鶴亀 (已結業)

在尖沙咀的橫巷裡面竟然有間咁好食的拉麵店, 細細間的店舖明亮干淨, 店舖雖然細, 但食麵的人卻是川流不息, 真是好酒不怕巷子深, 落order的紙非常簡單, 少蔥多蔥, 鐘意食硬D的麵還是鍾意食軟的麵都可以在order紙上踢, 我就選了個香辣豚肉拉麵.上枱的拉麵都聞D香濃的豬骨湯味, 白色的豬骨濃湯底面頭浮咗D紅油, 因為我叫的香辣豚肉拉麵, 挑起的麵見到碗裡仲有筍, 海帶及青綠的椰菜, 咬一啖拉麵, 哇, 麵的硬度正是我喜愛的, 我鍾意小小硬身的麵條,因為食落有咬口的, 這拉麵正正煮到我喜愛的軟硬度,非常好食! 一啖麵伴上一啖辣辣地的豬骨濃湯, 好正! 連麵中的海帶都被麵湯浸到入晒味, 一樣咁好食, 椰菜新鮮, 爽口得來很甜, 配上這辣辣地的拉麵真是味道好夾, 仲有半邊流心蛋, 我將流心的蛋黃與湯底撈勻, 用有流心蛋黃的湯伴住麵食, 又香又滑, 說不出的好味道! 仲有薄切的豚肉, 雖然切得薄, 但肉質卻是爽口的, 肥瘦相間又非常入味, 豚肉的火侯掌握得非常好, 整碗麵從湯至麵至配料甚至麵裡的蔥都是一絲不茍的, 好看又好食, 唔怪之得這小店咁多人來幫袝, 食過才知真的好味道!仲有他的煎

今日同朋友仔係尖沙咀行完街街, 黎左呢到食拉麵, 由門面到店內都好有日式FEEL, 朋友點了豚骨拉麵$85, 選了濃湯, 呢到個湯好特別, 口感好得意, 除左CREAMY之外在口裹還有泡泡既感覺, 哈哈.....飲過就會明, 味道仲好正, 豚骨味重, 叉燒有5塊, 煎得香, 入口即溶, 配料有糖心蛋&海藻, 麵條選左標準, 還加了$32有日式煎餃子, 仲加左$13要左支綠茶.跟住我叫左期間限定既海老帆立貝沾麵$138, 必叫!! 以往出面既沾麵我都覺得好咸, 但呢到完全無呢個感覺, 湯底依然濃味, 口感仲好厚, 一試難忘!! 主菜有叉燒, 帆立貝 & 大蝦, 帆立貝係刺身帶子, 外面燒得香, 口入即溶感覺, 另外大廚已將蝦殼除去, 食起黎就方便的多了. 我也加了$32要左芝士年糕, 芝士味重.

今日早放工後去左海港城行下街等男朋友放工，佢話同事介紹左呢間新開既拉麵店好好食，就一於試下啦！喺漢口道轉個彎就到，店舖面積唔算大，食物種類都唔算多，5款沾麵，3款拉麵，3款小食，2款甜品。但貴精不貴多，味道最重要！先黎2個小食，要咗拉麵店必點嘅煎餃子，餃子係普通嘅白菜豬肉餃，皮好薄，覺得應該係用焗嘅烹調方式，因為個皮好脆，而且完全冇油，好食又健康。另外叫咗一碟章魚小丸子，粉漿個味調得啱啱好，都比較失望既係每粒小丸子只有一粒好細嘅章魚，如果可以多啲同埋加少少椰菜口感會更好。到主角麵，我哋兩個都要左沾麵，可以自己揀麵嘅軟硬度同配料。我要左一碗期間限定嘅海老帆立貝沾麵，沾麵汁好濃好濃，稀稠度都岩岩好掛喺麵上麵。兩隻珍寶size刺身級帶子煎到半熟，一隻巨型大蝦，仲有三片燒到焦焦地既薄叉燒，再加半隻溏心蛋，真係好豐富好滿足！男朋友就要左櫻花蝦沾麵，其實同岩岩個碗麵既汁都差不多，只係櫻花蝦份量更多，更鮮味。唔介意食得冇咁豐富，少咗帶子同大蝦，其實要呢一個都已經好好食。味道同日本既沾麵真係有得揮，而且服務都好好，真係好值得試下！

每次去尖沙嘴都唔知食咩好，因為實在太多嘢可以揀，但得自己一丁友去食又食唔到幾多嘢，所以好多時都係食吓小食或者食碗麵就算，查到有間拉麵店新開，有比較少見嘅櫻花蝦沾麵，試吓無壞。由於係新開而且係三點幾鐘，無咩客人係件幾正常嘅事。店裡嘅裝修都真係幾樸素，木枱同木色筷子好似食魚蛋河咁嘅款，加上一個唔知係特色定係甩色嘅牆身，其實成件事幾時光倒流又意外地夾。沾麵有四款而且有得揀冷暖麵，要食就梗係食冷麵嘅。除咗沾麵仲有三款拉麵，仲可以揀麵嘅軟硬度，或者走唔走蔥筍，細節位做得幾足啵。上枱喇﹗睇個樣都幾足料，沾汁嘅櫻花蝦鋪到滿晒，沾麵除咗叉燒溏心蛋筍乾蔥呢幾樣基本嘢之外，仲有海帶芽呢個味噌湯常客。一手摸落碗沾汁度，個碗熱到辣手即時一縮，好明顯個碗係比沾汁更加熱，咁樣做就有保溫效果。雖然小處有著眼，但沾汁就不過不失，個汁唔會過鹹亦食到蔬菜嘅清甜，唔需要加湯割都可以成碗飲晒。另外櫻花蝦的確用咗唔少，但一清晒櫻花蝦個汁就無晒蝦味，不如攞部份蝦去煮沾汁咪仲好。沾麵呢邊都係大堆頭，啲配料基本上冚晒成碗麵。但佢真係得個樣唔錯，沾麵係結實得嚟無彈性，口感自然唔好，無落鹼水可能係原因，但其實可以喺麵粉上著手，其他舖頭無

之前開左台灣店，都係勁多人，而家側邊又新開左間拉麵店，下午時段都幾多人一齊食，好彩去到咁岩有位唔駛等就食得。其實兩間店設計都幾似，都用上左木系裝飾，不過呢度就簡單一啲真係好小店感覺，同埋都見到師傅成個煮麵既過程。叫左一個湯一個沾，《辛辣豚骨拉麵》($93)，朋友叫左中辛，成碗都紅噹噹，食落有啲辣度，溏心蛋做得唔錯仲有蛋汁，拉麵唔幼身唔算太掛湯。沾麵有冷麵同溫麵分，《辛辣豚骨沾麵》($93)，有三塊薄身豚肉燒過都幾香，成間店都聞到燒果陣香味，個湯都夠惹味又唔會太漏，沾麵之後都唔會太咸。幾個人叫左個小食《日式煎餃子》($32)，個面層係脆既但果陣麵粉味好勁，下面包餡位較濕潤，個餡都幾多肉同仲有肉汁。店名：鶴龜製麵地址：尖沙咀漢口道19-21號漢宜大廈地舖餐牌:

漢口道的一條小橫巷開了一家新的拉麵店，今日和男朋友經過便決家今晚食拉輀。一如以往，可以選麵質*日式煎餃子 ($32)餃子整個外皮都是脆，有點像烤焗出來的；餡料是豬肉餡，不過不失。*章魚小丸子 ($32)厚厚的粉漿包住章魚粒；剛燒起就上台，很夠熱；醬汁咸咸甜甜的，紫菜絲增加了風味。*櫻花蝦拉麵 ($93)因為怕濃味，所以點了清湯，而麵質就選了硬麵；湯底不會太濃，個人覺得剛好；櫻花蝦份量極多，真的很香，而且很脆；溏心蛋的蛋兼很濃厚；叉燒半肥瘦的。*海老帆立貝沾麵 ($138)男朋友點的沾麵沾麵的麵條較粗沾麵汁是超超超熱的，因為怕愈吃愈凍。

濃濃蝦湯味吸引左我入去食拉麵！中午經過聞到好肚餓，心思思入去食個午餐。餐廳選擇唔會太多，款款都好吸引。我叫左個櫻花蝦拉麵和章魚小丸子。櫻花蝦份量非常多，上枱散發出濃郁蝦乾香味，香脆香口非常惹味，豚肉片非常軟腍入口即溶，溏心蛋蛋味濃濃好正！拉麵掛汁力高非常彈牙，我好鐘意湯底，飲到彈彈蝦香味。小丸子粉漿唔會好厚，醬汁濃濃好惹味，燒汁是我至愛！中間有原粒爽口彈牙的八爪魚，唔乾唔硬好鮮甜。另外仲想叫多一客餃子，可惜已經飽飽啦！

午餐跟媽媽去了公司附近的日式沾麵店吃午餐。餐廳細細，能容納十多廿人。食物主要是沾麵或湯拉麵為主，還有些小食及甜品。日式煎餃子外皮煎得香脆，裏面是椰菜餡，沾上餃子汁一起食。章魚小丸子比外面的章魚丸細粒，但熱辣辣，外面有點脆口。海老帆立貝沾麵加底版無諗過會咁大碗，有帶子、海蝦、叉燒、筍、紫菜及溏心蛋，其中溏心蛋外層有淡淡的薰香，中間的蛋黃呈半熟狀態，叉燒兩面略燒，所有有陣陣的焦香，拉麵有點似油麵，比普通拉麵粗身，麵質亦很爽口，湯汁更是充滿蝦香，有櫻花蝦等材料在內，蝦味濃郁。櫻花蝦濃湯拉麵湯底比沾麵的湯略少了點蝦香，但湯汁濃郁豬骨甜味，拉麵幼身爽彈，個人覺得沾麵比較有特色及味道更好。

午飯時間來試這家新開不久的拉麵店，人不算多，一到便有位置坐下，點菜和上菜都很快，用不著大排長龍印象不錯。這裡有沾麵拉麵可選，第一次試的多會是主打: 豚骨拉麵。麵的質地挺彈，粗幼度是中間。豚肉肥瘦適中，覺得挺香不錯吃; 湯頭點了濃的，略嫌不夠濃，油夠但鹹味不夠，如果可以再重口味一點更好。試了朋友的沾麵湯，則鹹度足，挺好喝。我們都認為這家挺對口味，尤其欣賞他們的豚肉。整體份量也十分合適，會再來試其他拉麵。

After I have finished my meeting with a client, it was already dinner time. Feeling hungry, I just went to a nearby store.  鶴亀 was located at Hankow Road, couple of minutes walk from Tsim Sha Tsui MTR. Menu was pretty straight-forward, just a small sheet of paper. They only served ramen, soup or dipped version. Besides that, they offered light snacks, desserts and drinks as well. Ramen with sakura shrimp soup - For the soup base, we can choose either broth or thick. I chose the thick version. It

今日到尖沙咀取件, 之後一個人在附近逛逛; 在漢口道轉入的橫街, 見到有間小小的拉麵店, 有點家庭FEEL, 不像其他那些裝璜誇張的, 好感頓生, 見到有沾麵, 即時走入試試簡單的水泥牆, 沒有貼得滿牆的七彩大海報, 從煩囂的大街走入來, 教人平靜舒一口氣簡潔的menu與點菜紙今天來一客限定的海老帆立貝沾麵很大隻的海老, 份量不少的荀及昆布加入了椰菜與櫻花蝦, 令湯底更濃稠, 提高沾麵力道好有"厚道" 的帆立貝,  烹調時間非常準誠, 外面輕輕的略灸一下, 內裡肉質仍然非常軟滑彈牙QQ的糖心蛋, 濕潤蛋黃加上少少的櫻花蝦, 味道加分叉燒也很不賴, 輕微的灸過加上比例合適的脂肪, 咬在口裡很香; 而且有三大塊, 整碗麵材料非常豐富, 在這個地區配以這種份量的食材, 其實價錢可以開得更高, 所以很抵吃海老已為客人剥殼, 只需輕輕拉開蝦頭就可以了, 夠貼心追加一份法國士多啤梨芝士雪糕

莫名好心情，啱好屋企冇煮我飯就即刻決定出去食，就過左黎。見我將背囊放係地上，就即刻幫我放好在店的角落，加五分。因為我唔識沾麵同拉麵分別，耐心解釋，加五分。原來沾麵係要黎沾黎食。見到店名係日文，唔識讀就問，冇笑我文盲，加五分。真係發音“鶴龜”.叫左個豚骨拉麵加芽菜，麵韌度(點左較軟)適合，湯底可以飲埋(平時我唔會飲囉)，唔會太咸。八十五分。total 俾99分，差一分梗系驚佢驕傲啦！另外，竟然有背景音樂🎶讚爆，剛好係我鍾意嘅style。

係附近返工，呢間拉麵鋪食過幾次，主打豚骨湯底，我覺得豚骨拉麵（濃湯）味度好濃，唔太啱我胃口😂，合適重口味人仕。第二次食櫻花蝦拉麵（清湯），唔記得影相，但清湯味到好好。第三次海老帆立貝沾麵都好食，不妨考慮由限定轉為常有。原來呢個沾麵可以轉拉麵，不過食完傾計先知。我鍾意食拉麵多啲。雪糕都唔錯，幾好食，有d特別，高質，外面食唔到既味到，應該唔係雀巢，Haagen-Dazs。推介：櫻花蝦拉麵（清湯）推介：海老帆立貝拉麵 推介：士多啤梨雪糕

想在尖沙咀找間風味地道又坐得舒服的拉麵店也不容易，這晚同囡囡在I Square附近終於給我們踫上了！ 小店地方小巧雅緻， 座位舒適不侷促。辛辣豚骨拉麵 $93香氣四溢的辣辣豚骨拉麵可以選擇辣度，今次試的是中辣，湯底是靈魂所在，豐厚味濃，辣味恰到好處, 喝後喉嚨也一點也不覺口乾，証明是真材實料！特濃豚骨沾麵 $90濃郁湯底，香味四溢，啖啖好味道！ 尤其是豚肉略帶焦香，倍覺惹味，肉質嫰滑， 令人回味！拉麵的軟硬口感也有選擇，適合不同口味客人，細心體貼！章魚小丸子 $32軟滑多醬，入口即融，外層質感輕盈軟綿，內裡章魚粒軟彈煙韌 ，口感豐富 法國士多啤梨芝士雪糕$35味道清新淡雅，為剛受辣的味蕾帶來清新感覺！下次一於再試大辣來挑戰自己的味蕾

今日放工要去尖沙咀買野，買完之後正苦惱食咩好，又唔想食快餐店行行下經過呢間拉麵店，好似新開的所以唔係好多人，呢間拉麵店裝潢簡單，但都坐得都舒服有沾麵同拉麵的選擇我揀左特濃豚骨沾麵，有3塊叉燒，都有煙薰的味道，所以特別的香口，個特濃豚骨湯味道很濃郁麵質都好彈牙日式煎餃子餃子皮很脆，而且富有肉汁，所以食既時候要特別小心，仲係熱辣辣添章魚小丸子雖然唔算大粒，但味道好好，食完唔會感到成日粉漿，而且中間既章魚都好大粒，好有口感