鮮‧港式串燒吧 (已搬遷) 新店位置

宜家好多工廈都改建做餐廳，我都幾中意!貪佢空間感夠大，唔會好似一般餐廳咁侷促!~同朋友吹水講是非都唔洗擔心隔離檯會聽到喇!~~ 平日食日式飯團就食得多，燒明太子飯團都係第一次!!! 飯團外面燒成飯焦咁，但又唔會好燶，無苦味!!反而幾香脆，內脆外軟!!!入面既明太子份量都幾多，食落口脆卜卜，好有口感鬆化黑豚串係必食之選!!!!~入口好香豚肉味，肉質鬆軟爽口，肥瘦適中，油脂味十分香濃!有種好似食日本和牛串既感覺，肉味濃郁，入口即溶!!燒曼頭面頭搽上一層蜜糖代替練奶，幾有新鮮感!港式咖哩有魚蛋、魷魚、豬皮、蘿蔔蘿蔔煮得夠林好入味！魚蛋又大又彈牙，讚不過咖哩汁味未算濃，而且味道偏鹹！食串燒有時都會怕熱氣，好彩宜度有涼茶同清潤既飲品咁就食幾多串燒都冇由怕喇！

Honey 今晚ot，所以過左去接佢收工食飯!佢話宜間餐廳係新開，之前與同事食過一次覺得都唔錯，就帶我去食! 餐廳主打食串燒同海鮮，環境寬敞舒適!!!最like係佢open kitchen 既設計，一邊食一邊睇著廚師工作!可隨意點上三色醬料，別有一番風味!平時食秋葵($30)都係白熔or炒，第一次食燒秋葵，味道唔錯!! 秋葵經過燒烤，仍然能夠保拎水分，外脆內嫩，夠juicy!!~值得推介既係燒豬頸肉! 豬頸肉嫩滑，邊邊位置燒得好脆口，上枱仲熱辣辣，咬落唔乾有肉汁。再點上配碟醬汁，味道酸酸地，好開胃惹味!炸牛乳蟹肉薯餅($25)即叫即炸真係好香脆!即使經過油炸，但入口都唔會好多油份，唔算油膩!但咬果陣要小心涼燙口唷!!一口咬落去，入面d牛乳bi哂出黎，非常熱!! 牛乳香滑creamy，但就唔見蟹肉既踪影!

除了油尖旺，BeautySearch 閒來時也喜歡往觀塘駱駝漆大廈蹓躂，其實，每次經過附近，看見一班姐姐派發單張，都很想接下來看看有什麼新產品推出，但又怕接一張一連串的單張便會從四方八面塞進手裡......這次，我與朋友特意前來逛街，當然不介意接受一連串的單張啦！ 參考完單張的資料，我們選擇由駱駝漆大廈 3座的中層開始往下行，慢慢地逐層尋寶。行到 5樓時，開始感到有點疲倦，還有點餓，看見一間門面簇新的串燒店，而且還是港式串燒，當然有點好奇，與泰式、日式等串燒有何分別!? 於是決定嚐嚐這家《鮮 ‧ 港式串燒吧》，吃點小吃，順道可休息片刻再作戰。 店內有張長長而又華麗的靠牆大沙化，很燿眼！以灰、啡、黑作主調，裝潢簡約中充滿時尚感覺，加上寬大的空間，令人非常舒服。在這裡與三五知己相聚，實在不俗。 串燒始終是上火熱氣的食物，無論泰式、日式，還是港式，相信也需要滋潤一下，所以，我們點算了「冰糖雪梨」及「竹蔗茅根海底椰」。 先來一碟「雞泡魚干」(HK$48)，份量也算不少，個人覺得似乎燒得乾身了一點，還是蘸一點沙拉醬來得更味美。 這裡的「牛柳串」，牛柳粒排得密密麻麻的，每串 HK$28，相當

今天下午去觀塘見客後，剛好天文台發出黑雨警告。問過高層，在此情況下，不用趕回公司了！反正外面風大雨大，還是在附近的廠廈，逛逛街，尋一尋寶。這邊有很多好東西，如化妝品，護膚品，運動服飾，ＢＢ３之類，足以讓人消磨很長時間。終於覺得肚餓了，就來到這餐廳稍作休息吧！　因為時間尚早，很多公司還未有下班。大量座位，任君選擇。點了几款串燒，邊聽著餐廳播放的Ｅ神靚歌，邊等食物來到。厚切牛脷串＆一口蕃薯　　　　　　菠蘿　　菠蘿有特別的酵素，幫助消化。而這個帶皮的厚身燒菠蘿，可能是烘烤的時間太短了，內裡的的菠蘿汁很豐富，邊吃邊滴汁。如果燒的時間再長一點，讓更多水份揮發，餘下的菠蘿汁就更鮮甜濃郁，也不會出現邊吃邊滴汁的情況！　　　嚐過菠蘿，清一清味蕾後，就來到喜歡的魚類。燒鯖魚　　魚皮的表面金黃色，較硬身，而中間的魚肉還是嫩滑多汁。只需灑上檸檬汁已經很好味。鯖魚沾上這泰式酸汁，又几好味！　三文魚頭 　當時還在猶豫點魚骹還是三文魚頭。當三文魚頭呈上時，就覺得這個選擇是對的。魚頭附有魚骹呀！　魚骹啖啖肉，還有魚的面珠登。魚頭要趁熱食，放涼後，水份揮發了，肉質會變硬，鮮味會變為腥味呢！　休息過後，再來觀塘尋寶之旅

同朋友慶生日加聚會傾計。主要想飲番杯，慢慢傾。地方環境整齊清潔的，啤酒要分開先付款，但口味都多選擇，而且星期一至四做半價，抵飲!不過食物水準就真係麻麻，見到即溶日本和牛個名好吸引，而且價錢都唔平，諗住都應該唔錯。點知呢3粒仔牛肉真係好失望，今晚點的牛肉類食物都唔啱口味。半打田螺，我哋只係食咗3隻，因為真係唔想夾硬食。不過生蠔都算新鮮，入口蠔味同海水味都好出，可以推介。整體試過今次，下次唔會再幫襯。

夜晚口痕，就搵到呢間新鋪食宵夜。茄子清淡鮮甜，唔太特別。芝士磨菇燒得好軟熟一切就開，但多咗D水。口感清甜，而略帶芝士嘅濃郁。燒乳豬係最有特色，外脆內軟，皮燒到啱啱好，加埋D甜醬，回味無窮。但份量如果多返D就更低食。

朋友介紹黎到駱駝漆大廈， 店舖比較隱蔽，唔係人哋介紹都唔識，但勝在方便。每個客人有三種調味料。燒汁，同普通日式串燒燒汁差不多；海鹽，加落肉類更吊得起肉味；酸汁，個人最鍾意酸汁，酸酸甜甜好開胃，有點似泰式酸汁。自私食嗌左隻生蠔，跟埋辣椒醬同檸檬。不過我慣咗淨係落檸檬汁，生蠔夠生夠鮮，冇乜腥味，不過略嫌唔夠肥美香辣蘑菇好入味，夠晒辣好惹味，而且燒得仲好多汁！燒大蜆大概有六至七隻，但我覺得燒得有啲乾，加埋酸汁上，不過真係大蜆，隻隻都好大隻。如果可以燒到一咬就爆汁，就更加好味。飯團外面燒得好脆，有啲似飯焦，好香口，同平時出面食嘅飯團唔同 墨魚腸雖然個樣麻麻地靚，但反而有驚喜。似用墨魚肉打成再放入腸衣去燒，出面少啲見。必食！ 大蘑菇！今餐至愛！蘑菇好足料，芝士多到可以拉絲，而且好多汁，切完4份啲汁漏哂落碟到，超juicy!!蟹肉薯餅配茄汁有點奇怪，但蟹肉同牛奶炸得好creamy,切完似要筆黎食多過叉黎食，女仔一定鐘意食！蔬果、雞翼同墨丸中上。冇咩特別，但用料幾好，夠新鮮同肥！順帶一提燒蔬果有滿滿嘅蒜溶鋪面，重口味者一定岩食！

上世紀工廠林立嘅官塘，喺今時今日迎接另一個高峰。甲級商厦商場填補北移嘅工業，空置廠房紛紛化身健身美容，OUTLET食材店，今晚我又嚟到駱駝漆大厦搵食。 門口只有易拉架同金屬招牌，玄關位設有名為「CORNER」嘅小酒吧，提供兩款手工啤酒、外國啤酒同其他無酒精飲品。不過同食嘢係分開賬目，好似酒吧咁要即時找數，ROUND ROUND清。 手工啤$68/杯/500ml 手工啤口感清爽，1664味淡香甜、BROOKLYN入口帶澀，後勁強勁,配鹹果串燒好MATCH。 店內裝修簡約，開放式厨房，見到厨師即場燒烤。店內抽風系統效率甚高，食完都無煙味黐身。除大堂散枱，餐廳另設兩間VIP房，唔怕笑到忘形嘈親人。燒烤種類都算多，有成62款各式燒烤。店方為每位客人奉上三式調味料，包括燒汁、海鹽同酸汁。燒羊架$48/件羊架慢燒到僅僅熟，表面只係用ROSEMARY調味，燒完再加少量黑椒，再自己灑少少海鹽，咬落非常JUICY,入口鬆化，無渣無羶味，帶少少肥膏，少有高水準燒羊架！燒春雞$125用咗近年大行其道嘅法國春雞，個子小雞味濃，以同樣手法，用ROSEMARY同