黑門水產すいさん (棉登徑)

又到冬天，適合食熱野的日子，除咗BBQ,火鍋外，小胖冬天都好愛食甲羅燒，所以小胖就和胖友搵到一間甲羅燒專門店🦪一入到去，小胖感覺自己返咗去日本，整間店的裝潢都超日本，超ig able📸講明食甲羅燒，佢的甲羅燒選擇眾多，有不同的蟹燒，貝燒等，當然，亦有其他日式料理，如刺身，丼，天婦羅🍤等，唔少得的清酒，啤酒和無酒精飲品佢都有，真係選到選擇困難症發作😂小胖一心想食甲羅燒的，所以選咗招排蟹味噌甲羅燒，極上貝燒和龍蝦湯煮海鮮，甲羅燒的海鮮新鮮度好重要，因為主要就係食海鮮的鮮甜味佢的海鮮好新鮮，每一啖都食到海鮮的鮮甜味，而且用料十足，如蟹味噌甲羅燒，每一啖都係滿滿的蟹膏，不過單食有點鹹，所以一定要配餅食。佢貝燒上的元貝超大隻，而且煮到剛好，又甜又嫩，作為配搭的海膽亦十分足料🤤佢的龍蝦湯煮海鮮配料超多，有成4，5種海鮮係入面，冬天飲，真係心都暖埋😍小胖仲叫咗其他如三文魚加州反卷，大漁魚子醬脆脆包，花酒漬甘蝦和油甘魚刺身，每一樣都好好食，不過當日的脆脆包小胖覺得有點過硬，但包上的用料真係多，都可推一試的佢的價錢唔算好貴，小胖和友人食咁多，人均都係3百左右，性價比高呀！

玫瑰梅酒在冰球上鋪上一片玫瑰花瓣，優雅脫俗。濃郁梅子的香氣，甜中帶酸梅子的味道，非常容易入口，女士們的最愛。柚子檸檬梳打有清香的柚子味，而且甜度恰當，再配合檸檬梳打清爽開胃。冷盤有岩手縣赤崎生蠔和三文魚刺身上。岩手縣赤崎生蠔擺放了一些檸檬啫喱條、蟹子和蔥花，提升了整體的口感。生蠔極之肥美，海水味不濃，不會過咸，而且加上檸檬的清新香味更能提升了生蠔的鮮味。另外，三文魚刺身不但厚身，而且肥美、新鮮。蟹油蒜燒帆立貝用清酒混合蒜泥燒煮，在烤爐上香氣不斷湧出來。帆立貝大隻肉厚，每一啖都有濃郁的酒香和蒜香。赤鬼蟹味噌甲羅燒偏辣，蟹蓋上滿滿的蟹膏‧、蟹肉、蟹子和飛魚子，鹹甜適中而且鮮味十足，另有兩塊梳打餅伴食。黑門令大漁魚子醬脆脆包有三文魚子、蟹子、黑松露、海膽、甜蝦，集合各鮮味於一包！包本身香口鬆脆，加上各種配料後，不論味覺還是口感都十分豐富。＊＊＊必食之選＊＊＊黑門令龍蝦湯煮海鮮材料多樣，有芋絲、螺、蝦、蠔、冬菇、魷魚、金菇等，湯汁十分鮮甜。赤鬼海老天飯卷的外層沾滿蟹子，加上裏面鬆脆的天婦羅炸蝦，咬落口感有層次。脆燒白穴子串外層燒得十分香脆，裡面的魚肉肉質鮮嫩，火喉控制一流，絕不令魚汁盡失。總括

餐廳裝修得非常之靚極有日本居酒屋的感覺如果你揀貝燒浜燒架話，更加有人喺你面前煮畀你食。喺幾正嘅體驗。黑松露白汁燒帆立貝 $88帆立貝非常之大粒。一 煮好侍應好貼身咁幫我哋 切開粒 帆立貝。熱辣辣嘅帆立貝配上惹味嘅黑松露白汁，好好味。黑門令蟹味噌甲羅燒 $72蟹膏加上鵪鶉蛋蟹子蔥花同少少蟹肉，擺喺火爐上面煮到融為一體。煮好襯埋紫菜味嘅梳打餅 一齊食。個蟹膏熱辣辣暖粒粒咁食落肚真係好正呀。天氣凍食更加係一流💞黑門令大漁魚子醬脆脆包 $78脆脆包上面鋪咗魚子醬/三文魚子/海膽/拖羅魚蓉/葱花等等。食材好新鮮鮮甜。同個脆包好襯。黑門令龍蝦湯煮海鮮 $88龍蝦湯好高質，配料例如鮮蝦/ 魷魚/青口/芋絲，索左龍蝦湯好正呀。最鍾意食佢個芋絲。

年尾又到喇, 開始清年假行動, 今日打算同老公食完晏後去做facial。搵左呢間食評好好同可以網上訂位既餐廳。好少平日食飯時間到尖沙咀, 聽老公係港島區食晏既慘況, 話又貴份量又少既餐廳LUNCH時間都要等位, 仲唸住今日BOOK左1點既我地會食得好迫夾。之但係....咦....得一枱客人食緊咋喎。直到我地埋單離開, 都係得三枱客人。我地點左味噌煮牛肋骨定食, 黑門令三色丼同🥤可樂。黑門令三色丼 - 望住呢個丼飯既第一個感覺係好適合🤳打卡, 因為顏色好靚。要讚下佢地既前菜, 蒸蛋同麵豉湯, 全部都好味, 有質素, 蔬菜新鮮, 蒸蛋滑溜, 湯也足料。但個主角 - 三色丼就失色了。壽司飯黏性不夠也偏乾, 有點懷疑不是使用珍珠米。吞拿魚同樣偏乾硬兼完全無味。海膽又係, 如果🙈矇住眼食佢同吞拿魚, 直情唔知自己食左D咩。成個飯, 覺得最好味既係蟹柳沙律, 沙律醬味道足入口creamy, 蟹籽份量也多。味噌煮牛肋骨定食 - 我淨係試左啖醬汁, 味道濃郁有層次, 不過就好咸, 老公話攞黎撈飯🍚就啱曬。但佢話牛肋骨質素就好一般, 偏乾柴, 超市首選牌既牛肋骨都好食過佢好多。黑門水產食評咁好會係因為午

今日係同老婆結婚三周年嘅前一日一，但係聽日唔夠時間整嘢食，所以我哋決定早一日去食好，聽人講話尖沙咀有一間餐廳食水產比較出名，所以我哋就去咗黑門水產，地鐵站加拿分道一出行咗大概5分鐘嘅棉登徑就見到佢啦，門面唔使講真係好靚，裝修一流，好有日本嘅特色，由於疫情嘅關係好耐都冇去過日本，老婆又好鍾意日本嘅地道美食，由於老婆鍾意試新野所以就整返杯海底之心，作為老公嘅我梗係要試吓有冇毒先啦，呢杯嘢真係幾好味，自己就嗌左杯日本Orion生啤酒🍻，真係幾好飲好容易入口。頭盤梗係整返個黑門三文魚加州反卷，同埋三文魚刺身，呢個我就唔特別介紹啦，跟住係 脆燒白穴子串，又脆又香都幾好味，由於我哋實在太掛住日本嘅海產所以幾乎全部都係水產海鮮，如果你想試新野就要食，活鮑魚刺身，好爽甜，呢個黑門玲蟹味增甲羅燒好鮮味，好有層次嗌咗個極上大魚貝燒，好食都唔知點樣形容你哋真係一定要試吓黑門玲龍蝦湯煮海鮮，淨係聽個名就知道正。箇中海水嘅鮮味新鮮程度，根本就唔需要講嘢呢幾種水產，直頭有專人幫你燒埋，重點推介係黑門玲大魚魚子醬脆脆包 ，日本名係Kuromon Rimming Caviar ，將日本嘅美食帶到另一個層次呢間餐廳我絕

行街路經見到呢個咁日式風格門面，就已經勁有衝動過黎食😍今次同朋友約埋一齊黎，叫左油甘魚刺身(4切)($88)、花酒漬甘蝦刺身(6切)($98)、黑門令大漁魚子醬脆脆($78)*2、脆燒白穴子串(1本)($98)、黑門令龍蝦湯煮海鮮($88)、黑門令蟹味噌甲羅燒($72)、黑松露白汁燒帆立貝($88)、黑門三文魚加州反卷($98)、柚子生啤($68)、梅酒 (杯)($58)環境勁好氣氛，真係已經去左日本旅行咁😍梅酒、柚子生啤：黎得食居酒屋冇理由唔CHILL返杯😜梅酒好清甜易入口，而生啤加入左柚子蜜喺入面，多份果甜味效果又幾好飲😍食物陸續送上，影張相先得🤩油甘魚刺身：每一片都好肥美，魚味清鮮入口嫩滑😋花酒漬甘蝦刺身：呢個有驚喜，建議要食下👍🏻甘蝦因為用左花酒酒漬過嘅關係，所以比起平時食開嘅甜蝦刺身鮮甜得黎多份濃郁嘅酒香味😍黑門令大漁魚子醬脆脆：用料非常豐富，將海膽、魚子醬、吞拿魚蓉、三文魚籽、蟹籽、蟹肉等新鮮材料放喺多士上面，直情係一個迷你海鮮拼盤一次過放入口裡面，味道鮮甜，層次豐富，滿足感爆燈🤩黑門令龍蝦湯煮海鮮：職員會放上烤爐為你烹調，裡面有蠔、大蝦、魷魚、螺、芋絲、金菇，用龍蝦湯煮，

一直聽聞棉登徑好多好野食，前日放假特登去碰下運氣，俾我搵到間正野🥳🥳🥳由門口到室內環境，都俾到一種去旅行嘅感覺我，再望埋個餐牌，樣樣都想食呀！😜😋日本野呀嘛，梗係先來一個魚生刺身先啦！呢舊油甘魚不得了，厚切，超鮮，真係有種齒頰留香嘅感覺🥳🥳🥳來一個串燒吧！唔記得咗係乜嘢名，不過waiter 話我可以理解為日本嘅大鱔，wow, 好有質感，燒到個皮脆卜卜，但仍然keep到肉質juicy😜勁！食日本餐除咗麵豉湯，我真係未試過飲龍蝦湯，我見好多人都大贊，即管試吓先，Yummy Yummy 呀！多料、唔煋，我一個人霸住食晒😂😂😂Signature 甲羅燒，我真係人生第一次食，睇住佢燒，然後自己搽上塊餅度食，成個體驗真係wonderful, 我要帶媽咪嚟食多次！！😍朋友食指大動，再加追一個魚子醬吞拿魚海膽脆脆包，咬落去嗰陣時「卡」一聲勁大聲，個包真係脆得perfect 🥰我亦都叫咗個炸蝦壽司卷，個炸蝦係新鮮整嘅，脆卜卜，有肉地，個壽司飯亦整得好好味，雖然我已經好飽，但係我都全部食晒😅😅最後最後，不得不讚下佢啲飲品，好飲之餘亦好好睇，嚟呢度食嘢真係一個超級大享受，好似去日本走咗一轉咁，大滿足！😇😇😇

放工就喺附近搵嘢食，我地兩個都好鍾意食日本野，咁就揀左附近呢間黑門水產。黑門令蟹味噌甲羅燒當中有蟹肉，蟹子，鵪鶉蛋，蟹膏同蔥，用火爐燒熟它再mix一起，就變成蟹醬。用梳打餅點熱辣辣既蟹醬，味道非常香甜，唔會覺得好流，哩個配搭唔錯。岩手縣赤崎生蠔生蠔滑而creamy,當中帶少量海水味，肉質肥美，開既過程好好，當中唔會有蠔殼碎，食完一隻好想再encore赤鬼海老天反卷反卷細細件，當中有炸蝦，表面有魚籽和飛魚籽，再配一些千島醬，味道帶甜甜和脆口，魚籽爆開仲滿口魚籽汁，每人食三件都好夠喉。蟹油蒜燒帆立貝帆立貝比想像中大隻，我鍾意蒜蓉夠多夠香，店員煮熟時間剛剛好，食落口仲好juicy 同唔會太鞋。黑門令龍蝦湯煮海鮮當中有蝦，冬菇，金菇和龍蝦肉，哩個煮法第一次食，感覺新穎，龍蝦湯夠濃郁，份量唔會太多，一人一d岩岩好。黑門令大漁魚子醬脆脆包每人一件，當中有海膽，魚籽，飛魚子，吞拿魚溶，非常豐富，食完呢個真係好滿足。奇異果梳打好香奇異果味，味道清甜，感覺好fresh,呢杯野好好飲，下次一定會再叫。

今日同朋友食飯，朋友推薦黎衣到食，食完真心唔錯，環境佈置偏向日風，令到有返到日本家鄉既懷抱，食物質素高，服務都可以，雖然話限1個半小時，但都冇催我地交台，可以慢慢食、慢慢吹下水，輕鬆快樂既一餐最推薦係蟹膏甲羅燒，正，好好味😋其次，海膽海鮮法包，有海膽，有吞拿魚容，有魚子，有甜蝦，上鮮軟，下夠脆鰻魚玉子燒，都好食，即整，新鮮熱騰騰，外有玉子蛋香包著惹味鰻魚魚生併盤都好新鮮，食到魚既甜味，又夠厚，唔係薄薄既一片

記得第一次享用嘅『甲羅燒』就係來自『黑門水產』店，今次再次幫襯，有好多嘢想食，睇過度過之後揀咗以下食物:1.『黑門令蟹味噌甲羅燒』2.『黑松露白汁燒帆立貝』3.『黑門令大漁魚子醬脆脆包』4.『黑門令龍蝦湯煮海鮮』5.『脆燒白穴子串』6.『赤鬼海老天反卷』7.『三文魚刺身』和『油甘魚刺身』首先出場嘅係刺身，三文魚和油甘魚都幾大件同新鮮。食嘅同時店員亦即場幫我哋整『燒帆立貝』和『甲羅燒』，帆立貝和黑松露好襯，整嘅同時黑松露的濃香味就咁涌晒出來，而食時就有帆立貝嘅鮮味同埋彈牙的口感，『甲羅燒』内蟹膏鮮甜味美够軟滑。魚子醬脆脆包據說係店裡大賣產品，而我和朋友食完之後都讚不絕口，脆包上有矜貴的海膽，魚子醬，口感豐富，配坦食落『索索』聲的脆包，下次一定再來過。鰻魚的親戚『穴子』，燒起來外脆内軟，感覺同燒鰻魚相近。龍蝦湯煮海鮮對我來講有香濃龍蝦味和鮮蝦，魷魚，蠔，實在好鬼滿足吖，食埋海老反卷又飽肚又開心，再配埋梅酒，巨峰梳打真心good。

今日黎到尖沙咀嘅黑門水產，驚喜了我！首先環境好日本~~打卡一流喔食物款式感覺唔似出面咁易食到，款式好地道，唔似連鎖店嗰啲黎黎去去都係果幾樣，而且賣相都好好，讚讚讚🔸蟹膏有生蛋，蟹籽，蟹膏。店員會即場用個燒爐加熱同撈混😍塗係梳打餅上食 ，蟹膏味超香，is my top one favourite💛❤️而家諗起都想再食。佢本身係配兩塊餅，而蟹膏嘅份量根本綽綽有餘，所以店員主動比多兩塊餅我哋食好好味🔸秋刀魚魚生第一次食秋刀魚嘅魚生，食落去有啲似吞拿魚嘅感覺，特別啊🔸鱈魚白子我哋亂咁叫完都唔知咩嚟，以為係魚生啦，上到菜個樣好似係烏冬，點知原來係鱈魚嘅精子🤣🤣笑死，當試新野，人生要試吓嘅🔸黑門令大魚魚子醬脆脆包呢個係黑門水產嘅招牌，一小件好精緻但有好多料，個餅底勁脆，好似分子料理咁🔸黑門令龍蝦湯煮海鮮🦞龍蝦味好足，好濃郁🔸蟹油蒜燒帆立貝都係即場幫你燒，有少少咸左d🔸三文魚加州反卷推薦！大份可以share飲品推薦奇異果梳打🥝

同朋友慶祝生日，知佢鍾意食日本菜，就揀咗依間位於尖沙咀棉登徑嘅居酒屋，黑門水產。餐廳裝修充滿日本風情，而菜式都有好多選擇，刺身，冰燒，貝燒，漬物，鍋物，丼等等，全部都係日本食材和地道款式，有如置身日本。甲羅燒同貝燒都係由職員燒埋，非常貼心。赤鬼蟹味噌甲羅燒：加入微辛明太子，食落刺激，但仍然搶唔走濃郁嘅蟹味，食完齒頰留香。蟹味噌燒帆立貝：配上蒜蓉，牛油和清油，帆立貝嘅鮮甜仍然出衆，非常新鮮。職員燒完仲會剪開，可以同朋友share食。岩手縣赤崎生蠔：生蠔手掌般大，肉質非常肥美和爽口。平時食蠔多數會滴檸檬汁，而黑門嘅師傅就自家製青檸啫喱，配上生蠔食，非常有心思。黑門令龍蝦湯煮海鮮：細細兜但材料豐富，龍蝦湯香味濃郁，回味無窮。黑門令大漁子醬脆脆包：名副其實嘅脆脆包上面有大蝦，海膽，漁子醬，三文魚子同吞拿魚蓉，鮮味十足口感豐富。仲有脆燒白穴子串，黑門鰻魚玉子燒和黑門三文魚加州反卷都好好食，而玉子燒裡面夾住鰻魚，非常特別。飲品係梅酒和巨峰乳酸。整體來講食材新鮮，職員有禮，係唔錯嘅選擇！

今日朋友約左小妹收左工之後去尖沙咀嘅居酒屋一齊飲杯野happy hour一下, 朋友揀左位於棉登徑嘅黑門水產, 小妹1800入去時未係咁多人, 未夠1830就開始愈來愈多人, 好彩朋友一早訂左位!🌟玫瑰梅酒入口有清香嘅梅味, 甜度唔高, 酸酸甜甜好開胃🌟Orion生啤🌟黑門令大漁魚子醬脆脆包脆包上面放有滿滿嘅海鮮軍艦, 有魚子, 黑魚子, 蟹籽, 海膽, 吞拿魚蓉等等, 非常豐盛, 口感豐富而且好鮮味🌟黑門三文魚加州反卷三文魚卷大大件唔鬆散幾飽肚🌟海膽蟹味噌甲羅燒甲羅燒有蟹籽, 海膽, 蟹膏, 蟹肉同鵪鶉蛋, 店員將佢撈暈燒好, 燒好熱辣辣配合海苔餅乾, 十分惹味🌟極上大漁貝燒帆立貝上面放有多種海鮮, 有帆立貝, 蠔, 海膽, 魚籽同蝦, 鮮味十足🌟黑門令龍蝦湯煮海鮮龍蝦湯味道濃郁, 海鮮入哂味幾鮮甜🌟花酒漬甘蝦刺身甘蝦肉質爽彈鮮甜🌟秋刀魚刺身原條秋刀魚起肉, 魚味濃郁鮮甜, 肉質清爽

琴晚約同事一齊去食呢間野，第一次食。叫左一大堆野，上得慢，仲要漏單。 入到去食左一個鐘左右，就話要交檯要埋單，但其實仲有一大堆壽司未上。之後d 職員先check 原來d 壽司漏哂單。諗住仲有四、五個字先要交檯，又未食飽，間餐廳又漏單，拿拿聲諗住再叫多d 野食啦。點知個經理同我地講話唔可以再洛單。因為洛完單之後我地張檯就會過左交檯時間。明明係間餐廳自己上得慢，仲要漏哂單遲上，都可以唔比食客加單叫野食。講真d 野食又唔係特別好食，價錢又貴，服務又西。唔會再有下次。

尖沙咀由麼地道至棉敦道一帶，都非常多高質餐廳。今晚思鄉😂去咗呢間同濱燒海鮮居酒屋100%一樣嘅黑門水產。牆身嘅大阪心齋橋地圖，吊喺度嘅貝殼，播住日本歌同埋食品嘅煮法，令人非常放鬆地享受一趟日本滋味旅程😋黑門令大漁魚子醬脆脆包（$78）係非常豐富嘅口感！脆脆包鋪滿咗海膽、黑魚子、蟹子、魚子、蝦刺身、蟹膏等等新鮮食材。包嘅口感非常脆，每啖都食到唔同食材嘅新鮮味道。特別係啲魚子，用牙一咬開，醬汁慢慢喺口入面噴發出嚟，加埋非常有膠質嘅刺身蝦，好特別。海膽蟹味噌甲羅燒（$78）應該算係呢度最出名嘅食物。78蚊好抵食，蟹膏、蟹子、香蔥，撈埋隻鵪鶉蛋，香濃鮮味。濱燒類海鮮的話，店員仲會係你面前燒埋，務求令食物質素保持最佳狀態。濃郁鮮味嘅蟹膏，配埋無限供應嘅紫菜梳打餅，一啖吞落肚👍好想Encore牛油燒帆立貝($72)睇到係好新鮮大隻嘅帆立貝🤤店員會好細心咁將帆立貝剪開一舊舊，加入牛油、酒，用爐端燒食法燒香佢，最後灑上黑椒👍鮮甜入味是日推介秋刀魚刺身（$268）真係好特別。第一次食秋刀魚嘅刺身版，塊數都好多，配埋薑蔥壽司豉油，進一步提升魚嘅鮮味。秋刀魚嘅皮滑嘟嘟，肉質有啲似薄薄的吞拿魚。而且好欣賞佢啲