龍華酒店 (下禾輋)

营业中

休息中

依稀記得細細個去新界親戚屋企拜年食過一間幾好食嘅乳鴿，問咗屋企人先知係龍華酒店，呢日專登出去回味一下。龍華酒店有好多年嘅歷史，位置比較偏僻同黑，但上完斜路之後感覺完全唔同唒，好光猛好有氣氛，星期六晚19:00-21:00仲有結他表演。🍽️龍華脆皮燒乳鴿 $128燒乳鴿係龍華酒店嘅招牌菜，我哋當然叫咗一隻試下！乳鴿炸到金黃色色澤好靚，表皮香脆，肉質幼嫰又入味，食落唔會好油膩。難怪以前嘅名人都專登搭飛機黎食！另外仲有兩片蝦餅跟埋，蝦餅好鬆化。🍽️金陵蔥油雞 (半隻) $168葱油雞肉質結實但唔乾身，好易咬，醬汁入口清新而有濃郁葱味。雞件下面仲有好甜嘅南瓜同洋蔥絲。半隻雞份量都唔少，雞件同醬汁非常適合餸飯！🍽️石鍋大少鴿鬆炒飯 $188鴿鬆生菜包食得多，今次試吓炒飯！炒飯用熱辣辣嘅石鍋裝住，可以有效保溫。飯粒粒粒分明，好有鑊氣。炒飯用料豐富，有大量鴿鬆同菜粒。菜粒除咗有口感仲帶少少甜味，而鴿鬆更係帶焦香味，為成個炒飯加咗唔少分！份量算多，兩個人一齊食啱啱好！.埋單嗰陣仲送咗2張光影展館入場票，又慳返$100！店員仲叫我地下次可以帶埋屋企人黎，因為佢哋有優惠平日夜晚4人枱以上會送一隻BB鴿，每日限量

由細食到大龍華乳鴿，十年前食都還可以，越嚟越唔掂，價錢又貴，唔怪得知星期六都冇乜人，兩至三人嘅雞粥，夾埋都唔知有冇五舊雞喺裏面乳鴿唔係大隻，但啲肉都還可以，乳鴿皮完全唔脆都算，D皮仲要油淋淋軟身的，炸完出嚟都唔係油到咁…. 椒鹽鴿蛋嘅蛋白好少，根本用啲厚粉去炸，唔係完整一隻蛋白，杏汁豬肺湯冇杏仁味且有點酸，難飲到極，越嚟越退步，請我都唔會再去，兩個人食啲雞粥都食剩，正常杏汁豬肺湯會好飲，呢度個湯點解可以差得咁緊要，我都未試過會剩返啲湯呢一餐食到我邊食邊覺得唔值兼失望

諗住今日母親節帶媽媽一嘗龍華酒店出名嘅乳鴿已經提早半個鐘到達餐廳，見到室內爆滿都知道係要等嘅，問職員點安排座位職員hea 答：你地等吓啦咁要等幾耐？ 職員唔知🤷🏻‍♂️陸續好多食客上到嚟大家嘅疑問都係 我訂咗枱請問有冇位？職員淨係識叫你喺室外搵位坐 等一係叫你直接坐室外枱 你見到咁嘅環境室外又熱，又多蚊 啲職員服務態度如此即刻唔會想幫襯 果斷地走人 你訂咗枱都冇用間餐廳根本冇預留到當日預約人數同枱最搞笑係 我哋都冇食到但記錄我哋出席咗囉冇幫襯都唔再幫襯

母親節訂左枱去食，去到果陣完全無問過訂枱資料就比左張枱我地已經覺得怪怪地，點知恐怖先開始。d枱開到逼一逼，坐滿左九成人，但個廚房根本做唔切，我地叫個炒飯等左個半鐘都未黎，催佢單，個阿姐淨係講句我都幫唔到你地！再望番遲過我地入果d枱，乜餸都未上重慘過我地。平心而論乳鴿味道係正常，但前前後後坐左兩個鐘都無飯食，最後忍唔住取消個炒飯走人，最好笑係係到等果陣一路觀察，去到走果刻成個堂都無送過一個炒飯入黎，枱枱都係到等，做唔切好心就唔好開咁多張枱，永遠無下次。

為了提早慶祝母親節，我們選擇了龍華酒店作為聚餐地點。由於家中有養狗仔，我們特意挑選了這家 Pet Friendly 的餐廳，方便帶狗仔一同出來享受美好時光。雖然我們需要坐在戶外，但幸運的是，當天的天氣並不算太熱，只是蚊子稍微多了一點。我們點了幾道招牌菜，包括最出名的乳鴿、菠蘿咕嚕肉、雜菜煲和一條新鮮的魚。乳鴿外皮金黃酥脆，肉質鮮嫩多汁。菠蘿咕嚕肉的酸甜口感剛剛好，非常開胃。雜菜煲搭配各種時令蔬菜。至於蒸魚令我哋喜出望外，肉質非常鮮嫩。整體而言，龍華酒店的餐點不僅美味，而且環境舒適，適合全家人聚會。雖然外面有些蚊子，但這並不影響我們的用餐體驗。

真係細細個就聽過呢間餐廳，大個再去都覺得幾打卡 able. 有一條好長既路先行到入去，餐廳內部報置好似酒樓咁，行到最前有個台，隔離有部機會播放懷舊音樂 ktv. 成個 feel 都幾復古。食物就叫左2款乳鴿，一款係招牌脆皮燒乳鴿，一款係紹酒脆乳鴿。乳鴿2款都係多肉汁，但我鐘意招牌乳鴿多d. 睇其他食評話覺得啲乳鴿好細隻，我食嗰隻就正常size，唔係特別細。紹酒味道嗰款乳鴿就一般係有啲酒味，但成個味道又唔係好出眾。覺得小炒唔算好抵食，所以叫咗個乾炒牛河正正常常，炒得有鑊氣，都可以。自己覺得未嚟過，可以試吓，感受一下八九十年代嘅中菜餐廳。

為左食乳鴿專程拜訪龍華酒店，充滿香港特色既地方買少見少，竟然比個停車場搞衰，一入去冇任何指示如何付款，泊車交低車匙理所當然食飯包泊車，如果唔係泊村屋做乜？貪地方乾淨？泊左之後先收張卡仔有一連串條款，英文版本寫服務費40,中文改蓋個印50,唔知係咪跟種族收費？都吾緊要，全程泊車哥哥冇提過收幾錢，當你收卡仔一刻就簽咗不平等條約。好可惜，一間咁有歷史價值既餐廳，連泊車都要偷偷摸摸，經理解釋連整個收費牌都唔得，好可憐。女經理話道歉，送碗豆腐花，伙記即出一碗冇糖冰凍豆花，正👍🏼

21/3/2025 同屋企人專程嚟呢度食好嘢。因為大家記得好耐之前嚟過，食乳鴿好正，一於睇吓有冇保持水準？亦或有驚喜？我哋叫咗：-紅燒頂鴿，必食，皮脆卜卜，鴿肉嫩口，蝦片配襯，好有肉汁😋新鮮菠蘿咕嚕肉，肉質有咬口，酸甜適中，配襯的新鮮菠蘿夠鮮甜，保持特色👍🏻紅燒山水豆腐，沙田豆腐，真係嫩滑。沙田雞粥，粥底夠火候，又有雞味，而且仲有好多雞件，雞肉美味。清炒菜心，翠綠新界菜心，好食。甜品：凍豆腐花桶，配以桂花糖水，花香清甜，豆腐滑口，圓滿美味的午餐。店員招呼友善，樂於給予提議。餐廳環境舒服，給人悠閑享受美食的感覺。之後，到 「龍華茶居」參觀文物珍藏，追尋滿滿的回憶！龍華酒店，－個值得推介的好地方。

(*˘︶˘*).。.龍華酒店:*♡終於來到了聞名已久的沙田龍華酒店，這家充滿歷史韻味的餐廳，聽說他們的懷舊粵菜做得非常出色，尤其是招牌的紅燒乳鴿，順便欣賞一下這裡的園林景色一樂也-龍華脆皮燒乳鴿個人超喜歡！乳鴿一上桌，那油亮亮的棗紅色外皮就已經讓人食指大動。輕輕一撕，皮脆肉嫩，肉汁還在滴呢！鴿肉鮮嫩多汁，火候控制得恰到好處，每一口都充滿了濃郁的肉香，有水準！沙田雞粥 招牌雞粥入口卻是滿滿的驚喜。米粒熬煮得軟綿細滑，幾乎入口即化，雞肉的鮮味完全融入了粥底之中，每一口都鮮甜無比，而且一點都不腥。粥的稠度掌握得剛剛好，不會太稀也不會太稠，個人超喜歡這種綿密的口感。菠蘿咕嚕肉 菠蘿咕嚕肉色澤金黃誘人，醬汁濃稠適中，酸甜比例調配得十分欣賞，酸甜開胃，不會過於甜膩。咕嚕肉炸得外酥內嫩，肉質緊實有彈性，每一塊都均勻地裹上了醬汁，而且份量十足。菠蘿增加了口感的層次，帶來了清新的果香。這道菜的烹飪手法和味道都相當到位，是一道非常有水準的粵式經典菜。--鴿鬆炒飯一上桌就香氣四溢，粒粒分明的米飯搭配著切成細丁的鴿肉、菜粒和雞蛋，賣相相當吸引。個人超喜歡這炒飯的口感，每一口都能嚐到鴿肉的鮮香，而且一點都不油膩

試次有位老朋友問我 ： 香港集體回憶知道多少， 其實我都好喜歡欣賞從前香港點滴😊老朋友說帶我來到的龍華酒店🏨原來在香港八十六年了， 早前我都來到品嚐美食 ， 其中乳鴿最出名！我走過特色的園林，大紅燈籠🏮高高掛的長廊，還有一大片綠油油草地，以及古色古香的凉亭。這間浪漫懹舊歷史的酒店，相信滿有上幾代人的情懷！坐在餐廳裏，還可以欣賞不少懷舊相片， 包括我最鍾意的李小龍先生！除了乳鴿，我們點了 山水豆腐花、 芋頭臘肉煲及經典炸大腸好吸引！龍華酒店地址：沙田下禾輋村22號

龍華都算係上一代人既回憶🥹建於戰前1938年喺香港最古老嘅酒店之一日佔時期這幢鍾家別墅被徵用作軍隊總部戰後才從日軍手上取回咖到1950年龍華酒店正式營業是戰後於沙田開設的首間酒店當時主要客源位於何東樓華僑工商學院既師生有人仲話：沙田有三寶「山水豆腐花」、「明火靚雞粥」、「龍華乳鴿」.龍華酒店係1950年代原來超級出名不少電影公司都會借用地方拍攝電影同埋錄音以前金庸喺呢度長租間房寫過書李小龍都係呢度拍過電影同埋練功依家嘅裝飾仲保留住以往50-60年代嘅感覺.｜龍華招牌乳鴿｜$128.龍華酒店只選用孵化不超過26天既嫩鴿先將鴿用滾水輕烚再用滷水汁浸熟然後係鴿皮沽上麥芽糖然後再炸保持鴿皮色鮮香脆末代港督彭定康都係熟客仔連傳聞蔣經國仲會派專機來港買乳鴿真係粒粒巨星🤩佢哋鍾意食都不無道理店員仲提議我哋原隻乳鴿上用手撕開食保留肉汁🤍多肉而且嫩滑好似食緊雞髀咁.｜李小龍最愛乾炒牛河｜.RN 好鍾意李小龍嘛佢餐牌講到李小龍最鍾意食乾炒牛河咁我哋一定要試吓啦（相信佢嗰陣時應該係要增磅哈）仲要份量都幾多又夠鑊氣！我哋各自食咗三大碗都仲有而且佢自己拎埋辣椒醬俾我哋呢下好加分當然佢嘅乾炒牛河都係食情懷為主可以

小時候父母常帶我到龍華酒店食乳鴿，而今我也帶回自己的小朋友來懷緬一番，真是充滿了回憶。這裡的環境及美食讓我印象深刻，特別推薦他們的幾道特色菜。😍❤️龍華脆皮燒乳鴿燒乳鴿外皮酥脆，肉質鮮嫩多汁，口感極佳，每一口都散發著燒烤的香氣。🧡秘製豉油王乳鴿豉油王乳鴿則是另一番風味，醬汁濃郁，鴿肉吸收了豉油的精華，味道層次分明，讓人欲罷不能。💛龍華煎釀手做豆腐手做豆腐夠嫩滑，搭配新鮮的餡料，口感非常豐富。每一口都能感受到豆腐的細膩與餡料的鮮美。💚瑤柱野菌金菇炆伊麵這道炆伊麵更是讓人驚喜，瑤柱和野菌的香氣與金菇的鮮甜交織，麵條吸收了湯汁的精華，十分美味。值得一提的是，這裏還有晚市優惠，星期一至五晚上四人惠顧會送一隻BB鴿，每日限量10隻。如果送完，就會改送椒鹽豆腐或者甜品，這樣的優惠相當吸引。💖聽說星期六晚仲有結他表演為用餐增添了氛圍，輕鬆的音樂伴隨著美食，相信更有氣氛。🎹除了美食，我們還參觀了香港光影展覽館。這裡就像時光隧道，帶我們回到舊香港，展覽館內展示了舊時家居、涼茶舖、士多等擺設，所有展品都可以互動，非常有趣，全部都是打卡位。📸龍華酒店不僅有美味的食物，還提供了豐富的文化體驗，非常值得一訪！帶小

香港嘅懷舊粵菜館真係買少見少，沙田嘅龍華酒店除咗裝修極具中式風味之外，燒乳鴿亦十分出名👍🏻喺呢度食飯，有一種坐時光機回到過去嘅感覺😉庭園風格嘅設計 環境古色古香，周圍又有動物睇，最近仲新增咗光影展館，可以睇到好多懷舊展品必食脆皮燒乳鴿👍🏻 真係皮脆肉嫩，尤其係乳鴿脾🤤啖啖肉，撕開仲有D油流出黎，真係又juicy 又惹咪🤩果然係每一枱都必點。我另外仲叫在翡翠炒帶子蝦球同韭黃肉絲炒麵，份量大碟👍🏻肉絲炒麵炸得好香口，帶子蝦球又新鮮彈牙👍🏻如果平日晚市4人枱以上，仲有BB鴿送（限量10隻）。 另外仲包2張樓下光影展館嘅入場券，食完飯可以去睇埋懷舊展覽。星期六晚7-9仲有結他表演🤩所以夜晚過嚟食飯仲抵，推薦俾鐘意懷舊中式文化嘅朋友仔，仲有好多外國遊客都特登過嚟食嘢影相📸

龍華酒店可以話係沙田的歷史一部分，餐廳簡樸懷舊，帶有濃厚嘅本地特色。呢度每一道菜都係滿載香港人童年回憶嘅味道，無論係家庭聚餐定同老友回味，都係一個好選擇。雞粥係龍華酒店嘅招牌之一，絕對係必試之選！ 粥底煲得綿滑，淡淡嘅米香，帶有雞香。灑上少許香蔥、薑絲同胡椒粉，好暖胃。乳鴿係龍華酒店另一道不得不提嘅經典菜式。 外皮炸得金黃香脆，內裡嘅鴿肉嫩滑，油香四溢。椒鹽鮮魷，經典嘅港式小炒。魷魚炸到外層香脆，內裡彈牙。餐後甜品當然唔少得木桶懷舊嘅豆腐花。 豆腐花好滑，帶有淡淡嘅豆香味。配埋桂花糖，甜而不膩。

.‼️❤️ 記得CLICK我PROFILE關注我呀 ❤️‼️.🐦 開左86年嘅沙田乳鴿 @ 🌟 龍華酒店 🌟.💁‍♀️ 圖片展示美食為：龍華脆皮燒乳鴿 HKD 128雜果京都骨 HKD 168XO 醬爆龍鳳球 HKD 198.😛 好多人都聽過「龍華酒店」，因為佢堅老字號，1938年開幕架！細細個嘅時候踩完單車一定會嚟呢度食晚飯，好耐冇嚟過，今次剛好有機會經過，點可以唔嚟食飯。.🔥 呢度最出名係食乳鴿，呢個「龍華脆皮燒乳鴿係最出名嘅招牌菜」幾乎每檯必叫。燒鴿皮脆肉嫩，個個都舔舔脷。.🍊 餐牌入面嘅推介菜式有呢個「雜果京都骨」，都幾多舊，酸酸甜甜，配埋碗白飯正。.🦐 個名「XO 醬爆龍鳳球」好特別，原來即係雞同蝦咁解。好大碟，雞球同蝦球都抄得惹味，仲有好多西蘭花打底。.😎 好耐冇嚟呢度食嘢啦，空間好大坐得好舒服，尤其室外超多燈籠下用餐打卡一流，感覺懷舊，有機會可以嚟打卡試吓。.📍 沙田下禾輋22號地舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.