鮨千月 (已結業)

然後最近有棟新樓開張，聽講全部都係做食肆。咁當然就去八下有啲咩好食啦。位於20樓高層嘅鮨千月，當然就係我想食嘅餐廳既首選。呢度地方闊落，每一張枱都比客人有寬裕嘅空間，一啲都唔感覺擠迫。再加上270度嘅無敵大海景，上到去已經令人身心舒暢。同朋友嗌左個魚生飯同六件壽司餐。前菜先有沙律同蒸蛋，沙律用和風沙律醬，酸酸地非常之開胃，而蒸蛋上面仲有一層薄薄嘅蝦熬出嚟嘅湯汁非常鮮甜。魚生飯同壽司都選用新鮮嘅魚食材。識食嘅人就知道呢啲食材唔係一般嘅日本餐廳可以比到嘅。我最鍾意就係佢嘅赤貝壽司塊，非常爽口，唔腥！食完主菜之後仲有一個小嘅甜品，紅豆綠茶奶凍。