鬼金棒

营业中

休息中

前段時間終於放監, 幸好約左朋友之前去食飯, 不然又不知幾時可以再聚。那日挑了銅鑼灣1間拉麵店, 呢間拉麵店在尖沙咀都有分店, 似乎食辣幾得, 愛好辣既我當然要試一下。店裡是用QR下單, 都幾方便, 未到既朋友都可以先自己上網睇下落住單。我同朋友同挑了不同款的, 我叫了特製麻辣味噌拉麵$135。然後加了味玉$15。整體湯底其實夠濃, 因為夠小辣所以辣度是岩香港人口味, 想麻一點可以用店家有的粉, 加上去即時惹味感倍UP, 力推加一加, 不辣但有麻味!麵質幾彈口, 然後佢既豚肉都不錯, 入味。味玉當然是有一定水準啦。整體其實我個碗好滿意。至於朋友佢叫左莞荌辣麻味噌拉麵$110, 再加個肉碎飯$35。莞荌味認真少有, 而且湯底好香莞荌味, 料認真夠足, 中意呢種香料既人大可叫。然後朋友一樣愛加佢呢到既麻粉。個肉碎飯都不錯, 肉碎料足, 配上飯口感剛剛好又不會好咸口。總之惹味又不會太重味。人均約$148, 這價錢在銅鑼灣呢到消費真心不錯, 味道又可, 來這裡大可一食。

在Sogo後面隔２條的内街上，不算人來人往的位置，尤其在疫情下，沒有遊客的銅鑼灣，感覺有點冷清！但我經過鬼金棒好幾次，每次都要等位，沒耐性，所以刷身而過！今次不用等，果斷walk in (點完餐就要排號！)餐牌很簡單，連煎餃子都沒有(我吃日式拉麵，看到煎餃子必點)點了麻辣味噌拉麵：#辣度：小辣#麻度：中麻#配菜：走芽菜湯底不油膩，可以喝，而且喝完不會口渴。麵條軟硬度不可選，但軟硬適中，挺好吃的！吧枱座位配自助飲用水，這個很好！

終於食到呢間😭基本上日日係IG都見到有人post，淨係見到舊叉燒已經覺得好吸引，果然名不虛傳，真係好正🔥不過裝修就令我有啲意外，比我想像中簡陋，唔似香港其他拉麵店有特別設計下🤣.🌶味玉辣麻味增拉麵第一次食辣味拉麵，麻辣味更加冇聽過🤣成日見人食呢間，入到去先知原來鬼金棒專食辣，小編太outdated🙊好彩小編都食得辣，仲意外地覺得好食過好多拉麵店！講咗舊叉燒先，應該冇人唔鍾意佢地嘅叉燒，啖啖肉非常入味而且肥瘦適中🥰個湯都所以配料勁夾，麻同辣都可以分別叫唔同level，唔食得辣嘅都唔使驚🥳湯底超惹味，啲麵有夠掛湯，軟硬適中，真係一條麵都唔可以放過😭香港雖然好多拉麵店，但係一間令你想回頭食第二次嘅真係唔多，呢間小編想無限encore😂.🍽味道: 4/5🏙環境: 3/5‍👨🏼‍🍳服務: 4/5💧衛生: 3/5💰價錢: 3.5/5

今晚收工約左朋友去銅鑼灣行街，但係行之前梗係醫左個肚先啦☺️☺️我見天氣開始涼涼地，所以就提議去食辣野喇😋行行下就搵到呢間充滿日本風既餐廳仔細一望原來係食麻辣拉麵既，所以就二話不說入去試試喇💨💨可以自己選麻/辣既程度，咁好吸引喎！店員話唔食辣可以選無辣小麻～我因為本身都想食辣，所以叫左呢碗味玉麻辣味噌拉麵。咁我就首先試下小辣小麻先啦，湯底都真係唔太辣，而且湯汁仲俾啲麵吸收哂所以都好入味，麵質都好彈牙！因為太餓的關係，所以我就叫左增量叉燒。肉質方面都非常滿意👍🏼👍🏼我本身都鍾意食淋啲唔太韌既，所以呢舊叉燒就完全滿足到我既願望喇！仲有配埋味玉一齊食就更加提升左成碗麵既層次喇！至於我朋友就好鍾意食芫茜既，所以就叫左芫茜辣麻味噌拉麵。嘩啲芫茜真係舖滿哂成碗麵好足料架！而且齋聞都已經感受到果種青澀既芫茜味，芫茜控一定流哂口水啦🤤🤤食完麵再飲返罐可樂就最完美啦！

特製麻辣味噌拉麵 💲120加芽菜💲15超香濃豬骨湯底，因爲我唔食得辣所以要左無辣小麻。湯底 油而不*利*，飲多幾啖都唔會覺得卡住喉嚨，亦唔會有想飲水嘅感覺。麵質彈牙，條條都痴住湯汁入口。兩大舊半肥瘦叉燒，滿滿油香。最後仲加左大量芽菜，每一啖都有面/菜/湯，口感一流！增量叉燒💲35肉同拉麵果舊係一樣的，但係大舊好多！增量豆芽菜💲30睇住師傅炒到起哂花。乾身，有蒜味。食完仲想食多碟🤣大肉飯💲55都係大大舊肉，配上煮叉燒果個肉汁，多多飯都唔夠食！味玉💲15增量玉米荀💲30值得一提呢到對玉米荀，平時出面我唔中意食，硬係覺得有問題陣怪味。但係呢到果啲整到爽口仲好似整走埋果隻味。絕對好食！

鬼金棒喺日本係人氣拉麵店，主打麻辣味噌湯底拉麵🍜。美味子是日陪O先生食晏，就嚟試吓啦～😋 由於湯底混合多款辣椒煮成，美味子叫左個小辣麻辣味噌拉麵試吓味，原來都仲頂得住，早知都係挑戰辣啲啦，原來美味子未到極限😎；反之O先生食個唔辣嘅就食到流晒鼻水，非常sensitive, 辣唔辣真係因人而異啦🤷🏻‍♀️拉麵質地食落比較爽身有彈性，比一般拉麵粗同冇咁淋，美味子幾鍾意❤️湯底非常有料到，辣得嚟又鮮甜，豬骨湯底一定落左好多料同熬左好耐，好入味😋舊义燒真係非同凡響，慢煮义燒嚟嘅？！好有❤️！又厚又軟熟，同平時一片圓形嗰啲义燒好唔同，上面仲淋左d汁酸酸甜甜咁嘅味道同舊叉燒好match，真係好食😋成碗拉麵都係非常出色，感謝廚師既用心制作，感激食到咁美味嘅拉麵🤩 食完好想再食多次。有機會下次會再嚟挑戰更辣嘅拉麵🍜🔥Arigatōgozaimashita😋!

日本大有名氣的鬼金棒，進駐香港已有一段日子。店名有個「鬼」字認真唔少嘢，食過便知與辣有關。辣度你可挑戰有幾辣。我自問沒有這個勇氣，少辣少麻對我來說已是最好的辣度。只是芫茜拉麵末能滿足我的貪食，追加粟米芯，芽菜和蔥花。拉麵上枱就知有幾澎湃，嘩啦啦⋯⋯芫茜快滿瀉。湯底濃稠，味道辣辣麻麻，好開胃。麵條爽彈，吸湯力強。芫茜，芽菜和麵條混合一起，超級爽口，食得痛快。燒肉角煮非常軟腍，薄薄的油脂增添肉的香味。

天氣漸漸轉涼，更有點寒意，吃什麼好比吃拉麵更好？朋友知我想食拉麵便立即帶我過來，來到時一看 - 鬼金棒，真是型到爆，最特別的是這裡的拉麵可選擇無辣、小、中、大、鬼增...幾個級別，而且更是有麻又有辣，可自由配搭，真係可以食到一碗麻辣拉麵。店內走暗黑路線，以一個又一個的日式鬼怪面具及吊飾，令每一名食客入內，都感受到一種與別不同的鬼怪感覺。走型格路線當然都要快人一步，他們更以QR code下單，輕鬆又快捷；而拉麵以不同的口味作配搭麻辣味噌、味玉、豆芽菜、芫荽等....來到又點可以唔試下麻辣口味。增量叉燒X2 辣麻味噌拉麵朋友雖不吃豆芽菜、韮菜、玉米筍、但一點都不失其份量十足的霸氣，那大大份的角切叉燒，非常吸引。那經過慢煮的腍肥美，那麼大塊的叉燒都未曾看過，真係問你點頂？真係一食愛上！濃厚的湯底都滲進麵內，入口彈牙，口感十足。炒豆芽菜辣麻味噌拉麵 + 增量叉燒味噌拉麵來到時香氣撲鼻，那豐厚的香辣氣味真令人流哂口水，而且叉燒、炒豆芽菜、玉米筍的賣相更是一流。麻辣湯底，味道香濃，熱燙燙的，令麻辣的湯底更滋味。炒豆芽菜份量非常多，配上麻辣湯底一起，更是爽口惹味。那增量的叉燒真的非常

🇭🇰香港銅鑼灣謝斐道530號地舖🇭🇰G/F, 530 Jaffe Road, Causeway Bay, HK🌐銅鑼灣 🌐尖沙咀#MFJ銅鑼灣 #MFJ日本菜 #MFJ_CausewayBay #MFJ_JapaneseFood人均消費: HKD130味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆東京人氣拉麵，主打辣麻味噌湯底上次夜晚經過好多人排隊，今日晏晝去又無乜人喎👍🏻餐牌全部都係辣麻拉麵，但唔食辣嘅都可以揀唔辣嘅，有玉味拉麵，芫茜拉麵，叉燒拉麵等等本來想揀芫茜，結果都係未有依個勇氣😂⭐️ 增量叉燒辣麻味噌拉麵🍜$115我點咗小辣，其實一啲都唔辣唔麻！湯底超濃超杰！而且蒜味超濃，但一啲都唔咸，仲好好味添原來增量叉燒係大大舊厚切叉燒，好似食紅燒肉咁！叉燒慢煮一日，超稔超軟，一層厚厚嘅肥膏，每一啖都係罪惡感！可惜得一舊，如果有多舊就正了🤤拉麵屬粗，比較煙韌，亦好掛湯一！份量相對少，但有好多配料一齊食所以都夠飽我另外試咗啖唔辣嘅湯底，我覺得仲好味過辣味喎！一人加罐汽水，人均$130，我覺得湯底同叉燒都幾特別值得一試！

介紹返， 呢間係日本東京過江龍黎，主打係辣麻味嘅拉麵 辣係用特製唐辛子，而麻就係用山椒調製嘅香麻油順帶一提， 唔係特別鍾意食辣嘅朋友，呢間都好啱你食㗎， 我同朋友分別嗌咗增量叉燒(小辣小麻) ，同埋芫茜拉麵（唔辣唔麻）今時今日疫情嚴重，提供手機落單係指定動作啦，貼心位係佢仲畀埋圍裙你，等你唔使驚啲汁會彈落件衫度，可以冇後顧之憂咁樣享受美食。環境係open kitchen，間唔中見到啲猛火嘅火焰，都幾吸睛㗎👀我朋友好鍾意食青色食物，佢就嗌咗芫茜辣麻味拉麵，仲加咗啲玉米筍，芫茜多到嘩嘩聲食肉獸嘅我，當然係嗌咗增量叉燒喇,, 舊叉燒比起芫茜嗰個大咗成倍, 肥美軟腍，我諗應該係成日慢煮先做到呢個效果Overall 環境唔錯, 辣麻味好吸引，舊叉燒好令人回味，值得encore

其實第一次去食呢間野，見到網上傳呢到有莞茜拉麵。今晚終於忍唔住去試。本身自己係好鐘意食日本拉麵，加上有埋莞茜就更正，配的是麻辣味噌湯。叫小麻少辣的確唔辣，鐘意食辣既朋友仔可以大辣。另外個拉麵係粗身，同拉麵檔比較，佢係冇得揀軟硬度，麵質係適中偏軟；而味噌湯係調過，同正式拉麵檔比較，佢係比較少啲味噌份量。有人會覺得鹹得濟，但我覺得啱啱好，再濃啲都得。總結好味既，可以試下先。唔一定要加茜，原本既湯肉都係有口感~

今日出銅鑼灣睇耳環同聖誕禮物🎄🎁, 經過見到好耐無食嘅鬼金棒, 就諗起佢地層肥層瘦嘅叉燒🤤, 小妹又忍唔住入去食番碗拉麵😋! 增量叉燒辣麻味噌拉麵🍜（無辣無麻）朋友唔食辣, 於是叫左個無辣無麻嘅, 味噌湯依舊濃郁, 質感濃稠, 麵條彈牙掛到湯, 其實佢地最正嘅係叉燒, 因為係成嚿肉咁上, 增量版叉燒比一般嘅大約大一倍左右, 叉燒用左香料慢火燜煮過所以超級入味軟腍, 層肥層瘦, 肉質柔嫩, 油脂甘香, 入口即溶, 吸埋d湯更加正😋! 炒荳芽菜辣麻味噌拉麵🍜（中辣小麻）上一次食嘅時候已經覺得佢地嘅玉米荀同荳芽菜好好味, 所以今次小妹再嚟到係必食之一😋!玉米荀口感爽脆多汁帶微微火炙味, 炒過嘅荳芽菜清甜爽口惹味, 好有鑊氣, 極度建議追加!! 湯底味道濃厚，入口頭幾秒會試到少少甜味，之後辣麻嘅感覺會慢慢湧出嚟, 但依然食到叉燒同溏心蛋自身嘅味道! 中辣🌶對小妹嚟講唔算辣, 建議嗜辣/好食得辣嘅朋友仔可以試大辣, 或者挑戰鬼增😈👹! 肉碎飯🍚味道同鹵肉飯味道有d似, 不過醬汁味道相對較甜同惹味, 肉碎呈一絲絲狀, 口感柔軟又入味! 肉碎飯餸多飯多醬汁多, 非常抵食!

又嚟食麻辣拉麵可以Scan QR code用電話落單主打麻辣味噌拉麵我當然揀依款啦可以嗌得幾刁鑽都得我哋就嗌咗兩個拉麵同一個飯share食一上枱已經聞到好香特製麻辣味增拉麵 $120今次嗌咗中麻小辣走蔥走玉米荀講返個湯底先我覺得我試啱依到嘅味啦中麻小辣😍巧巧食中麻嘅麻香重得嚟又唔會太麻，搞個嘴唇痺到流口水😂而小辣對我依個清湯人嚟講就啱啱好少少辣令個湯有啲惹味，又唔會辣到食唔到今次嚟食 真係覺得個湯底一流至於個肉肉好厚切有口感有肉味，又入味個蛋又係真。流心好滿足🥺肉飯 $45雖然依到嘅拉麵份量都算係咁不過加多碗飯就更完美🤩可惜個飯嘅汁唔係好夠味撈湯食嘅話，質素就正正常常咁啦麻辣湯底嘅拉麵真係好出色

1️⃣⭐️芫荽麻辣味增拉麵- 小麻中辣⭐️ $110 (8/10)呢間芫茜拉麵湯底好濃，食到有薑同蒜味😋店員話如果想食辣就要由中辣開始，但中辣都唔算好辣，反而係香口😍一場嚟到緊係要加埋麻😗第一啖好似食緊麻辣米線，感覺好熟悉，但又幾夾🤤加埋大大大量芫茜起香口😍拉麵偏粗身，好煙韌，掛湯力一流👍🏻重頭戲係個整到好似東玻肉嘅叉燒😳大大舊舊，半肥半瘦，又好入味🤤2️⃣ 玉米荀味增拉麵 - 少麻無辣 $100 (7/10)食唔到辣又想試下麻嘅朋友都可以簡無辣少麻，可以食到麻嘅香口🤤玉米荀嘅量係多到驚人😳見到廚房一路炒緊啲玉米荀就知幾有火喉🔥食落仲好香口同爽脆🤤食埋個東玻肉，真係大滿足😍

鐘意食辣又中意食拉麵🌶🍜 #鬼金棒 肯定係首選鬼金棒係🇯🇵過江龍人氣拉麵店，賣點當然係夠辣，可自行選擇辣度 麻度，嫌唔夠辣可以額外加$15點鬼增(15%)Level ，除此之外仲有芫茜拉麵，會食芫荽同時又追求新鮮感既你可以叫泥試下😈半肥瘦叉燒 夠肥美🤤👏🏻肉質夠淋得泥又入味👍🏻 雞蛋同樣做到流心效果🥚，最歡喜係配菜有芽菜同粟米荀🌽，相對於其他拉麵店有個獨特既一麵，未食過絕對值得一試