影片
更多
2006-03-08
9 浏览
有中學年代好友想搞圍生日飯局,我同佢相差一日,結果比人拉埋落水.問有咩好介紹,最好老尖,二話不說-鹿鳴春.同創發一樣,兩餐預支都係一個月內吃過,如果老尖黎講,想食中菜,又要價錢相宜,仲要有特色的話.鹿鳴春就一定係首選.難道去連鎖集團經營貨色,收得唔平,食左唔知咩野落肚.服務又唔多好.生日流流,一定不能隨便.總無可能大壽之喜,食到黑口黑面離場.你同我都唔想.十三個人,時間緊逼,教化雞已來不及,糟蒸鴨肝,一定無失拖.北京填鴨,紅燒元蹄,冷盤,正牌壽星公係羊痴,京燒羊肉少不了.仲有賽膀蟹,鴨崧,菜肉餃,火腿扒津白等.詳細又係唔再多講(大家係咪開始質疑我渣流攤?非也,上一次的食評已經交待過.)席上有幾個朋友亦是常客,每一次來,都係填鴨加其他尋常小菜,今日有幾味,之前係未品嘗過.糟蒸鴨肝,係其中之一.眾人試罷,幸不辱命,全部讚好.京燒羊肉上次自己圍內開年飯,漏網之魚.羊肉很騷香,外表燒得香脆.肉質很嫩.應肥則肥應瘦則瘦.同隻紅燒元蹄感覺雷同.菜肉餃吃霸,多口問部長有無煎盒子?)答有!下次再來時吃吧.)做咩之前唔問.暗罵自己笨.再來十四隻高力豆沙,功德圓滿.唔知邊個講過,鹿鳴春的服務麻麻,事實並非
同創發一樣,兩餐預支都係一個月內吃過,如果老尖黎講,想食中菜,又要價錢相宜,仲要有特色的話.鹿鳴春就一定係首選.難道去連鎖集團經營貨色,收得唔平,食左唔知咩野落肚.服務又唔多好.生日流流,一定不能隨便.總無可能大壽之喜,食到黑口黑面離場.你同我都唔想.
十三個人,時間緊逼,教化雞已來不及,糟蒸鴨肝,一定無失拖.北京填鴨,紅燒元蹄,冷盤,正牌壽星公係羊痴,京燒羊肉少不了.仲有賽膀蟹,鴨崧,菜肉餃,火腿扒津白等.
詳細又係唔再多講(大家係咪開始質疑我渣流攤?非也,上一次的食評已經交待過.)席上有幾個朋友亦是常客,每一次來,都係填鴨加其他尋常小菜,今日有幾味,之前係未品嘗過.糟蒸鴨肝,係其中之一.眾人試罷,幸不辱命,全部讚好.
京燒羊肉上次自己圍內開年飯,漏網之魚.羊肉很騷香,外表燒得香脆.肉質很嫩.應肥則肥應瘦則瘦.同隻紅燒元蹄感覺雷同.
菜肉餃吃霸,多口問部長有無煎盒子?)答有!下次再來時吃吧.)做咩之前唔問.暗罵自己笨.再來十四隻高力豆沙,功德圓滿.
唔知邊個講過,鹿鳴春的服務麻麻,事實並非如此.部長真係會在你需要的時候出現,又有講有笑,更加唔會硬銷貴假菜.你一豎起條尾,就知你想咩.完全係幾十年經驗.唔係一眾連鎖酒家可比.
又要多謝各位.
PS:我三百幾個食評當中,講埋服務的post實在唔多,究竟係我要求低?定係未遇過很差的服務態度?)
似乎,兩者都有,有時去一些普通地方,偶爾黑面也得過且過.點知我發你圍,會唔會加料大贈送架?
幸好,尚未試過比waiter倒瀉水落身,又或者比人問候祖宗十八代.最多係漏單,或者等得耐無人理之類.好少發皮四.有朋友都話,好似我呢類軟皮蛇客人,唔難服侍,做著你生意,都咪話唔好.當然,服務麻麻的話,Tips的話,又要有商榷餘地.
pps:上次無出相,今次終有個理由後補.
张贴
