鹿鳴春飯店 (已結業)

舊式飯店！教化雞- 好香菏葉味，太多肉一般糟蒸鴨肝- 很香,汁好味，入口即溶，細份已好多北京填鴨片- 皮下脂肪不算多，外皮烤得脆卜卜，肉僅熟．吃得很滋味加上（餅皮一流，好食）雞煲翅- 粗粗的翅，一梳一梳好多侍應SERVICE都幾好!經理又好笑容!態度，禮貌一流，依家找唔到，都值得再去!P.S 好彩早幾日訂咗位,因為全場滿哂!好勁（連外國人都識去）

要做東，客人是三個鬼佬一個韓國妹，帶佢來鹿鳴春，食物有水準，環境又不拘束，好穩陣。當然那些騙洋人的大集團食肆如北京樓，留番比一些自以為「對食有研究」的婦孺祟拜。五個人，例牌半份雞煲翅、一隻片皮鴨、酒糟鴨肝、清炒蝦仁、京燒羊肉、燒雙冬及十隻煎盒子。先吃雞煲翅，粗粗的翅針只為韓國妹而設，我還是鍾情於那濃濃又起膠的翅湯；片皮鴨皮脆肉嫩，外賓食完一件又一件，未停過；酒糟鴨肝，入口即溶，仍然是招牌菜；清炒蝦仁幾大隻，又爽口，比老上海的還出色；京燒羊肉皮脆肉鮮，也是不可以錯過的一味菜；燒雙冬是冬菇及筍，可惜已算過造，食味已遜色；煎盒子是炸的，餡是菜豬肉，味道都不錯，以這一味作單尾，比用什麼拉麵、餃子等等更有特色。甜品是拔絲蘋果，睇得又食得，都不錯。呢度招呼一各不錯，但是日就真的只是一般水準，相信是臨時工累事。連啤酒，埋單一千一百幾，食到個個捧住個肚，食物方面亦當然相當滿意，物有所值。這裡絕不是「得個名」，還是會來完又來的。

估唔到早兩日先約食飯反而咁齊人, 一行十一人, 都係食返中菜。因為自己想試好耐, 於是迫大家黎呢度食, 哈, 都唔係好難搵。呢度最好係大部份菜色都有大中小三個size揀, 人多人少都照顧到﹗而且中size的份量都幾勁, e.g. 糖醋魚片(中) 都有廿幾件, 抵食﹗叫左:片皮鴨($280) - 唔係得塊皮, 肥瘦度適中, 每件都連少少肉, 唔會好漏, 值﹗拌雞絲粉皮(小) (~$54) - 都幾好味, 但個麻醬麻麻地~燒二冬(中) (~$90) - 冬筍拼冬菇, 兩樣都好好味﹗扒四蔬(中) (~$80) - 呢個一般, 旨在有有d菜京燒羊肉(小) (~$60) - 我唔食羊, 所以唔知好唔好味, 但朋友就話好重羊味, 正喎~賽磅蟹(中) (~$90) - 好多蟹肉, 好香, 好好味~糖醋魚片(中) (~$90) - 魚塊仍然脆卜卜的, 甜酸度剛剛好, 好好味﹗小籠包(十隻) ($50) - 都算皮薄多汁, 不錯的嫩雞煨麵($38) - 都幾大碗, 好多菜, 味道ok拔絲蘋果(小) ($52) & 拔絲香蕉(小) ($52) - 蘋果好味過香蕉, 因為同一時間上, 但整左蘋果先, 搞到d

糖焟魚$60, 沙煱津白$50, boiled vegetable and meat dumpling $40. all are quite delicious. we arrived at 6:30 on Monday. all tables are booked. we said we would finish the meal fast and the waiter gave us a table that should be returned at 7:30. therefore, recommend booking.

去過數次,覺得最好吃的是元蹄,不過就真係要起碼8人先至吃得下.其他仍保持水準.京鴨及羊肉俱佳.

謝謝你他介紹.我們一行＋人七點去到，點了六至八人餐加鴨肝. 餐有: 冷菜併盤(齊鴨未完全溶雪),片皮鴨肉,糖焟魚,炒虾仁改了賽螃蟹,雞煲翅,西蘭花炒東菇,高力豆沙,鍋貼(唔好食)!最好食當然係片皮鴨同鴨肝啦!其餘都不錯,又大碟!除了鍋貼好難食外!!大家都食得好飽!侍應都幾好!經理又好笑容!都值得再去!好彩訂了位,因為全場滿哂!不過有無人知道白飯幾錢? 因我們叫了八個白飯合共$150,似乎貴了些!!

昨天是小妹為母親慶祝生日的日子,為隆重其事之前已搜集好知料,亦有參考此網站.在此多謝各位食家之意見.為答謝各位,小妹現已中肯的食評來報告是日晚宴.....我們一行七人,有老人家,有小朋友....菜單如下:片皮鴨$280 *** 肉質唔太肥,京蔥好好味炒鴨鬆$40 ** 普通糖焟魚$60 細**** 炸將唔厚,有魚味京燒羊肉$60 細* 一般,唔食開羊肉,勿叫和菜戴帽$90 中** 普通,好似妙素菜絲,但有肉(原已為上湯煮菜)賽螃蟹$90 中*** 用上湯炒,足料但味較濃拔絲蘋果$52 細**** 外脆內軟,唔太甜高力豆沙(免費) **** 少油及唔太甜環境一般,多遊客.服務不錯,(主動加茶,小妹前後要求三碟京蔥(免費)都無黑面,最後有禮貌主動問攞免費甜品,都無黑面.最後重同阿叔及侍應哥哥吹吹水.... 侍應哥哥推介:雞翅$580 細有12碗,足料(下次必食)炸雞宫寶雞丁建議:人少勿食翅,因份量多..... 份量選細size, (有大/中/細),可試款式更多 一定要叫碟清菜(如上湯扒雙蔬), 因京

今晚提早慶祝母親節,o黎o左呢度食晚飯.因為人少,所以只係叫左:教化雞糟蒸鴨肝和菜戴帽教化雞係阿媽想食至訂o既,但亦都係最失望o既.碟雞好大,肉好"林",重有好多大頭菜,但味道好一般,阿媽話鹽焗雞重好食過佢,反而大頭菜就幾好食! 糟蒸鴨肝就真係黃沙肝,煮得剛剛熟,所以入口即熔,不過好似食西式鵝肝咁,食多幾件都好"漏"o架! 和菜戴帽比較其餘兩樣清淡,味道都算ok.反而我覺得酸菜(小吃)最好味,可能因為其他菜式都好漏同比較鹹,酸菜反而中和下D味道.甜品因為太飽食唔落所以冇食.服務方面,侍應禮貌欠奉(部長除外),但功夫做足,一般舊式酒樓侍應態度.如果下次再食就會試片皮鴨(大部份檯都叫),睇落都好似唔錯咁,同埋甜品!

二姊一家人回港渡假探親，母親說他們想到鹿鳴春，小頭當然一早訂檯，又請教其他食友如何點菜(謝謝KC 和惡男的推介)。二姊點了素鵝、清炒蝦仁和咕嚕肉，小頭點了北京填鴨，糟蒸鴨肝，冷盤。兩名外甥在外國出生成長，是典型的黃皮白心的男孩，一個愛吃咕嚕肉，一個愛吃片皮鴨。素鵝- 腐皮有燻香，清清淡淡作前菜也不錯。冷盤- 牛展、青瓜、海浙、豬脷？等等，普普通通。海浙很爽脆蠻不錯，小頭頗喜歡食海浙，而且在家作這東西也花時間，不能烚過久否則韌似橡皮筋，之後又要浸冷水和常換水。咕嚕肉- 不是鹿鳴春的招牌菜，不夠脆但甜酸味適中，用的是肉片，略多油。始終覺得這道菜還是港大校友會做得好吃。清炒蝦仁- 蝦仁爽口鮮味，但也是油多了些。糟蒸鴨肝- 仍然很香，這次煮得熟了些，沒有那麼滑、不夠入口即溶，但姐夫已讚不絕口。片皮鴨大大隻皮下脂肪不算多，外皮烤得脆卜卜，肉僅熟。外甥吃得很滋味，我猜他吃了近十塊鴨加餅皮，老公也大開食戒吃了不少帶肥的鴨皮。外甥也說這兒的片皮鴨較紐西蘭好吃- 這個當然！店方送了豆沙鍋餅，鴨殼可免費拿回家，開瓶費$50一枝。

平日夜晚已坐無虛席~ ~ 大約下午4小時打電話去book位, 若3位以上已full晒~ 幸好兩個人食飯的好處就是容易一點找位置。當晚約7:30pm去到，見到已有好多外藉人事啦~ 咁我同朋友(兩個女仔)就決定選擇招牌菜- 片皮鴨同沙煱什錦。片皮鴨($280) 好食過北京樓好多, 個皮脆而香。沙煱什錦(約$55) 與食上海沙煱雲吞雞的湯底一樣好味~ 整晚感覺良好。可惜上菜時間較慢~ 差不多等30-40分鐘先上菜~ 趕時間既朋友就唔好去啦。

係佢裝修之前去過幾次，最鐘意佢既北京填鴨。今日去食晏，都唔覺得點解要解修成個月....除咗新咗之外都唔覺有乜唔同。午餐都幾抵，38蚊一個餸加白飯一碗。而且餸都幾大碟。我地叫咗個細既雞翅-580蚊, 都幾大份足6 個人有突。食完個翅都已經半飽....另外仲叫左白肉粉皮、奶油津白、三鮮抄拉麵、干燒豆、小籠包。白肉粉皮-粉皮好滑，豬肉亦切得很薄，可惜個人覺得個醬有d似得豉油咁奶油津白- 賣相可以，但係無食到。三鮮抄拉麵- 由於麵既粗油不平均可以睇得出係人手拉既，三鮮就有海參、蝦同雞肉，料都好足，味道亦唔會太咸。干燒豆- 送飯就會好d，如果剩食餸就覺得幾咸下。小籠包- 可以唔食，皮厚，未夾d湯已經漏晒出來，而且d肉都好實。除咗食物外，唔知點解佢地既豆瓣醬好咸，咸到好似擺d鹽係口咁。呢到既服務同好多老牌餐廳一樣係差，不過又覺得都係特色之一。今餐有朋友請客，所以唔知埋單幾多。不過下次來都係食番北京填鴨，有保証d。

星期五晚Happy Hour完之後,一行4人都想食片皮鴨,緊係即時諗起佢...鹿鳴春啦...9:30上到去坐底,同已往一樣,全無虛席..我地三女一男叫左一隻片皮鴨,一個清炒河蝦,蔥爆羊肉,再加多一個鍋貼先講講個片皮鴨--- 好食..d水準從來無變過...隻鴨半肥瘦,好好..一d都肥清炒河蝦--- 油...好油...佢應該有加梳打粉..無乜蝦味蔥爆羊肉--- 個羊本身好好味,但我略嚴佢炒得無乜火喉...水"liu liu" 咁..no good ar再黎鍋貼--- 我只可以用四個字形容"不知所謂"如果唔係想食片皮鴨我想信我唔會再黎

有中學年代好友想搞圍生日飯局,我同佢相差一日,結果比人拉埋落水.問有咩好介紹,最好老尖,二話不說-鹿鳴春.同創發一樣,兩餐預支都係一個月內吃過,如果老尖黎講,想食中菜,又要價錢相宜,仲要有特色的話.鹿鳴春就一定係首選.難道去連鎖集團經營貨色,收得唔平,食左唔知咩野落肚.服務又唔多好.生日流流,一定不能隨便.總無可能大壽之喜,食到黑口黑面離場.你同我都唔想.十三個人,時間緊逼,教化雞已來不及,糟蒸鴨肝,一定無失拖.北京填鴨,紅燒元蹄,冷盤,正牌壽星公係羊痴,京燒羊肉少不了.仲有賽膀蟹,鴨崧,菜肉餃,火腿扒津白等.詳細又係唔再多講(大家係咪開始質疑我渣流攤?非也,上一次的食評已經交待過.)席上有幾個朋友亦是常客,每一次來,都係填鴨加其他尋常小菜,今日有幾味,之前係未品嘗過.糟蒸鴨肝,係其中之一.眾人試罷,幸不辱命,全部讚好.京燒羊肉上次自己圍內開年飯,漏網之魚.羊肉很騷香,外表燒得香脆.肉質很嫩.應肥則肥應瘦則瘦.同隻紅燒元蹄感覺雷同.菜肉餃吃霸,多口問部長有無煎盒子?)答有!下次再來時吃吧.)做咩之前唔問.暗罵自己笨.再來十四隻高力豆沙,功德圓滿.唔知邊個講過,鹿鳴春的服務麻麻,事實並非

一進入餐廳, 我們一行兩人還以為身在日本, 眼見waiter(s) 用以流利日文跟日本遊客落單(連切片皮鴨既師傅都能操一口流利日語), 真的頓時感覺自己好渺少！英文更加難不到他們啦！食物方面- 炸醬面、糖糟魚塊、宫保蝦以及炭燒羊肉水準十分超班, 最好的是大部份菜式都有大、中、小既size order。本人個人認為比起北京樓還要好。環境就像一間北京老舖一樣, 沒有豪華裝修, 但周圍及洗手間都十分之清潔生。伙計態度積極, 十分好客有禮！總之一定會encore, 建議叫多幾個朋友, 到時可以叫更多款的菜式！$340 for 2 person (係食唔哂果隻喎!!)

同朋友飯聚, 共6個人, 估唔到星期一的晚上都咁爆=.=事前上黎做左功課, print左張紙出黎俾班食友選擇; 朋友未到齊之前, 有個侍應阿叔行埋黎喵下張紙, 話: 叫化雞要訂架, 而且一日只供應四隻!因為唔知道朋友口味, 所以都無預訂菜色:雞煲翅- 用料足, d翅好膠, 奶白色的翅湯可謂人間美品, 每人都可以分到2~3碗. 有跟兩個燒餅, 用來點著吃..咁的食法我就麻麻啦~片皮鴨- 跟在北京全聚德吃到的比較, 無咁油膩, 都是採用連肉厚切的方法, 香港來講都是第一次吃到這樣出色的~炒鴨菘- 只需另加$40, 用鴨肉炒以香芹等食材以生菜包著吃, 清清地, 有解濟作用.另外吃了火腿津白, 炒羊肉, 清炒蝦仁就比較一般..甜品要了拔絲蘋果, 部長阿叔手快快咁放落清水度fing兩fing拿上黎, 佢話咁樣就唔會變軟; 外面的糖膠脆脆的, 同裡面的蘋果亙相輝映, 實在太幸福^^最後, 我仲拿埋個鴨殼走...完全無詐形!Services, 絕對的好, 唔係造作果隻, 而係好有人情味果種老香港的味道~