鮮入圍煮花膠雞海鮮火鍋

营业中

休息中

一場黎到當然要試佢嘅招牌花膠雞濃湯！當時一飲，心諗咁好飲嘅！飲得出係真材實料，好香濃雞湯味，飲完口腔仲有餘韻😳😳花膠亦好彈牙、厚身，成個湯底非常出色👍🏻👍🏻👍🏻（後續就係當日飲完個湯全日都冇好口渴感覺，證明個湯係真材實料冇味精）手切安格斯肥牛（$298），新鮮、份量大！牛片厚身牛味濃，兩個人食一人都食到6-8塊🐂除此之外仲叫值得一提菠菜麵同餃子😍😍冇諗過菠菜麵咁好食，麵質爽口彈牙，有清新蔬菜味；餃子大大粒好足料，食新鮮豬肉同蝦！

晚飯日子係公眾假期前夕，搭lift都等左15mins因為大排長龍！原先訂枱8pm，7:30到達，由六位改為四位！當時半場都係吉枱！經過一輪嘅查詢資訊終於可以7:30入座！環境殘舊！燈光昏暗！再加埋壞冷氣！confirm Booking時完全冇提及！完全覺得被欺騙！因為當時人流唔係太多仲頂到！因為臨時臨急未必搵到其他地方食飯所以唯有繼續留低唔轉場！但人流越多時就越熱！完全冇晒胃口不到1小時就埋單打包走人！同行友人大家整個背脊都濕透！當時都有很多客人稱好熱！但店員回覆吹水搶修中😑食物一般質素差！賣相欠奉！價錢中上！服務業差完全冇安撫措施😑整體而言整個過程不良體驗！永久bad list🤬🤬🤬

鮮入圍煮之前係旺角已經食過一次🙆‍♀️個花膠雞煲湯真係令我同朋友念念不忘😋原來已經搬遷左去尖沙咀H8 8樓,所以決定同朋友在食多次回憶下當時既味道😜好多得獎獎項👍優秀嘅火鍋店！醬料費用每人$15!濃厚原隻雞煲花膠湯(半隻)$288🌟我地2個女仔食覺得份量好多,因為真係好足料🥰花膠又大又多真係好抵食👍 而且湯底滾左後店員好貼心咁幫我地剪開雞肉方便大家食用,味道好鮮甜好好飲😋真心推介!因為我哋太飽了飲到一半就拎個湯底變打邊爐!如果大家飲晒個湯底可以加豬骨湯!蟹籽鮮蝦滑($98)🌟味道鮮香而且爽脆Q彈,份量好多足夠4人食用!日本蟹柳棒($45)味道不錯,蟹肉實淨不容易散開!

小胖對火鍋的愛係365日的，所以有朋友約去就當然立刻去！佢的位置都幾好搵，地鐵出行幾分鐘，係美食街入面。佢的湯底有成十幾款，由傳統的皮蛋芫荽到新式的花雕醉雞都有。愛美的小胖就選咗花膠雞湯，佢的雞湯超濃，十分足料，飲落係真係有微黏的感覺，超好飲而雞肉吸滿湯汁的味，又甜又軟，入口即化，好食😋佢的花膠都唔算少，有6，7件左右和都幾大件，小胖淨飲湯和食雞都飽咗7成😂因為知道有雞件做湯底，所以配料點得唔多怕食唔晒，事實證明真係食唔晒😂，小胖點了麻辣小籠包魚蛋，牛骨汁牛丸，花膠蟹粉餃，蟹子墨魚滑和鵪鶉蛋，普遍味道都不錯，牛丸亦頗彈牙，小胖大推蟹子墨魚滑，佢的墨魚滑新鮮彈牙，用料足。佢的坐位都算舒適，配料和湯底的選擇亦多，不過價錢有點小貴，但還可接受

就嚟秋天啦好想同老公一齊去打邊爐，喺尖沙咀附近野加先入為主花膠雞湯鍋，又近地鐵站，一入到餐廳就見到有個魚缸擺滿晒海鮮響度，非常生猛，好像海鮮喺你隔離游嚟游去，每日都唔同款，當然我哋係要試吓佢嘅招牌菜，花膠雞湯火鍋，我哋點左半隻雞改一個份量。好快佢就已經攞咗一個雞湯過嚟啦，隻雞非常肥美，他佢會幫我哋剪開隻雞先俾我哋進食，首先我哋試咗個湯嘅味道，真係非常富有膠質，花膠分量十足，味道鮮甜，非常有營養嘅一個雞湯，係呢個秋天裏面飲呢個湯十分之滋補，雖然佢煲左咁耐但係隻雞都仲係好鮮嫩無比，果然係名不虛傳。我們還點左一疊安格斯肥牛，肥牛油脂十足，非常大碟的足夠三至四個人嘅份量，針落花膠雞湯裏面非常滋味，而且佢仲有好多唔同類型嘅, 所以我哋揀咗一個麵非常特別, 今餐真係食得好滿足。

約朋友吃花膠雞煲去了尖沙咀厚福街8號H8~8樓鮮入圍煮花膠雞海鮮火鍋。店內環境清潔舒適，座位寬敞。以紅木餐桌椅子為主。店員禮貌招待推介食譜，逢星期一至四都有八八折優惠。濃厚原隻雞煲花膠湯(細)半隻$288濃郁雞湯味非常夠火喉，入口感受到老火湯的香濃味，但雞肉仍淋嫩可口，值得一讚花膠煲得很淋滑，軟而不膩，入口即溶，好食。韮菜餃$42韮菜味香濃，皮薄饀靚，味道適中，一碟六隻，恰好二人份量。唐生菜$35生菜很鮮嫩，浸上濃濃的雞湯味更覺鮮甜可口。紅薯粉$28既軟滑又煙韌的紅薯粉，口感非常豐富，加上雞湯倍增美味。

鮮入圍煮搬左去尖沙咀, 以前喺旺角, 我已經食過超過十次!! 搬左之後第一次食, 花膠雞煲仍然係咁好食!! 我同兩歲仔仔上到去, 雖然我仔有時會開心到大叫, 又不停講嘢, 職員仍然好有禮貌, 仲好有愛心同仔仔傾計, 值得一讚! 花膠雞煲當然係我至愛啦, 香濃嘅雞湯, 加上厚厚嘅花膠, 食落去黏口㗎~ 比仔仔試吓個湯, 不停話yummy yummy!! 飲完一啖又一啖, 我自己都飲左4碗湯先開始打邊爐! 我地仲嗌左手切安格斯牛肉, 花膠雲吞, 鯇魚片等, 全部材料都好新鮮, 份量又夠多, 食得好滿足!

一早聽聞「鮮入圍煮花膠雞海鮮火鍋」嘅花膠雞煲非常出名，今日一試，果然名不虛傳聽聞佢哋嘅花膠雞湯每日至少用3小時烹煮，所以味道超級鮮甜！另外佢地嘅牛肉同海鮮都係師傅每日去街市新鮮選購，質素絕對有保證！我哋兩個人叫咗半隻濃厚原隻雞煲花膠湯，雖然係半隻雞，但係花膠同雞都非常足料，雞肉非常鮮甜嫩滑！花膠真係非常有驚喜，件件都又大又厚，份量亦唔少！呢個湯非常鮮甜，我差啲想飲晒全部！餐廳職員仲好窩心幫我哋剪雞同花膠，仲提我地點樣食!食完半隻雞之後，其實都已經好飽！但係見到好多配料都好吸引，就叫左大家都推介嘅芝士流心牛丸，羊癡的我今次揀咗羊肉片而唔係肥牛，加埋個菜同公仔麵，兩個人就剛剛好啦！下次多d朋友黎一定會叫埋海鮮試多d野！

見openrice 個個都讚就去試下！首先要帶現金⋯⋯因為唔收卡（都幾唔方便）宜家尼個時代 電子貨幣流行⋯淨係收現金⋯去到個場其實一眼睇晒⋯好細。你話坐得舒唔舒服？ 因為冇咩人咪唔迫囉，不過冷氣就一定唔夠。同埋個膠檯布 整住隻腳到好熱下！ （感覺其實冇裝修，好似用上手既野就算）叫左花膠雞，帶子餃，牛丸，花甲，鵝腸，水尤，烏冬。花膠雞鍋個湯係好味既，雞係滑、但花膠有d腥！帶子餃可以唔洗叫，食唔到有帶子，淨係豬肉！成隻都豬肉味，可以唔叫！牛丸爆汁ok, 水尤脆口，花甲鮮甜，鵝腸都爽。不過食完尼餐我口渴左兩日！唔知係個雞湯有味精/ 後加豬骨湯有味精/ 定豉油有味精！唔係講到好出色 拎晒獎！至少口渴已經令人唔想再幫襯！

之前舊公司還在旺角區的時候，我們一班同事經常會於下班後在「鮮入圍煮」這裏火鍋🤓不經不覺三年又過去了😮‍💨時至今日，「鮮入圍煮」都從旺角區搬了到尖沙嘴區了🌟趁著今個週末，剛好有點事要到尖沙咀辦理之際，我便帶寶寶來到新的尖沙咀店一嘗鮮入圍煮的招牌花膠雞湯😎❣️❣️❣️尖沙咀新店稍微擺脫了之前旺角店的大排檔風～感覺比以前更整齊了一些😄因為是吃午餐的關係，我們其實都吃不下太多的食物🙈主要是想給寶寶一嚐他們的招牌花膠雞湯😎濃厚原隻雞煲花膠湯（半隻）$288店家貼心提醒我們，滾起以後先一人喝碗湯🤓你花膠湯清甜又濃厚，絕對比得上媽媽在家煲的雞湯👍🏻真的明顯有熬上了一段時間👏🏻我們都不禁偷喝了兩碗🙈湯裡還有半隻煲軟了的滑雞及四件花膠🤩非常足料❗️我們未開始火鍋，已經每人吃了兩件花膠及幾件雞件了😝第一次還未開始吃火鍋已經要加湯了😆後來加的湯會是豬骨清湯～所以下次會記得多留幾件有皮雞作熬湯之用🤣以如此優質的花膠雞湯吃火鍋，滋味又養生🥳手切頂級安格斯牛肉 $198一碟的份量一點也不少😳我們兩個人還是勉強才能吃得下😆牛肉以鍋滾約10至12秒，滾至剛好熟而看不見紅肉的部份最完美了☺️牛肉味香濃，肉質細膩軟嫩💕油脂分布均勻

話說呢間之前喺旺角店嘅時候小編已經食過一次，味道都唔錯，最近知道原來佢哋搬咗去尖沙咀，今次就同朋友趁假期嚟咗打邊爐，火鍋配料選擇豐富，一入門口仲有個大魚缸，入邊都有唔少海鮮選擇㗎濃厚原隻雞煲花膠湯 $288小編今次同朋友係兩個人黎食所以就叫咗半隻份量，飲落去好清甜，湯內亦會有花膠，店員亦會幫手將雞剪碎，值得一試牛骨汁濃湯牛丸 $48 六粒有冇朋友仔同小編一樣平時打邊爐鍾意食牛丸呢，呢個牛丸真係爆汁，食落去非常彈牙，滿滿幸福感韭菜餃 $42 六粒餐廳有提供多款餃類選擇，味道都唔錯，餡料充足紅薯粉 $28今次仲叫咗紅薯粉，吸湯一流，為整餐畫上完美句號

前排同朋友去左尖沙咀鮮入圍煮食火鍋，好耐無打過邊爐，就決定過下口癮先！醬料費用每位15蚊。濃厚原隻雞煲花膠湯(半隻)：花膠有幾舊，口感幾爽口，吸入左吾少雞湯味。職員會幫客人將雞剪成一舊舊，雞件肉質吾鞋口，而且仲啖啖肉添！雞湯味道帶咸味，味道幾濃郁！芝士流心牛丸：牛丸總共六粒，焯後既牛丸口感彈牙又爽口，一咬開芝士爆出，所以小心食啊！同時，帶有牛味，芝士吾算太漏的。白柏葉：份量適中，焯後口感也爽口。個人建議吾好焯甘耐時間，因為好快縮小的。稻庭手打烏冬：為左想飽肚啲，特登叫烏冬。烏冬二人share，份量岩岩好，口感好滑！另外，叫多左一人一隻雞蛋。

聽同事講鮮入圍煮係旺角搬咗去尖沙咀樓上鋪，記得佢哋啲裝潢糅合了懷舊元素，特別係原隻雞煲花膠湯和原隻豬肚胡椒雞湯，特別受歡迎！今晚約咗同事過去尖沙咀回味一下！濃厚原隻雞煲花膠湯：叫咗半隻雞細鍋，金黃色嘅湯底內有半隻雞和花膠，放上爐後由店員用剪刀將雞剪開一件件方便食用，雞肉好嫩滑，花膠份量都不少，而且厚身爽滑，湯底鮮甜美味，整鍋湯都充滿骨膠原，養顏滋補又美味！花膠鮮蝦丸：用新鮮蝦打成蝦滑，再加上花膠，更加爽口彈牙。原粒帶子水餃，水餃有四隻，每隻都包滿餡料，除了豬肉外，仲有爽口的小柱，增加口感和鮮甜味。

係尖沙咀行開街，係H8搵野食，見到呢間原來係旺角，而家搬咗嚟尖沙咀嘅鮮入為煮，之前一直冇咩機會試，今日嚟到呢度，當然要試試佢！我地叫咗濃厚原隻雞煲花膠湯，根據有幾多人食，可以揀番大或者小。咁今次我地係叫咗小嘅， 湯底一上到嚟係半隻雞，先煲滾，之後餐廳會幫手剪開隻雞，佢地會建議先飲咗個湯先，之後落豬骨湯嚟打邊爐。個湯好鮮甜，花膠都有7、8舊，非常足料！我地幾乎每人飲咗2、3碗雞湯先開始打邊爐🤣醬料方面，有6款可以俾我地自由配搭，有蒜蓉、辣椒、蔥、炸蒜、沙茶醬同埋花生。配料方面，我地揀咗中山脆肉鯇魚片、原隻帶子水餃、花膠蟹粉餃皇、娃娃菜同埋紅薯粉。中山脆肉鯇魚片打邊爐最鍾意食脆肉魚片，呢度嘅份量唔少，都有8片左右，而且非常新鮮，食落口感爽脆。原隻帶子水餃入面有原粒帶子同埋豬肉餡，皮薄餡多，值得一試。花膠蟹粉餃皇入面係有原隻蝦同埋加左蟹粉嘅餡料，食落都有濃郁嘅蟹味，我更加鍾意食呢個！娃娃菜同埋紅薯粉嘅份量都唔少，攞嚟吸湯，超好食！

今日晏晝去左位於尖沙咀既一間樓上火鍋店一鮮入圍煮，突然泥試佢哋店舖既招牌湯底一花膠雞湯❤️ 果然得到好多人既推介，呢個湯底真係令我好驚喜，同時覺得好養生😜環境方面，晏晝去有d座位會好曬，但有冷氣，整體都好舒服，店員好好，會安排我地坐一個無咁曬嘅位置❤️服務態度好好。分享返我叫既野食先:濃厚原隻雞煲花膠湯 （小） $288我覺得呢個湯都幾抵！ 點解？ 因為佢地真係好足料，放左半隻雞，然後親眼見到店員幫我地剪返一舊舊易入口的雞肉，好貼心🥰 仲有就係好多花膠，係一片片的🌝個人覺得真係好足料，2個人食都食唔哂😣 仲飲左好多碗湯，好香濃！正🤩跟住就叫左幾樣餸放落個煲度打邊爐🍲南京鴨血 $68水魷 $48白栢葉 $48呢三樣餸既份量都好多🤣 我地都食5哂，真心要讚佢個鴨血唔腥，d餸好新鮮🌞 下次會再來吃❤️計埋服務費，一共食左$530 👏🏻🍲