鬼金棒

营业中

休息中

之前路過見到有間新拉麵舖開張，上網睇原來係一間專食辣O既拉麵，今日有個同事提起咁就去試下啦~橫掂LUNCH食乜從來都係一個世紀難題，搵下一D新大陸都好聽人講話好多人排隊，所以就早D過去，好彩去到唔駛等就入得，坐左一陣就已經全場FULL左入到去又係而家好興O既電話落單.....其實我鐘意就咁叫人落單多D.....原本係想叫個增量叉燒，但最近要減肥，都係叫個流心蛋拉麵，正常佢有辣同麻度都有得大中小同無，加錢可挑戰地獄....咁自問我我唔算食得辣，咁就叫個小辣小麻試下啦~個湯底濃郁，拉麵質感偏硬身，唔太麻辣就算我平時少食辣都可叫高一級，叉燒係厚切一大舊，都夠"林"，隻流心蛋就太熟，個黃唔太流心，但整體黎計都可以再試~

話說早2星期想食但趕時間食唔到，今日得閒就去試，大約8點鬆d去到，排第3個人，10分鐘內入座，(之後都唔多人),QR code落單我揀左menu第一款特製辣xxxxx $120，高辣高麻Overall而言賣相吸引，叉燒夠厚夠淋好食而且份量多（for我),麵底咬口煙韌岩我食，湯底濃，流心蛋不過不失，我呢款大約等於譚x中辣，我覺得下次可以試鬼增辣。可惜後期愈食愈濟覺得太heavy，有飽既感覺但冇滿足的感覺。價錢不平，但有機會可以再試一次鬼增辣

讚1. 味道好噃，湯底係即叫即爆炒，所以成日有師傅係度起鑊炒湯底，上檯時好香，銀芽炒得爽口唔腍，拉麵質感好好，爽滑彈1. 等左半粒鐘，最奇係入到鋪，係仲有空位既，等緊乜2. 叉燒燒得香口，但個人認為唔太入味

其實味道OK，件チャーシュー都幾好味，但整體同本店嘅味道真係差幾遠。點解啲日系拉麵店嚟到香港硬係唔做番本店嘅味道 (除咗一灯同一幻)?價錢就更加唔駛講，日本賣￥950，呢到賣貴五成以上，唉.. .

【東京過江龍 🌶 挑戰死神麻辣拉麵】鬼金棒 KIKANBO | #銅鑼灣拉麵控又出現了 住係香港真係好幸福 唔洗飛都可以嘆到東京人氣排隊拉麵。而且以辣為賣點的拉麵 只有鬼金棒做得咁出色！單單是小至中辣程度已經用上七種辣椒香料，大辣為八款，頂級的用上九款，包保辣得過癮之於 辣得有層次。開業幾日已經吸引了好多愛辣之人，排隊來食。一貫拉麵店的open kitchen ，但鬼金棒的廚房更有睇頭，師傅即炒的芽菜和粟米筍夠哂鑊氣，大火翻炒 滿足眼球的享受😍QR code落單更方便，成個過程不用等店員即時送到廚師手上，製作過程十分鐘的耐心等待全部上齊😌雖然愛食辣 但面對世界上最辣的辣椒「千里達毒蠍布奇椒」就挑戰不了🤣🌶！「麻」和「辣」各有5級，可以按個人喜好選擇！1⃣炒芽菜辣麻味噌拉麵 「小麻小辣」 $100湯底用秘製濃厚味噌再加入豬骨、雞骨及海鮮熬製超過十小時，味道濃郁 但不膩！溏心半熟蛋做得出色，一切流心 蛋味濃郁 配埋爽彈的粗身麵條更正！ 麵條掛湯力強，食到最後都不會軟腍。軟腍肥美的慢煮叉燒，肉和肥膏梅花間竹，慢煮關係 入口即溶，肉味香濃 滷得相當入味。另一主角「炒芽菜」加上高湯 薑末蒜蓉 炒香

鬼金棒在銅鑼灣世貿中心附近開幕，我會覺得是會在該區殺出一條血路，一蘭、周月及別天神在世貿中心周圍鼎足而立的局面將被打破，但目前為止以開業的情況來看，我暫時只認為是有噱頭的拉麵店。鬼金棒在網上的資料顯示來自東京，開了兩間店分别是池袋店及神田店，在日本類似開飯喇的飲食平台得分平均3.6分，不算高分。期後在台灣台北開了三間店，之後在香港發展，開業時的宣傳及報導相當熱熾。鬼怪、地獄、血池、火焰及麻辣都是對鬼金棒的印象。何解我會說鬼金棒會殺出一條血路?鬼金棒的主要湯底主打麻辣味噌湯底。拉麵四大基本風味湯底是鹽味、醬油、豚骨及味噌，味噌湯拉麵在香港不太受到主流顧客歡迎，其原因是香港的天氣不太寒冷，氣溫最低都只是九度左右。在北海道當地零下五度吃味噌湯拉麵是異常好食，加上味噌味道獨特又濃烈，女士不太喜歡這種重口味，所以在香港拉麵界主打味噌的拉麵店並不多，要數正正常常獨沽一味剩賣味噌的就只有麺匠真武咲弥，當然兼營有味噌湯拉麵供應的店子亦有幾間，例如味之時計台、俺流塩拉麵、一幻、元祖達摩及五行等。今次鬼金棒打正旗號以味噌湯拉麵掛帥，並重點以「麻辣」作重點宣傳，以香港人對於麻辣米線的熟悉，自然對號入座。加上

這一間新開張拉麵店只開業了幾天。我喜歡吃辣。所以便試一試。等了約30分鐘。店名叫鬼金棒。我猜鬼是麻辣口味，金棒是因為每碗麵都有玉米荀。麵條較粗和硬。湯底好濃，有點過鹹。肉不是用叉燒，是用肥豬肉（即東坡肉）。一半肥一半肉。頗有特色。和傳統拉麵不同。我點了少辣。辣度不夠。如果要吃麻辣便要點中級以上才感受得到。店內裝修有好多鬼面具。洗手盤也有鬼頭。頗有特色。但桌面太小。坐得不舒服。不想久坐。這是大多數拉麵店都有的問題。價錢偏高。整體只是普通。不會特意過來吃。

喺Facebook睇到介紹呢間嘢，東京過江龍，東京我就冇去食過，不過見到啲芫茜就好想試吓，加上我最愛麻辣湯咁就非去不可啦。今日去開灣仔做嘢就過銅鑼灣食吓啦，一入去裝修好特別，魔鬼主題，好有神秘感，職員都好有禮貌。坐低望住廚師炒嘢，火光熊熊，好有鑊氣，揀咗少麻少辡加芫茜。個湯冇令我失望，超好味，下次可以試吓辡少少，舊叉燒好入味，肥而不膩，麵彈牙又掛湯，真心無嘢彈，我都未試過食拉麵飲晒啲湯，飽得嚟好滿足，推介。

鬼金棒 (English name: Kinkanbo) is a ramen restaurant from Tokyo. Specializing in a spicy miso ramen, they became so popular, they branched out in other areas of Tokyo and later in Taipei. Now, they have opened their first branch in Hong Kong. Located in Causeway Bay, near WTC Building.As it just opened, boyfriend and I made our way there to give it a try while it's still new. For as past experience has taught us, quality tends to decrease after the original chefs leave. We arrived at noon and ther

難食！非常難食！絕對不能接受用呢個價錢食拉麵個麵底係唔熟！係生的！夾嘅時候仲係痴埋一舊！食落有渣！痴牙！離譜！再講湯底，一個字好L油！飲兩啖已經覺得油膩過頭！再到佢地引以為傲嘅叉燒！其實話佢係東坡肉也不過份，就係所謂的上層4-5cm的大肥膏，下層瘦，顏色 色水都有白sai sai 鮮明的對比！口感過於肥膩！更離譜係咩啊？隻溫泉蛋！顧名思義溫泉蛋啦，大家都會聯想到正常蛋中心係點，但係呢好衰唔衰，偏偏就好似食 喇沙 隻蛋咁，熟ga隻溫泉蛋！有蛋黃嘅溫泉蛋。估唔到會係一碗$1xx的拉麵可以食到咁地獄級的難食。ps. 公平講句條玉米筍🌽最正常不過。

雖然用日本做標準，對香港店唔係好公平，但係既然你打正旗號又話去過日本training，又話有日本人師傅，係咪應該做好啲。自問自己算食得頗辣（用譚仔standard係大辣至特辣），日本本家食過鬼增辣中麻嘅組合，食到我喊，真係出眼水個種。今次怕死係銅鑼灣店叫高辣鬼增麻，我知我叫少左一級，但都唔係由辣到喊變成完全唔辣呀？我完完全全食唔到辣味，連我男朋友（平時食三小辣都嫌辣）都覺得唔辣，有無搞錯？佢係本家食中辣鬼增麻，係銅鑼灣叫返中辣鬼增麻，真係高下立見，鬼金粉個份糧少左好多。好明顯，日本食成碗都係鬼金粉，香港個到得少少。佢自己on top加返碗入面原有份糧嘅2倍，先至叫追到日本個鬼麻。唔講辣同麻，舊叉燒係幾好食嘅。個湯好咸，食完碗拉麵我飲左三杯水。同埋抽油煙機唔夠勁，成鋪都好大煙好攻。如果兩個人食250就只係咁，不了

新開因見到芫茜麻辣而去試下環境：一般拉麵店作風.旦冷氣唔得平均到四周...！服務：有禮貌可惜是死板的（收銀女仕較為比人舒服感）點餐：用QR code價錢：略略貴（加料既價）正價麵就合理味道：是次-小試-小麻小辣...味道不錯.（下回可試大辣中麻）麵.比較係硬果派.比較有咬口.湯底加上芫茜.好夾.好飲開放式廚房睇住佢整比你即炒芽菜..好👌🏼果件肉（叉燒）.真心好食.咬落岩岩好.有膠質.唔痴牙.一件實在太少.食到既要加多件。只係在下.無咩條件食晒.佢有圍紙群巾比人用（值得比讚）

日本人氣拉麵店鬼金棒，店家主打湯底係辣麻味噌，喺日本同香港應該算係少有拉麵店會有，開張第一二日我都有去試，第一日食嘅係店家招牌特制辣麻味噌拉麵(小辣中麻)$120，呢度辣同麻可以分開點唔同嘅級數，由小至增量，當然唔食辣嘅亦可點唔辣唔麻，而拉麵入面配菜有青葱，韮菜，粟米芯同半熟蛋，記得唔食葱同韮菜要喺落單前點選唔要，湯底係豚骨湯再加入幾種唔同味噌一齊煮，跟住再因應客人點嘅辣麻級數再每個調配，湯底本身幾濃厚，味噌亦香甜，個人覺得味噌可以再濃少少，而辣麻味道亦調配得好好，絕對唔係川菜嘅麻辣類型，係香辣帶微微酸甜，越食越開胃，麵條係粗身麵，爽口彈牙同幾滑，叉燒係用豚角煮，味道唔錯但稍為韌左少少，第二日再嚟食嘅係芫荽辣麻味噌拉麵(大辣大麻)$110，如果喜歡食芫荽係唔錯選擇，芫荽香味配酸甜辣麻相當夾，總結兩碗麵質數唔錯，日本神田店我有食過，香港店同日本店相比唔會差太遠，算係一間水準幾高嘅日本過江龍拉麵店。

銅鑼灣區而家真係多咗好多拉麵店 真係估唔到13年前喺總統戲院商場上面嘅拉麵橫丁街 開咗唔夠兩年就執笠 而家又興奮起拉麵嘅熱潮 對我哋呢啲消費者嚟講可以唔使飛到日本 就食到當地嘅油名拉麵都係一個福氣你嘅 不過如果講喺辣日式拉麵 我淨係識得別府拉麵同埋廣島爆彈屋 位置自從怡東酒店同埋世貿商場逐漸降價嘅情況之下我都好少嚟一頭 不過都總算方便啱啱喺sogo 後面行五分鐘左右環境新開張門外擺怲花牌 裏面嘅装修出表現一種 地府嘅感覺,主要黑色為主 而且吧檯上面亦都掉滿咗好多 小型嘅金棒 加上有好多 鬼王嘅頭像 銅面具 而最得意嘅就係佢哋連張吧枱都相上一啲金色嘅 擺設 果然夠細心 不過如果係吧枱枱底下面有 掛鉤擺袋就會更加貼心 佢哋最特別嘅就係嗰個用鬼王造型嘅水龍頭喺鬼王個口噴水即係幾得意服務嘅服務真係一般般呀 可能由於用手機落單嘅關係呢所以基本上服務員只係將我玩遞畀你都冇乜交流嗰個apps呢可能 冇太多嘅描述所以實際都唔知道嗰本拉麵有幾多塊叉燒或者有啲咩嘅配料點不知原來雞蛋—早再加,之後再想追加多一隻店員表示 只可以 一開始挑選加不 因為個重點係喺個apps嗰幅相裏面係會有隻雞蛋所以圖片真係只供

上個月到日本名古屋遊玩時，吃過了當地著名的 辣麻拉麵鬼金棒後，一直到時念念不忘她的辣麻味道。但在香港的拉麵店和川菜是完全找不到的， 所以一知道在香港銅鑼灣開設了分店後，便立即過來試一試。舖內裝潢以黑色為主，牆上掛滿傳統日式鬼怪面具、鬼怪裝飾和鬼金棒作，並射出紅色的燈光，凝造神秘的感覺。辣麻度可有5種，全無、小級、中級、高級和地獄鬼級。再以白、紅、黑色拉麵碗代表陶瓷大碗奉上不同辣麻程度。辣麻味噌拉麵 - 中級辣度及麻度如在名古屋的一樣，一條小粟米放在拉麵，非常可愛。所謂的叉燒，小妹我認為是五花腩，有點似東波肉，比較肥美，入口即溶，味道豐厚。拉麵是粗身的蛋黃麵，可惜比較淋身，掛湯力上，煙韌爽口。湯底第一啖是可嚐甜味的，再飲一口湯味道豐富，辣味中一點點點麻味，層次感十足，香味豐富。不會像四川麻辣般，不會吃到麻痹，不會麻辣到刺喉。總括而言，味道跟名古屋的根本是一樣的。90多元，不用飛抵日本被能吃到，簡直超值。