就厚肉同多汁啲，難得食乳鴿都有啖啖肉嘅感覺，而且一搣開真係見到啲肉汁滴出嚟，而且調味恰到好處，外皮微脆👍椒鹽山水豆腐片🧄山水豆腐亦係經典菜式，豆腐切片炸，再加埋椒鹽炸蒜就非常之香口惹味🧂薑蔥魚雲煲🥘上枱時啫啫聲夠晒熱，調味濃郁唔驚食到魚腥味～干炒牛河🥢干炒牛河話係當年李小龍最愛嘅菜式，一上枱嗰陣見到碟牛河出煙，證明係即炒又有鑊氣，食乾炒牛河最驚就係太油，依碟牛河食到底見到隻碟係乾嘅，可見炒得乾爽唔係油淋淋，河粉亦都偏向爽身，牛肉份量正常，而且頗為嫩滑，整體不俗！

媽媽細細個都黎呢度玩架🤩應該好多同我差唔多年紀嘅媽媽都應該認識呢度，但係就好耐冇黎🤪我推薦大家可以帶埋小朋友過黎玩☺️除咗最出名嘅孔雀之外，呢度仲有少量遊樂設施🛝，食完飯玩一陣，可以消磨一個下午❤️我哋兩個family，四個大人兩個小朋友，叫咗一個二人餐，再加少少嘢食，已經好夠食🤩龍華乳鴿喜雙飛龍華乳鴿喜雙飛真係好嫩滑，入口即化，仲有一股特別嘅香氣，小朋友就最中意，仲有炸蝦片😍情若蜆肉燕窩羹燕窩羹好滑好滋味，仲有蜆肉同埋燕窩嘅鮮味，真係好足料👏🏻喜慶洋洋焯海蝦焯海蝦真係好新鮮好爽口🦐，仲有鮮甜嘅蝦味，真係味道一流！上湯浸郊外時蔬時蔬真係好新鮮，上湯令味道更加濃郁，食落去好清爽健康！如意竹笙上素係當年陳寶珠同蕭芳芳最喜愛嘅菜式，竹笙同埋其他素菜炒味道淡淡地，非常健康❤️馳名沙田滑雞粥雞粥好濃郁，仲有好多雞肉，真係好有飽足感，不會太膩👍🏻韭黃肉絲炒麵麵條卜卜脆好香口，韭黃同埋肉絲都係好新鮮，份量仲好多😍原味手造豆腐花豆腐花真係好滑嫩，仲有豆香味，加上啲糖水，真係好開胃，係韓仔都食左兩碗😊

講到有標誌性嘅懷舊餐廳，一定會諗到龍華酒店，不知幾多人一定係條懷舊紅燈籠長走廊到打過卡！要知餐廳有幾標誌性，就要睇下有冇電影係到取過景，呢到掛左好多以前拍戲既照片，好有feel。呢度其實都勁多位，有室內又有室外，我哋嚟呢晚基本上都八成滿座，好熱鬧，另外餐廳外面，紅燈龍走廊之後都有一個兒童樂園，仲有兩隻真嘅大孔雀，如果夜晚黎真係好容易會睇漏眼！餐廳入邊亦有一隻鸚鵡叫妹妹，佢會識同你講Hello，勁得意！食物方面，叫咗風味避風塘鮮魷，順德海皇雜菜煲同石鍋海皇西施泡飯。個泡飯係得一樣嘢上枱，湯底好鮮甜，我覺得好出色，之後避風塘鮮魷都做得唔錯，外皮夠脆，又唔會好油膩！就連個雜菜煲其實都唔差，我哋最後連湯都飲晒！

龍華酒店聽個名已經聽左好多年，老字號，每次坐火車都會見到，好有香港特色既霓虹招牌，今日終於入來試下！難得依舊保留以前風味嘅裝修，好有特色！今次要咗個二人餐，包乳鴿，燕窩羹，海蝦，上湯時菜，同桂花糕，但係今晚冇晒桂花糕，所以就俾咗山水豆腐花我哋。乳鴿真係超級好食，散叫都要$99 一隻，所以我覺得二人套餐絕對抵食，一人食一隻，份量啱啱好，外皮香脆，肉質好，調味又啱啱好！燕窩羹都好好味，清清地，配埋乳鴿就好啱。海蝦彈身同有鮮味，份量都唔少！豆腐花都係好滑身，配埋桂花糖水，勁啱我口味。

星期日午飯時間，落到屋企樓下唔知食咩～咁岩有架280X 停低，咁就即刻上車去沙田食乳鴿。 龍華乳鴿是我的童年回憶，像是什麼特別日子才會去哪裡食飯慶祝，所以特別難忘。其實疫情前，一年總會有2，3次到來吃午餐，每次都是叫兩隻乳鴿，一碟乾炒牛河和細雞粥。當時真的擔心它捱不住，因每次去都只有幾枱，但卻又很享受那種寧靜的感覺。今次再次黎到龍華，簡直係人山人海，原來佢哋而家做團餐，當然也有做散客。坐低後，雖然人多，但也很就快有人開茶和落單，可惜已經唔係以前穿白恤衫加西褲的叔叔呀姨了，相信可能因為公司已經轉手。今次依然叫了兩隻乳鴿，一碟乾炒牛河和細雞粥。乳鴿有點油，沒有以前的鴿香， 牛河炒得很碎，雞粥就依然好味。希望大家唔好介意d食物成日食食下先影，我唔係專業打手，純粹想把好或不好的食店和大家分享，所以次次首要任務都掛住食。

細細個開始就每逢過年都會去呢度食燒乳鴿，記得以前真係有一隻隻活生生嘅乳鴿喺籠裏面捉出嚟，一陣就燒成香噴噴嘅紅燒乳鴿。相信係喺禽流感之後就已經冇咗呢個畫面，而家多咗隻鸚鵡喺洗手間門口，小路旁嘅鳥籠仲有一隻孔雀，算係小時後難得嘅記憶，美好而美味。講返今次食嘅紅燒乳鴿，肉質比外邊嘅新鮮，但係體積仲係略嫌細咗啲，紅燒嘅效果好過滷味，值得一試。嚟到沙田梗係要嗌下沙田雞粥，早幾年試過一次個粥底唔知係咪轉左廚師完全唔合格，今次挽回唔少分數，啲雞肉仲係幾新鮮。誠意推介仲有山水豆腐花，就算雪凍咗都仍然係滑溜溜。喺物質唔豐盛嘅年代，龍華酒店真係比唔少一代人有美好嘅回憶。

大年初三和家人到龍華食飯媽媽喜歡食乳鴿，所以揀左呢間餐廳去試點知⋯餐廳當日出菜極慢第一道菜乳鴿等左成粒鐘先上，呢道亦都係唯一一道好食既野😅其他野食等左近3粒鐘都未黎齊，最尾一家人決定放棄等待cut 單走😥😥餐廳人手嚴重不足，附近好多枱客同我地一樣等唔落陸續走人。最慘係d 湊老人家同小朋友黎食既人餐廳仲要堅持收返加二服務費，咁既質素真係冇下次🥲🥲

尋日初三去食夜晚，人的確好多，一入去個走廊的確幾特別，有d 千與千尋既感覺，適合打卡一族。 食物方面，因為係過年，叫左一席。裡面比較好食既有乳鴿，真係好香，唔燶，幾好食。 咕嚕肉，有d 與別不同既係，波羅放一邊，肉放一邊，無一齊炒。唔知係咪新年唔夠時間，預先炒一大盆，但味道的確唔錯。 個湯，好飲，唔似好多味精。 可惜，因為新年上菜等左45分鐘都有，太肚餓，就無影相啦。 埋單270一位，新年加二服務費黎講，算好平啦～

車公廟拜神再去龍華午餐係我家每年初三的指定動作，這習慣維持了8、9年……今年初三一如往年，兩點左右去到見到人頭湧湧，真心戥佢地高興，因為過去兩三年真係得兩三枱客咋！响接待處等枱時，已經有不少客人面燶燶咁行嚟催單，或者自己行出嚟招呼自己，所以一坐低梗係即刻落單先啦！紅燒乳鴿先到，熱辣辣，好食……但之後，我哋同其他枱一様開始無止境嘅等待……每碟餸廚房會先送去接待處附近長枱，再等侍應上菜。不過侍應真係好生手，毎拎起一碟餸，會先頭岳岳望一輪，再同其他侍應吱吱浸一輪，然後拎住逐枱問人有冇嗌過。而且，落錯單情況嚴重，攪錯晒枱號，明明遲啲嗌又會有菜上，因為大家嗌嘅嘢差唔多，侍應每拎一碟行過放低，旁邊枱會話：喂！我哋早啲嗌嗰喎！然後有啲侍應會露出茫然不知所措表情，亦有啲一副催咩嘅樣！所以不下一枱，包括我哋，最後都唔想再貼錢買難受，走！記得查單！錯到離晒譜，隔離10人嘅單會入曬我張枱數！記得舊年中佢哋接受慌張西望訪問，喊晒口話疫情影響生意呀，可能做唔住呀咁。我想話若果真係做唔住，唔會係因為疫情囉！

新年流流一早訂好枱同家人食飯，十二點半去到，訂好位都仲要再排隊等。坐滿晒人，一個大廳只有兩名侍應，經常要自己招呼自己。入到座，叫好菜，等咗45分鐘終於嚟第一道菜，及後每一道菜平均等候30至40分鐘再上一碟，身旁食客都話早過我哋嚟都未上齊菜。平心而論，只有乳鴿好食，之後嚟每一道無論賣相，味道，連溫度都惡劣...可以上到枱係涼的...身邊不斷有食客cut單走人...人走咗菜先到，樓面再將啲放涼咗嘅菜俾第二枱...極度混亂。最終等咗3個鐘都未上齊菜，由肚餓等到唔肚餓，只好埋單走人，仲要收加二服務費，真心唔知邊度服務緊，廚房係咪罷緊工。嚟食飯除咗帶錢，仲要預食法國餐嘅時間（非質素）評分一星都俾多

係香港講起食乳鴿 一定會諗起沙田龍華，一間好老字號既中餐廳👍🏻 雖然餐廳唔係話好就腳，不過喺沙田站行過去大概10至15分鐘，一條直路都算易去。眼見乳鴿係每台必要👍🏻👍🏻 乳鴿可以揀切開或者唔切開，我見好多人都係原隻上，餐廳會提供手套可以撕開黎食，都幾滋味！$98一隻，價錢都算進取，不過佢嘅size都比較大 其實都幾抵食，上枱熱辣辣。仲叫咗豉油王香煎海蝦$198/8隻，蝦嘅size都好大 而且佢仲會中間切開方便入味 都做得唔錯。隻蝦有炸得透，蝦殼脆脆地可以食埋 豉油連埋蔥油同埋蒜，好香口 👍🏻食中菜都會想食飯，我哋叫咗個鮑粒海皇福建炒飯 $168 好大碟！入面有好多帶子蝦同埋雞肉粒，我哋兩個人食有大半碟都打包拎走咗。晚市茶位都係$13/位，而且職員服務態度好好，想食中菜或者過時過節過嚟同屋企人食下真係唔錯嘅選擇。

龍華酒店聽得多，第一次去充滿驚喜，除左參觀紅燈籠🏮走廊，仲有孔雀🦚睇！今日食晚餐未有機會周圍逛下，下次帶埋家人飲茶都唔錯。🥢古法紹酒醉乳鴿：呢度出名食乳鴿，唔炸浸酒🍾都好食，一來鴿肉又厚又嫩，二來酒味唔濃，冇剌鼻苦味，做涼盤送酒亦得。🥢薑葱焗廣島蠔：地道而有鑊氣既焗蠔，好惹味，要配飯👍🏻。廣島蠔好大粒🤩。🥢新鮮菠蘿咕嚕肉：咕嚕汁唔太酸，較似生炒骨。菠蘿🍍好甜又冇渣，好食。🥢原味手作豆腐花：點了凍豆腐花，我諗熱食會更滑。味道 : 🔅🔅🔅新鮮 : 🔅🔅🔅分量：🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）

文華酒店是昔日經典園林酒店及茶座，空間感十足， 環境相當舒適，不少電影在龍華酒店取景， 留下 很多明星的足跡，裝修保留著五六十年來的風格， 牆上掛上很多懷舊 經典照片，恍似一個迷你博物館，讓人懷緬。 人氣龍華炸乳鴿、煎釀豆腐及乾炒牛河， 令人津津回味。懷舊共聚二位套餐498龍華紅燒鴿/兩隻沙田三寶之一， 龍華炸乳鴿， 是必點的菜式， 酒家沿用舊時的秘製配方， 用自家滷水醃製， 再塗上麥芽糖去炸，即叫即製的乳鴿皮炸至油光亮麗， 熱燙燙，香噴噴， 皮脆肉嫩， 仲充滿肉汁， 讓人吮指回味。紅燒花膠海皇翅/兩位金黃色的海皇翅， 打開蓋時，香氣十足， 好足料， 有矜貴花膠及魚翅， 入口濃稠鮮甜，口感黏糯， 滋補養顏， 完美配搭。碧綠花姿鳳片 爽甜的甜豆， 配上鮮味彈牙的花姿片及滑溜的雞， 充滿鑊氣，滋味的小炒菜式。上湯蝦乾浸時蔬翠綠的白菜 ， 浸泡在上湯中， 配 惹味的蝦乾， 入口爽脆帶淡淡鮮香， 我喜歡的家常小菜。 甜品QQ 彈牙的桂花糕， 口感一流， 甜味剛好， 淡淡桂花芳香。食飽之後，周圍拍照留念，尋找昔日明星的足跡，賞心樂事 !

星期六係平安夜，我同老公行完望夫石之後，夜晚去左龍華酒店食中菜。入到餐廳前會經過一段掛滿紅燈籠既路，好有特色。茗茶每位$13，我地叫左普洱。我地叫左五樣野，上菜速度好快。龍華極品紅燒乳鴿(頂鴿)龍華酒店果然出名食乳鴿，平時食既乳鴿都好少肉食，但呢度啲乳鴿做到啖啖肉，肉質都夠嫩，係我食過最好食既乳鴿，而蝦片都好脆。古法紹酒醉乳鴿第一次食醉乳鴿，聞到陣陣酒香，估唔到都幾夾，好食。馳名沙田滑雞粥食得出煲左好耐，雞既精華滲透晒係粥到，粥亦好軟綿綿。2-3人份量多到夠6個人食。上湯蝦伊麵六隻蝦全部都勁大隻，伊麵份量好多，好正。椒鹽山水豆腐片豆腐係一片片，唔係粒粒個種，味道辣辣地。

古色古香的「龍華酒店」位於龍華酒店 位於下禾輋村，由火車站步行10分鐘左右到達，泊車亦可在沙田警署旁有代客泊車，都非常方便就腳。一進入牌坊門口，已經有超吸睛的長長紅燈籠走廊，餐廳依舊保持五六十年代的特色，餐廳到處都是打卡位，連廁所出面都設計得非常有心思，打卡一流，除了有打卡位之外，亦有遊樂場、賞鳥區、孔雀區，大人小朋友來到都非常開心滿足。龍華紅燒乳鴿4隻紅燒乳鴿是龍華酒店的招牌菜色，所以來到是必食之一的菜色，乳鴿保持表皮香脆，啖啖肉，肉質好juicy 。金湯海皇魚肚羹好足料，有香濃的南瓜味，而且入面有大量蝦仁和魚肚，口感好豐富手一定要襯熱飲欖菜肉碎四季豆鹹香惹味既肉碎，配上爽脆的四季豆，送飯一流