鮮‧港式串燒吧 (已搬遷) 新店位置

鮮主打港式串燒，串燒的調味以鹽，醬油為主，以保留食材的原味。食厭了川式串燒的霸道孜然味，可以一嚐地道港式滋味呢！而且店子供應多款本地，外國手工啤酒，最適合大啖串燒，大啖啤酒，一般的串燒店都望塵莫及。鹽燒雞中翼 ($22)雞皮脆卜卜，雞肉多汁滑嫩，熟度剛剛好呢！鬆化黑豚串 ($58)出乎意料的好吃！不愧為餐廳的招牌菜之一。口感像厚切豬扒，厚度十足，肉質彈牙而不韌。以鹽簡單調味，卻完全不會有豬肉的羶味。好吃得很！值得encore!牛柳串 ($28)獨特的切法，牛柳的厚薄剛剛好，所以不會韌。牛柳富有牛肉香，以黑椒調味，具有提鮮之效果。厚切牛脷串 ($38)厚度足足有1cm, 口感特佳，有點像氣墊般的彈跳感，而且肉汁豐富， 咬下去有噴汁的效果。燒白鱔串 ($58)外皮燒得香脆，一咬即裂，魚肉爽脆多汁，口感豐腴有魚油香。沒有腥味及泥味，不沾醬已很好吃！燒時菜 ($25)竟然是燒娃娃菜，香港人真係咩都攞黎燒。 娃娃菜的邊緣部份比較薄，容易被燒焦，所以邊緣顏色有點焦黑。但味道還算可以，因為燒的時候加入了豉油，好港式的感覺。墨汁墨魚腸 ($15)顏色黑漆漆的，好趣怪。味道比賣相討好許多！味道像台灣腸，

在九龍灣返工的姊妹好友，閒來會走到觀塘工業區一帶逛逛！ 這裡有不少食肆之餘，又有 outlet，完全滿足喜歡 shopping 的她！最近，她經過觀塘工業區，有餐廳派傳單，她拿來看，是一間樓上港式燒烤店 <鮮‧港式串燒吧>！於是，上個月平日放工帶我一起去食晚餐！原來當時店子開業只有三星期！ 走進店子大約晚上 7:00，只有我們兩個及另一對情侶食客，實在很冷清！ 這裡簡約裝潢，空間感充裕！另設有 VIP 房！以開放式廚房，師傅烹調時，油煙會攻至用餐區！女店員熱情有禮，另一位啤酒妹則向我們推介酒類飲品半價優惠！食物種類多元化，而且價錢大眾化！ 食客亦可以選擇海鮮盤，方便又划算！飲品方面，紙包裝飲品、支裝飲品及啤酒類都有！桌上已備有餐具及調味料。 依上桌次序菠蘿汁 $18香甜帶酸，夾雜菠蘿蓉，令人一試愛上！ 雪得夠凍，不用加冰都可以！雞軟骨 $15她喜歡食的，所以我淺嚐一粒，甘香鬆脆！外脆內軟！露筍  $22一見到露筍那麼粗身，便知道老身！口感自然比幼嫩的露筍遜色！冬菇 $15燒過後，菌香撲鼻！ 菇身分柔軟，未至於預期的乾身！芝士煙肉大啡菇 $38大啡菇是我近年喜歡的食材， 

觀塘工業區又開左新串燒店，今日朋友帶頭搵食。我遲左到，唯有跟住地址搵。原來都唔難搵到，門口好sharp好易認。裡面格局比我想像靚，一d都唔似工廈小店，反而似商場的食店。入到最入面仲有兩間房比人包場添。坐低先知道，呢度除左一般串燒，仲有多款海鮮生蠔賣，滿足唔同人既需要。但同行朋友唔好生蠔，所以我地都係只點左十多款燒物。當中有幾款比較出色。墨汁墨魚腸，造型好特別，真係成條腸都係墨黑色。入口好有口感，有少少粒粒墨魚肉。味道同普通腸仔都唔同，有少少墨魚味，感覺好新鮮。豬頸肉一碟上，非常足料。肉質爽口，燒到脆脆地幾香口。入口唔乾身，成功鎖住肉汁。配埋佢地特製既醬料，酸酸甜甜又辣辣地，好惹味。雞泡魚乾係另一個亮點，魚乾燒到完全乾身，好有咬口。除左雞泡魚本身既鮮味外，有少少甜甜地既蜜糖味，再加上配好既沙律醬汁，食到停唔到口。雞翼係我地大家既最愛，一人一隻唔駛爭。雞翼燒烤火候剛好，熟透但肉質依然嫩滑。燒烤用既調味粉亦另到雞翼味道更吸引。其他食物都唔錯，不過就無咩驚喜。輕輕鬆鬆的一晚飯聚，埋單每人二百。臨走先發現，原來佢地有各款啤酒賣架！啤酒配燒肉，先係最大享受。

觀塘真係好多野食 連串燒都有埋 真心不得了駱駝漆大廈有好多野賣 仲有好多野 今日行左陣街 見到有新開港式串燒 即時試試基本上咩串燒都有 講得出都有仲即叫即燒 所以點左菜都要等一等 燒雞軟骨 燒得都幾好 本身有調味 再加上黑椒粉 整體感覺唔錯招牌墨汁墨魚腸 黑到爆 但切左出黎幾得意 冇咩墨魚味 但有墨魚既質感 好好咬😬燒露荀 燒野必叫 睇個樣都唔錯食落去唔會太乾身 係唔錯既😬 食埋燒墨魚丸 真係好似燒野食咁 哈哈好彈牙既墨魚丸 不過可以多d蜜糖🙈仲有燒羊架 呢個好好味 羊肉調味調得好好 又唔太有騷味燒得又靚 半生熟咁 👍🏼😀燒日本甜蕃薯 非常好食 好甜小小熱咁 好好食 😬 食入面d肉好似食雪糕咁串燒店仲有pizza 就咁食串燒唔飽5個人叫左個黑松露pizza 一人一塊 即時飽左呢度pizza 都唔失色喔 好香好脆臨尾食多隻燒雞全翼 又滑又香 完美既結束😬仲有個好靚既啤酒corner Tim隨時點唔同既beer 總括黎講 舒舒服服 又一晚😬不過佢地份量唔多 食量大既人 預左要食幾round na 🙊

晚上一份小食作晚餐，工廈裏面有好多又平又正的餐廳，燒烤炸物亦有。餐牌上選擇有很多，我哋嘅目的要好味，香口仲要飽肚，最尾就揀咗以下四款食品。蘑菇雞肉飯團＄28表面有好多飯焦，口感香脆而且有少少焦香，一打開裏面有好多雞肉同埋蘑菇，香滑又有彈性，仲有少少忌廉汁唔會太乾身，調味又正。燒多春魚四條＄30燒得幾好，而且多春魚本身來貨比較新鮮，所以樣子唔差。應該係先炸後燒，所以先可以令到條魚保持到咁完整的樣子，平時去食韓燒自己直接燒生嘅多春魚好多時候都會整爛，所以如果首先用油炸左就冇呢個問題。不過食起嚟其實都唔會好油，味道幾香。炸薯條＄30粗又有少少似麥當勞，不過就比麥當勞更更有薯仔味，外面香脆而且裏面都熱力十足，好多薯蓉喺裏面，加上表面有黑椒口味更香！生牛乳蟹肉薯餅＄25牛乳味普普通通，蟹肉份量OK ,裏面好稔出面香脆，整體味道還好。

工廈都有串燒食@鮮港式串燒吧觀塘 開源道60號駱駝漆大廈3座5樓P室星期六去了上烹飪班，學好了日後就可以弄給四方果吃了。 3小時勤奮煮好後，自己都要補充體力，見到有串燒店容易控制份量，就比個機會這新店子。串燒最平由十來元起街頭小食般的價錢。$68黑松露薄餅，餅底似餅乾偏向乾身，屬脆身。抹上層黑松露醬因此香氣四溢。$15 粒粒墨魚丸，黑豚辣肉腸。墨魚丸彈牙，咬落有粒粒肥豬肉添加，富嚼勁。肉腸就juicy，腸衣脆身內而有肥肉粒所以唔會乾，熱呼呼又辣非常滋味，但真的太油膩了，掃油燒前請輕手點$28 燒蘑菇雞肉飯團 ，心想有米飯比較飽肚，表面有黑芝麻提香，米飯燒到香脆， 中間米依舊香軟，加上中心醬料有甜醬油令雞肉好好味。$38 煙肉芝士大黑菇有芝士那有不好吃的可能，煙肉碎鹹香加上拉絲芝士，溶化在菇身上，菇大隻肉後燒後不乾身。加枝$15無糖綠茶小店幾抵食，星期六都很多食客，開放廚房可看食物端出。

觀塘工廈又有新野食 工廈多新鮮野係慣例 不過串燒店就認真少見 店舖係喺駱駝漆大廈五樓 都幾多人排隊上去食野 所以大家可能要預多少少時間店面都幾易揾到 頗乾淨同企理 店面面積唔算太大 菜單方面有刺身 不過價錢稍價 都係食咗串燒先雞泡魚干好香 好正 好有烤魷魚既質感 但更香 再加上沙律醬咁食 正！！！烤明太子飯團明太子較少 烤飯團令飯變硬 就算加上沙律醬都補救唔到 蒜香烤雞全翼雞全翼即叫即烤 所以都要等有啲耐 大概都要20鐘 蒜味唔算好重 但係雞翼都仲係好香好正 有椒鹽味 雞翼都燒得好好

與屋企人外出去食飯，忽然好想食串燒小食做晚飯，係工業大廈附近買完六合彩即刻去食飯，都幾多人喺度食串燒，而且座位都好闊落。見到餐牌有好多唔同嘅飲品，不過為健康着想最尾都係飲水就算，端出來的都是滾水所以需要攤一陣先可以飲。不過有免費嘅水提供已經好唔錯，唔係100%一定要點飲品。墨汁墨魚腸＄15@1個樣野好得意，黑古勒特，切開之後發現原來裏面都係黑色，有少少墨魚粒。食落鹹香十足，咬落去因為層皮搞到好有彈性，墨魚味道都幾突出，可以加埋茄汁甜酸甜酸更加有食慾。明太子飯團＄32@1我屋企人都係明太子殺手，平時去食日本野都一定會叫明太子雞翼或者明太子飯團。飯團表面非常香脆，而且有點飯焦很爽口，裏面的明太子不是很咸但是口感爽脆，小清新，份量也OK。羊架一件＄48羊味十足，好有酥味，啱晒鍾意食羊嘅人。從側面可以見到非常厚，分量絕不欺場，仲要啱啱熟，啲肉質好鮮嫩，肉質又夠多。黑松露薄餅$68本身以為呢個價錢嘅薄餅會好細件，點知都有六片，麵包底嘅薄餅沒有爽脆的口感，是比較傳統的做法，表面主要是蘑菇和小小黑松露，芝士，小小嘅黑松露已經吊起成個薄餅嘅味道，好香呀！

不一樣的工廠大廈心目中的工廠都係比較dirty, 迫同黑暗, 但原來而家既工廠已經完全2回事架啦! 一出lift, 好寬敞既地方, 環境都好乾淨同完全唔係黑媽媽既感覺餐廳比我想像中人多, 生意都唔錯, 岩岩好我地唔洗等位, 遲一步就一定要等位啦~ 坐低, 好肚餓, 當然咩都唔好理, 落單先啦~ 之後就會有另一邊個waitress 黎介紹唔同drinks/ beers 比你. 因為係分開2間鋪, 所以都係分開比錢的, 野飲要先找數, 我同老公分別叫左支apple cider and a craft beer craft beer wheat 味都幾香, 好過apple cider, 倒轉入杯冰到, 淡唒...唔明點解要為gimmick做而做, 都唔理好唔好飲.... 到野食啦...厚燒牛舌, 係即叫即燒既所有野食都, 每樣野食都會一碟一碟咁上, 包保熱辣辣厚燒牛舌, 第一塊係厚既, 味道唔錯, 口感唔錯, 但第2, 3 塊係超級薄燒, 有點欠缺成意bor...見大家都有推介呢個牛柳串, 當然要試下啦, 唔...唔錯, 牛味幾香, 好大串, 份量一d都唔小, 牛肉都好滑冇根燒粟米係我既最愛

近年興食串燒，屋企附近都開左唔少串燒店。今次舊同學聚會，朋友發板帶我地去左一間觀塘工業區的新開串燒店。小店唔易搵，但門面好靚好光鮮。裡面好闊落，有少少西餐feel， 有個似似地酒吧既長水吧。最入面仲有兩間房，應該係比人包場用。串燒店走高級路線，有生啤有生蠔有刺身。但我地來意係串燒，完全不被動搖。串燒選擇唔少，滿滿兩張紙。我地都唔簡單，點左滿滿一台食物。《翠肉瓜》一客三件，大大塊厚切，好juicy。翠肉瓜好甜，好清新，選料佳。《羊架》呢個係全晚既亮點，羊架火候控制得非常好，外皮少少脆，內裡肉質嫩滑。肥瘦好均勻，入口有汁有油，羊味都十足。配以少少特製香料，十分惹味。《煙肉青椒卷》幾特別既配搭，煙肉滑青椒爽，煙肉味濃青椒清新。《油甘魚鮫》魚鮫好厚身好多肉，表皮香肥，裡面既魚肉剛剛好熟十分嫩滑。調味方面偏輕手，保留返魚肉本身既鮮味。《燒牛舌》牛舌調味佳，好惹味。表面煎香左一層，封存肉汁。但可能係厚切既關係，中心唔太熟，需要改進一下。食物豐富飽肚。價錢方面，人頭二百，串燒發展過後，演變高級食店，唔再係小時候既平價小食喇。

夜晚唱完k 又想搵個地方hea下 就黎呢到食下宵夜 呢間既裝修都幾骨致 幾有工業風乳豬乳豬表皮烤得十分香脆，緊緊咁痴住豬肉，而且豬肉都無乜肥膏，岩哂我呢d唔中意食肥野既人食。另外，重點係乳豬既肉質 即使經過烤製，但肉質依然十分嫩滑，完全唔鞋，再點埋bbq醬更加提升到乳豬香烤味，不過如果份量多返d會更好。m6和牛條睇落個樣雖然平凡，但食落都有驚喜。牛排煎得剛好，係旁邊睇見到牛排中間部份都依然粉嫩，油脂分布平均，而表面亦烤得香口，食落唔會覺得太乾。煙肉芝士大磨菇表面都有唔少既芝士，芝士味都足夠，不過一切開就有唔少水湧出黎，食落去既感覺會有d濕，我就比較中意乾身少少，而舊菇都無乜特別墨魚丸都唔錯，表面都烤得香脆，而墨魚丸質感都十分彈牙，唔似出面溝左勁多粉果d墨魚丸咁，食落似自己手製。而墨魚腸食落陣味有d似台灣腸，油脂味香濃，而且亦好彈牙，質素不錯。

之前在馬路上見到宣傳單張，是港式串燒，見在公司附近，便約好友相約一起吃飯。這裡是新開的餐廳，只做晚餐。我們只好晚上過來試。駱駝漆大廈在工廠區內， 大廈下面很多人排隊， 很容易找。 一進餐廳空間很大。 地方寬闊，白色的裝修， 很舒適。i中英對照的menu。法國芬迪加生蠔$45.00 生蠔有些乾扁，不算肥美，但好在新鮮，沒有腥味。各款串燒豬頸肉$22.00-豬頸肉的肉很實，稍微乾了些。不過，有配上不甜不鹹，味道清新的醬汁，便不覺得乾了。但這款豬頸肉價格算是平民化。  雞軟骨$15.00-燒過的雞軟骨油份已經給逼出來，咬下去雞骨的地方有些脆。沒有太香口的感覺。燒蔬菜類冬菇$15.00-燒過的菇有很重菇的香味，十分引人。蘆筍$22.00-蘆筍不是特別香嫩， 烤過的有些硬。煙肉芝士大蘑菇$38.00- 這款中西合併的一款， 煙肉和芝士鋪在冬菇上面， 平衡冬菇的味道， 而且冬菇好大，好满足。茄子$22.00-茄子放了香蒜之後,  蒜香撲鼻。 茄子已經燒軟， 入味。甜椒$18.00大大的燈籠椒散出香味，未吃已經好有食欲。沒想到有點酸，但燒完之後還是賣相很好。海產類燒烤燒聖子皇$48.00-聖子份量

觀塘駱駝漆大廈商鋪林立美妝店、零食店、家品店、服裝店應有盡有絕對是假日逛街的好去處這裡面當然還有食店了逛街肚子餓了，剛好看到這家串燒吧裡面的裝修走簡約的工業風很符合駱駝漆大廈的工廈特色一般吃串燒的店鋪都有比較健康的飲料健康工房差不多是每次吃串燒必備的這裡除了常見的，還有比較特別的冰糖雪梨提供3款不同的醬料供自由搭配牛柳串(HKD 28)燒至7成熟的牛柳串很鮮嫩多汁一口番薯(HKD 22)小番薯很軟糯香甜雞軟骨(HKD 15)雞軟骨烤得香脆爽口，很有咬口點點鹽粒更調起雞軟骨的鮮味墨汁墨魚腸(HKD 15)非常特別的墨魚腸在其他地方還真的沒有吃過墨魚腸內有粒粒的墨魚粒口感扎實彈牙，味道鮮甜雞泡魚干(HKD 48/ 1件)雞泡魚干烤得很香脆，味道鮮甜不過稍微有點過乾粒粒墨魚丸(HKD 15)墨魚丸超大顆的很爽口彈牙，墨魚味濃郁鹽燒雞中翼(HKD 22)外層雞皮烤得香脆內裡的雞肉鮮嫩多汁秋葵(HKD 30)秋葵不會烤得過乾保留了秋葵本身的質感和菜汁煙肉芝士大蘑菇(HKD 38)蘑菇超級大顆內裡釀了煙肉，上層再鋪上芝士切開蘑菇汁傾瀉而出蘑菇肉很嫩滑多汁配上煙肉和芝士，口感豐富棉花糖薄餅(HKD

咁岩係觀塘放工又想食串燒，即刻約friend同搵餐廳。呢間野係工廈入面不過都幾易搵。有d串燒d調味唔係好夠濃，不過佢有個酸酸地既泰式醬汁我幾中意。燒雞全翼就係個晚入面最滿意一道菜。

朋友話帶我呢間駱駝漆大廈之中既隱世串燒店，之前都無留意叫咩名，點菜之後發現原來佢叫做鮮，原來係有原因嘅，因為呢間唔止係串燒店咁簡單，而且仲有好多海鮮食，刺身生蠔都有！本身諗住來都係食串燒嘅，但係見到個海鮮拼盤又好似幾抵喎，於是又忍唔住叫咗一個試吓，只不過係＄268，有四隻生蠔兩隻海蝦一堆海螺仲有兩隻大蟶子皇！上咗呢盆海鮮之後，我第一時間梗係試吓隻生蠔先，食完我馬上望住我朋友碌大左對眼，佢問我咩事，係咪好難食？我話唔係，而係我估唔到海鮮拼盤之中嘅生蠔係咁正咁好味嘅，真係好似雪糕咁滑，我冇問到佢係用咗邊種生蠔，我亦都冇咁嘅本事憑外表就判斷得出係邊種生蠔，但真係好滑好creamy，似Gillardeau。個海蝦亦都好鮮甜，蟶子好爽口啊！叫咗一份豬頸肉，$38，都幾夠份量，而且佢切得薄薄地，加上佢個幾清新開胃的醬汁，食落完全唔會覺得肥膩。燒白鱔! 正，燒到脆脆的白鱔皮之下係滑嫩的白鱔肉，白鱔自己本身獨有的魚鮮味加上白鱔的魚油一咬下去就隨之流出，再與脆卜卜的皮一起咀嚼，每一啖都係一種享受。個牛脷大大片都好正，厚薄都好適中，用了黑椒來燒，食落好香黑椒味，仲好有咬口。