鶴亀 (已結業)

有好友推介,位於尖沙咀區内的眾多的拉麵店中,此店的性價比是較高的;趁這天放得早一點,就約了在區內工作同是收早的另一朋友來這裡一探究竟;約了朋友在尖沙咀地鐵站等,走過去是十分鐘內的腳程,算是方便;門面有塊很大的木製牌匾,寫上日文漢字--鶴龜,加上大門採用帶有窗框式的木質趟門設計,給人是一派和式印象!時間踏入很多港人一般開始晚餐的七點多,店內暫不算多人,所以不用排隊可直接進內入座;內裡的裝潢走簡潔低調小館路綫,柔和的燈光,影照在同是和式木製餐桌椅上,令人感覺很舒服!至於主要食物選擇方面,除了有主打的拉麵外,還有現時頗流行的沾麵;對著條理分明的點餐紙,朋友與我很快有了答案,剔好了各自的心水就馬上落單;與朋友閒聊了一會後,各自點的麵餐被殷勤的侍應生送上來了;我選的辛辣豚骨沾麵,配料中的日式叉燒與溏心蛋都恰如其份;而湯汁選上了中辣,所以色濃而香辣味已乘熱度飄散空氣中!日式叉燒的厚薄適中,肥瘦比例也較均等,馬上夾一塊來沾上濃厚的豚骨辣湯來滋潤一下味蕾;一入口,辣味加上油潤綿滑感即時充滿著整個口腔,濃郁的豚骨湯底味更擴張了日式叉燒本味,而辣味又隨後一下子爆發,那股暖意彷彿直通食道至胃部,令人舒暢!沾

又來沾麵測試，咁啱行過見鋪頭細細有幾多人食就開門入去。餐牌翻來翻去，想試試柚子沾麵，餐牌本限定賣柚子燒三文魚，但覺得麵店食三文魚怕有伏，穩陣起見都係改叉燒。柚子汁：稀咗啲，麵沾落去不能好好掛上柚子汁。雖汁內有大量柚子皮，但柚子味較弱唔太突出，但勝在汁唔太鹹，食完唔口喝麵：選咗普通，但麵身較硬，口感如食油麵，勝在麵涼咗都冇黏埋一舊筍：脆口唔錯叉燒：有三大塊，薄薄嘅但好有脂肪，用火槍燒一燒先上碗，食落有燒過甘香整體唔錯係汁稀啲，價錢响尖沙咀區差唔多啦，不過比同區3️⃣田，在下覺得3️⃣田性價比較高。

這晚放工，又是吃晚飯時間，沒有很餓，只是想吃碗拉麵，簡簡單單的一餐。走到尖沙咀漢口道，看到這間很有日本小店風味的拉麵店，於是決定光顧一下！店舖面積不大，裝潢確與日本地道的小拉麵店很相似，左右兩面分別排列了兩張長長的桌子。雖然如此，但人與人並不用背接背，沒有任何擠迫的感覺。看看餐牌，發現他們不但有拉麵，亦有沾麵。於是我和友人分別下單要了一碗海老帆立貝沾麵和一碗櫻花蝦拉麵，外加一客煎餃子。首先上菜的是朋友的櫻花蝦拉麵，湯汁面鋪滿了櫻花蝦，份量十足。先喝喝湯汁，濃濃的豬骨湯頭，加上櫻花蝦的鮮味，不錯不錯！麵身軟韌度適中，叉燒大大片的，滲滿了湯汁，加上糖心蛋半顆，朋友吃得甚是滋味！然後是我的海老帆立貝沾麵，一個大碗裡鋪滿帶子及海蝦，還有三片大大的叉燒及糖心蛋，賣相十分吸引，夾起粗粗的麵條，沾着濃濃的湯汁來吃，風味又有別於吃拉麵。本來並沒有很餓的我，竟然不知不覺中，很快就KO了整碗麵，可見這碗沾麵的吸引力！最後，不得不提的是那客煎餃子，餃子小小的，外皮煎得脆脆的，內裡的肉汁仍是豐盈，實在是吃拉麵不可缺少的美食！

今日晏就係isquare睇完戲，見到有間以沾麵做主打既日式拉麵鋪，就諗都唔諗入左去食。因為太肚餓既關係，一坐低我就已經嗌左佢地既招牌海老帆立貝沾麵，麵質揀左較硬因為小弟食拉麵中意食落個口感夠彈牙。另外朋友就嗌左佢地既櫻花蝦拉麵同兩款小食分別係章魚燒同埋日式煎餃子。海老帆立貝沾麵  +  一隻溫泉蛋值得一提既係佢地沾麵個湯真係好夠杰身好掛麵，加埋櫻花蝦既鮮味，令到原本已經好肚餓既我食慾再大增。配菜亦相當高質，大蝦同帶子煮得岩岩好食落非常鮮甜，另外如果你係食肉獸既話我直頭建議你地加叉燒，因為佢地既叉燒入口即溶，肥瘦又適中，整體黎講我對呢個沾麵好滿意。日式煎餃子  +  章魚燒而呢兩款小食雖然比佢地個招牌沾麵搶左風頭，但都係水準之上！櫻花蝦拉麵呢個就係朋友嗌既櫻花蝦拉麵，相信睇圖都feel到蝦味十足，朋友都話好好食，而我只係試左啖湯，確實好足料，豚骨同埋櫻花蝦既味混埋一齊比例岩岩好！總結而言，性價比不錯，食物既質素絕對對得足個價！

係尖沙咀行完街，行經亞士厘道，係橫街見到間好有日本風味既舖頭，望一望，原來係一間拉麵舖，平時真係好小行呢頭，見到新野無理由唔入去食下拉麵啦入到黎就梗係睇下呢間有咩特式野啦，其中一張相勁吸引，滿佈櫻花蝦既沾麵﹗真係勁誇，價錢都唔貴，93蚊。呢度仲有樣好，就係加32蚊就可以轉SET ，可以加一個煎餃或者章魚小丸子，再加多杯汽水加埋都唔使150，堅抵﹗我自己就點佐個櫻花蝦+煎餃子，朋友就點佐個豚骨拉麵+章魚小丸子。先黎係個豚骨拉麵同餃子豚骨拉麵好足料，滿佈佐蔥花，湯底好濃好香麵係中細麵，叉燒外層有薄薄既焦，半肥瘦，望落都已經流口水跟餐煎餃都一D 唔馬虎，好肥好飽滿，外層邊位鬆脆，熱辣辣再上枱就係主角-櫻花蝦沾面啦，一黎就嘩一聲，真係同圖一模一樣，湯面滿佈櫻花蝦，使唔使咁誇張碗麵都唔野少，中粗麵，叉燒三大塊，沾落去充滿鮮味既櫻花蝦豬骨湯度食，口感無得頂，每啖都食到起多蝦麵底彈牙又有麥味，口感同味覺都好滿足呢個真係好有驚喜最後跟餐章魚小丸子，唔算好大粒，但質素一D 都唔差，外層鬆脆唔太厚，咬落去熱辣辣真係有小小辣親咀，仲好有奶油味，呢個都唔錯。跟餐汽水唔係汽水機出，所以呢個餐都真心抵。建議黎食拉

呢兩日天氣涼左，最啱食拉麵，是晚同朋友到了尖沙咀的鶴龟，店小小的門面不太起眼，內部裝修很有日式拉麵的氣氛，感覺蠻不錯。先喝口水再寫紙下單吧，有拉麵同沾麵選擇，仲有丼飯添喎，很多元化。辛辣豚骨拉麵（小辛）（$93）朋友點了辣味的拉麵，賣相好靚呀～睇見就想食揀了小辣而已，所以辣味不太突出，濃濃的豬骨湯底帶少量辣味，好惹味，呢個辣度很對胃，朋友飲哂成碗呢。豚骨拉麵（濃湯）（$85）自助揀左原味的豚骨湯底，第一次食通常都先試最原本的嘛湯底勁濃郁，滿滿的骨膠原喝完黏口的呀好味好味，雖然好濃，但飲完又唔覺口渴喎。溏心蛋很流心叉燒是半肥瘦成圈狀的，入口即瀜，豬油好甘香呀！配料有筍同蔥，在落單紙可自行選擇要或不要，很方便。麵條爽口掛湯，好吃。餃子（$32）朋友加了餃子，煎得很香脆。小丸子（$32）自已加了章魚小丸子，熱辣辣醬汁夠多，幾好味吖。（$3）加35蚊就有一款小食同一罐汽水，感覺抵啲無理由唔要，哈哈，雖然覺得拉麵配冰水夾啲。湯底好好味，下次想試下沾麵呢

尖沙咀一向多嘢食，但自從冇喺尖沙咀返工之後，去尖沙咀嘅次數相對少咗。有一日突然心血來潮想食拉麵，於是就Openrice 下，竟然俾我發現左漢口道嗰邊竟然有間日式拉麵小店於是就同男朋友試吓好唔好食😂😎佢嘅裝修都好日式，差啲以為自己真係係日本嘅街頭食緊拉麵🍜店內嘅裝修都好日系男朋友就叫咗個辛辣豚骨拉麵湯底都幾濃郁但係又唔油膩，而且麵質都好彈牙，佢嘅叉燒唔係普通一般拉麵店嘅叉燒，佢食落好似韓燒嘅豬朒肉，脆脆地令人好想繼續食而我係一個沾麵怪，見到有沾麵就梗係唔會放過啦而且個沾麵湯仲要係用柚子整架清新而且又唔似一般嘅沾麵咁咁太過鹹同太濃，食落似無落味精架！整體呢間位於尖沙咀嘅小店真係好友驚喜呀！下次絕對可以encore❤️

呢排夜晚天氣咁凍 最岩就食返碗暖笠笠既拉麵啦！我同朋友通常都會揀小店 較少食連鎖式拉麵店既 呢間鋪頭係I square附近 幾易去 評分又唔差 所以就決定試下啦！佢拉麵同沾麵都幾多款 正常既豚骨又有 一啲特別啲 例如慢煮安格斯拉麵 柚子三文魚拉麵 都有。 不過始終第一次黎 都係食返穩陣啲既好啲 所以嗌左豚骨沾麵同櫻花蝦拉麵，再加左兩款小食豚骨沾麵有得揀凍或者熱既麵 我就揀左熱既 同埋係粗麵黎~其實重有個特濃豚骨沾麵揀 不過我怕太咸就冇要到 而家呢個對我黎講就岩岩好 但可能再重口味啲既朋友都可以試下既！佢一共有三塊叉燒 食落唔怕好硬 因為肥瘦比例都岩 好味😋拉麵既糖心蛋都係十分不錯！朋友就食櫻花蝦拉麵 一黎到時就見到滿滿既櫻花蝦 正！佢底下都有三塊叉燒 相當滿足！小食方面 第一樣係煎餃子 要黎配拉麵係十分適合既！餃子煎得十分香口 脆卜卜又有肉汁 唔錯！第二樣係章魚小丸子 本身都驚拉麵鋪食小丸子會伏 點知又做到外脆內軟既感覺 應該係即刻整 唔係放好耐整返熱既 所以都推介💁🏻‍♀️下次再黎可以試下特別款 感覺值得試下既！

我挺喜歡在這邊搵食，旺中帶靜，通常還挺有驚喜，好像這家小小的拉麵店，鶴亀，裝潢不算起眼，大概10多個座位，晚飯時間來到，搭枱少不免，挺有日本拉麵的的感覺。以剔剔紙下單，可選麵硬軟度。我點了我最愛的櫻花蝦拉麵，上桌時已經飄出濃濃的甲殼素的香味，這裡有多少蝦？真是多得很（笑）先喝一口湯，豬骨湯底，厚厚的口感，濃而不鹹，喝得出沒有下味精，加上櫻花蝦的鹹香，實在是上佳質素！拉麵付三片自家製叉燒，肉質偏瘦，個人覺得比肥叉好味。火炙過，帶點焦香，不錯不錯！除了叉燒和櫻花蝦，還有半隻糖心蛋、筍和蔥花。蛋有一點點過熟，沒有水汪汪的蛋黃，不過蛋味不俗，挽回分數。我點了硬麵，喜歡它的口感，吃到尾都不會過稔，沾滿豬骨湯和櫻花蝦的麵條，美妙的配搭！老公點了一個豪華版（笑）帆立貝大蝦豬骨湯拉麵。因為他太餓，我就沒有試過。不過我相信味道是一樣的，就看你喜歡甚麼配料。加$35可換一客小食加汽水一罐。我們要了餃子，皮薄、煎得香脆，顏色一流，看到就已經流口水了（笑）喝罷整碗湯，體感溫度立即上升兩度，是冬天最好的禦寒恩物！

今天晚上和老公到尖沙咀逛街，無意地經過這一間位於漢口道的日式拉麵店，看見門面裝修真的很像日本拉麵店，所以被它吸引進去店內位置不多，大概有20個座位左右，但座位與座位之間也不算很迫。一坐下店員便立刻拿一個籃給我們放袋及外套，非常貼心👍🏻這間店是主打沾麵和拉麵，所以我和老公點了一款沾麵和一款拉麵，那兩款麵都可以試到沾麵的麵可以選冷麵或暖麵，在今天比較寒冷的日子當然是選暖麵！麵條硬度亦可以自己選擇，非常貼心！點完菜，看看店內有一幅畫。原來這間店的湯是完全沒有味精亦都是每日新鮮製造，即時令我想快點可以試一試大概等了十分鐘，麵來了～櫻花蝦拉麵 - 整碗麵都鋪滿了櫻花蝦，櫻花蝦脆卜卜的，湯底亦是非常濃的豬骨湯，令整碗拉麵口感更豐富。拉麵的麵質是幼身的，非常煙韌。叉燒亦肥瘦適中特濃豚骨沾面 - 之前吃過的沾麵都比較咸和吃完會口渴，但這個沾麵真的湯濃而不膩！果然是沒加味精沾麵的麵質是比較粗，爽口彈牙還有流心蛋，真是很滿足！這間日式拉麵小店完全改變了我對沾麵的感覺

尖沙咀呢帶好集中咁有幾間拉麵店 今次就黎到鶴亀試下呢度同一般拉麵店一樣 座位都唔多 不過裝潢算係幾有和風明淨既特色 坐落都幾舒服 我地一行二人就每人叫一個拉麵再加個小食啦 麵底可以揀唔同硬度同冷／暖麵 又可以揀要唔要蔥同荀 我就揀左硬既暖麵 食落唔會太淋 啱啱好👌🏻題外話 等緊食嘅時候聽到店員/店主連傾閒計都係討論緊 下次不如試吓買邊一隻雞油 加落個雞湯度可能會再濃味啲 Feel佢哋好有熱誠做 我叫既係櫻花蝦沾麵🦐 湯底有好濃既蝦味 加埋細細粒既櫻花蝦同蔥 將麵浸係入面仲有少少掛湯嘅效果 ichiban! 餃有叉燒兩塊 個邊邊燒得好香啊🤤🤤🤤朋友叫左小辛辣既豚骨拉麵 湯底好濃又唔會太辣 我都忍唔住飲咗佢好幾啖🙊兩碗麵都有糖心蛋 拉麵黎講就基本啦！小食係章魚小丸子 熱辣辣上架 外脆裏面熱到辣口 唔會好似出面嗰d現成既淋哂 又真係食到粒章魚🐙$221就有咁既水準 法官大人 我無嘢再補充喇👩🏻‍⚖️

朋友介紹話呢度個三文魚拉麵正 於是收工就過嚟食門面都幾日式設計 鋪頭唔大 可能坐到20人乜都唔理坐低揀拉麵 我揀咗柚子炙燒三文魚沾面朋友就揀咗普通嘅豚骨拉麵濃湯同一般拉麵店 會有得俾你揀麵嘅硬度同配料我哋加咗個套餐 有日式煎餃子同汽水餃子好快就到 總共5隻 唔算油 因為我好怕油淋淋過多陣個主菜都到啦 個三文魚煎得好香口好新鮮 重點係好大條魚 真係物超所值係厚切㗎三文魚 我同朋友都讚不絕口至於另一碗豚骨拉麵都唔差喎 啲叉燒略嫌肥咗少少少 但整體湯底都好配合最值得一題就係我哋打瀉咗沾面嘅湯 老闆娘勁好重新做多一碗俾我哋 完全冇嫌我地麻煩

I ordered the "Yuze Grilled Salmon Tsukemen". For only $138, I got a whole plate of "dipping noodles" with a whole piece of grilled salmon cutlet, which is a total steal! The sauce/broth for dipping was the typical rich, savoury dipping sauce with yuzu/ citrus peels mixed in to give it that sweet and slightly tangy flavour, which complimented the grilled salmon very well. The slice of lime offered was also a nice addition to the salmon. I chose to have the thick noodles cold and they were chewy

今天下午和太太在尖沙咀看戲，散場後有點肚餓，經過漢口道的一間拉麵店，抬頭一望，原來是鶴亀，之前有數位朋友提過此店，毫不猶豫便入內就坐。此店已開業一年有多，地方不太大，祗有二十個座位左右，但客似雲來，雖然是下午六時，幾乎所有枱都坐滿客。我揀了特濃豚骨沾麵，通常拉麵都是用水煑熟後放入湯裡，可是沾麵在煮熟後必須有一個過冷水的作業，這不僅是給予麵條滑順潤喉的口感，這樣更可讓麵條更加的緊實彈牙，並將麵的原味綻放出來。而不同拉麵，沾麵使用的麵主要都是粗麵，除了增加讓湯汁吸附的面積外，也更能感受麵的原味與嚼勁。果然無令我失望，今次的沾麵比我預期的好，湯底香濃而不太鹹，叉燒肥瘦均勻入味，流心蛋亦香滑。太太揀選的櫻花拉麵賣相當不錯，拉麵爽口，加配兩片叉燒，浸入濃湯，令人垂涎欲滴。我還多叫了一碟煎餃子，皮脆餡香，盡享完美的一餐。

今日阿女放假，同佢一齊到尖沙咀拍下拖，到了晚上，佢提議到iSquare 附近的鶴亀食拉麵，仲話我一定一試難忘添一入門口，雖然店舖不大，但予人整潔雅緻的感覺。坐下後，店員細心地為我們講解菜牌。喔！這裡有素湯拉麵食喎，湯底走肉，原來顧客多是南亞裔人士，不過同時也很合素食者享用啊！研究完一輪後，阿女想食海佬帆立貝沾麵，我就一於試下素食醬油拉麵，還叫了一個日式餃子小食。整體來說，食物美味，招呼好，環境舒適，印象很不錯喔備註：記得like & share Facebook，有95折優惠架素食醬油麵湯底清甜，兼全走肉，很合素食者享用沾麵麵質爽口，湯底味濃，蝦、帶子及豚肉鮮味肉嫩，食到無停口啊餃子煎得很香脆，肉餡細滑，值得一試記得like & share Facebook，有95折架