鬼金棒

营业中

休息中

This is our third visit to this small raman restaurant located at Causeway Bay. Is a little restaurant just opposite the world trade centre. It has 2 small Japanese Kanabō on the logo. The interior is small and the lighting is really low. Once you arrived, they provide you with an  QR code where you use your mobile to select what you want to order. Ranging from the noodles to drinks. You get to see the chef’s making your noodles if you seat by the kitchen area behind the glass window. Would defi

第二次來吃這間日本過江龍拉麵小店，滿足一下對濃厚湯底的慾望。芫荽辣麻味噌拉麵 (小辣小麻 | $110)• 因為這裡的叉燒令我念念不忘，所以必須追加增量叉燒 (+$35)。肉質香腍而且醃得相當入味，油脂和肉的比例亦剛剛好，肉味香濃。• 湯底依舊濃郁惹味，而因為大量芫荽的原故，多添了一份香草味，極力推薦給喜歡芫荽的朋友✨• 辣度很輕微，幾乎吃不出。• 拉麵軟硬度適中，夾雜芽菜一齊食，口感豐富。增量叉燒辣麻味噌拉麵 (小辣小麻 | $115)• 分別在於叉燒和湯底的味道。• 叉燒是完整一大塊呈上；而湯底同樣濃郁，只是少了一份芫荽的香味，建議給不愛吃香菜的朋友。

行完街諗唔到食咩，就食返之前系尖沙咀分店食過嘅鬼金棒特製麻辣味噌拉麵 $120今次叫左個無辣中麻湯底，個湯好香濃，食落有DD麻，幾過癮唔食得辣嘅朋友可以同我一樣揀呢個湯底👍🏻呢款拉麵同味玉辣麻味噌拉麵一樣，都系有一大舊叉燒，一粒糖心蛋同一條粟米心，芽菜同蔥花都可以選擇要或唔要增量叉燒 x2 辣麻味噌拉麵 $135可以食到有少許辣嘅朋友就叫小辣中麻啦，一樣甘惹味😋呢個系冇糖心蛋，但就有兩舊大叉燒，而且比起我上次食嘅肥美，口感更佳

相信大家都知我係一個鐘意食辣既食肉獸呢間拉麵店就高cp地滿足曬我2個願望第3次黎既拉麵店 @銅鑼灣同尖沙咀都有分店非常方便由於對上2次都食左增量叉燒x2辣麻味噌拉麵今次試下玉米筍麻辣味噌拉麵（大麻中辣）勁多玉米筍感覺健康一啲玉米爽口配辣湯原來咁夾而今次既湯底對比起之前都辣左大約係譚仔既5少辣左右亦都夠曬麻係我最滿意既配搭同行既就揀左增量叉燒x2辣麻味噌拉麵（走麻走辣）咁就可以試到佢原味既湯底湯底既香濃度俾到人驚喜係勁濃勁足料既奶白豬骨湯就算唔加辣已經好夠濃相當吸引拉麵既份量超多不過如果唔夠既話可以再追加叉燒飯叉燒飯既肉同拉麵既一樣珍珠飯面淋上肉汁就算食飽左都忍唔住要食多2啖.....

第一次幫襯，門口排左五分鐘就有位。當晚芫荽賣哂，叫左小麻小辣既拉麵算。1️⃣喜歡佢多芽菜，每啖麵都夾到芽菜。2️⃣叉燒厚身又炆得林，好食過其他店薄切既叉燒。3️⃣流心蛋我第一時間撈埋湯汁食左，水準ok4️⃣湯底越食得耐，果種辣既感覺越強。麻可以再勁d，下次要試下再重口味d。5️⃣座位相隔太迫，非常嘈雜，隔離枱三個男人大聲討論用交友app溝咩貨色既女人。由我坐低開始，佢地已經食完麵係度又笑又叫，職員都冇叫佢地細聲d。我匆忙食完麵走人，佢地仲賴死吾走。依加餐廳做生意真難受呀！

一入到去即刻覺得好有地獄feel嘅鬼金棒，裏邊環境比較黑，有啲紅色嘅燈射住，真係好有feel🤩🤩🔸特製辣麻味噌拉麵 𝐩𝐫𝐞𝐦𝐢𝐮𝐦 𝐤𝐚𝐫𝐚𝐬𝐡𝐢𝐛𝐢 𝐦𝐢𝐬𝐨 𝐫𝐚𝐦𝐞𝐧 $𝟏𝟐𝟎 (𝟒/𝟓)湯底又麻又辣，仲要夠濃，依碗麵仲配埋半熟蛋，咬落去啲蛋汁爆曬出嚟🤤，拉麵又夠煙韌，正😻 拉麵仲要好大碗，夠晒抵食🤩🔸玉米荀辣麻味噌拉麵 𝐤𝐚𝐫𝐚𝐬𝐡𝐢𝐛𝐢 𝐦𝐢𝐬𝐨 𝐫𝐚𝐦𝐞𝐧 𝐰/ 𝐛𝐚𝐛𝐲 𝐜𝐨𝐫𝐧 $𝟏𝟎𝟎 (𝟑.𝟗/𝟓)成座塔咁高嘅玉米筍，湯底其實同上面個碗差唔多，我嗌左中辣，開頭食真係唔係好耐，但係就越食越辣🤣🤣🔸大肉飯 𝐩𝐨𝐫𝐤 𝐨𝐧 𝐫𝐢𝐜𝐞 $𝟓𝟓 (𝟑.𝟖/𝟓)塊叉燒真係冇得頂，夠晒大嚿，又淋，又入味😍

覺得呢間拉麵既叉燒好足料好特別 所以一路都覺得唔錯 都黎食左幾次 仍然保持水準 而且覺得今次係最好食既一次 因為湯底味道濃郁 咸度適中👍🏻特制辣麻味噌拉麵 $120麵質是粗麵 麵條彈牙 煮得岩岩好😍口感似油麵再彈牙再厚實一啲🙈非常掛湯呢碗配料非常豐富！兩塊厚厚的五花腩肉，粟米筍，韭菜同味玉。 五花腩肉好焾好入味😚 食落充滿油脂感🤤味玉好流心！芫荽辣麻味噌拉麵 $110今次叫左中辣中麻黎試下，因為上次叫左小辣好似冇咩料到所以今次會試吓+1辣度，睇下會點😚 我覺得中辣中麻最岩我口味😁 唔會太辣唔會太麻唔會搶走拉麵湯底既豬骨味道😍芫荽份量仍然好多🤪芫荽配上呢個拉麵一啲都唔Heavy 因為呢個拉麵除咗有芫荽仲有芽菜、五花腩、粟米荀和韭菜☺️

呢間嚟自東京嘅拉麵店湯底主打「麻」&「辣」...港女我之前食過一次就上咗癮喇💕🍜 特制辣麻味增湯拉麵 ($120)湯頭濃厚，揀咗小麻小辣辣勁同麻度都唔重！拉麵麵條粗幼係固定嘅...麵條較粗身有嚼勁之餘，掛湯力幾強👍🏻主角叉燒厚身大件，肉質軟稔一食令人愛上❤️仲伴有流心效果一流嘅味玉，蛋香味十足呀🥰🍜增量叉燒辣麻味噌拉麵 （$115）呢碗揀咗小辣中麻，更刺激呢！建議食得辣嘅朋友仔可揀中辣中麻喔😉叉燒激厚，size驚人呢！肥瘦相間，軟淋肥美嘅同時，入口超有口感😋強烈推薦食肉獸必點呀！

話說早前見到某youtuber拍左條片食呢間拉麵，我又跟風黎試下平時經過都係望下就算 以為淨係得辣認真望下先發現原來有得唔辣是關我唔食得辣 就揀果個無辣無麻湯既味道偏濃味 如果鍾意重口味既就岩晒拉麵方面因為唔係幼身既拉麵食落去都幾有口感果舊肉就不得了 少少肥肉 好入味同好淋不過少食多滋味 我就覺得唔係好需要額外加多份肉考慮到個濃湯 我加多左一份粟米芯清清口味 btw價錢上抵唔抵加就真係見仁見智啦上網啲人教落 食完個拉麵可以倒個白飯落個湯度食 我梗係照跟啦至於結果呢 一黎對女仔黎講食埋個飯就too much 二黎因為個湯好濃 做湯飯有啲太咸結論係我下次再去淨係食個麵就算了我老公叫左個芫茜中麻中辣佢話覺得都唔算係勁辣 不過佢本身食得辣 我就當然無試芫茜份量睇落去都多多地不過如果勁鍾意食芫茜而想另加一份就唔係好抵價錢上其實佢唔係好平 對我黎講一碗拉麵要100蚊都算係中偏高DD既價位不過味道上都幾好既 間中一次可以接受啦

一向麻麻地拉麵，但呢間食完真係幾滿足🍜🤤可以任揀辣度麻度🌶️一路食可以一路觀賞廚師炒嘢炒到熊熊烈火🔥🤣仲有提供紙圍裙費時我地整污糟，好貼心!! 服務態度都好好🙈唯一唔好就係太飽🤰🏻-🐷增量叉燒x2辣麻味噌拉麵🍜-呢碗嗌咗小辣小麻‼️‼️有兩大嚿厚切叉燒，肥瘦部份好均勻，食落有少少似東坡肉🐖🐷真係勁好味、勁多汁🤤🤤仲有粟米荀 、芽菜、蔥花，好豐富🤪拉麵比平時食開嘅粗少少，而且幾煙韌幾有咬口，同埋幾吸汁幾入味🍜原本怕會辣，所以叫小辣🌶️但食落就覺得唔算辣🤪同埋辣味有少少蓋過麻味🙈-評分：8.4/10價錢：$135-🥚味玉辣麻味噌拉麵🍜-呢個嗌咗走辣中麻😆食落都feel到痺痺地🤪有厚切叉燒、溏心蛋、粟米荀 、芽菜、蔥花等等🌽叉燒一樣係好嫩滑好juicy，夠高質😍溏心蛋都好好味，好流心，隻金黃色好靚🥚個人鍾意辣多過麻🙈但似乎個人口味，我朋友鍾意呢個多啲‼️😆-評分：8.3/10價錢：$100-🐷肉飯🍚-塊肉都幾大塊，但無拉麵嘅咁多汁咁肥美🥩飯上面好多蔥花🙈撈飯醬汁好好味，但醬汁比較少🥺但珍珠米煮得啱啱好，軟硬適中🤤🍚-評分：7.8/10價錢：$45-📍鬼金棒 銅鑼灣📍

鬼金棒銅鑼灣，同樣主打辣麻味噌拉麵。店內是開放式廚房，店內橫樑掛著多個鬼怪面怪。辣麻味噌拉麵繼續是新店主打，所用味噌是日本「鬼金棒」秘製，據說是熬足8小時的湯底調製湯底，而湯底「辣」是多款辣椒及唐辛子調配；「麻」是頂級和歌山葡萄山椒調成的香麻油。如果有選擇困難的你，你會發現這邊有大量選擇，湯底分五種麻度及五種辣度，全以唐辛子及香麻油的不同份量來調校：大麻大辣、小辣大麻、大辣小麻、小辣小小麻。增量叉燒辣麻味噌拉麵小辣小麻，叉燒厚度驚人，調味算是頂級之作，滷味濃郁，肉嫩多汁，那肉質夾著肥脂，油脂溶於口中，油香撲鼻，拉麵口感帶嚼勁，不會軟爛，走了韭菜和蔥。算一下合共25款不同口味配搭，DD 選了不辣小麻。另外也點了個大肉飯，拌飯吃也一流。

如果你自問食得辣，又想挑戰自己，你可嚟呢間拉麵店一試試佢地鬼增拉麵！佢地嘅拉麵可以揀唔同嘅麻度、辣度，最高係「鬼增」程度！🌶🌶🌶 唔同顏色嘅麵碗亦代表住唔用辣度 我都曾經挑戰高佢地嘅鬼憎麻+鬼增辣，真係有料到！🤣 ⚠️ 唔食得辣嘅朋友唔好亂試❗️唔好以為佢地得個辣字，其實湯底好講究，有豬骨、雞骨、魚同埋多種蔬菜熬煮8個鐘頭以上，再以即叫即煮方式加入赤味噌，混合各種唔同辣度嘅唐辛子而成嘅麻辣湯底，所以湯頭除咗有層次嘅辣味之外，仲食到鮮甜。芫茜控仲可以揀爆多芫茜麻辣拉麵 🙈食拉麵當然唔少得叉燒啦！雖然每碗只有一件，但非常足料！手肥瘦適中，厚切不在話下，炆煮得入味之餘火候控制都啱啱好，上碗前仲會以火槍炙燒過，油脂香更加突出，真係未食聞到都流口水🤤炒芽菜都係我每次必點嘅！芽菜都係即叫即炒，火侯十足，香氣滿分，非常爽口，再沾上辣湯一齊食，絕對係Prefect Match！😋

聽講鬼金棒係香港開咗分店本來就極度嗜辣加上係日本開過嚟嘅過江龍即刻就決定去試下分別叫咗正常嘅辣度麻度同鬼增辣大麻睇相可以見到滿滿嘅芫荽 夠香 (*˙꒳˙*)‧⁺✧︎*正常辣度麻度係好食嘅同大部分日本拉麵清淡嘅風格唔同 湯底好夠味 如果中意重口味但係又想食拉麵嘅時候就最啱不過我唸住嚟到就要挑戰下自己 叫咗鬼增辣😂結果係真係好辣 一開始食都以為自己接受到但係後勁超大！仲要佢份量都唔細 大家挑戰前要唸清楚🤣𓏲𓏱𓏭𓏭芫荽辣麻味噌拉麵-鬼增辣 $125玉米筍辣麻味噌拉麵 $100

銅鑼灣呢間拉麵店一直都好想試, 佢主打係麻辣湯底, 好少出面拉麵嘅湯底係麻辣, 所以今日嚟試下。 同其他拉麵店一樣， 佢都係行自助形式，入到去量完體溫， 揀咗個位置坐，店員就會將佢哋 menu嘅code 畀你，你就可以落單。打開個menu其實都好清晰，佢嘅餸有幾款，主要係牙菜，蛋同叉燒。 我叫咗個增量叉燒X2麻辣味噌拉麵， 朋友就叫咗佢嘅特製麻辣味噌拉麵， 其實兩碗麵嘅分別就係增量叉燒有兩嚿加大嘅叉燒， 特製麻辣味噌拉麵就有多隻糖心蛋 叉燒就有一嚿，基本上就係每種配料都有一啲。佢拉麵好好食， 軟硬適中， 叉燒煮到好淋，又好入味， 配埋濃沃嘅湯底，加少少麻辣，簡直係一流， 佢嘅芽菜都好好食同個面好夾。 至於佢嘅溏心蛋 ，煮得都好出色， 最重要係糖心蛋真係流心。食拉麵當然要飲汽水， 我哋分別叫咗個可樂同雪碧，都好快上枱，而且好夠凍。

繼有左bb後最中意食芝士，其次就係拉面🍜老公搵左好幾間拉面帶我食，總括有幾間都唔錯，值得回味一下🤓鬼金棒係我覺得幾有特色既一間，裝修別緻，氣氛都好似身處日本食拉面咁👍🏻仲有好多鬼面🤓可以睇到師傅在煮拉面👍🏻拉面款式都幾多，落單後好期待，因為佢有辣湯底😋😋😋🌶🌶我就揀左增量叉燒辣麻味拉面小辣再加芽菜🤓勁中意食芽菜既我 食拉面一定唔可以小芽菜😋每人都有條圍裙仔，等大家食拉面時都唔會整污糟件衫，好細心👍🏻我個增量叉燒終於黎啦🤓見到芽菜既份量好滿意 加埋肥嘟嘟既叉燒 就覺得個份量我都未必食得哂🤭佢個湯底辣辣地又甜甜地，有啲肉碎👍🏻配起拉面唔錯😋老公個碗係增量叉燒x2，我見分別在卡叉燒既肉係我個叉燒既double😂睇到都飽飽地而拉面既質地岩岩好 唔會好林都唔硬👍🏻軟硬度係岩岩好👍🏻如果可以再辣一度都唔錯🤓咁樣兩碗都係300有找，價錢唔算太貴，但食到一碗夠份量既日式拉面🍜值得推薦🤓臨走時仲見到唔小人排隊，好彩到既時候岩岩有兩個位🤓👍🏻