麵麵店 (已結業)

很久沒寫評....久違了 Σ(゜ω゜ノ)ノ因小儀名字加上是車仔麵，朋友們決定找個星期六專程到佐敦吃個究竟兩點多到達，店內人多到不得了。幸好不用等太久便可入座，職員也很禮貌。(o゜▽゜)o☆午餐未吃。眼闊肚窄情況下，叫多兩款小吃。對於瑞士雞翼，我只可以說難食。雞翼面是有瑞士汁味道，可是內裡（＃－.－）麵包加入竹碳粉，一般來說是特別的。蒜茸味道很濃，蝦膠香脆彈牙。我選的大多是現成食物，不會好難食。可是朋友說沙爹湯底較淡，而我選的辣汁則只是辣味而已。車仔麵來說價錢偏貴一點點，不過可以一試。

我o係n年前已經成日幫襯麵麵店, 舖仔細細，lunchtime必定迫爆, 但因為好鍾意食佢o既車仔麵，所以都照等位搬左舖之後，一直都冇去過，上個月路經佐敦，為左緬懷下「那些年」的日子，所以特登去幫襯下。新舖係乾淨左、感覺後生左，睇下張點餸紙仔，價錢都貴左.... 我點左我最愛的酸齋、蘿蔔, 木耳, 魚肉春卷....都keep到以前水準~~~ 讚~~~~!!! 另外，叫左杯紫貝天葵....呢杯野我就真係麻麻地....可能個人口味問題啦，我真係唔太buy個味d waiter都係後生仔, 服務唔錯, 有禮貌, 加分!!車仔麵來講，我覺得貴貴地，不過佢d餸唔係間間車仔麵店都有得食，所以我都會繼續幫襯^_^

下午7點度去到，唔使等位。店門外邊有張凳，等位個陣就唔使咁攰，幾貼心嘅感覺。車仔麵單點嘅話︰麵底除咗烏冬同出前一丁要11蚊，其他好似油麵、粗麵等嗰d就7蚊;配菜一律8蚊一種。又或者34蚊有4餸(任揀)，麵底好似係喺7蚊嗰d度揀，仲可以加4蚊有嘢飲。叫咗4餸餐，加山楂冰(因為無咗紫貝天葵)︰湯底叫咗薑酒味︰無乜特別，飲唔出薑味，亦飲唔出酒味 - - 不過又唔會難飲嘅；油麵︰就係正常食開嘅油麵……蘿蔔︰好食。好入味，係清甜個種；酸齋︰正常，唔可以講好驚喜；沙葛餃︰好好食，好爽，要歸功於d沙葛；麻辣蓮藕︰好好味。蓮藕唔會過淋，又唔會過爽，好入味。不過正如好多食家所講，麻味有，辣就只有微辣程度。山楂冰︰正常。餸嘅份數好多，油麵份量正常。不過由於餸多，食曬d餸都已經飽飽哋，所以最後食剩一半麵。埋單38蚊。臨走見到坐位隔離貼住類似︰車仔麵最低消費兩餸一底。

都係慕小儀之名而來不過車仔麵有牛膀牛肺應該無乜邊度有環境唔錯,不過張櫈唔識坐差d pk.........車仔麵個肺幾得,同街邊o既食落好唔同墨魚卷脆皮正醉雞腎有d硬,不過個味幾好留意最好食係d紀子,記住要食埋~瑞士雞翼好差喎..............小儀要再QC下囉.............入左味呀,不過唔係入左瑞士汁味,係雪氣味..............奶茶紅豆冰奶茶同紅豆冰兩樣都係我幾鍾意飲o既野依味野我o係第二度都飲過但都係"合唔埋"囉

到此店吃車仔麵，原因不只是餸好味，價錢合理，最關鍵是友人喜歡食車仔撈麵。對上一次光顧是一個月前，即七月七日。套餐四餸一麵加一杯紫貝天葵或豆漿都是三十四元。湯底有清湯底、沙嗲、辣汁、薑酒湯同乾撈等選擇。今日與友人約下午四時到。服務員提示四餸一麵已不包餐飲，但價錢無變，如要餐飲就可加四元。見有下午茶餐，內包三餸一麵一餐飲，與友人商量後就決定要下午茶餐。點餸紙上的選擇也不及當日多，最明顯是用滷水雞翼取代了瑞士雞翼；而湯底除沒有薑酒湯，連乾撈也不見了。問服務員先知乾撈要另加四元，服務員解釋乾撈的湯汁是用豉油和蠔油調配，功夫多，所以要加費。當時心想又要加四元？咁唔要湯底係咪可以減四元呢；又想，唔通清湯即是滾水，不用烹調？ 是日沒有紫貝天葵，只有豆漿。真的是左又加右又加，但又不是有得選擇就代表有得食，係取決於當天的供應。心情即時都打了折扣！與友人各自選三餸，友人要滷水雞翼、豬紅、炸魚皮配粗麵及沙嗲湯底。小妹在無選擇下只好重複要滷水雞翼、墨魚卷、沙葛餃配粗麵及辣汁湯底。 可幸是食物質素尚算滿意，每款食物都熱辣辣，不似一般車仔麵檔只有微溫或用熱湯弄熱。沙葛餃有退步感覺、墨魚卷爽口有墨魚粒、雞翼好入味

慕小儀之名而來，雖然鋪頭既位置比較吊腳但勝在容易搵。麵麵店既配料選擇真係好豐富，湯底更加有四個選擇，除左清湯，重有沙嗲、辣湯同埋薑酒湯。今次我地要左兩碗三餸麵: 清湯(因為要試辣味菜圃)、豬爽肉(質地怪怪的,份量很多)、麻辣年耦(很爽口,麻味較重)、咖哩魷魚(不過不失) 清湯(因為要試辣味菜圃)、麻辣年耦(很爽口,麻味較重)、雞腎(很入味,有咬口,不錯)、魚皮餃(不過不失) 飲品點了凍咖啡和凍奶茶也不錯，不會太甜。值得一讚既係呢到既服務態度，店員很友善，原本我地點左4餸麵餐，落單既時候店員主動提醒我地下午茶餐比較抵食。當拎飲品黎既時候，倒瀉左d，原本諗住自己拎紙巾抺，店員見到亦好快主動過黎抺枱同杯底。

想了很久要到麵麵店吃一餐，不是因為小儀當老闆，純是因為我愛吃車仔麵。明星效應大概是很厲害的，所以避開了晚上的繁忙時間，星期日早上來到，果然人客不算太多。找個位置坐下，對住張車仔麵紙猶豫了一會，定好了要吃的餸了。要三餸麵，油麵相信是來貨，豬腸中間仍保留了點肥羔，爽脆之中帶甘腴；蘿蔔是清甜，腍身也沒有渣；豬爽肉同是皮爽肉香，整體效果不太差。是日唔知做咩鬼，肚餓得很，要追加一份蒜茸蝦多士。用上黑碳包，底下塗上蒜泥，很香，可是面頭的蝦膠只是薄薄的，不太滿足。還好，這是即叫即制，熱呼呼的，才叫好一點。以一杯酸甜醒胃的紫貝天葵伴車仔麵，未嚐不可。

七月一日 (星期日)吃完澳牛的炒蛋多士和燉奶，我兩當然不飽，一早已計劃到小儀有份打本的新麵麵店還記得舊麵麵店仍經營的時候，我倆亦曾幫襯過可能是與澳牛位處同一條街的緣故，生意難免受影響新店得到小儀出錢出力支持，選址廟街，有更地道之感店未開已有聽聞，無他，這就是名星效應七一假期，來吃車仔麵的人反而不多聽說小儀會間中會到店座陣，但見不見到，就要看你的運氣走入店，裝潢比舊店更"摩登"整潔，感覺舒服遠遠看到收銀處一位身形嬌小的"店員"，噢!那就是小儀了再查看小儀的微博，原來小儀在留在店內已一整天，專心打理生意呢在場所見，小儀成為了生招牌，她亦很友善，對食客拍照的要求從不拒絕我們當然也沒有錯過這個機會，分別與她拍照留念呢!晚市提供套餐，四餸配粉麵米連飲品只是三十四元，價格十分相宜，未知食物水準又如何呢?碗長身，兩邊呈圓狀，容量比外間的略大雞翼不算大隻，但勝在入味，入口肉質嫩滑，皮也帶香，確有水準豬腸質感普通，入口過腍，羶味也欠奉黑椒牛丸不算特別彈牙，但黑椒味頗濃郁，十分惹味吃車仔麵必點的豆卜，盡吸湯之精華，豆味頗豐，配上加配的腩汁，真不錯米線質感比米粉更實在，也較掛汁，帶煙韌，滿足炸魚皮分開上，夠

看到雜誌報導美女食神小儀加盟已開店多年的麵麵店, 自舊址因租金暴漲而搬遷到現址, 除了得到美女食神小儀青睞外, 加上非一般的車仔麵檔裝潢也算是創新,有日式麵檔風味全店以木製長檯長椅傢俱為主, 靠牆的一邊更以高檯椅別樹風格. 桌上有提供自家製菜甫, 沙茶醬, 辣醬等自由選擇, 不過, 不得不提的是檯上的筷子筒內的木製筷子好像不大衛生拿在手上有濕淋淋的感覺, 木製物品洗滌後不馬上抹乾很容易發霉生滋生細菌. 檯上放有自選點單, 除多款粉麵選擇外,湯底,配料甚至飲品的選擇也不少.......!我選了米粉, 薑酒湯底, 黑木耳, 蟹子丸, 魚皮餃和山渣水的$30下午茶套餐.薑酒湯底: 沒有嚐到薑味和酒味,, 不知此名從何來?黑木耳: 爽口.蟹子丸和魚皮餃: 該是一般交來的行貨, 感到內餡熱度未夠, 口感有點實.值得一讚的是之後沒有頭痛,口乾的感覺!與其說這是一間車仔麵店,倒不如說它是一間另類的過橋麵店來得貼切!

小儀的車仔麵店已開了兩個多月，因為愛吃車仔麵，所以最初在雜誌上看到時已十分感興趣，無奈我又不常出沒佐敦一帶，所以遲遲亦未光顧。據雜誌報導，其實麵麵店早在1998年已開業，後來因老闆捱不住貴租因而轉型為外賣店，而為該店熟客之一的小儀知道老闆的情況後便決定入股，更把老牌麵店重新包裝，搖身一變為現在甚具格調的車仔麵店。我的媽媽比我更早便拜訪過這小店，在她的盛讚下，我終於也走到這裡看個究竟。麵店的配料款式算多，沙葛餃、酸齋、咖喱齋這些更是平日較小吃到。由於我的口味偏清淡，第一次光顧時，我便選了木耳、鮮腐竹、墨魚卷和腐皮魚肉($28)。這裡的木耳外形很有趣，小小的像把傘，但口感卻十分爽脆。鮮腐竹十分香滑，一大片一大片的浮在湯上，並沒有溶於湯裡。墨魚卷十分普通，與平時打邊爐吃的沒有分別；而腐皮魚肉，原來是把腐皮炸到香脆再加上魚肉，味道不錯但卻有點熱氣。個人認為必試薑酒湯底，混合了醋、薑、玫瑰露和黃酒而成的薑酒湯，入口微辣的同時又充滿酒香，而且在其他車仔麵店好像很少遇到，十分值得推介!朋友則點了麻辣系列套餐的鮮牛根腩撈麵 ($34)，朋友說麵的味道偏咸，但因為配上了青瓜絲，木耳和酸菜，卻能為麻辣中帶

第一次食係因小儀之名一試，今次第二次食係因為車仔麵ok好食所以encore。雞翅尖，蘿蔔，蝦餅都好味。但蜆芥鯪魚球啲蜆芥就咸得過份。。。但其實我想講另一方面，就是那些員工，超hea，又吾理啲客，(1)有兩個客入到黎自己揾位坐，我相信他們是第一次幫襯的，因為他們頭顎顎左差不多5分鐘都吾知有咩食，成張枱無餐牌，無車仔麵張紙而又無人理佢，但其實嗰班員工只係佢地左邊高枱坐係度休息吹水，之後個客要自己過枱攞張車仔麵張紙先畫到嘢食。。。(2)就係啲嘢食已經整好，放係出食物張枱上都無人拎比客㗎，我眼見我碟蝦餅已經整好就放係枱上，但嗰班員工行行企企吹水都吾拎比我，我驚凍左吾好食，唯有問佢整好味，佢先拎黎。。。打工皇帝~

話說上個Happy Friday小記的潮彤朋友因為明星效應，說要到小儀當老闆的麵店嚐一嚐，試試地道車仔麵。小記眼見店外張貼了不同雜誌的介紹，有不同的明星推介不同的食品，嘩，應該都幾好味。無錯，明星效應的確只是一個噱頭，只是一份包裝，只是一種商業。首先，由譚校長推介的必試醉酒雞翼尖，在雞翼尖上加上杞子，頗為吸引，不過酒味太重，令麻油味失色，酒上的辣味不知從何走出，沒有麻，就只有辣，奇奇怪怪的。其後，等了大概15-20分鐘才有麵可食，而為何我家樓下的車仔麵檔用不著5分鐘就有一碗。而且，晚上光臨，甚麼都沒有，沒有豆漿，沒有墨魚丸，沒有咖哩魷魚……這店的賣點是地道車仔麵，麵底加上不同的配菜，地道口味的豬紅，魚蛋，豬皮，蘿白等等任君選擇，小記就來了個車仔麵餐，麵條加四種配菜，跟飲品，多謝承惠39元。這店就只可滿足小記醫肚的需求。好味? 根本談不上。看看這河粉就知。呃，不是河粉而是粉餅，這一團糊著的河粉，教人如何嚥下呢。再者，小記自小食車仔麵到大，用的都係木筷，不過是用完即棄，這店是木筷重用重用再重用，木筷一拿上手就已經是濕濕的，感覺不衛生，總是覺得木筷是沾上了別人的口水而是洗不掉的。更讓小記生氣

我都未試過食一碗車仔麵可以等成半個鐘, 我都係叫左幼麵, 香腸, 魚蛋, 魚肉春卷, 豬紅, 辣汁, 根本係一碗好普通沒難度的一碗麵, 都要等咁奈. 其實今次係我第二次光顧. 第一次我同另外2位朋友黎食, 當時我都係叫車仔麵, 果次都係差不多半小時才到. 今次又係3個人再次光顧, 我2個朋友是叫飯套餐, 而我又係叫車仔麵. 我2個朋友的套餐先黎, 直至我2個朋友食完他們的套餐, 我碗麵都未黎, 我知當時晚市好多人, 但我唔明間鋪可以整一碗麵都咁奈, 我見同檯其他人遲我10分鐘叫野,人o地碗飯都黎先過我~~~ 最後我決定走人, 碗麵先到~~最後我都無食寧於去食其他野都好過係度等!!!以後都唔會再黎!!!!!

因為想食既餐廳都排哂長龍於是揀左鋪面幾靚既麵麵店泥試諗住車仔麵都一定啱食車仔麵咁多樣餸都知知邊樣好食之後發現餐牌有個4餸一麵餐,送飲品就同男友一人一個餐餐飲:紫背天葵都幾好飲 ,一般餐廳唔會有依個飲 ,算係特色韭菜餃 :好食雞翼 :穩陣之選牛腩 : 好騷 腐皮魚肉 :幾好配讚歧烏冬:套餐要另加4蚊 ,我覺得太貴,但隻烏冬幾好食既豬腸 : 好食豬紅 : 好食 ,好夠味雞翼 : 穩陣之選魚肉春卷 : 過得去 ,但冇咩特色配米線 :冇咩口感 ,好少米線雖然份量唔多 ,但都叫可以填飽個肚

喜歡車仔麵係因為她可以配搭不同餸料，而且價錢實惠，絕對適合我這種心多多嘅人。其實看似一碗簡單的麵，個人認為車仔麵也有特定的先決條件才能稱得上一碗好食的車仔麵，那便是要夠'拿喳'，這種拿喳又並非污漕躐躂那種，係一種感覺，要知道"吃"除了解決生理問題外，有時候是需要照顧其他觀感上的感受，才得以完滿。我想說的是麵麵店正正缺少了這一種感覺，單單從她的一碗車仔麵湯底，即使加上腩汁再加棘醬仍是清清的一碗車仔麵，就是沒有車仔麵的味道。其他的麵種及餸料選擇多，價錢尚算合理。另外，上菜速度慢，一碗三餸車仔麵，足足等了20分鐘如果只為車仔麵評分，那可以說是不合格，但由於店內仍有很多所謂招牌菜未試，再加上明星效應，故點評是ok普通，一試無妨。