龍華酒店 (下禾輋)

营业中

休息中

細細個開始就每逢過年都會去呢度食燒乳鴿，記得以前真係有一隻隻活生生嘅乳鴿喺籠裏面捉出嚟，一陣就燒成香噴噴嘅紅燒乳鴿。相信係喺禽流感之後就已經冇咗呢個畫面，而家多咗隻鸚鵡喺洗手間門口，小路旁嘅鳥籠仲有一隻孔雀，算係小時後難得嘅記憶，美好而美味。講返今次食嘅紅燒乳鴿，肉質比外邊嘅新鮮，但係體積仲係略嫌細咗啲，紅燒嘅效果好過滷味，值得一試。嚟到沙田梗係要嗌下沙田雞粥，早幾年試過一次個粥底唔知係咪轉左廚師完全唔合格，今次挽回唔少分數，啲雞肉仲係幾新鮮。誠意推介仲有山水豆腐花，就算雪凍咗都仍然係滑溜溜。喺物質唔豐盛嘅年代，龍華酒店真係比唔少一代人有美好嘅回憶。