鮮‧港式串燒吧 (已搬遷) 新店位置

今晚約左朋友食飯，佢約左我去駱駝漆大廈。之前黎過呢度幾次都係行街多（附近好多開倉），食野都係第一次。 佢帶左我黎這裡食串燒，因不是太餓，都係叫左少少野食傾下計。 這裡環境不錯，可能因為平日，沒太多人，不用等位，坐得都算舒服。我很喜歡吃燒菠蘿，這裡的也不錯，菠蘿被燒烘至外層微乾,吃起來也非常鮮嫩又清新，甜味當然都足夠，菠蘿是健康水果，如果可以再燒多一點就更加好，吃多一點都不怕！燒羊架的味道與賣相很好也不錯，灑上了海鹽調味, 肉質鮮美多汁，不太騷，夠大件，羊架都算是瘦肉，肥肉不多，少肥多瘦，不像其他的，有一大件肥肉，吃完整個口都是油！叫一件仲可用切開小件與朋友享用，好方便！墨魚腸比較特別，黑色的腸，好似BBQ燒焦了的感覺雖然賣相一般，但味道不錯，像加左墨魚粒的脆皮腸，這個腸不能睇表面呢！炸湯圓, 煙煙韌韌, 偏軟軟的口感, 外面用了炸粉包住炸, 裏面有黑芝麻流心餡,，一咬開黑芝麻，隨隨流下，又唔太甜。食串燒當然要配野飲，朋友叫左啤酒，我就叫左apple cider ~係潮流興,倒轉飲嗰啲，下面加左大杯冰，再倒轉插枝野上去。 一來飲嗰時好似整色整水，過癮啲，二來可以長期飲杯野係凍既！唔洗越傾

今日行經觀塘，又吾係好肚餓所以就上左黎食串燒 諗住冇甘飽七點幾去到都吾係話好多人，都有一兩枱，間鋪頭幾大，容納到幾多人下我地就叫左個芝士大蘑菇，熱辣辣好好食，好juicy，d芝士可以拉絲甘 大啡菇我真係好鐘意食黑松靈pizza 預先切好左，幾大份，兩個食完呢個都已經覺得好飽最後一道係豬頸肉 比想像中都多，佢仲俾左個泰式酸辣汁，都幾有風味不錯不錯

見排名第一黎試下間餐廳啦~ 講下佢間野入面比較特色個d和牛165蚊 但講真唔值呢個價.. 脂肪比例其實好差下.. 得個幾舊薄牛扒 出去第二間食可以食到ok好只係普通有小小脂肪既和牛 唔係咩上等材料 完全唔值呢個價...乳豬7件仔 188蚊 份量都唔係太大問題 問題乳豬肉應該比較滑, 燒到有小小過火 一d都唔滑好似食普通豬肉咁 最大問題太咸..= =唔係係唔係我地食個次既問題羊架有d乾 保持唔到肉汁鮮味..不過48$ 唔算話好貴 都叫正常墨魚腸反而ok 味道算好食 但30蚊一條~ 基本上要食飽起碼要300蚊一個人 除非你唔食d特色野~如果只食基本芝士腸 玉米不如自己燒算= =bbq 邊個燒差別老實講唔大仲有一個問題係d飲品~17蚊一支落樓下6-7蚊可以買到既野飲 我建議倒落杯到加d裝飾會好小小如果唔係廿蚊一支百佳飲品我落樓下買都得

星期五都要OT! 做到8點幾累累地唔想去咁遠，諗住返屋企食公仔麵，但佢話突然有個好介紹！就係觀塘食串燒！我係觀塘返工咁耐都唔知有串燒食！ 上到去裝修好舒服唔會好迫，出便有酒可以自己選！有紅白酒都有啤酒！因為揸左車所試唔到啤酒！D野唔算好貴，因為都幾大份！當然海鮮係香港人最愛！串燒又點少得海鮮呢！餐廳主打港式串燒，唔會有太多香料調味！最食到最原始最新鮮既味道！好貼心既調味料，食唔同野加唔同汁醬可以帶出食材既味道。燒蜆，肉厚身唔會太乾水一咬落去仲有d 汁！好鮮！燒勝子王，e個真要推介！$48！好大隻呀！一粒粒個d都係肉黎嫁！本身以為係蒜！勝子王好爽口唔會過火！鮮甜加上用簡單既辣椒蒜頭調味，咩野十唔洗落！每次都必點燒鱔，因為可以睇得出師傅既手勢！ 果然無令我失望！鱔好厚肉，但外皮燒到好脆好金黃！一咬落去脆，再有油份流出，再到軟身既魚肉...我今晚既最愛！最後都加單要多左串見到有人提及燒甜椒，見到原個甜椒上實在太有趣！忍唔住都叫返個！有驚喜！一打開甜椒有煙噴出，出便少少燶令到甜椒香氣增加，再唔用任何調味料下食到甜椒本身既甜！可能燒熱左第一淡有d辣椒既感覺，但又唔辣！普通少少既燒大菇，因為朋友鐘

12月初, 終於有點涼意….. 無錯! 今年12月才有涼意, 天氣的確反常。凍凍地自然是煲仔飯、火鍋、羊腩煲、蛇羹、BBQ、燒烤、蒸海鮮等等熱騰騰的食物出場, 但老實說, 以上的食物我通通都未開始吃, 應該是時候出動。第一擊便是燒烤夜, 在朋友介紹下揀了一間上樓的串燒吧。樓上舖多數是西餐廳, 串燒店的確很少見, 環境比一般地舖的串燒店寬敞得多。闊落的門口外擺放了一些推廣板、餐單和一塊大型的易拉架, 資料齊備。一入門口便見到一個酒吧區, 擺放了多款酒類飲品, 另一邊便設有一個放了紅白酒的木地架, 岩晒我這位嗜酒之友, 她一見到便兩眼發光, 目不轉睛…..她繼續慢慢睇, 我便馬上去視察環境, 右邊是一個大型的開放式廚房, 可看到眾大廚們正投入地準備一齊, 雖是開放式廚房, 但油煙味並不強烈, 看來抽風系統做得不錯, 讚! 左邊便是用膳區, 座位分兩行, 靠牆是一排長沙發座, 感覺舒適。預設了一張10人長枱、四張2人枱和三張4人枱, 還間了兩個小房, 分別有兩張4人枱、一張6人枱和2人枱, 可容納不少客人, 地方的確不少, 而且坐得挺舒適。每枱都放好餐具、紙巾、牙纖、咭片、點菜紙和餐牌,相當

朋友見這店在眾多餐廳裡位列榜首，叫我也去嘗嘗。我見餐廳位於觀塘工廈，我這種每月只賺萬多元的人應該負擔得起，便答應了跟朋友去試。地點不難找，出了觀塘站不久便到，大廈也算乾淨，光線充足。等了一會終於入場，已處於半餓死狀態。餐廳環境可接受，雖說是串燒店，但沒油煙味。店員服務也中規中矩，不過不失。一看餐牌，原來一點也不便宜，最平的串燒也要$15一串。轉念一想，$15一串應該是很大串，這店位於觀塘工廈，食物不會太貴，一串應該有至少10件。先點了幾串串燒：墨魚丸，貢丸，豬肉丸，芝士丸，黑豚腸，墨魚腸。想著吃完了這些，不夠飽再叫。上菜了，份量比想像中少得多。$15？3件？心想是不是店員搞錯了。然後發現沒有搞錯，這份量是對的，我萬念俱灰，$5一粒丸，吃了後是不是會飛？香港真的不適合窮人居住。觀塘是全港有名的窮區，吃串串燒，價錢不比港島遜色，我這種窮人應該如何活下去？朋友發現我臉色不對（當然，我這個月餘下的日子要捱面包了），他也沒說甚麼，我們默默吃完桌上的食物。埋單發現另一個惡耗：有加一！究竟店員在甚麼時候說過、餐廳在甚麼地方寫過有加一？點了大約$100，但我像是甚麼也沒吃過，吃完空氣包至少肚裡會感覺到

說來慚愧，我好像從未在香港吃過串燒呢！於是，朋友帶我來呢間試下。好正 ! 啲串燒係預先燒好先至上枱嘅，完全適合我呢啲手殘不擅廚藝嘅人。 侍應們都有求必應，只要一叫都會即刻過嚟跟進我哋嘅要求，態度都幾有禮貌，係香港嚟講， 唔錯。雞翼燒得好熟，食起嚟好有燒烤味，好好味。雞全翼同樣燒得好好， 而且好大條。另外值得一提既係呢間舖頭有好多比較有創意同新意嘅食物 例如明太子飯團同埋芝士蘑菇 撻 都係第一次見嘅。芝士蘑菇撻好大個，而且芝士好多好足。可以望下張圖就知道啲芝士有幾多啦。黑松露pizza都係第一次見。 pizza已經預先切好，容易分開，而且成個pizza嘅菇味都好重。 份量嚟講應該係今餐入面最足夠嘅一碟餸。 但係個pizza就淨係得菇味，味道太齋。最後要提下大家呢間鋪頭係要收加一服務費嘅，大家要注意呀。

好朋友話響官塘訂左件衫過嚟拎，又可以同我食晚餐！ 佢話見到Openrice “鮮”拎左第一，不如試呢間。 去到，朋友話好口渴，我就想飲返杯。叫左朝日啤酒。啤酒夠凍之餘，仲用左冰杯倒落去飲。 我太肚餓了，所以首先點左個明太子飯團($32)頂住先。嘩！好似唔係燒到好焦,但外面啲飯極脆，咬落short short 聲，裏面係粒粒明太子，飯香且軟香。 煙肉芝士大磨菇($38)朋友話要試的，個芝士層都幾厚下，仲要係拉絲。本身已經好香，加上細小的煙肉碎，響厚厚既大肉菇上， 食緊呢個時，跟食肉沒兩樣！！ʕ•̀ω•́ʔ✧這個係必叫之選！ 燒蘆荀 ($22) 來到時，以為係京葱，大大枝，燒到都夠色，但一咬落去呢汁標出嚟，而且鮮甜 (๑•̀ㅂ•́)و✧ 脆卜卜豆卜 ($15) 見到個餐牌，我心諗有幾脆卜卜吖。。。。點知。。。。有啲似食緊三角型嗰啲粟米片零食咁， 脆脆地同有少少鞋，裏面就暖笠笠。 綿花糖薄餅 ($38) 超級有誠意！滿滿的棉花糖，唔似好多餐廳都係得9粒咋，呢個定能滿足我呢啲燒棉花糖粉絲，外層微脆內面啲滾動，一撕開就有拉絲既效果，而且還畫面澎湃！ 另外個底一啲都唔he

好想食下熱氣野暖一暖身!就試下呢間啦!餐廳除左串燒,仲有海鮮!不過見呢間主打係串燒,我地小小地叫盤最細ge海鮮併盤試一試~海鮮併盤-內有蠔,蟶子,蝦!鮮味十足, 好驚喜因為完全唔腥!!後悔叫左細盤~~下次要試大盤ge~食完海鮮食開左個胃,就叫左好多串燒羊架-大大件~~好嫩滑~肉汁仲好多芝士磨菇-燒得剛好, 夠味夠淋!!芝士燒到半溶,配蘑菇真係忍唔住叫多個!!明太子飯團-表面普通到一舊白飯咁,仲好失望,但一咬洛去,不得了!!明太子原來有好多ga!!爆哂出尼,超級好食!!蟹餅-炸得好脆,入面係好creamy蟹肉,同朋友share就剛剛好,唔會好漏~口感仲好豐富!黑松露pizza-上抬個下有驚喜!賣相好有特色! 黑松露+芝士真係絕配!好足料,啖啖都好多黑松露同芝士,中意黑松露ge人唔好錯過!牛吞-好厚好juicy!豬頸肉-出面通常都燒到焦焦地,但呢間又無,可能你會話唔夠香口,但我反而幾中意呀!無左陣燶味,食到豬頸肉肉汁!朱古力芝士餅 -食完熱氣野食番個凍餅真係完美,個餅好好食,超rich!!

租金相宜的工廠大廈近年成為不少創業者首選，尤其是發展成熟的觀塘工廈區，餐廳不但愈開愈多，而且更趨向多元化。早前見到有人推介這間位於駱駝漆大廈的《鮮‧港式串燒吧》，據說餐廳除了供應各款香味誘人的串燒小食外，還有刺身和海鮮盤等可供食客選擇。見啲相片好似幾吸引，加上喺工廈食串燒，感覺特別，所以這晚下班後就拉了老公來這裡試試。店內地方頗大，放眼四看，沒任何多餘裝飾，只簡單地以白色牆身配深黑色靠背椅，裝潢睇落雖然是有點簡約，但勝在空間感十足，加上靠牆的一張特長大沙發和場內的開放式廚房，令氣氛更感輕鬆。先拿起檯面餐牌細心研究，串燒價格高低不一，最平由 $15 起，不過食物花款唔少，除了有大路的廚師腸、豬頸肉、雞軟骨、羊架….等串燒外，還有燒蔬菜類、海產類燒烤、炸物、特色小食、甜品、海鮮盤、生蠔、刺身及飲品，價錢有平有貴，豐儉由人。兩口子都極愛吃三文魚，所以決定先以一客三文魚刺身 ($48) 打頭陣。三文魚色水很靚，鮮橙亮麗，望落去條理分明，而且脂肪比例平均，食落鮮味十足，令人吃得暢快，沾上醬油更是滋味。蘑菇雞肉飯糰 ($28)，飯糰水準唔錯，底面兩邊都以慢火輕煎過，入口既乾身又焦脆，咬下有濃郁的蘑

天氣開始轉涼,就想食好多野暖下胃。經過觀塘,見到<鮮>食港式串燒,朋友同我異口同聲話:不如今晚食串燒啦! 咁我地就沖上去試啦!上到去餐廳原來唔只食串燒,仲有海鮮食!好多選擇呀!叫左海鮮併盤-有蠔,蟶子,蝦!好鮮味, 一D腥味都冇!!真係唔係好夠喉~之後我地叫左好多串燒,有豬頸肉-燒得剛剛好,好香口,但唔會燒過龍,D 肉汁仲好多!明太子飯團-表面好普通,但咬洛去D明太子原來有好多!!勁夾勁好食,D明太子多到爆出尼,忍唔住encore多個!!羊架-我本身唔食羊,不過朋友就太讚好嫩好JUICY!牛舌-好厚身,夠味夠淋,好好食!芝士磨菇-燒得剛好,芝士半溶,配蘑菇真係prefer match!!蟹餅-炸得好鬆脆, 炸粉好薄,入面好creamy,口感好豐富!黑松露pizza-好有特色!估唔到出奇地夾,而且好足料,啖啖都好多黑松露同芝士,中意黑松露ge人一定中意呢款!朱古力芝士餅 -食完熱氣野食番個凍餅真係完美,個餅好好食, 朱古力濃厚,推介!!d 食味真係好正，可以介紹朋友再食過😌🌝

串燒係長期熱門食物 又多花款 不過要做得好食真係唔易 最近又俾我尋覓到間串燒樓上舖 依間舖頭認真唔話得 串燒款式都算多食過番尋味 食多次🙈🙈不過佢今次居然冇燒韮菜！！ 好失望 ☹️唯有食其他蔬菜 好彩蔬菜類別都唔少 燒秋葵比水煮易入口 唔會有嗰種討厭既滑滑感覺 上面仲加咗椒鹽？！ 所以都幾有味道 唔錯燒翠肉瓜 燒到仲好juicy 咬落去仲有汁 燒豆卜 稍嫌乾咗少少 不過因為外層燒得脆 所以可以接受 牛舌都幾厚 所以食落都幾有口感 調味料真係落得幾好 因為係即叫即燒 所以食物質素好好 又熱又脆 真係一大享受 舖頭仲有酒精類飲品 不過我都係叫咗枝菠蘿汁黎飲 酸酸地 好有菠蘿味 大推介👍🏼👍🏼

夜幕低垂下的觀塘，放咗工有乜嘢好過搵間舒適的餐廳，優哉悠哉地享受一下，今晚同事又有好介紹，帶咗我去一間有海鮮燒烤的餐廳通常這類有串燒的食店，在佐敦開了很多間，但觀塘真的比較稀有！細看餐牌，價格與佐敦一般餐廳無異聽說燈籠椒的維他命C非常之高所以就點了這味燒甜椒，還想像是用竹籤串好來燒，誰不知上桌時見到的竟然是原隻來燒而且燒得好靚，恰到好處，真係好驚喜，亦佩服師傅的技巧，至於味道方面，內裡仍然好juicy，好鮮甜好好味唔好又驚肥又驚脂肪啦！未食過的千忻要試，又香又脆、好味過薯片當那燒鱔捧上來時，忍不住輕輕讚歎一句……只見鱔肉足足有一只叉子咁長，肉色亮麗鮮明、無過度燒烤，表面只略帶金黃，咬一口，肉質結實而有彈性，非常好吃好大隻的size，蟶子燒得脆，但卻不會乾身，蟶子上面加了些蔥花，蒜蓉及蟹籽，蟶子肉香甜又爽口埋單每人大約兩百左右，不算平、但以食物水準來說，都算物有所值

At first glance, you would never expect a building like Camel Paint to be full of restaurants and bustling with people. Though exteriorly unattractive, the interior design of Yakitoria Bar and BBQ is surprisingly well furnished. The open kitchen creates a sense of homeliness and the staff is casually dressed. The price range of the restaurant is quite decent, though some admittedly more value for price than others. Amongst the many choices, we decided to order some of everything.Firstly, we went

購物精的我常常過嚟觀塘這裏找平靚正開倉！尤其是呢邊勁多護膚品牌子開倉，買到手軟呀！ 瘋狂購物完，當然是祭五臟廟時間啦！ 剛巧同一層就有這間串燒店， 而且價錢好便宜， 一於試下佢！ 點菜紙有一張， 底面都寫滿選擇， 大大話話都有三十多款。 選擇種類都包羅萬有， 豬牛雞和海鮮類都有得選擇， 而且價錢都算便宜， 一般燒雞翼都是22蚊左右， 朋友點左一條墨汁墨魚腸大大條都是15蚊， 可惜裡面有豬肉我吃不到， 看起來很好味的樣子>n< 好難得見到串燒店有得食炸薯條，當然要試下，份量夠大碟而且即叫即炸。 食炸薯條當然最緊要是夠熱和夠脆啦！ 呢度都炸得唔錯 ，而且加咗少少黑椒，味道更好~ 另外還有一款炸物個人非常推介~ 就是炸牛乳蟹肉薯餅了， 外層炸得非常鬆脆富有口感， 一咬開就是好似岩漿般滾熱的牛乳， 配以打爛了的蟹肉和薯餅， 味道好夾之餘層次感豐富！ 在北風呼呼的晚上， 吃一個這樣的薯餅， 立刻暖上心頭。 這裏的鹽燒雞中翼好像比現在的譚x雞翼來得好吃， 起碼前面這兩隻雞翼是大隻仔， 強勁嘅臂彎絕對是女士最喜愛的吧？！味道方面， 簡簡單單的鹽燒也可以很好吃， 鹹香味脆雞皮再配以鮮嫩