鹿鳴春飯店 (已結業)

以香港京菜館來講,鹿鳴春認第二,無人認第一.闊別多年,藉住新年流流,同班相熟老友來個開年飯,第一時間,就諗到此老牌菜館.在此等老店吃賀年飯,更加有氣氛.之前錯過OR鹿鳴春飯局,心有不甘,促成今次動力,幸好,朋友們反應唔錯,否則要轉陣地,去九龍城街市食泰菜.席上加埋小弟九人,預算食咩已心中有數,叫得片皮鴨,就唔使諗隻乞兒雞,叫得元蹄,逼得放棄鐵版(魚時)魚.份量太大,人唔算多,幾味岩岩好.叫個頭盤係必然動作,用來作為賽前熱身,送下自攜紅白酒,噴下口水,不亦樂乎.預訂菜式酒糟鴨肝,眾人吃到無一不拍手掌.外表金黃的鴨肝,一睇個樣就知係黃沙貨色.甘香豐朕,入口無揀,不留痕跡但帶點酒香,一個人不自覺地,十件八件也作等閒.全夜最佳球員獎項,非此道菜莫屬.和菜帶帽,北京的"百鳥歸巢",賣相如果唔係頂帽遮住的話,呢味菜比我感覺,係求其炒埋一碟.味道佳,好有火喉.戲肉北京填鴨,來到鹿鳴春,那有不叫此味之理?不嘗此味已久已.只見師傅三兩下手起刀落,我地就食住花生等睇戲.隻鴨不大油,燒得恰到好處,個皮脆卜卜,水準依然地出色.貪心地想,片出來的鴨油,可否用來撈麵?如果真係的話,誠為食友之福.個人並不執著一定要

朋友生日, 大家都在商討吃什麼, 要吃京菜, 在香港有很多選擇, 為何要在<鹿鳴春>? 我想是因為它的"外表"吧,它是一間不折不扣的老店, 外表不起眼, 位置偏僻, 但卻有很多很好的食評, 本人對吃並不是要求很高...但要在<北京樓>與<鹿鳴春>之間選其一, 還是覺得它比較好。到了<鹿鳴春>, 看到很多老外...便覺得朋友沒有選擇錯誤(可能是心理上的問題吧..哈哈...總覺得連老外都懂得欣賞, 應該不錯。)朋友點了很多菜, 很多都是參考這裡的食評...當中一定少不了北京填鴨, 還有拼盤(冷盤),和菜戴帽,松子魚...松子魚味道很好, 比<老飯店>的還好吃。我不懂得很精彩地描述食物的味道, 但這裡確實是一個不錯的選擇, 服務態度很好，值得一試。

試過好多唔同的京菜館　有一試成顧客之感的　就只有鹿鳴春　雖然裝修比唔上北京樓　位置亦隔涉（我朋友行過左個門口都唔知）但水準就始終如一　永無失拖今次一行八人叫的都是大路的菜色素鵝　醬蹄　冷盤一上　因為大家都肚餓　轉眼清碟　個人認為比五色拼盤好食北京填鴨　我敢說在香港　沒有共他店家比得上鹿鳴春　烤得香香的　脆脆的　加上蔥段醬料同薄餅　同行的朋友食得津津有味教化雞　一車推來一個黑實實的物體　用槌扑開實咕咕的泥　再經一番功夫　才將雞拆開　雞吸收了荷葉的香和大頭菜的味　大家亦用筷子向雞不停穿插　轉過眼只剩下一棚雞骨清炒蝦仁　蝦爽味鮮　朋友們亦讚不絕口　七十大元有咁多蝦仁　去邊到搵　抵食好食窩鎉露筍魚　第一次試　感覺不錯賽螃蟹　有一段小插曲　落單時已經向經理講明要加返隻蛋黃（禽流感後　店家已經唔落黃　除非特別指明）但一上菜時　黃不見了　故向侍應反映　佢知道後就走開左　以為佢敷衍我地　未幾佢拎住碗仔過來　原來佢去左廚房拎黃　貼心服務值得加分　而且賽螃蟹水準依然　不少人在食前也會將醋一次的淋到賽螃蟹中　其實唔落醋食味道更好拔絲香蕉　一味好講彩數的甜品　呢到都係一時時　今次有少少失手　都好食侍應雖然年紀

一班人聚舊, 有2 個竟然遲到了個半小時, 我們就淨坐了個半小時, 部長也沒有黑面和給說話我們聽, 間中還笑笑口的為我們加水斟茶, 期間有人客到了沒有位走掉, 我們也感到很不好意思, 若換轉集團式的店, 不給人趕都有大把說話聽。經過上次港大校友會一役, 這次除了細KC 的食評及餐單外, 也看看其他食家的, 怎知這次都是一樣, 其實味道沒有問題, 但就是說不出"好味" 2 字! 看來我們還未到KC 等的水平, 未懂欣賞這些高水準中菜! 點了砂鍋雲吞雞, 京燒羊肉, 和菜戴帽, 五色拼盤, 片皮鴨, 宫寶雞丁, 其中最欣賞雲吞雞, 湯十分清甜, 應該沒有或很少味精；和菜戴帽口感豐富, 味道清新特別, 好味道! 其他就普通點了, 不難吃, 也不好吃。今次沒有點教化雞, 因為擔心其他人不太喜歡, 但聽聞他們也說這兒教化雞較片皮鴨好味, 有機會再來試試!

久違了鹿鳴春的片皮鴨, 不單自己太忙, 這裏亦很難訂檯! 上星期決定和老友聚頭, 雖然我們只共三人, 仍堅持一試. 今天剛好要朝九晚五在一套電影中演出, 這樣繁重辛苦的工作也是久違了的. 感覺到精力一點一滴地溜走, 片皮鴨剛好補充一下.脆脆的鴨皮, 香嫩的鴨肉也不用多說了. 唯一的投訴是我們小貓三兩實在吃不動, 浪費了一點. 其實他們可以考慮逐半隻出售, 好讓人數少的客人多試其他菜式.片皮鴨上桌前, 我們還試了五式拼盤, 各式材料、顏色排列得很美觀, 海蜇亦爽脆可口, 幾種凍肉也不過不失, 就可惜露筍竟結了冰, 美中不足. 另外再點了清炒蝦仁, 一如預期的爽口; 鍋鎉露筍魚卷則是一個驚喜, 魚肉的鮮味和露筍的清甜加上香荵和醬汁, 真的令人回味無窮!絕對是超級滿足的一餐, 腰圍可能又加碼了...

「裝修實在太古舊陰暗,亞叔亞姐既服務態度完全係回到廿年前一樣」。我唔知以前係咪都係咁﹐總之碗碗碟碟響你頭邊飛來飛去﹐至於裝修﹐係殘殘地﹐不過唔算陰暗﹐仲幾光猛添。呢間野食物係好﹐不過食飯唔係淨係講食物﹐呢度評分頭一樣就講環境喇﹐或者有人唔介意﹐或者佢自己屋企都係殘殘地掛。我同你一樣﹐我都係鍾意北京樓多好多^O^

公司飯聚,一行十人,已預先訂座,仲訂左隻乞兒雞,套餐菜單包括:1)併盤- 有牛舌,素卷,切雞,蘿蔔,筍..等。應該可以好食d, 但由於食物太凍,唔係好食得出佢原本既味2)賽螃蟹- 唔係平時食開上面會有隻生雞蛋,只係得蛋白,中間混左d 好似魚肉既野,雖然唔多夠滑,以有咬口撘夠3)乞兒雞- 好淋”,好似煲過湯既雞,入口即溶4)松子魚- 外面既酸汁太酸5)素菜餃- no comment6)雞絲炒海哲- 好淡口7)雞煲翅(& 烤饅頭四個) - 好足料,附上既烤饅頭有d似銀絲卷8)高力豆沙- 是日最滿意既總括黎講,佢既客路跟北京樓十分相似,全場以老外居多,但佢既裝修實在太古舊陰暗,侍應班亞叔亞姐既服務態度完全係回到廿年前一樣,個人較喜歡北京樓。

由十幾歲初出道，拉人衫尾來食翅開始，大大話話都食左鹿鳴春成廿年，如果要選最好的本地京菜，個人覺得這裡當然是三甲之選。當然有人會覺得鬼佬飯堂北京樓最正，沒話可說。見很多食評都因吃到平平無奇的片皮鴨就說這裡不濟，坦白講，店是好店，只是人客不懂叫菜而已。又同一班食友飯聚，仗著這裡的大名，出席的食友足足三十位，亦是少有沒人甩底的一次聚會。食友坐滿兩張大檯，幾有陣容。在這裡點菜，已經完全不用看餐牌，叫部長拿紙及筆來，不消一會便寫了菜單。除了日前已預留的教化雞、糟蒸鴨肝及鍋燒肘子外，還要了冷菜併盤、京燒羊肉、宮保大蝦及和菜戴帽，當然少不了的是，每檯必叫的雞煲翅及片皮鴨。雖然數落只八味主菜加一個冷盤，但縱使有十五人也不敢多叫，因為這裡的京菜份量夠，且較膩，故就此作罷。每道菜的詳細食評，請看版頭文章「呦呦鹿鳴‧食野之萍」，而在這裡只點出幾味做得出色又值得試的菜。幾個事先預定的菜色都有水準，其中我的頭號心水當然是糟蒸鴨肝。一窩黃黃啡啡的切片的鴨肝，賣相一般。但懂吃的自然會知道是靚貨，因為不是黃沙肝，是不會有這個顏色的。夾起一片，微紅的，不會過熟，聞落有淡淡的酒香。吃落口，是軟滑及濃郁的口感一起來，絕對做

小時候跟爸爸來吃過幾次春茗，對上一次來也差不多是四年前了。之前吃的都是些大路的菜式- 烤鴨、鐵板鰣魚、賽螃蟹等。今次頗有驚喜:酒糟鴨肝- 真頂呱呱no.1，各食家的評語:「好味、好香、入口即溶」此起彼落。鍋燒肘子- 甘香肥美，小頭也忍不住食了好些肥肉和豬皮。乞丐雞- 我覺得幾好味，雞肉腍(x2不愛烚/炆/燉/焗到好腍的肉)，雞肚塞滿好多似金針菜的菜。雞煲翅- 好大煲，份量足絕無欺場。烤鴨都幾脆但皮下脂肪略多，美中不足。可以問店方要回鴨殼煲湯(煲津白好甜)，但記得切走屁股，否則...煲湯會又肥又騒。同檯的食家各有特色:superpig - 繼續發揮食辣的本領，把飯前小食花生逐粒點辣椒醬吃，厲害厲害。芝士威威和HKPanda - 繼續發揮男士風度，幫大家斟茶遞水，HKPanda更幫大家把饅頭切好。各位女食家不妨考慮考慮.....下次和他倆一起坐。焚化爐- 當晚病了，戰鬥能力大減，所以只吃了少許粥打底。不要以為坐在焚化爐旁會無啖好食，他也很有風度的照顧露比。一舊腹肌- 一個如此有聲勢有實際的網名，佩服佩服。蘇斯克查- 曼聯名將？失覺失覺﹗其實是位幽默風趣的斯文男士。很開心和大家共嚐美食，又渡

很久之前已經來這裏食過，可能當時唔識叫，感覺只是好普通；但今次KC兄出馬，當然絕對唔同啦。在此多謝KC兄，又出錢又出力，真係唔話得。昨晚真係好多人，大家開開心心、說說笑笑，真係非常快樂的一晚。我們叫了很多食物，但大部份都比較肥和溜，所以最後還是食剩了唔少。食物包括有燒鴨、鍋燒肘子、酒糟鴨肝、雞煲翅、京燒羊肉、冷菜併盤、和菜戴帽和宮保大蝦。另送甜品！燒鴨(片皮鴨) - 味道很鮮，肉質嫩滑，雖然有點肥，但還是食了三片，真係太好味了。鍋燒肘子- 肥的地方真係好肥，看見都怕怕，小通就好喜歡食，當然樂意幫手啦；瘦的地方，肉質鬆軟新鮮；聽KC兄說，香港最好味的燒肘子，這裏是其中一間，又真係唔錯，真係一絕。酒糟鴨肝- 鴨肝最好味的係邊位，昨晚都食了點，味道又真係幾好，但因怕膽固醇太高，都只食了少許。雞煲翅- 味道鮮甜，真係好多翅；但我自已就比較喜歡菜膽翅多。京燒羊肉- 燒得幾香，有點點羶味，但唔會好濃；可惜來時已經幾飽，只食了少許試味吧了。要說一說是這裏的出入口，比較隱秘，如之前沒有來過，真係唔容易找到。

久聞鹿鳴春大名, 去到樓下, 咦, 另一個重慶森林?又係兩個人, 要了1. 雞絲粉皮: 唔夠花生醬, 唔好食;2. 賽螃蟹: 上檯時唔見有生雞蛋, 唔知係預先撈左落去, 抑或根本沒有, 但好好味;3. 京燒羊肉: 咦, 羊肉五花腩? 淨食或點汁都好好味, 點淮鹽就太醎, 朋友話好好味, 我就覺得酥左少少.侍應叔叔沒有提議錯, 兩個人叫三碟菜真係剛剛好。要大讚侍應叔叔, 佢勁好人, 咁大個女第一次, 當我唔該個侍應時, 佢竟然同我講: 「使mud客氣ah, 應做嫁嘛。」我之後唯有默默地接受他的款待, 你冇茶佢又即刻幫你加, 真箇「你對人好, 人對你好」, 而家想起仲有點點感動。

前日去左食填鴨很出名的"鹿鳴春", D食物真的一般過一般, 沒有特別, 我覺得這裡只是騙"老外" 地方, 這裡除了多遊客, 多填鴨推出推入外都沒有.. 什麼值得講, 普通菜餚都咁貴..完全唔值. 環境又迫.. 我想下次都不會再去啦. 但未食過的朋友可以去見識一下, 這出名的"鹿鳴春".

為左同男朋友既媽媽慶祝生日,我地早幾個星期已經開始諗去邊食飯,結果揀左呢間---鹿鳴春~早幾個星期開始搜集資料同訂位, 睇過各位人兄既意見, 草擬(=.=) 左一份菜單去食。去到坐底,我地就開始睇個菜餐,之前叫過鹿鳴春fax過一份菜單過黎,但佢地只係fax左果個$1330既雞翅填鴨餐俾我...嗯,睇落唔係大多樣,所以我地決定自己散叫野食。唔知係咪個侍應見我地拎埋份自己草擬既菜單去呢...佢即刻走埋黎,問我地邊度搵架, 咦,你地諗好晒食咩架拿...好殷勤咁...(~﹏﹏~唔通見到我地寫左個翅同填鴨散叫?)最後...我地都未諗好,佢已經話照我地份野落單冇問題!...咁就是旦啦~就我睇左一陣份菜單既價錢同大少, 佢地d菜原來係分大中細咁叫既,我地差不多樣樣都叫中,所以份量好夠。冷食拼盤: 呢個野要$90...但超唔抵,又唔好食...有海哲,齋xx (因為大家都食唔出係齋咩..),牛展,青瓜條, 勁少又勁冇味...no next time la!山東燒雞: 呢個要訂,好似因為$50一隻好搶手,但8成人覺得佢係急凍雞,得我男友話佢好新鮮...有雞味...雞煲翅: $480 半賣(佢只係得半賣同全

尋晚10幾人去食，訂左檯7點半左右去到，8點幾先有得食... 見佢真係好熱鬧，d服務態度好似真係唔憂做咁...賽螃蟹真係普通，o向霸王山莊平平地o既都唔會差過佢...叫化雞就唔錯o既，奶油津白... 我就唔覺有菜味，片皮鴨... 雖然見佢好似檯檯都點一隻咁，但係真係冇咩驚喜wor... 中南海果d仲好食~ 個炸菜肉鬆燒餅ok啦，不過CN話個餅夾鴨肉好味d，都唔記得仲食左d咩啦，臨尾個拔絲香蕉唔錯o既，不過佢放左兜冰水出黎兩三個字都未有蕉出黎，碟蕉出左黎又過左一排先有人理我地，我地真係想將買黎個cake拎去拔絲...呢間野最可取o既可能係d野幾大份同環境算乾淨啦，咁埋單一個人百零都唔貴o既... 但係下次未必再去發掘有咩好食囉~

見多位食評家均讚此食店,便同亞媽去試下同當食母親節飯啦.點知星期四打去訂枱就話Sat & Sun晚市已full,要9:30pm先有枱.於是咪食Sat Lunch. We ordered:賽螃蟹--只有一塊生菜墊底,冇其他菜,但D蛋白確實好滑,只是稍多油,同D魚肉有渣.不過不失!北京填鴨--都係肉多咗D,於是我叫師傅片少D肉.都算好食!京燒羊肉--好勁羊酥味,亦算係香,唔算臭,但D肉肥咗D同唔夠鬆化(在下覺得"全聚德"好好多)由於食lunch,所以冇點"教化雞"(只有晚市供應,及每晚只造4隻,所以必須先預訂)同冇點太多野食,又冇飲啤酒,結賬約每人數$100.環境:則有D舊,好似入重慶大廈咁既feel.但原來此店於一九六幾年已成立.服務:侍應既衣著似舊式茶室果D,及稍為偏中年人士多,但好醒目,反應快,見枱碟餸啱啱清即攞走隻碟.衛生:雖然舊,但好衛生.Toilet清潔,及有廁紙.筷子白淨冇發黃