鮨千月 (已結業)

聽朋友講天后開左間新嘅日本餐廳名字叫‘鮨千月’，位於天后金輪大廈26樓，係食Omakase，好食之餘環境重一流，可以俯瞰維港景色。便決定試吓食個午餐先，看看質素如何。我同朋友到達後，第一眼真係見到好清𥇦嘅維港，員工好有禮貌帶領我們坐近窗口位，心情真係非常喜悅。我地兩個揀左2個午餐定食，我叫左特級壽司，朋友叫左雜錦魚生丼，每個定食附送沙律，茶碗蒸，味噌湯同甜品。服務員首先送上每人一份柚子汁沙律，沙律菜很新鮮配埋柚子汁，非常清新好食。之後便來2份茶碗蒸，係蟹肉三文魚子蒸蛋，蟹肉同三文魚子好味，但蒸蛋比較水汪汪，有少少失色。跟住就來主食雜錦魚生丼同特級壽司。朋友嘅魚生丼內有三文魚，吞拿魚，蝦子，玉子，青瓜等等⋯又大碗。我試左真係好好味，睇相已流哂口水。😋😋我份特級壽司也好出色，有鰈魚，油甘魚，帶子，甜暇，海膽，拖羅蓉等等⋯，魚生好新鮮好好味，我全部都冇點醬油食。完全食倒所以魚生壽司嘅美味。尤其是海膽壽司，好鮮好美味，正正正，好味嘅野講3次。最後食埋甜品，係抹茶奶凍紅荳蓉，味道不錯👍今次試完午餐，環境同食物真係好好，已約定朋友等疫情好轉再試埋晚餐。期待😀

呢間日本餐廳除咗omakase，都有一啲定食選擇架，性價比高😻餐廳景觀開揚，望到維港景架❤️定食有沙律、茶碗蒸、主食、味噌湯同甜品👍沙律用咗和風沙律汁，好開胃茶碗蒸好滑！滑到好似布甸咁😀材料足，三文魚子、蟹肉、菇等等💛特級壽司九貫 $340包括立魚、池魚、甜蝦上有魚子醬、帶子、深海池魚、中拖羅、火炙右口、三文魚子配柚子、加拿大海膽海膽絕對係no1!好鮮甜😻口感綿滑，入口即融！好想無限encore😭友人就好鍾意中拖羅，油份一咬充斥成口，香而不膩👍其他壽司都新鮮，值得個價錢😻最欣賞係舊飯細細地唔會搶咗魚生既風頭😙江戶前刺身丼 $220刺身丼既刺身都好有魚既鮮味，有三文魚、油甘魚同吞拿魚，師傳好有心思加左蛋王同蛋白既玉子😍。飯既分量都好多，兩個人share 再食啲壽司就岩岩好。甜品真係highlight!! 紅豆抹茶奶凍💛 紅豆既甜味中和番抺茶既少少苦味，食落入口即溶，比起一般既奶凍更加滑，好好味，好想食多一份👍

朋友超級鍾意食日本魚生 佢特登揀喺銅鑼灣天后住嗰度多日本人出入 食魚生或omakase有品質保證😅-🍱#江戶前刺身丼 $220刺身丼飯有多款切粒魚生 三文魚拖羅時令白魚仲有蟹子 望落去色澤亮麗 食入口柔軟新鮮配青瓜粒蔥粒 口感豐富 再落豉油同Wasabi撈埋食👍-🍣#特級壽司9貫 $340手握壽司類別會按即日新鮮食材發辦 材料豐富有時令白魚吞拿魚 貝殼類有熟蝦帶子文甲魷魚仲有我至愛嘅海膽 壽司用米講究 米粒夠乾身加入秘製赤醋 煮成飯後不會太軟太綿 飯粒飽滿有彈性-📍#鮨千月銅鑼灣電器道68號26樓

鮨千月 - 高水準日本菜今日介紹係一間主打新開的日本菜-鮨千月，位於天后電氣道一座全新銀座式商廈金輪天地，鮨千月的佈局優雅，濃厚的日本和式風格，店內更可飽覽維港景色。茶碗蒸午市套餐有提供前菜沙律和茶碗蒸，茶碗蒸的蒸蛋超滑，還有三文魚籽、雞肉、冬菇片。特級壽司 九貫廚師特選的九款壽司，有中拖羅、間八、深海池魚、鰈魚、𩶘魚、帶子、甜蝦、火炙右口和海膽，當中最喜歡中拖羅，油脂豐盈，但又不會太油膩的感覺。江戶前刺身丼超豐富的魚生飯，有赤身和中拖羅，油甘魚、三文魚、三文魚籽、蟹籽，而且魚生份量非常多，每一口也吃到不同的種類的角切魚生。最後還有綠茶雪糕作為甜品。

天后有間日本菜主打食材新鮮，環境採光度高，座位亦都好闊落，俾人感覺好舒服，唔會好侷促。下午時間黎食午餐都係一個好享受！午市套餐可以選擇廚師發板或者定食，定食會跟沙律、白飯、茶碗蒸、味噌湯同甜品，一定包你滿足！先來嘅係沙律，配上柚子醋，夠晒開胃！再嚟茶碗蒸，加咗少少蟹肉、香菇，簡單嘅調味已經令鮮味好出！特級壽司九件，會視乎當日有咩新鮮食材。今日有拖羅、赤貝、鰈魚、池魚、甜蝦、三文魚籽等。特別推介: 拖羅帶點口感之餘亦都食到好重油香。鰈魚爽口，魚味重。甜蝦好爽甜！海膽吞拿魚蓉壽司，好邪惡！海膽好鮮甜又新鮮，配埋油香重嘅吞拿魚蓉一齊食，正！江戶前刺身丼，有三文魚、蟹籽、魷魚、鯛魚、玉子等。刺身角切，好足料，切得厚身保留口感，值得一讚嘅係壽司飯唔會做到好酸，加分！味噌湯最後有綠茶雪糕，雖然綠茶味唔算好濃，不過食到好重嘅奶香味！

鮨千月，天后區有靚景嘅日本菜餐廳。位處26樓，景觀開揚。午餐menu:痛風丼個名好有趣2人午餐共Order了：江戶前刺身丼($220）特級壽司9貫（$340）和風沙律、茶碗蒸都好精緻。江戶前刺身丼撥開雲霧見青天，大大碗刺身丼有好幾款魚生，亦有貝類裙邊，份量都幾多。特級壽司有𩶘魚、鰈魚、帶子、甜蝦、油甘魚、拖羅、火炙右口魚、拖羅蓉軍艦、北海道海膽共9件，賣相不錯，味道都算鮮味。味噌湯。抹茶奶凍，入口綿滑。

然後最近有棟新樓開張，聽講全部都係做食肆。咁當然就去八下有啲咩好食啦。位於20樓高層嘅鮨千月，當然就係我想食嘅餐廳既首選。呢度地方闊落，每一張枱都比客人有寬裕嘅空間，一啲都唔感覺擠迫。再加上270度嘅無敵大海景，上到去已經令人身心舒暢。同朋友嗌左個魚生飯同六件壽司餐。前菜先有沙律同蒸蛋，沙律用和風沙律醬，酸酸地非常之開胃，而蒸蛋上面仲有一層薄薄嘅蝦熬出嚟嘅湯汁非常鮮甜。魚生飯同壽司都選用新鮮嘅魚食材。識食嘅人就知道呢啲食材唔係一般嘅日本餐廳可以比到嘅。我最鍾意就係佢嘅赤貝壽司塊，非常爽口，唔腥！食完主菜之後仲有一個小嘅甜品，紅豆綠茶奶凍。

今日去了天后，同朋友找了一間晚上住要做omakase,我們今次去食午餐！一入餐廳！嘩！無敵大海景！！！！！！🤩🤩🤩好靚的維多利亞海彎！今日天氣好好，可以見到九龍和港島兩邊，中環，灣仔，尖沙咀的美景！😍😍我們點了特級壽司9品$343吞拿魚，鯛魚，赤身，甜蝦，帶子，海膽，𩶘魚。今一款都好好味！好新鮮！每一件都是精心配搭！每一口都食得出師父的用心製作！👍🏻👍🏻江戶前刺身丼$220有三文魚，鯛魚，魷魚，蟹子，三文魚子......口感好豐富！滿口油的甘香！午餐配茶碗蒸滑滑香香！上面仲有蟹肉！甜品沬茶雪糕！好完美的句號！

留港消費，今次好友帶我去天后的日本餐廳［鮨千月］試Omakase，充滿期待。🤩上到餐廳見到和風佈置非常雅緻，大部份座位都可盡覽維港景色，感覺清新。🌃每次廚師發辦都會有驚喜，因為主廚挑選的一定是最當做最時令嘅新鮮食材，今次都唔例外，食物好精緻。😋😋👍～前菜是蕃茄沙律很開胃～鮑魚 軟嫩滑爽，秘制醬汁帶出鮑魚天然鮮 味，很想吃多幾片～生蠔 非常肥美，醬汁帶出食物原味道，鮮甜～貝類刺身 極爽之口感～拖羅 入口即溶，充滿陣陣魚油香； 鰤魚 非常肥美有質感～櫻花蝦天婦羅，🦐香脆可口，蝦味突出～金目鯛壽司、海膽壽司🍣 口感層次豐富，回 味悠長～甜品係紅豆雪糕🍧 令整個Omakase非常完美

疫情下不能外遊，今年想去日本賞櫻飲清酒，吃和牛及刺身，已是痴心妄想。 懷著失落的心情，到處在香港尋找日本美食。前天和朋友去了一間位於天后新開的日本餐廳［鮨千月］， 環境相當幽美，坐位闊落，26樓可眺望維港景色。Omakase 前菜有紅色蕎頭，蒜頭&醃蘿蔔, 令你口胃大開。鮑魚加上秘制醬汁, 零舍好食。日本生蠔, 牡丹蝦, 海胆及各式刺身鮮甜好味。A4 和牛, 油花均勻但又不太油膩, 可吃到和牛肉質的甜味, 湯烏冬軟滑。最後來一個椰子雪葩，給了一個完美晚餐。