鮮入圍煮花膠雞海鮮火鍋

营业中

休息中

小編同老公去左哩間出名既打邊爐既，咁我地一去就叫佢店內出名好食既濃厚原隻雞煲花膠湯，咁我地2個人叫左小鍋（半隻雞）$288，小的是給2-4人用，大的是一隻量$438，給5-7人食用。當花膠雞湯鍋到了後，服務員好有禮貌咁教我哋如何食用，先飲花膠雞湯，飲完後，他會在鍋內再注入湯，就可點食材打邊爐，小編同老公每人平均喝了2-3碗湯，湯內滿滿的花膠，看來部門花膠和雞的精華，而雞肉非常嫩滑，雞味十分濃郁。我地飲完湯食完雞後點了炸響鈴、稻庭烏冬及生根。份量十分足料，照片叫咗好多及味的食材山根和響鈴再配搭稻庭烏冬😋完全給收了花膠雞湯內的精華。濃厚原隻雞煲花膠湯（小）$288、炸響鈴$48、稻庭烏冬$33及生根（$38），全單加一，醬料費每人$15，埋單合共$481。以這個價錢能吃到這麼有質素的花膠雞湯，絕對是超值。而店內環境及座位都十分舒適，食物同環境都十分乾淨，服務態度十分好，花膠雞湯煲嘅湯底以$288這個價錢來說 食到那麼高質的一餐，絕對推介鍾意同三五知己聚會同家人聚會時嚟食💕

朋友又話要打邊爐黎咗呢間鮮入圍煮仲記得好耐之前有一間係旺角唔知係味搬咗黎呢度呢醬料我最有興趣食濃厚原隻雞花膠湯我哋得兩個人，於是叫咗半隻其他火鍋料想唔到花膠份量好多，而且一啲都唔係薄切個湯底係非精濃厚既雞加花膠湯滿滿既骨膠原同雞既精華岩哂依家秋天黎，而且女仔食多啲花膠好好嫁而且半隻雞都幾厚肉先飲湯同食雞飲飲下都幾飽豬腳筋之前係其他餐廳食過口感爽爽地，又有口感仲叫咗魚皮餃、紫薯淮山麵、原粒帶子水餃帶子水餃比較厚實一點

天氣開始凍凍，打邊爐就最岩😏😏係尖沙咀搵野食一定係去厚福街，去到左揀右揀，終於去左鮮入圍煮，食佢個花膠雞😋😋😋去到好彩都唔洗點等，上菜都快，一黎到緊係即刻叫左花膠雞湯底先，一上枱就勁香，之後緊係唔少得飲碗靚湯先拉。好味到不得了，勁勁勁足料，好似屋企煲既湯咁，好濃👍👍👍成個湯底有半隻雞同好多塊花膠，好似極都有咁🤭🤭🤭好抵食佢會比醬料你自己加，不過我比較鍾意原汁原味🥰因為得兩個人既關係，所以只係叫左芝士腸，手切牛，響鈴同蝦滑。不得不讚個響鈴浸落個湯真係好正。個蝦滑好足料，應該係用鮮蝦整，好有口感，好鮮甜。個手切牛好有牛味，配埋個湯已經好鮮，好好食，用料靚，有水準👍👍👍芝士腸係金妹嘜😍😍😍正整體黎講，野食係好食足料，職員服務唔錯，上菜速度都算快，天氣凍凍想打邊爐不失為一個好選擇👍👍👍

天氣開始轉涼，就想起「鮮入圍煮」，最鍾意食店推介的花膠雞湯，飲完靚湯，食埋可滋補的火鍋食材，好滿足😘😘濃厚原隻雞煲花膠湯（小）半隻 $288真材實料，每日利用花膠及鮮雞熬製嘅靚湯，啖啖清甜鮮香，滋補養顏，補充骨膠原，飲完仲成身暖晒，美味可口😍😍火鍋配料：中山脆肉鯇骨腩$88非常嚼勁，爽脆十足😋生劏田雞（一隻）$25肉質鮮嫩，真係生劏好新鮮👍👍牛骨髓$48我自細就鍾意食嘅牛骨髓，見到即點啦，份量十足，食落滑滑又滋補😋😋炸響鈴$48金黃鬆脆，用嚟吸收晒鮮雞湯精華，好好食😋😋

鮮入圍煮花膠雞海鮮火鍋（尖沙咀）#難得放假同老公去尖沙咀行街拍拖,秋風起,最啱吃火鍋。我哋去咗尖沙咀厚福街鮮入圍煮試下,餐廳座位闊落,光線充足。1）龍蝦湯原隻雞煲花膠湯$288：金黃色而香濃的花膠雞湯一上枱,香氣撲鼻,急不及待去品嚐一下。這也該店的鎮店之寶,也是養生招牌湯底,兩人有半隻雞份量,店員會幫忙將雞剪開,方便進食,非常細心。#雞肉非常嫩滑,充滿香濃的雞味,一邊喝湯,一邊喝雞,非常滋味。花膠份多,而且大大件又厚身,煮得好淋,湯底簡直一流,既有豐富的骨膠原,又可以滋陰養顏。2）花膠蟹粉$28/隻：充滿蟹粉味,值得一試,薄薄的表皮包著虾、豬肉和蟹粉,蝦新鮮爽甜、豬肉新鮮多汁、蟹粉充足。進食時要小心,一咬下去,肉汁和蟹粉立即爆出來,鮮甜的味道留在口裏久久也未退。3）原粒帶子水餃$48脹卜卜,非常飽滿,皮薄餡靚,內有三粒新鮮帶子和新鮮的豬肉,兩種食材非常合拍,帶子鮮甜爽口,豬肉大大地提升了帶子的鮮味,實在太美味了。

呢間邊爐想試好耐，聽朋友講過話花膠雞煲好好食，所以呢日放工就去試下！好好彩我一去到就有位，因為我OT到9點，好彩9點半去到仲有得食一坐低，我九秒九就叫左花膠雞湯底，呢啲彩色紙就係menu，要喺上面劃想要嘅食材。呢個係drink menu，後面仲有特調例如熱情果，青檸梳打等。醬料盤 $15一位花膠雞湯$288 (半隻)重點黎啦！一送上黎，店員比我影完相之後就會幫手剪開啲雞，好貼心啲花膠大片到口感好爽脆好好味蜂巢冰豆腐 $58生菜 $38超級新鮮，好爽脆，打邊爐一流。麻辣小籠包魚蛋$48幾特別嘅丸黎，入面真係幾麻辣，好開胃，食完個人都精神曬花膠鮮蝦丸 $88呢個丸真係超好食，係必食！佢超級大粒，入面真係有花膠粒，好好味，好彈牙美國A級手切牛肉$268 呢碟牛都超級好食，肥瘦均勻，打邊爐真係一流！白飯 $18打邊爐點少得食飯呢，加埋雞湯一齊食真係不得了

成日要諗中午食乜嘢，厚福街呢一棟大廈我都經常來搵嘢食，見到呢間舖頭中午都有打邊爐，好似都有一段時間冇喺中午打邊爐，親人唔係咁多上去攞位。入門口位置有個海鮮魚缸，睇落都有好多唔同嘅海鮮選擇，亦都幾新鮮。湯底又$88起，去到最貴$438，選擇亦都算多元化豐儉由人，最後兩個人嗌左一個濃厚半隻雞花膠湯底。湯底真係都算濃厚，香味四溢，雞翼算有一定份量。再喺個湯入邊搵吓啲花膠，都有好大片花膠。湯底唔會太鹹或太甜，雞肉亦10分有味，算嫩滑。最後都飲咗兩至三碗嘅湯底。另外嗌咗個花膠雲吞同花膠墨魚丸，雲吞尺寸算巨型，因為放咗唔少花膠，口感同一般雲吞唔同，都幾特別。花膠墨魚丸喺表面都見到一粒粒嘅花膠，感覺高貴。

秋風起，係時候進補，花膠雞鍋是最合適，可享受火鍋的美味同時又可滋潤皮膚和補身。好姊妹提議去尖沙咀食肆林立的厚福街樓上鋪,鮮入圍煮吃花膠鷄煲火鍋。上到店舖四週是簡單的佈置和擺設好幾張食評🉐️獎的獎狀。我們一坐下，侍應殷勤招待,捧住齊全的醬料給我們選擇。鎮店之寶花膠雞煲必吃，濃郁香滑的花膠鮮雞湯，飲幾啖巳令口腔充滿膠質的感覺，雞肉嫩滑，略嫌花膠薄了些。吃完花膠雞煲湯侍應隨即加了上湯；l可再作火鍋，有原粒帶子餡料的水餃、入口滑流的南京鴨血和爽口的黑牛栢葉.蘸點醬料同吃可提升味道。這噸充滿膠質的雞湯，我𠉴頓然覺得皮膚滋潤不少！

H8不嬲都多嘢食, 而鮮入圍煮係出名係食花膠雞湯底，難得今日放假梗係要試下啦由於係中午既關係，人唔算太多，始終係平日 不過枱與枱之間坐如果滿都唔算好迫既見到有生猛海鮮已經好吸引咁當然唔少得叫佢最出名既花膠雞湯啦其他選擇都係大路打邊爐野我地叫左振興肉丸 芒蜆 同粉絲職員都好快比左呢個調味料我地自己配搭想點溝就自己溝冇耐就有野食啦職員都好好教我地可以先飲湯，品嘗下先再打邊爐個湯真係好濃好正最緊要真係好足料，雖然一路淥唔同嘅嘢食但隻雞都唔會好鞋口職員仲會幫我地剪開d雞，方便我地個牛丸都幾彈幾juicy,不過都唔及另外兩樣個蜆幾鮮甜，雖然唔算厚肉但完全冇沙有濃湯緊係要食d索湯既架啦最後人均二百幾， 捧住個肚走下次放假多d人黎食，嗌多d野仲正呀

天氣凍凍地，又想同朋友一齊打邊爐🥰發現尖沙咀呢一間火鍋店，主打花膠雞湯🐤啱晒我同女仔friend一齊食，夠晒滋補，又好味！所以我哋就試咗下佢哋嘅特色湯底，上到都好足料，湯底入邊已經包含半隻雞❤我哋仲叫咗其他嘅配料，食得好豐富~雞件夠嫩滑😋而且花膠湯底好有骨膠原嘅感覺。有雞嘅香味，更加鮮甜。花膠都口感唔錯，好軟熟~我哋仲試咗下佢哋嘅金牌牛肉丸，牛肉丸彈牙，🥢而且佢哋嘅鴨血打邊爐非常之入味，好正。

放假要食好啲，秋風氣最好食火鍋，於是約埋老友去#鮮入圍煮，食番個滋補嘅花膠雞煲，靚靚是由飲食做起的啊。選了#花膠雞湯火鍋，補充骨膠原😘。湯滾起即第一時間飲啖湯先，不得了，湯味鮮濃帶甜同埋好黏口，花膠厚身煮得好淋，雞有半隻上場，店員會即場幫手剪開，方便進食，真係幾正啊！配料點了#牛骨髓，呢個食材好少有，老友見到呢度有，即時要落單，食落十分之滑嘟嘟🥳。 #芝士牛肉丸，老友唔記得佢係芝士丸，咬一啖d芝士彈出嚟，辣親個咀好攪笑🤣，故食個時最好攤下先啊😊。#油麥菜，新鮮大份，吸收埋花膠湯食落好滋味😋。呢度食材新鮮配料都多，服務員有禮, 唔錯啊~

天氣轉涼，窩夫與蝦子餅又有藉口去打邊爐，一於試試由旺角搬到尖沙咀的「鮮入為煮」。醬料費每位15元。濃厚原隻雞煲花膠湯(小$288)是招牌菜，建議事先預訂，以免久等。濃厚原隻雞煲花膠湯一上桌，香氣撲鼻，一滾起便急不及待立即品嚐，味道太好了，金黃色的濃濃雞湯膠質豐富，滋陰養顏。二人吃小份有半隻雞，店員會幫忙剪開，一邊喝湯一邊吃雞，十分滋味，雞肉嫩滑，雞味香濃，不愧為招牌湯底。花膠都算大隻，不會太薄。喝完靚湯，火鍋配料送到，太平洋肥美生蠔肉(每桶$168)一桶有六大隻。煮熟後的生蠔脹卜卜。原粒帶子水餃($48)一客四隻，跟生蠔一樣脹卜卜，非常飽滿，水餃皮又薄又滑。沒有點火鍋必吃的牛肉，因為想試試不常見的牛胸油($148)，口感爽脆，充滿油香，值得一試。難得有蝦子餅愛吃的牛骨髓($48)，份量十足大大碟。油麥菜($35)爽脆清甜。

🥢 濃厚原隻雞煲花膠湯 $288先飲一碗雞湯，嘩！真係「濃」到不得了！雞味極其濃郁，可用濃縮雞湯來形容。而花膠湯底你飲落有漿口感，就已經知道係用料十足！💡記得開始火鍋前，一定要先飲一大碗花膠雞湯，因為真係好飲到不得了，我飲完一碗又一碗呢！花膠好厚肉，又炆得好𣺉身，份量都唔少，兩個人分每人都有好幾件。🐔到食雞，嘩！好嫩、好滑好有雞味，又唔肥！呢個湯底真係一流！🪵新鮮淮山 $45呢度叫新鮮淮山最好，因為係屋企整，都好麻煩，又要帶手套，又要刨皮，之後又要清潔，所以嚟呢度見到淮山便立即叫。🥟原粒帶子水餃 $48脹卜卜，好有肉味，仲有原粒帶子。🐟新鮮白鱔片 $118有成10 片。🥢山根 $35有10多件，圓轆轆，大大個。🍹凍桂花酸梅湯 $28食火鍋飲凍的最好，酸酸甜甜都好好味。🫖熱蜂蜜柚子茶 28朋友就喜愛熱飲，說味道也不錯。

以前喺旺角店食過一次，覺得好好味，而家搬咗嚟尖沙咀又再食。都係叫佢嘅招牌花膠雞煲，我哋兩個人叫半隻雞都夠晒，店員會幫手剪開隻雞。佢建議我哋飲咗啲雞湯先之後先再加豬骨湯打邊爐。個雞湯真係超級好味，係奶白色嘅，啲花膠又好大舊。飲完都覺得好滋補，一定會因為個湯再嚟過。其實打邊爐個豬骨湯底都好好飲。打邊爐我哋都係叫咗冬菇，菜，牛丸同埋手切牛肉，因為就咁食完隻雞已經幾飽。個牛肉超好味，我地係叫美國牛，我都唔知佢係咩部位。再叫埋啤酒就最正。

一向都知道鮮入為煮個花膠湯底非常出色，但晚市常常爆滿一直沒有機會試！最近發現他們在尖沙咀有分店，於是便和同事一起去探店！由於只有兩個人我們沒有點很多菜式，一煲花膠雞湯非常足料，店員建議我們先喝湯再打邊爐！我們一人盛了一碗湯，一喝下果然名不虛傳！雞味非常濃郁，一看便知道是煲了很多小時的足料濃湯。先吃一口雞，雞肉十分嫩滑！再吃上花膠，頓時有種在家喝湯的幸福感🥰喝完湯後我們便開始打邊爐，我們叫了一盤牛肉和一些海鮮，牛肉非常新鮮！看得出一絲絲的雪花紋！稍微淖一淖便可入口🤎今天的海鮮還好就不多說了最後我們也點了娃娃菜，把娃娃菜放到湯底裏，菜吸收了花膠湯的精華，非常入味！也非常推介！希望下次可以試上其他湯底，等天涼了再和一班好友到訪晚市🧡🧡非常期待