鬼金棒

营业中

休息中

今日出銅鑼灣睇耳環同聖誕禮物🎄🎁, 經過見到好耐無食嘅鬼金棒, 就諗起佢地層肥層瘦嘅叉燒🤤, 小妹又忍唔住入去食番碗拉麵😋! 增量叉燒辣麻味噌拉麵🍜（無辣無麻）朋友唔食辣, 於是叫左個無辣無麻嘅, 味噌湯依舊濃郁, 質感濃稠, 麵條彈牙掛到湯, 其實佢地最正嘅係叉燒, 因為係成嚿肉咁上, 增量版叉燒比一般嘅大約大一倍左右, 叉燒用左香料慢火燜煮過所以超級入味軟腍, 層肥層瘦, 肉質柔嫩, 油脂甘香, 入口即溶, 吸埋d湯更加正😋! 炒荳芽菜辣麻味噌拉麵🍜（中辣小麻）上一次食嘅時候已經覺得佢地嘅玉米荀同荳芽菜好好味, 所以今次小妹再嚟到係必食之一😋!玉米荀口感爽脆多汁帶微微火炙味, 炒過嘅荳芽菜清甜爽口惹味, 好有鑊氣, 極度建議追加!! 湯底味道濃厚，入口頭幾秒會試到少少甜味，之後辣麻嘅感覺會慢慢湧出嚟, 但依然食到叉燒同溏心蛋自身嘅味道! 中辣🌶對小妹嚟講唔算辣, 建議嗜辣/好食得辣嘅朋友仔可以試大辣, 或者挑戰鬼增😈👹! 肉碎飯🍚味道同鹵肉飯味道有d似, 不過醬汁味道相對較甜同惹味, 肉碎呈一絲絲狀, 口感柔軟又入味! 肉碎飯餸多飯多醬汁多, 非常抵食!