鮮‧港式串燒吧 (已搬遷) 新店位置

串燒店越開越多，今晚黎到工厦中的鮮試一試，位放駱駝潻中，平時都有黎開掃平貨，地點唔難搵。大概是時間尚早，只有兩枱客，店員則有十幾人，聲勢浩大！坐了在第一張枱，緊貼出餐位置，意外地無油煙味，睇黎餐廳的通風做得幾好。醬料一早放枱，無點過唔太清楚係咩醬，中間應該係海鹽，最左面的朋友話似係泰式生蝦醬，右面應該係燒汁。墨魚腸，正常味道，但唔明點解要點茄汁。本應是雞肉蘑菇飯團，但切開來係明太子，可笑可笑，店員confirm係雞肉，whatever照食了，燒得很香很硬，但無乜味的。墨魚丸，正常凍肉舖的墨丸味。黑松露薄餅，未烘熱，個心仲係冰嘅，無芝士拉絲，無黑松露味，但呢個係全晚最抵食嘅，68蚊咁大塊。燒豬頸肉，呢個好味喎，豬肉夠肥，豬油甘香。芝士煙肉大蘑菇，熱辣辣芝士香，size細啲外都好滿意。其餘無影相已食了，埋單442絕不便宜，但係無限時間任坐，同朋友吹水ok嘅。PS，餐廳不會主動比水，問一杯比一杯，飲哂又要問過的，可能係支裝水要收費8蚊，所以唔想比水。點嘅食物不論咸甜都係一次過出哂，建議甜點可以分開落單。店員收碟好快，但無交流亦零笑容，大概係坐了兩個鐘又食唔多引致不高興吧，但無客等位啊。Any

本身約左班 frd 食 7 點，點知有2-3個朋友突然有 d 事話要成8點先出到黎 ~所以我同另一個朋友諗住求其食少少野頂住肚先，等佢出到黎先去返apm食 ～上網 search 見到鮮‧港式串燒吧新開幾個月，好似幾好咁，所以就一於試下。walk in, around 7 點，都幾多人～隔離枱有成10幾個人，聽到好似慶祝生日，費時影到人地。。。 坐低先睇睇menu，都幾多選擇～ 一坐低，職員遞上調味料。 點左露筍，好鮮甜，食落口唔會太乾身，而且冇咩草青味～ 牛柳鮮嫩，黑豚腸同墨汁墨魚腸好爽口、啖啖肉～ 墨魚丸好彈牙，不過少少咸！ 雞軟骨有點硬，不過雞翼滑嫩，皮脆，熟度剛剛好呢！ 另外點左個蟶子，好香、而且多汁又鮮甜，正！

這夜跟M小姐來了觀塘工廠中駱駝漆大廈逛下街，每次經過鮮‧港式串燒吧只是衝衝而過，友人見到我想食串燒及海鮮，她建議今晚在此食晚飯滿足下我的慾望，她太知我的心意，入到餐廳，雖然這裏是坐滿了不少客人，但不會覺得太嘈雜，地方都好寬敞，感覺都幾舒服。這裡有很多不同的串燒，例如有燒蔬菜、海鮮、炸物、特式小食及甜品。先來兩支晤凍的津路烏龍茶($15 each)，烏龍茶可以消滯又解渴，茶味依然甘香濃郁。友人最愛就是食海鮮，又怎會少得食海鮮盤，我們選擇了一個特選海鮮盤($268)，各種海鮮放在碎冰之中，當中有兩隻生蠔、海蝦、蟶子及海螺，我先食生蠔先，分別有兩款品種，店員建議我先食來自南非 rollex ，蠔肉都肥美，海水味都濃郁，有creamy 的口感，爽脆蠔味都重，另外再品嚐來自澳洲的coffin bay ，蠔身較細，不過蠔的裙邊較爽口，味道鹹但有回甘，散發濃郁海水味，兩款生蠔都非常新鮮。海螺細細，但肉質真是好爽又有咬口，另外蝗子已經切成小粒，容易夾，爽彈味鮮，海蝦的size都算中規中距，肥嫩鲜美。食完凍盤就開始食熬食，先有芝士丸($15)及 一口蕃薯($22)，芝士丸烤至金黃，一咬開已經流出芝士漿，

觀塘工廈餐廳既選擇愈黎愈多，最近又進駐左一間串燒店，名為「鮮‧港式串燒吧」，天寒地凍，一於去試下。 餐廳門口係一幅大磚牆，突然令工廈呢個角落高貴起黎！入到餐廳，空間好大，座位闊落。餐廳採用開放式廚房，但食完個身都完全無油煙味，值得一讚。 餐廳食物分為串燒、蔬菜、海產、炸物、小食及甜品。一坐低，侍應先送上調味品，三格入面分別係泰式魚露、粗鹽、醬油。不過我覺得大部分串燒都好夠味，呢三格調味料基本上用唔著。 冬菇 ($15)好多時食燒冬菇都會覺得太淡，但呢度就無問題，調味好足，仲能夠帶出冬菇既鮮味，有少少驚喜。 厚切牛脷 ($38)唔算太厚切，不過味道都唔錯。用左鹽同黑椒去調味，爽中帶腍。 粒粒墨魚丸 ($15)經過燒烤既墨魚丸，有一股特別既香氣，味道未算好有驚喜，但喜歡墨丸既人都一定會點。 墨汁墨魚腸 ($15)唔知係咪受到外形既影響，呢碌好似膶腸既墨魚腸，真係好似有少少膶腸味咁！味道唔錯，有粒粒墨魚，彈牙美味，比墨丸更出色。 明太子飯糰 ($32)飯焦控必點燒飯糰，外層燒到卜卜脆，入面咬到「撲撲」聲，夾埋沙律醬食，幾好。 磨菇雞肉飯糰 ($28)磨菇同雞肉用燒汁炮製過，有淡淡既甜味

友人在觀塘返工, 所以相約在觀塘食飯. 這次友人帶我去工廠大廈食飯, 最後選了鮮港式串燒吧, 這裡是主打串燒. 我點了厚切牛舌串, 墨汁墨魚腸, 蘑菇雞肉飯團,煙肉芝士大蘑菇和燒鯖魚. 枱上有三款醬汁用來點食物. 厚切牛舌串. 一串有三件. 牛舌帶點咬口, 幾有彈性, 完全唔硬和乾身, 牛舌面加上黑胡椒粒, 特別惹味. 單食已經夠味. 也可以點醬一齊食. 墨汁墨魚腸. 覺得加入墨汁幾特別, 便點來試下. 外皮帶少許脆身, 內裡有一粒粒的墨魚粒, 多了一份口感. 鍾意食香腸的朋友, 來這裡要試下這個. 蘑菇雞肉飯團. 飯團外層略為燒過, 入口時感覺似食飯焦, 微微脆脆地. 唯一是內裡的饀就太少, 多一點, 感覺豐富一些. 煙肉芝士大蘑菇. 上枱時已香味撲鼻. 蘑菇能夠保持多汁, 完全不覺得乾身. 而且蘑菇面上放滿了芝士和煙肉, 雙重口感, 與蘑菇是最佳拍檔.

平愛喜歡行觀塘工廠區既駱駝漆三座，今日行到5樓，發現多左間串燒，係門口望望，環境都幾大，串燒價錢都合理，而且6點幾都算多人，於是入去諗住食返幾串醫肚諗住入面好多位啦，但都要坐近個開放式廚房，原來好多枱都係留座，咁多人book左枱，質素應該都ok既枱上有張menu 主要係海鮮類，但我哋都係食返串燒就夠，要落串燒order，有張紙仔俾你寫坐低之後，即刻遞上醬汁及粗鹽，竟然有我最愛既泰式辣汁，少少辣帶甜，估計應該係自己整既，但對我個人來講，就唔夠辣粒粒墨魚丸，$15夠大粒及彈牙，真係食到粒粒墨魚肉燒豆泡，$15，識燒一定係將佢燒到乾哂水，表面燒得幾乾身牛柳串 ($28)，燒完都仲KEEP 到肉汁， 由好多塊薄牛柳串成，份量唔少，燒到7成熟左右o岩o岩好鹽燒雞中翼($22)，係KING SIZE ，外皮燒得夠脆 ，味道唔錯煙肉青椒卷，配搭新鮮，煙肉邊燒得香脆，青椒可減少煙肉既油膩粟米，將佢切半先燒，底面都燒到燶燶地，正燒大蜆，一份$48， 蜆真係幾大隻，又鮮甜又無沙， 如果係出面食大蜆，應該食唔到呢個價錢啦， 配辣汁好夾豬頸肉，$38， 份量都幾多，燒得夠乾身，肉質軟硬適中， 配辣汁一流 其實

今日去開觀塘有備而戰，一早搵定早飯食咩費事同人迫。自己一個人食串燒都好喎，比我搵到呢間方便又企理既「鮮」～觀塘地鐵B出口一直沿住開源道行幾分鐘就到，岩晒我呢d路癡～6點幾上到嚟未有太多人，真好。店員有禮貌地帶我去座位同埋比水&3款醬汁我～（所以有10%svc架～）食串燒我必點《厚切牛脷 $38》- 稔食易咀嚼，表面灑上左海鹽令牛味更出。《茄子 $15》我都好鍾意食，佢燒得岩岩好，唔會太乾亦無燶，難得！店員推介我食《M6和牛條（1份）$165》於是我就點左嚟試下～等左大約10mins後上枱，燒到大約5-6成熟，係我最喜愛既牛肉熟度～唔使點任何醬汁已經好夠味。牛味濃，夠稔又無渣，一塊排既大細，真係好夠飽。佢d野飲都係十幾廿蚊好抵飲～下次有機會的話叫埋朋友一齊食先～

今日和朋友往鮮. 港式串燒吧食串燒宵夜, 點了蘋果汁, 魚蛋、墨魚丸、炒菜、雞皮和雞軟骨串燒, 魚蛋燒得彈牙, 墨魚丸燒得好香, 並且有香甜蜜糖味、炒菜炒得乾身, 菜不油膩, 好爽口；雞皮現時好少串燒店有提供, 這裡雞皮燒得乾身香脆, 而且有孜然粉味, 佐酒一流, 值得一試；最後雞軟骨好彈牙有嚼勁, 好食。店子串燒整體水準不錯, 串燒好食,味道美味,而且坐得舒適, 朋友聚會「夜宵磨」好地方。

今日去左觀塘開源道60號既駱駝漆大廈行outlet, 行到甘上下就喺大廈內搵野食，原來開左好多餐廳，行到5樓見到呢間串燒幾多人食又乾乾淨淨於是就入左去。2個人食，首先叫左《明太子飯團 $32》-都幾大舊，2個人分岩岩好。個外層燒到好香脆，又唔會太硬亦無燶，十分好。入面釀左明太子，份量唔會話好多，但味道足夠，太多反而會咸。再叫個主食《法國燒春雞（原隻）$125》-share食真perfect，因為多肉又大隻，絕對唔係細細隻～雞用黑椒同鹽醃製過，所以由皮直接肉都入味。表面望得似好乾，但一食落有驚喜，肉好juicy而且嫩，黑椒微辣惹味！下次行完outlet都可以再嚟食～（有加一）

平時食野都無寫食評，咁岩朋友話op榜首有間串燒店一於黎試下!一坐底我想走返出去。。。價錢上係好貴。。。一串三塊既菇子已經15蚊，每款中燒既份量都好少，價格亦偏貴，15蚊起，有啲成30蚊串。。。。傻的嗎食材都係大路野，有啲唔常見但食落真係一般，例如墨汁腸，秋葵。芝士丸入邊仲係凍最特色係燒乳豬同和牛，但我見隔離枱點左，200幾蚊，乳豬得細細地6舊仔，和牛成180蚊得6粒。貴到我唔敢點。。總體上食材普通但貴，而且食物唔夠熱。一次都嫌多

明明落左單又漏曬單 燒得不是很好 不符合這個價錢 牛舌很像香口膠 十分失望 下次不會再去 點了半打生蠔 自己覺得不是很新鮮 還要加服務費 用了3百幾蚊 唔知自己食左d咩 點了somerby 冰不是碎冰 融得十分快

近年日式/ 韓式串燒食品大行其道  反而忽略左其實我地自己香港都有港式既串燒今晚約左個係觀塘返工既老朋友食飯想食返D野味熱氣野   就去左今晚呢間餐廳同佢食返D串燒雖然餐廳打正旗號食串燒  但係原來佢都有海鮮食叫左呢個海鮮併盤   重點最抵讚既係佢D蠔  放落口個下依然仲有D海水味 一D腥味都冇!我同朋友都唔係D好大食既人 所以好多串燒我地都係一串起兩串止食一串 吹下水  輕輕鬆鬆   (不得不提  坐得幾舒服)重點提一提佢個豬頸肉  一黎夠味 二黎夠咬口  份量又足  中意食豬頸肉既朋友 一定要試叫左兩個飯團   明太子飯團 又係一個意料之外好味既一個選擇羊架 味道反而唔算太濃  但係口感都做得好好  另一方面  佢又唔係話一尾靜係得串燒    佢仲有甜點食完一D咁熱氣 咁濃味既串燒 炸物之後   有得食返個甜品  成件事真係更上一層樓呢個芝士餅  食完真係透心涼  總結  呢度適合幾個食量唔多  但係又想過口癮食串燒炸物既朋友位同位之間有一定既空間  同朋友黎一邊食一邊傾計  係一個唔錯既選擇個晚都同朋友傾左差唔多成2個鐘先肯走觀塘真係一個充滿神秘隱世食店既好地方!

工廈愈黎愈多餐廳，係朋友推介下黎食下串燒。一入門口有個corner位賣飲品，其中仲有手工啤，幾特別。再行入啲會見到一個好大既開放式廚房，好多人都忙緊準備食物。食物種類尚算多，大部份都係平時食開既，唯獨有乳豬同和牛，好特別!煙肉青椒卷: 用黎做開胃前菜幾好，煙肉中間有一塊青椒，用黎中和煙肉既油膩，而且煙肉唔會燒得太乾太硬，好好味。燒茄子: 茄子燒完出黎又腍又多汁，上面既蒜蓉係重點!蒜味夠香，鹹鹹地，夠哂好味燒白鱔: 未見過既串燒食材，估唔到呢度有。鱔夠厚身多肉，咬落又脆又爽夠多汁。加上適量既椒鹽十分惹味。煙肉芝士大蘑菇: 一拎出黎已經聞到好香既煙肉蘑菇香味!但隻菇唔似係燒既，因為比較多水，一切開已經有水滲出。雖然味道香濃，但配合一齊食比較清淡，淡淡煙肉同蘑菇香，仲有咬唔開既芝士，yummy!!!總體上，環境舒適，服務好足，waiter/waitress都好有禮貌。店內即使係開放式廚房，但都好少油煙味食物落order10分鐘左右就開始陸續上，都算快。唯獨食物唔太夠熱，似燒完放涼一陣再上。燒烤師傅技術好!所有食材都無燶，恰到好處，尤其蔬菜類唔會燒得太乾身。但價錢上顯得性價比低，可能係觀塘租金

雖說近年多了很多餐廳開在工廠大廈裡，但我還是未試過到這些餐廳吃飯。這次朋友找到這間位於觀塘的港式串燒餐廳，感覺很新鮮，而且它還很受歡迎，排在流行榜的第一位，我們決心要去吃！平時工廠大廈給人的感覺很封閉和殘舊，但鮮除了易找，還很開揚，大廈的走廊很闊，完全沒有擁擠的感覺。等了30分鐘才有位，不禁想：天呀！原來這間店的捧場客比想像中多很多。菜單是半張A4紙般大，分了不同類別：串燒、蔬菜、海產類燒烤、炸物和特色小食及甜品。我們點了15種食物，再加每人一樣飲料。1. 芝士丸$15只有3顆，上菜時我們有點驚訝，因為要$5一顆，有點貴。不過烤得不錯，外皮很香，沒有燒焦，裡面的芝士很軟，夠芝士味。我們一人只有一粒，意猶未盡。2. 香芹貢丸自己燒烤時，最怕貢丸不夠熟，這道菜沒有這個問題。貢丸很香，不重雪藏味，如果可以在烤時多加點蜜糖就更好。3. 蒜香雞全翼嘗得出店員曾用心醃雞翼，而且燒得不錯，很惹味。其實光看賣相已令人垂涎三尺，個人認為這店的雞全翼很值得一試，因為現在很多店都不賣雞全翼，而這店不但有，味道也不錯！4. 墨汁墨魚腸有驚喜，夠甜味！不但是外面，裡面整條都是黑色的，很夠料。不算很油膩，喜歡墨魚

串燒質素可以價錢較貴地方擠迫、環境較躁服務一般當向店員反應食物質素時，她是沒有反應的，嘥氣，完全沒有想改進的意思$58一串燒鱔，好細件，仲要塊皮係咬唔開的，沒有脆的感覺