鮮入圍煮花膠雞海鮮火鍋

营业中

休息中

📍鮮入圍煮花膠雞海鮮火鍋今日黎到火鍋店🍲 點左必食嘅花膠雞湯🥰 超大煲足料!!!!😋 夠曬兩個人食✨-🫕 龍口原隻雞煲花膠湯 $288半隻 👑👑👑一上枱真係好震撼🤣 超大煲雞湯!!! 成隻雞係到🤣 唔怪之得咁濃郁～😋 雞湯以3-4隻雞熬製😍 無味精, 可以飲得出濃郁雞味 花膠增添左口感🥰 令雞湯超多膠原蛋白☺️ 仲有好多塊🥢 食極都仲有😂🤎 芝士流心牛丸 $48 👑👑呢個真係必嗌🥰 平時超鐘意食流心芝士丸, 今次呢個係牛丸入面係芝士☺️ 真係超好食!!! 一咬落去會有好多爆漿芝士!!😋 打邊爐一流😍🐟 魚皮餃 $45 魚皮餃鮮味好夠!! 不過可能煮得久 所以唔夠彈牙🙈 不過整體味道可以😋🥬 唐生菜 $38呢個連打邊爐一流, 仲要每條菜都充滿雞湯味🥰 超幸福☺️-📎記得係H8大廈🤣#尖沙嘴美食 #尖沙嘴 #tsimshatsuifood #tsimshatsui #鮮入圍煮花膠雞海鮮火鍋

今日約咗朋友嚟到尖沙咀打邊爐 呢間鮮入圍煮一值都好出名 特別係佢嘅花膠雞湯 想試好耐啦😋 一入到去 二話不說就揀咗個湯底先🙈濃厚原隻雞煲花膠湯 因為我同朋友兩個人 就揀咗細既 即係半隻雞 $288 跟住再揀咗幾款打邊爐食嘅嘢 佢仲有海鮮添㗎不過我哋食唔到咁多 等疫情過後 下次一大班人再黎食嘅時候先試下佢既海鮮👍🏻 落完單 店員就會拎呢個調味料俾我哋自己揀自己喜歡嘅醬料 嘩嘩嘩 熱辣辣香噴噴嘅花膠雞湯上嚟啦😍 一路等佢滾嘅時候就聞到佢超香 拎對筷子落去隨手一夾都有兩件花膠 裏面仲有好多 同埋女仔真係特別鍾意食花膠😗 真係好足料好香好抵食😋👍🏻 等到花膠雞湯滾左之後 店員就會出現幫我哋剪開啲雞一嚿嚿方便我哋去食 全程帶住手套都好衛生架👍🏻 打邊爐方面我哋就叫咗以下呢幾樣野 因為飲咗好多湯同埋食雞都有啲飽😂 就冇叫好多 叫咗蟹子墨魚滑、稻庭烏冬、麻辣小籠包魚蛋同埋原粒帶子鮮肉水餃🥟 飲完花膠雞湯之後 就可以叫店員幫手加湯打邊爐 加嘅係豬骨湯 等佢滾左之後就可以正常打邊爐啦～ 呢個麻辣小籠包魚蛋有驚喜😬 喜歡食麻辣嘅朋友可以試吓😗 咁我哋都叫咗兩杯嘢飲 巨峰提子梳打 $28蜜桃特飲 $28

凍冰冰最啱就係打邊爐，打邊爐就緊係揀最滋補養顏的花膠雞湯啦! 既然繼續玩動態清零，但公司又繼續要你返工，唯有食好西提高自身免疫力才是王道! 而家晚市無咗，唯有LUNCH約埋同事一齊補一補，終於食到想試好耐的鮮入圍煮，識食緊係食最出名的花膠雞鍋湯底，半隻黃油雞煲大大塊花膠，目測極濃郁，店員推介打邊爐前先嘆返2碗雞湯暖暖個身先，果然無介紹錯，足料雞湯感覺滋潤，再食埋雞肉和花膠，好滿足啊! 店員介紹雞湯真係以3-4隻雞煮成，雞味濃不加味精，用老火湯打邊爐真係第一次。半隻雞連雞湯上枱，開火後店員將雞剪好拆件，淥一淥就食得，雞肉嫩滑入味，花膠分量都OK，塊塊大大片，整體都係真材實料，讚! 老實說飲完幾碗雞湯加雞肉花膠已半飽，係時候要開動打邊爐，LUNCH時間唔可以慢慢食，和同事兩條友精挑細選了幾款美食：麻辣小籠包魚蛋/ 炙燒流心芝心丸/蔬菜麵(菠菜)/原粒帶子鮮肉水餃/ 網狀豆腐。網狀豆腐：大大份淥起都相當爽口，索埋雞湯極入味，勁飽肚，好正! 原粒帶子鮮肉水餃：餃內真係有帶子，仲要唔止一粒，好足料炙燒流心芝心丸：呢個好特別，第一次試，一咬落去D芝士爆哂出嚟，芝士控必點蔬菜麵：上枱成個公仔麵咁，

最近上網見到好多人推介「鮮入圍煮花膠雞海鮮火鍋」嘅邊爐💬搞到我都好想試下佢🤭.濃厚原隻雞煲花膠湯(半隻)🍲上枱已經聞到好香濃嘅雞味🐓店員會先處理好半隻雞✂️再飲湯同食雞肉同花膠😍雞湯一飲就覺得勁濃郁又鮮甜😋雞肉嫩滑，花膠分量多😉而且好大片👍🏻明顯feel到骨膠原🥰滾多陣個湯都有少少黏口😙飲完就可以加豬骨湯打邊爐🐖.牛骨汁濃湯牛丸🐄混入左頗多牛筋👨🏻‍🍳牛味都幾濃郁，非常彈牙😆又爆汁程度就一般🥺.麻辣小籠包魚蛋🌶魚皮入面包住滿滿麻辣湯汁嘅豬肉餡🤤質感同味道都好驚喜😱.鮮蕃茄🍅分量多，新鮮多汁😌

呢排天氣真係凍咗天氣咁乾燥一定要滋補一下🤣花膠養顏又健康，呢度嘅雞湯都好出名花膠雞搬咗去尖沙咀濃厚原隻雞煲花膠湯半隻雞足料的湯底，而且可以見到勁多花膠雞肉嫩滑，花膠厚身，一定要飲湯打邊爐之前要開始飲，飲咗兩碗即刻好暖胃又濃又香，飲完之後就去加湯，都係加豬骨湯👍🏻油麥菜$38大大份，而且真係好新鮮洗得乾乾淨淨配上湯底一流當然唔少得啲配料啦因為本身我哋食得唔多加返少少配料就夠！主要係飲湯都好飽😂仲有豬皮同埋淮山，超級新鮮而且可以吸收湯汁打邊爐！都係一樣咁養生店員會主動收嘢同埋環境好舒適嘅感覺❤️不過我覺得lunch可以加多啲lunch set咁就更加優惠啦～

見返工咁辛苦要慰勞自己 就捉左另一半去打邊爐！難得中午打邊爐就想食好小小！見呢間朋友推介過幾次就心思思想過嚟食 佢哋一直話材料新鮮湯底又好味就點左佢哋嘅花膠雞兩個人半隻雞好夠食，侍應仲好好叫我哋先定試吓個湯底再同我哋分左隻雞 完全唔使自己郁手個湯底一嚟已經好香 湯底乳白色應該煲左一段時間 花膠件數好多，兩個人都食咗幾件 花膠厚身唔薄，煲完都仲有好多唔溶嫁又入味食完個雞湯會幫你加個豬骨湯繼續打落去佢提供嘅醬料打邊爐好足夠比你自己隨意加份量試咗佢推介嘅中山脆肉鯇，肉質非常之爽口彈牙，成塊手板咁大。另外仲有食咗佢個白鱔，有油香冇泥味都算唔錯不過兩樣海鮮就有少少骨未去 食嘅時候要小心啲 點左個好特別嘅花膠墨魚丸，口感爽口彈牙冇諗過原來加咗花膠嘅墨魚丸可以咁好味。最後仲叫多咗個羊肉 完全唔似出面薄片叫佢做羊扒都不為過 原來厚切嘅羊肉打邊爐係咁好味又咬口 給埋雞湯嘅鮮味 更正！

日日睇住確診個案喺咁升，都唔係好敢成日出街，但呢幾日突然間好凍，10度都無，真係好想打個邊爐暖下身子，所以就襯放假出街成個late lunch平日晏晝兩點舖頭唔多人，坐得好鬆動店員好有笑容同禮貌，入座時仲主動問需唔需要要口罩袋，仲俾消毒搓手液我哋，真係好細心湯底選擇都算多，struggle 左一陣要川芎白芷魚頭湯定係花膠雞，最後揀左後者，補充一下骨膠原濃厚原隻雞煲花膠湯（半隻）$288個湯底一黎到就聞到好香，侍應哥哥話滾一滾先，一間再過嚟幫手處理隻雞我攪一攪左個湯，嘩，超多花膠，係真係花膠，唔係普通魚肚扮花膠，更加唔係勁細捲埋手指咁大嘅花膠仔，件件都勁大勁厚，見到都流晒口水好快侍應就過嚟剪隻雞，技術純熟好快手剪完佢提我哋滾返就可以飲左湯食舊雞先，飲完再叫佢加湯打邊爐飲左一啖真係好正，係真材實料媽媽的味道，個底唔知用左幾多雞去熬，勁濃郁同超級鮮甜，滿滿的骨膠原真係無得輸，surprisingly 雞都仲幾滑同有味，唔係湯渣我飲左三大碗，我老公仲笑我係嚟打邊爐定飲湯飲完個湯其實我都飽左六七成所以淨係嗌左少少其他嘢西班牙豬腩片$148好大碟，幾香幾好食，個我真係食花膠食飽左，主要都係我老公食

女人至愛食嘅花膠同雞，一次過滿足晒我嘅胃口，今日好凍呀！就過嚟食花膠雞湯煱，店員好細心，佢話都有成半隻雞架！要飲下湯先，(湯真係都好好味😋)店員話你哋食咗覺得需要再叫其他食物都未遲(良心店舖)所以食到咁上下，我哋就叫埋美國極上A級手切牛肉，放落去一陣就可以夾黎食，有牛肉味又好滑👍再加埋一碟生菜，菜好新鮮，有咁好味嘅湯，就叫埋紅薯粉，全部食晒啦⋯⋯

喜愛食火鍋，尤其注重湯底和食物質素，同事極力推薦“鮮入圍煮”的雞湯鍋底，中午都要來試吓。Menu湯底選擇共有十二款之多，還有肉類生料， 海鮮類，雜類生料，丸類麵食和蔬菜生料。花膠雞湯(半隻)$280~先飲湯，後吃雞肉和花膠。雞湯以3至4隻雞熬製，雞味香濃鮮甜，無味精，絕對是老火湯，十分美味。最難得雞肉又嫩又滑， 花膠分量好多和好大片，不算薄身，膠質很重和很黏口。飲了數碗雞湯，食埋花膠和雞肉已有半飽的感覺。然後再加豬骨湯底就開始打邊爐。牛骨爆汁濃湯牛丸$48~牛味極濃郁，爽脆彈牙，咬落去勁多汁勁juicy, 好好味！蟹籽鮮蝦滑$98~好彈牙，有蝦的鮮甜味，食到粒粒蟹籽，好正！羊肉片$128~紐西蘭羊肉片肉質嫩滑，口感爽彈有頭，羊味濃。唐生菜$38~新鮮爽脆又清甜。稻庭手打烏冬$33~又滑漏又爽口，配雞湯底好美味。

來到星期六咩都唔想再理，只想出外食好野， 上網見好多人介紹“鮮入圍煮”，我亦唔執輸來嘆下個最出名的花膠雞煲先。⚛ 濃厚原隻雞煲花膠湯（半隻）～ 送上時已見奶白色湯😍，侍應主動幫忙剪開雞件方便我地食用， 我地先飲湯，入口好濃郁仲要有好幾件花膠，感覺超滋潤，雞肉亦嫩滑。飲完湯食左雞後，我就放火焗材料，今次我地見個湯先係美味的重點，所以我叫左娃娃菜，白牛柏葉和豬皮索湯一流的食物， 果然冇叫錯，娃娃菜掛上雞湯甜到一個點 ， 豬皮和牛柏葉又爽，食完好滿足。

天氣凍凍地，就好想打邊爐，放假訓晏左，而家又無夜晚堂食，於是就決定晏就食飽啲一餐過☺️ 濃厚原隻雞煲花膠湯- 🌕🌕🌕🌖🌑湯底好足料，有好多花膠加有半隻雞，職員會埋黎幫手剪開，雞肉好嫩滑，而且雞湯味道濃郁，叫啲索湯既火鍋料就岩哂啦食完湯底啲料都三成飽自家製蜂巢冰豆腐 - 🌕🌕🌕🌘🌑剪開左細細條，好快就索哂湯，唔洗等即刻食得西班牙豬腩片 - 🌕🌕🌕🌗🌑一上菜擺盤好靚，望落有肥膏但食落唔漏，反而幾爽牛骨汁濃湯牛丸（爆汁）- 🌕🌕🌕🌕🌗呢個出色一咬落去好juicy, 真係有汁係個口爆開，仲好香添。仔細望原來牛丸中間有啲脂肪，所以咁香蟹子墨魚滑 - 🌕🌕🌕🌖🌑份量充足，咬落彈牙，唔錯娃娃菜 - 🌕🌕🌕🌑🌑整體而言，雞湯濃郁，配合索湯材料好夾，係可以連湯都飲埋既火鍋，感覺好養生

朋友推介黎食特色花膠雞火鍋，果然不負所望，係足料又好食既！2個人食半隻雞（2-4人份）好夠，湯底裡面落左花膠，以為得一兩件切細佢share食，點知係有5件大大件既花膠！真係好足料，好驚喜呀！女士們見到花膠都超開心，因為有骨膠原對皮膚好，再配埋雞湯＋火鍋，係冬天食真係無得頂呀！我地2個叫左脆肉鯇魚腩，娃娃菜，招牌手打花枝滑，好夠食。脆肉鯇好新鮮，好爽，估唔到餐廳規模唔算大，D野食都可以保持質素，真係難得！尤其係個養魚缸，成本不少，一定係有心人士之作，好欣賞。隔離枱仲即開左隻象拔蚌，咁識食，見到都流晒口水... 可惜我地得2 個人，下次再黎要多D人先可以試多幾款野食呀。一邊打字一邊又想起個花膠湯低... 好回味啊。。。

☀︎ 𝗦𝘂𝗺𝗺𝗮𝗿𝘆：尖沙咀私房邊爐店！「鮮入圍煮」位於尖咀厚福街嘅H8 8樓以「鮮」作招徠，款款超濃郁湯底先飲湯後邊爐，由頭「濃」到落尾！◈ 濃口雞煲花膠湯 半隻 $288奶白色嘅湯底，煮滾後瞬間變成金黃色建議先呷一碗湯頭味道濃郁鮮美，濃稠度相當高可見雞湯以慢火慢煮而成濃濃嘅骨膠原，滋補又養顏鍋中有半隻雞同大量花膠雞肉keep到嫩滑，仲有爽口花膠建議飲多兩碗先開始打邊爐呀！◈ 手工韭菜餃 $45。 娃娃菜 $38韭菜餃係即叫即包，餃餡夠哂新鮮😍皮薄餡多，韭菜味好突出😎而娃娃菜都吾錯吸收雞湯嘅精華，咬落爽脆細嫩◈ 可樂 $16。玫瑰花烏龍茶 $28Remark:醬料費每位$15

|滋補養顏花膠雞火鍋💓|📍尖沙咀厚福街H8 8樓來到冬天就不停想打邊爐 知道呢一間好出名花膠雞煲 就帶媽咪嚟食 等佢都可以補下啲骨膠原🥰🥰落柯打冇耐就即上半隻雞花膠鍋 侍應好貼心咁將隻雞仔剪做雞件 叫我哋即刻試咗個雞湯先😁雞湯真係好濃沃 好鮮味😋 而且仲有六大嚿花膠 雞肉亦都唔食得出唔係急凍雞 有雞味 兩個人其實淨係食個湯底都夠飽🙂但我哋都想食少少其他嘢 叫咗個 手打蝦滑 份量超多 又有好多蟹子亦都叫咗一兜娃娃菜 攞嚟索曬啲雞湯一流👍👍另外亦點咗網友推介嘅牛肉芝士丸 流心芝士配搭牛丸好正🤣☀️小店仲有好多海鮮可以選擇 自己有魚缸 即叫即撈好新鮮😄

朋友最近瘋狂介紹我去呢間火鍋，佢講到超好食，搞到我就算而家無晚市，食lunch都要去打邊爐呀！星期六中午到，坐低咗一陣已經陸續有好多堂客，相信本身已經好旺。聽朋友嘅建議，叫咗個原隻雞煲花膠湯，因為我哋兩個人，就叫咗半隻($288)就夠，係我哋仲揀緊餸之間就已經嚟到，嚟到已經聞到好濃烈又香嘅雞味。入面啲雞都好大隻，我老實不客氣就拎咗雞脾食！啲肉好滑！啲湯超入味，又好清甜，我同朋友都各自飲咗兩碗先開始加餸打邊爐！唔知點解當下眼闊肚窄，兩條友叫咗勁多嘢食(最尾食唔晒仲要打包)極上A級手切手 ($288)脆肉鯇魚片 ($78) 西班牙午餐肉 ($78) - 呢個比較surprise，本身預午餐肉無咩特別，結果食落去個口感又幾結實，又無平時食個啲咁咸，可能因為佢呢隻係西班牙做豆苗($48)秋葵 ($40)豬皮 ($38) - 呢個叫得好正確，因為佢真係索晒啲雞湯，食落去超濃味鵝腸 ($88) - 佢有得揀少同多肥，我哋就揀咗少肥就夠雞脾菇 ($40)醬料都幾多，任不無壓力！不過其實因為個湯真係好濃味，基本上都唔洗點點醬料都好夠味！食咗咁多嘢，覺得最正都係個湯底，下次再嚟我就會叫多啲索到汁嘅餸菜！