鮮入圍煮花膠雞海鮮火鍋

营业中

休息中

冬天嚟到梗係要打多啲邊爐暖下個身，今次嚟到鮮入圍煮試吓佢哋出名嘅花膠雞煲湯底，暖身之餘又可以食得健康養生，因為怕多人所以五點鐘就去到餐廳，近門口個魚缸見到啲海鮮啱啱撈上嚟好新鮮🤩位吾算迫坐得都幾舒服，枱面好乾淨企理👍濃厚原隻雞煲花膠湯（半隻）叫咗半隻雞嘅份量，湯一上枱就聞到好香，加湯打邊爐之前我哋先飲咗佢嘅雞湯先，湯底好濃厚，花膠都相當足料，大舊又夠厚，鍾意飲湯嘅我飲咗好幾碗超滿足😍另外員工會為我哋剪好隻雞方便我哋進食，雞肉一啲都唔鞋身，煲完湯仲保留到佢嘅肉質，吾錯😋飲完湯食晒隻雞就可以開始打邊爐啦，因為係兩個人嚟所以淨係叫咗幾樣火鍋料～牛骨汁濃湯牛丸牛丸好好食，大大粒，咬落好彈牙入面好juicy,咬開仲見到入面一粒粒嘅牛筋,濃厚嘅牛香味係口腔入面爆發，忍吾住食完一粒又一粒🤤推薦👍爽口花膠鮮肉雲吞雲吞都冇令我哋失望，皮薄餡靚，粒粒都好飽滿足料，雲吞皮又索晒湯底嘅味道，正啊😋西班牙豬腩片厚薄適中，唔會太肥，所以食落去唔會覺得油膩，肉質都唔錯，淥耐左都唔會鞋口🐷紅薯粉晶瑩剔透嘅薯粉，淥完之後索晒雞湯嘅精華好入味，飽肚又好味😍

放工同朋友仔去尖沙咀去呢間火鍋店。花膠雞湯 （半隻雞 $288）足料花膠，我哋兩個人share, 都食左幾件左右，大大片，又滑溜，入口即溶。個湯有豐富既膠原蛋白，岩曬大家補返下，美顏呢！半隻雞，職員會幫手剪成一份份，方便食用。煮到差唔多我哋就上碟，因為雞肉煮太耐會無咁好食，所以唔好一直放係湯度。西班牙豬腩片 $148朋友唔食牛既，所以我哋就叫左呢道菜，都算易熟同易入味。雞脾菇 $40佢易吸油，煮完要再洗一下。灸燒芝心丸 $48鍾意食呢個，流心芝士。炸響鈴 $48煮三秒即食，打邊爐必食之選。蜜桃特飲 $28/杯味道都香甜，解渴之選。我哋叫左碟紅薯粉打底。仲有最後點少得個唐生菜呢？紅薯粉吸收左個湯既精華，份外好食。

厚福街真係多野食 近期聽講有間專門食花膠雞煲打邊爐開左係h8就同朋友去試下👏🏻👏🏻👏🏻同朋友2個人就點左半隻雞個個煲花膠雞煲啲膠質超勁🥰🥰一啲都唔水，啱哂美女們補身 食完皮膚靚靚最驚喜嘅係 入面啲花膠數量係超多🙈🙈仲要一夠花膠係可以fill up成隻碗咁大！！係超有誠意嘅花膠🥰🥰個湯唔會好似其他餐廳咁超勁味精 呢間花膠雞個湯唔會好鹹 👍🏻飲完個湯之後 我同朋友都點左幾碟打邊爐菜都新鮮 但係最有驚喜嘅係鵪鶉蛋佢嘅鵪鶉蛋應該係半生熟 所以放入個雞煲烚完之後 個黃都唔會熟曬 仲有少少軟軟地 唔會老晒😋😋😋蝦滑係超級彈牙 份量仲要好多 唔好睇佢好似好少 整到佢大大粒 都分到15 - 16粒呢👍🏻👍🏻

今日晏晝突然想食打邊爐，平時打邊爐我一定係夜晚，但今日真係晏晝心癢癢，唔打唔安落，等唔到夜晚了。去左尖沙咀呢間，係因為個friend介紹，好彩佢哋有午市。兩條友都知叫唔到好多野，我地決定貴精不貴多，叫左花膠雞湯半隻 $288一黎已經聞到香味，飲啖湯，正到呢，個雞湯香濃到不得了，真係飲唔停口。有為數不少嘅花膠，仲要大舊，膠質豐富，吸哂雞湯精華，好味呀！雞件嫩滑，唔嚡口，有雞味，感覺新鮮！豆苗 $48靚豆苗，嫩口，放落去滚一滚，又吸哂雞湯，好正！手切頂級安格斯牛 $226 牛味重，肉質嫩，油脂分佈平均，👍🏼👍🏼另外叫左一杯野飲$28，醬料費係$15/位，埋單6百幾，唔係好平但係值！因為料靚好好味！！大满足！(P.S.一路到夜晚都冇頸渴，好重要，值得讚👍🏼)

今日同隻佬好想打邊爐，平時食黎食去都係D任食既。今次選間高質既食下。果陣見佢係旺角都想食...食到今時今日人地搬左黎尖沙咀先食。SSSSORRRY ~上到黎未滿人，安排窗邊入座，環境舒服。兩個人坐4人枱好舒服 ~ 上到黎就梗係要試佢地既花膠雞濃湯啦 ! 侍應哥哥仔話滾左佢會過黎幫我地處理果半隻雞，係呀 ! 原來係有一隻同半隻，2個人梗係半隻啦 ! 唔係等陣仲駛食野既 ~ Btw 半隻都夠 ~ 都好鬼飽 !! 入面除左半隻雞，就係花膠，花膠個量都好多 ! 仲有差唔多10件花膠，正呀 ! 仲要唔細隻架 ~ 個湯都真係勁濃，好好味呀 !!! 差D清底先叫人加湯邊爐 ! 哈哈 ~兩個人唔係叫到好多野，仲左個 原粒帶子水餃 同 唐生菜餃子都幾大隻下，入面都仲2粒帶子仔，味道鮮甜，豬肉都比較實，但整體都好味，見咁大隻都唔敢好快就食，滾耐D好 ~另外叫左個 美國極上A級手切牛，呢個牛味好濃正呀 ~ 但細片左少少。再黎有少少覺得唔夠喉，又唔想浪費左個濃湯，叫左個冬瓜吸一吸味。正 ~當然少不了野飲啦 ~

朋友就來要離開香港，特意同佢打邊爐，選了這間出名食花膠雞鍋的餐廳，我地女個都係好仔入冬最好進補。先叫招牌濃湯花膠雞鍋（半隻）$288，店員介紹先飲曬煲湯，先再打邊爐，第一啖已非常溫暖，超級鮮甜，濃雞湯味再飲到啲牛奶味，又有半隻雞，又有多片花膠，味道好鮮，漿口，食極都仲有，確實原汁原味的花膠雞湯。雞脾肉彈牙又滑嫩，鮮甜。冇諗過我地兩個飲得曬成煲湯，每人飲到4-5碗，非常好飲。之後叫店員加湯，係豬骨湯底，火鍋料叫了帶子水餃（4隻） $48水餃皮薄餡靚，粒粒都好大粒，帶子粒鮮甜，肉質夠實多汁，菜類叫了皇帝菜和鮮菇，可以索曬雞湯加豬骨湯鮮甜味，非常滿足。

又是厚福街也，厚福街真係搵食好地方，H8呢橦野就更加唔使講，西日韓乜都有，天寒地凍諗住打邊爐，H8又真係有喎。仲要係 8樓，以後黎H8 直上8就啱。店舖裝修乾淨，雖然樓底有點矮但感覺都舒服，通風不錯。 服務態度不錯，帶位時職員會貼心提示小心地下冼，上鍋時提醒小心鍋邊熱，幾個職員周圍走，仲有一個係左近。湯底選擇都多，但見佢花膠雞湯羅晒獎咁就梗係要試下啦，另外丸餃肉菜類都唔少，價錢大眾化。花膠雞好足料，起碼有十幾塊花膠，兩人打一鍋再加幾樣野食已經好夠，今次只叫左個帶子餃同刀貝，已經好飽，滿足。

🌹今日知道老公喺尖沙咀返工,特登喺佢公司附近同佢食飯,係openrice搜尋下附近有咩好食,見到有間花膠雞煲海鮮火鍋好吸引所以就等佢收工一齊去試下 。鮮入圍煮花膠雞海鮮火鍋🍲地址係喺厚福街8號8樓搭𨋢上到去鋪頭見到地方都好寬敞雖然地方唔算好大,👏但係都好整潔。☺️一出lift左手邊就見到有好多海鮮🦞店員好禮貌招呼我哋坐低,我問下佢有咩湯底推介佢就介紹我一定要試雞煲花膠湯,佢話個湯底可以飲湯底一到已經聞到好香雞湯味,顏色係鮮黃色見到顏色已經知道湯底係非常濃郁煲一陣已經忍唔住裝一碗飲,雞湯味道好香濃,每一啖都飲雞花膠嘅精華,味道鮮甜而且濃郁,花膠都有好多,而且全部都好厚,一片片花膠食落口食到黏口嘅感覺,雞肉令到我最驚喜,雞肉雖然煲咗好耐, 但係雞味仲係好香濃,雞肉非常之嫩滑呢啲一定唔會係雪藏雞,淨係食雞同埋飲湯都己經好滿足另外一樣都好值得推介,芝士流心牛丸 牛丸入面有流心芝士,牛丸本身已經好香濃,輕輕一口流心芝士傾口而出,拉絲感覺帶來雙倍嘅滋味,層次口感十足最後點多個豆腐嚟食非常滑溜，享受下濃郁嘅味道帶點清香

平時最鍾意就係打邊爐，近期留意到一間花膠雞煲海鮮火鍋店，趁今日放假有時間去尖沙咀試一試。鮮入圍煮花膠雞海鮮火鍋 ，地址位於尖沙咀厚福街8 號。上到餐廳見到門口一大個魚缸，全部都係生猛海鮮，證明佢用料新鮮。而舖頭非常開陽光猛，俾人感覺好乾淨整潔。座位空間比較寬躺，所以坐得好舒服。坐低店員第一時間提供調味料，見到都幾多選擇，自己比較鍾意食生蒜，辣椒，香蔥。嚟到呢度一定要試佢主打雞煲花膠湯，因為一心就係嚟試下。湯底一到已經香氣撲鼻，店員好細心咁幫我哋剪開隻雞，吩咐我哋等到湯一滾，首先係飲湯先。雞同花膠嘅份量都好多，花膠比較厚身，口感軟腍，加上吸收左雞湯嘅味道，令到花膠更加甜。而雞嘅肉質非常之嫩滑，雞味香濃，一入口就知道係新鮮雞。花膠雞湯果然冇令我失望，完全將雞同花膠嘅鮮味煲晒出嚟，味道香甜濃郁。越飲越好味。手切安格斯牛肉，牛肉份量唔算多，但係牛肉新鮮，而且脂肪比例均勻，入口肉質鮮嫩，牛肉味香濃，可能因為雞湯嘅味道，令到牛肉味特別鮮甜。原條野生竹笙王，竹筍非常之大條，而且吸收晒雞湯嘅味道，入口爽口鮮甜。新鮮鵝腸 ，非常新鮮而且好爽口，好有嚼勁，加上有少許脂肪，令到味道更加香。整體來講今餐非常滿

天寒地凍打邊爐就最爽皮🥰。醬料位位$15😬。打邊爐湯底係靈魂❣️。湯底有十一款唔算多。濃厚原隻雞煲花膠湯🥣店員話滾咗就飲得。滿滿骨膠原。一路飲一路黏住我個嘴。哈哈。真係好滋味😛。花膠山🤩岩曬女士們🥰。花膠滋補養顏。你懂的😉。店員主動上前幫忙剪雞。滾咗甘耐雞肉依然嫩滑👍🏻。雞件份量十足。食完為食妹👧🏻已經飽咗七成😂。中山脆肉鯇魚片🐟估唔到甘大碟。好抵食。脆肉鯇片塊塊彈牙冇骨😋。絕冇魚目渾珠。

不會再想去而且不推介的火鍋店。首先，環境非常擠逼，我地一行三人安排張兩人檯俾我地，根本坐都坐唔到仲可以點食？三個正常體型既女仕都坐唔到，仲可以點放野打邊爐？佢見我地面色一沉，咁佢就轉軚話俾張四人檯我地。講返野食，我都未試過打邊爐叫碟牛都食都唔哂，真係性價比奇差，又黑黑瘀瘀咁既顏色又冇牛味。啲鵝腸又係死死實實既黃色，又苦又唔爽，朋友仲話佢地好似洗得唔乾淨咁，叫我地唔好食。啲響鈴又油益又淋，我地全晚唯一食哂既好似係碟菜，我見隔離檯啲生根同碟牛肉都食淨一大半。唯一可取係，花膠雞湯底就唔錯。相都唔想影，環境又唔靚啲野食又唔好食。我相信同區有更多好既選擇，去食火鍋放題都舒服過佢。

好多年前同一大班朋友食過鮮入圍煮，嗰時仲係旺角店新開張，記得餐廳裝飾到成個街市咁，用晒雞蛋檔啲紅罩燈，玩味十足；搬咗黎尖沙咀之後，店內依然有大魚缸，但整體風格行返平實路線。黎得呢度一定係叫花膠雞湯，今次兩個人自私食，半隻雞加少少配料就夠晒數。雞湯果然冇令我地失望，湯頭金黃色，味道濃郁，花膠有咬口，雞肉一夾就離骨，雞脾肉就更加嫩滑。我地每人飲足兩碗湯先叫加湯，之後就打邊爐喇～我地叫咗鮮腐竹、蜆同埋唐生菜，蜆既份量唔算多但好鮮甜，完全冇沙；腐竹比想像中大碟，索咗湯汁好好味，又比炸枝竹健康；唐生菜亦都係正常水準。飲品方面我地叫咗熱既玫瑰花烏龍茶，真係有玫瑰花瓣喺入面，不過個茶底幾甜，唔肯定係加咗蜜糖定糖漿，定係本身就係用咗帶甜味既茶黎沖，如果有得揀會希望係無糖飲品。

今日去咗一間最近好興嘅火鍋店 入到去好多人🙈我地叫咗呢度好高人氣嘅花膠雞湯(半隻) $288 半隻好夠2個人食 如果3人以上就要叫一隻完隻😃 餐廳提供咗一個醬料盤 入面有蒜蓉香蔥辣椒炸蒜花生等等 比客人任意配搭🥰 按人頭收取醬料費$15餐牌有各種各樣嘅蔬菜丸類麵食海鮮內類等 有50幾種選項☺️等湯底滾咗之後 職員就會用工具分開雞肉 分成一舊舊 等客人方便食用👍🏻湯底好濃雞味 雞肉好鮮嫩 食得出好新鮮 我地每人飲咗三至四碗湯🥰🥰🥰 湯底有好多舊花膠 非常補身☺️飲完湯之後會加豬骨湯變打邊爐 我哋叫咗個手打蝦滑 食得出用新鮮蝦製成 原汁原味 蝦肉彈牙結實 而且份量都幾多 仲有啲蟹籽喺上面 好吸引😊我哋仲叫咗個米粉 呢度嘅粉絲配花膠雞湯好夾 非常吸汁🥺

今日見證左好朋友嘅人生大事，大家吾好誤會，佢吾系結婚，不過對佢黎講已經好重要~洗禮。雖然我吾系咩教徒，不過有幸参與都替佢高興，甘重大嘅日子梗係要同佢食餐好，幫佢慶祝下啦～經朋友推介選擇左交通方便嘅尖沙咀打邊爐。一場黎到無理由吾order佢地招牌湯底呀 ~ 濃厚花膠雞湯(半隻雞)，大家睇下個湯底顏色已經知佢有幾勁，濃厚得黎完全吾油膩，飲完成身暖晒太平洋肥美桶蠔，朋友至愛原粒帶子鮮肉水餃 ~ 無花無假，3大粒帶子系入面，真材實料，好抵食。

花膠雞煲好出色呢個花膠雞煲火鍋有別於香港人平時鐘意食嘅台式火鍋or sabusabu，以花膠雞湯做主打，令到成餐晚餐覺得好之潤😆佢地會首先原隻雞送上，叫我地飲左湯先個湯好入味！花膠仲要唔少，2個人食，每人最少可以食到5 6塊因為真係太好飲，一飲就飲左4,5碗，飲完個身即刻暖粒粒。飲到差唔多嗰時，就可以加雞湯打邊爐喇！手切安格斯牛肉呢碟牛肉真係世界級佢食落去非常之有口感，肥肉唔會太多，但係肉質非常靚南非鮑魚$88隻，呢一個鮑魚我都係第一次食，佢同一般鮑魚有別，就係餐廳會即刻喺個魚缸開出黎，所以特別新鮮。而且呢個鮑魚個口感係特別爽口桂花蚌呢個海鮮我係第一次食，佢同珊瑚蚌有啲似但係鮮味更出，值得一試