鶴亀 (已結業)

香港人最鐘意食咩菜？我估非日本菜莫屬！壽司、刺身、居酒屋、鐵板燒、Shabu Shabu、拉麵同沾麵，通通都啱食！今日M佬拉麵癮發作，不過我又想食沾麵，所以就嚟咗尖沙咀鶴亀，佢食拉麵，我食沾麵，Perfect！海老帆立貝拉麵一嚟到，當然要試下嗰湯底先。豚骨味香濃，質地厚實，十分足料。店員話佢哋用豚骨同雞腳熬八個鐘，再將湯渣打碎，隔渣熬煮兩次，所以特別膠口。麵條由日本生產，蛋味香濃，口感豐富，掛湯力高。海老帆立貝拉麵真係配料十足，原隻虎蝦已經預先去咗殻，食落好方便。兩粒刺身級帶子煎到半熟，鮮甜彈牙，再加埋微微燒過嘅半肥瘦叉燒，真係無得彈！特濃豚骨沾麵除咗拉麵，呢到仲有沾麵！沾麵湯底由豚骨湯加上木魚再煮，濃而不鹹。麵質軟硬適中，掛湯力強。溏心蛋蛋汁豐富，特別欣賞佢有椰菜，可以減油膩，好細心！嘩，學生仲抵呀，由9月15號至10月31號，只需出示有效嘅中學、大專或都大學學生證，就可以半價食特濃豚骨沾麵，姐係HK$40咋（原價HK$90），不過每日限量20碗咋！By A姐M佬 玩樂日記 

早陣子這拉麵店新開的時候，每每中午都大排長龍，今日路點過，見唔使排隊，一於試新野這裡主要有沾麵、拉麵和丼的選擇，點菜單每人一張，點出各自所需朋友點了豚肉拉麵這裡主打沾麵，所以也點了櫻花蝦沾麵，上枱時，沾麵湯相當之滾，熱騰騰的我點了櫻花蝦拉麵: 嘩! 好多櫻花蝦啊！滿滿的，相當滿足！個人很喜歡他切那豚肉薄薄，有少少濃邊，看得出食店處理豚肉那份誠意最後我們只要按讚就可以有多5% off 都幾開心吖

睇開小弟寫嘅嘢嘅人都知道，我是一個典型的沾麵控。每當得悉哪裡有沾麵食而又未曾試過的，小弟是非常樂意專道去食一次....今天下午驕陽似火，正常人都會去選吃甚麼壽司或刨冰冷麵，但我就偏偏去選吃一碗沾麵....由此可見小弟對沾麵，確實懷著一份革命情感....這一所新開了一陣子的拉麵店，好像是由數位年輕人經營的。曾數度路過此處，發現店內都沒有甚麼人。跟旁邊的，同樣開了不久的台菜料理店比較，可算是大相逕庭....小弟早來，基本上是包了場。及至跡近食完，才有兩個人走進....實在讓我有點擔心，這樣的生意額，身處在尖咀旺區內，是否能生存得很久 ?不過要決定此店的命運，最關鍵還是要看食物的質素....一個人，點了個有點新意的柚子叉燒沾麵....看見那一小碗沾湯，心裡不禁嘀咕 : "怎麼量會那麼少 ?".....果然，當麵吃至尾段時，已不夠湯沾來吃....特別是小弟有追加100g麵條的，麵的份量更多，這樣相形起來，沾湯就更加不夠了....湯底是甚為"行"的魚介口味，基本上您到哪裡吃的味道都是一樣。本來加入了柚子皮在湯內是有點新意的，但可惜是柚子的量卻是少得可憐，在濃厚的魚介湯掩蓋底下幾乎是完全感受不到柚

沾麵，麵可冷可熱，我選擇咗冷麵，食落時麵溫唔算好凍，但都有彈牙口感，麥味唔算重。湯夠濃，唔鹹，約六七條沾ok，好濃味豬骨湯味 ，因為麵可以好大量一次過食，湯溫度喺差唔多食晒前先凍。湯裡面有蝦油，櫻花蝦同椰菜，夾埋麵食時鹹香伴住湯咪食會有種層次感，椰菜又會製造出更淡口感覺。係暫時食過嘅沾麵之中最濃豬骨湯味但一d都唔覺得咸嘅沾湯，我推介各位豬骨愛好者去試。叉燒係傳統叉燒，麵上嘅叉燒燒過之後更香，唯圓身叉燒易散開，唔止係佢地店會出現嘅問題。特式海老帆立貝沾麵有燒過嘅帶子同海蝦，帶子鮮甜，海蝦彈牙，我覺得燒得剛剛好。筍乾係較軟身同甜口。加木魚鰹魚青魚湯後豬骨湯仍然好濃。

公司係尖沙咀，所以經常中午食飯時間周圍搵食，去到亞士里道旁的橫街，最近就發現有間小店好多人排隊，原來係有間最近新開的拉麵店，於是約埋同事放工後去試下晚飯時間，餐廳唔多人了，去到即刻有位，餐廳十多個位，唔算大，但好有身處日本拉麵店的感覺餐牌見到有拉麵和沾麵，兩樣都鍾意，不過今次就試下拉麵，最後就揀左”櫻花蝦拉麵”（清湯），落單時問過師傅湯底原來係豬骨湯，等左陣麵就來到面前拉麵一上枱，第一個反應－嘩！，好多櫻花蝦，鋪滿了半碗麵，同埋聞到好香的蝦味，首先試一啖湯，乜唔係清湯咩，點解都咁濃豬骨味，拉麵軟硬適中，有兩片薄的叉燒，叉燒表面有燒過，所以肉味好香，還有半隻溏心蛋，最欣賞拉麵個湯，夠濃味但唔咸，唔知濃湯又會係點，有機會再來一試

簡約既裝修，空間感大增，仲充滿住日本既味道文字版既點餐紙，呢間拉麵算係我食過咁多間拉麵黎講最抵食果間，因為佢係有得加35蚊可以有一款小食同一罐罐裝汽水想睇圖又得而家like Facebook 仲有95折添餃子煎到金黃色架，一共有五隻而章魚小丸子就有四粒，外皮夠脆，配埋味道濃郁嘅沙律醬醬同紫菜絲，正！入面仲有八爪魚粒架，所以加35蚊就可以嘆埋個小食同汽水，係咪好抵先拉麵上面有兩塊肥瘦分明既豚肉，仲有半隻味玉添，如果再辣d會更好呢碗就加左味玉睇下幾流心有櫻花蝦既沾麵係第一次食咋，食落好鮮味，仲有

這間位於尖沙咀漢口道的＂鶴亀＂想試好耐了今日終於有個朋友陪我去試一試😋唔試猶自可一試好難忘🤩因為都幾爆所以只可以坐係吧枱看着師傅煮麵，看見師傅專心認真製作，相信品質有保證特濃豚骨沾麵 $90麵質軟硬適中，精粹是碗沾汁，濃而不鹹，豬骨味極濃烈沾汁厚身，豚肉還輕輕燒過，香味撲鼻不會有油膩感櫻花蝦拉麵＄93這碗滿滿櫻花的拉麵感覺完全不同，櫻花加上豚肉二合為一鮮味無窮，麵質是幼身的每一啖都吸取湯的精華，飲晒成碗湯一滴都冇晒😋章魚小丸子熱辣辣的小丸子外層香口加上碎紫菜和醬汁一起吃，滿足非常

在尖沙咀行完街想簡簡單單食個麵，但又想食日本菜，咁巧經過位於亞士厘道的和式餐店。呢間店在外和內裝修得很和式，好像日本的拉麵店裏面很舒適，可休閒和朋友一面聊天一面食麵，燈光柔和好舒服😌店主賣沾麵和拉麵客人可選擇不同麵底軟硬程度，不同配料和湯成，亦有追加配菜，例如叉燒、竹荀、糖心蛋、紫菜、芽菜、乾海藻等。濃湯豚骨拉麵柚子炙燒三文魚沾麵炙燒三文魚好大塊，燒得好香脆柚子沾麵汁，湯汁很香濃帶有清香的柚子味😋溏心蛋好有溏心👍🏻加$35可追加日式煎餃子🥟或章魚小丸子+罐裝飲品！👍🏻

喺尖沙咀睇完戲，心血來潮想去食拉面，於是就上左openrice 睇下附近有咩好野食，結果就黎左隔離漢口道嘅鶴亀。打開本MENU，發現原來除左拉面之外，呢度仲有沾面可以食，於是我就叫左個櫻花蝦黎試試佢。話説香港有得食沾面嘅地方唔多，而沾面其實就即係好似我地香港嘅撈面一樣，都係煮完面之後走湯，但唔同嘅係沾面之後會用返一D更濃郁嘅湯去點黎食，所以過完冷河嘅沾面口感係會比拉面更加煙韌。櫻花蝦數量超多，完全鋪滿左個湯面當淡淡嘅沾面配上櫻花蝦味濃湯真係女朋友就點左個小辛拉面，配料同我個沾面係一樣嘅，都係有叉燒，菜同埋玉子。但當然食落我冇果個咁好食啦除此之外，叫一個面就可以加$35有餃子/章魚小丸子同埋一罐汔水，咁梗係加埋啦整體黎講呢間店可以再戰

總有d日子會想食拉麵，濃郁湯底，滲透湯汁的軟熟拉麵，諗起都想食。香港越開越多拉麵店，質素參差，有的不是湯底太咸或太淡，就是配料出問題。要搵間高質素的拉麵店，之前總是碰了很多壁。尖沙咀這間「鶴亀」，初嚐令我驚喜萬分，我選了櫻花蝦拉麵，湯底既濃郁還十分鮮甜，是海鮮味的鮮。加$35可加飲品和一個小食，我點了「章魚小丸子」。櫻花蝦拉麵 $93重點是它的大堆頭櫻花蝦米乾，很強烈的蝦鮮味，它們不止用來熬湯，更可當佐料吃，鹹鮮味很合我的胃口。拉麵質感我選了「較軟」，煮稔的拉麵才可充份掛滿湯汁。調了味的糖心蛋做得出色，每碗麵只配有半隻，唔夠喉。叉燒半肥瘦，薄身大塊，肉嫩彈牙，配料還有蔥粒和荀片。加$35可配飲料和一款小食，「章魚小丸子」是細粒版，皮脆內熱，美味的章魚汁隨意澆上，令丸子們更惹味。。。香港的拉麵動輒要一百元，要求質素高是必須的。「鶴亀」的拉麵值回票價，湯底及麵底均做得不錯，比起很多有名的拉麵店更好味。

香港有好多食拉麵的店，但要數到有沾麵食的就比較少，尤以好食的沾麵更是少數。今次就找來尖沙咀一間不錯的拉麵店，更有沾麵提供。店內麻雀雖小 五臟俱全，挺有日本拉麵店風格。餐牌上除了拉麵，更有沾麵，也有其他小食。櫻花蝦沾麵$93先來一客櫻花蝦沾麵，賣相不錯。櫻花蝦湯與沾麵當然是分開上，不然就變了拉麵。湯頭滿滿的櫻花蝦，好吸引，湯味道除有蝦味，當然還有濃郁的豬骨味。沾麵是比較粗身而不卷曲的，有別於平時食的拉麵。櫻花蝦拉麵$93為了好好比較拉麵同沾麵的分別，同時點了櫻花蝦拉麵。同樣是濃郁的豬骨湯，上面有大量的櫻花蝦，叉燒烤過惹味。拉麵是比較幼身的，會比較吸湯。不論沾麵還是拉麵都得好吃。就是沾麵的麵質更有口感。士多啤梨波子汽水$18第一次飲士多啤味，挺新鮮。

兩款拉麵、沾麵的確好味。湯味濃郁，同平時食開好唔同，配上一杯青檸可樂特飲，簡直係星期五既relax 享受。小食方便，特別炮製既餃子同成隻手臂既原隻鰻魚，點綴成個餐。環境清新自然，很適合兩伙子或情侶約會。

行經亞士厘道的橫街發現一間拉麵小店，裝修日式好有地道feel, 終是入去食個拉麵lunch。自己叫左辛辣豚骨拉麵，配料幾足，叉燒係半肥瘦，燒得幾香幾靚，湯底濃厚，辣味主要來自加入湯的辣汁辣油，反而覺得同豬骨湯底唔太夾。最大缺點係麵底有鹼水味，本身麵底好好食，粗身的麵質夠彈牙，但有鹼水味就真係差梗d。其他朋友食原味的豚骨拉麵，比較接近原味，無個種畫蛇添足的感覺。如果大家去食記得like店家facebook拎95折優惠

第一次見滿碗櫻花蝦!!湯底有得揀濃/清湯。我揀左濃湯，以為係味道既濃…原來唔止，連質感都濃得似沾麵湯。溏心蛋係堅溏心既，感覺用心。唯獨麵稍林欠咬口(揀左普通)可再改善

香港地食拉麵， 又唔想排隊又要食好嘢， 呢間都幾好。 裝潢很簡單， 一坐低已經見到半開放廚房。入到去很容易找到位， 分開沾麵及拉麵。 食物款式不多， 勝在用心製作。櫻花蝦拉麵， 湯底濃厚， 湯與麵配合得天依無縫， 連湯飲埋嘅拉麵。 拉麵配料絕不欺場，鋪滿餸。特濃豚骨沾麵， 豚肉經過精選嫩滑，將麵浸落湯再放入口， 麵底保持彈牙。喺旺區食到一碗高質拉麵， 認真不錯。小食叫了芝士年糕, 這個真的要推薦, 芝士在心, 不會太膩, 小口一小件。章魚小丸子， 一碟有四粒， 兩個人分剛剛好。尖沙咀區拉麵首選此間