鬼金棒

营业中

休息中

成日見到啲人話「鬼金棒」好食，但因為平時見到都full哂要等位，所以都無試到😂😂咁岩今日放假係銅鑼灣行完街，見無咩人等位就入左去試😋見到去間餐廳係好日式既感覺，牆身用返經典日式既黑、紅做佢既主色，仲有日式既裝飾品掛係牆上邊🥳同埋佢啲碗、匙羹甚至個牙籤筒幫印有佢哋自己餐廳個名係上邊，好有心思🫰🏻我哋叫咗一碗麻辣味噌拉麵，一碗增量叉燒x2麻辣味噌拉麵同一碗肉飯🤩🤩🤩🤩咁喺呢度食拉麵最好嘅就係可以自己揀辣度兼且麻度，唔鍾意食得辣嘅人就可以嗌辣，而好似我咁唔食得辣嘅人就可以淨係叫麻🥳麻辣味噌拉麵⭐️⭐️⭐️⭐️呢一碗拉麵我係叫左唔辣唔麻，想試吓佢本身個湯底味道係點樣。咁拉麵嚟到之後，個賣相都幾吸引嘅，因為可以望到佢個湯底有好多配料喺度，分別有蒜，蔥花同埋洋蔥喺入邊，所以個湯底都好濃好夠味道👍🏻而個拉麵既質地軟硬適中，唔會偏硬亦都唔會偏軟，好彈牙👍🏻跟住舊叉燒係同平時出邊食開嘅拉麵鋪唔同，佢唔係一片片嘅叉燒，而係一嚿嚿嘅叉燒😂比出邊嘅拉麵舖大好多😍佢嘅叉燒大嚿到好似成舊五花腩一樣，好有咬口😋😋仲要食落嚿肉唔會好硬身，唔會啲肉絲攝喺牙罅度，因為真係好鬆軟，入口即溶咁🤩🤩🤩跟住仲有佢個流心蛋都好好食，咬開一

之前第一次喺尖沙咀搵到呢間，因為唔知道個辣度去到點，所以簡左小辣小麻第二次挑戰就嘗試中辣排左大概10分鐘内就有位啦😮‍💨今次喺銅鑼灣分店簡左中辣中辣，感覺上同上次差唔多，所以就叫左店員再額外加辣，不過辣椒粉加重左個苦味，睇嚟下次應該叫大辣😂湯底濃郁，最值得讚賞係個流心蛋，及晒個湯濃郁嘅味道呢個真係好正，叉燒唔係平時一般拉麵食到薄切叉燒，係一個厚燒嘅叉燒，好入味而且唔鞋，一咬就分開😙👍🏻

-鬼金棒-@銅鑼灣.門口大大枝鬼金棒係度，好易認。日本黎的拉麵鬼金棒，特式係客人可自選湯底的辣度同麻度，唔食得辣的走麻走辣都得。.店門唔算好大，有BAR枱同普通枱，自助QR落單。店員會為每個食客準備即棄圍巾，以免湯汁彈到，細心位加分。.特製麻辣味噌拉麵 (中辣/ 中麻) ($120)另加蔥花 ($15).見到2件大大舊的叉燒真係好衝擊，同一般日本叉燒唔同，哩度的叉燒係厚厚的五花肉，一層肥一層瘦，以為食落會好油膩，但真係完全唔會，只會覺得係入口即溶，但冇滿口油的油膩感。無論口感、肉質、味道都一流，必食。.湯底好厚，因為另加蔥花，滿滿的超細洋蔥粒，令到個湯底味道同口感都更豐富。對我黎講中辣唔夠辣，但好夠花椒同香料的麻香味。.流心蛋用左蛋黃偏紅的蛋，蛋味都好香，超流心。.拉麵軟硬度剛好，好煙韌又勁掛汁。.辣麻味噌拉麵 (小辣/走麻) ($90)另加味玉 ($15)走麻的湯底味噌香味較濃。.增量荳芽菜 ($30)估唔到有咁大碗芽菜，勁爽口多水，唔放入湯就咁食都已經好夠味。

麻辣同日本拉麵嘅結合竟然係咁正嘅銅鑼灣呢度有一間好方便嘅拉麵小店。雖然舖位唔大但係都會可以做到同其他台有一定距離坐得都唔算話好迫！我哋嗰日3:00左右去到食，但係舖頭都keep住有好多人入嚟食差唔多坐滿。冇諗過唔係食飯時間都會有咁多人嚟食！睇嚟應該真係好食啦！炒豆芽菜味噌拉麵我自己好鍾意食爽口嘅嘢所以就叫咗呢個炒豆芽菜拉麵。呢度呀超級足料有成半個碗咁多。仲要每一條都及吸滿晒佢濃濃嘅湯汁。食落口超爽爆汁！湯底係好濃郁嘅味噌豬骨濃湯。加埋一啲好彈牙嘅拉麵簡直係食唔停。梅窩面仲會附送一粒流心蛋同埋滷叉燒。兩樣嘢都好高質好入味！增量叉燒麻辣味噌拉麵上一碗食咗唔辣嘅 另外一碗就叫咗麻辣味嘅！好少地方食拉麵又得叫埋麻辣！可以解一解我哋嘅麻辣癮。佢仲可以揀大中小辣/麻！辣得來好麻嘅湯汁真係令我哋食極都食唔停！餐廳每一張枱都會有一壺凍水。坐吧枱仲會自己自大一個出水位俾你去裝水飲真係超級貼心。落單嗰度係可以自己手機order。咁就算店員好忙都好，你都可以好方便咁樣落到單仲可以自己揀埋麻辣嘅程度！走青都走得方便啲！平時如果喺佢附近返工嘅話，想食拉麵又想食麻辣嘅一定要嚟呢度啦！

終於食到傳說中嘅莞荽拉麵啦之前一直都好想食 但因為之前仲係有陣莞荽熱潮 太多人黎朝聖 所以每次都唔想等咁耐就放棄今日趁住平日黎碰下運氣七點到黎到 好好彩仲有最後兩個位佢個位置係世貿對面 入到去就唔係傳統用紙落單而係用較環保嘅qr code落單方法黎之前我其實係想試佢新出嘅沾麵但可惜係已經賣晒所以就叫左1）莞荽辣麻味噌拉麵依到唔同平時嘅拉麵店 無得揀麵種/麵嘅軟硬度，都係統一嘅粗麵，麵質偏硬而比其他拉麵店細心嘅係除左可以揀辣度外，仲可以揀麻度由於未試過依間鋪嘅辣度，所以先試小辣小麻。感覺似譚仔10小辣，下次會試下中辣而肉方面係厚嘅豬腩肉 淋而不膩2）增量x2叉燒辣麻味噌拉麵辣度同麻度一樣係叫左小辣小麻湯底食落其實同第一碗差唔多 只係少左莞荽嘅香味但肉就真係差好遠我地仲每人追加左隻蛋但唔記得切開黎影佢入面個蛋黃係非常紅 亦做到半熟嘅效果

每一次行經呢一間👺鬼金棒👹都會俾佢既門面吸引住。今日終於去研究佢個Menu！原來呢間餐廳係專門食火辣辣既麻辣拉麵🌶🍜!同行朋友唔食辣，差啲拉我走～其實湯底方面係有得揀🟢無辣同埋無麻🟢！連唔食辣既朋友都照顧到，咁我地今次就試下佢啦！🤤餐廳門面比大門口更得意，有返左鄉下既感覺🙈。我地係用QR code落單，俾大家睇下，真係可以揀 無麻 無辣！呢度環境咁日本，我地連飲品都飲豪啲😝今次第一次試呢間餐廳～食得辣既我都特登叫 小麻+小辣 既👹辣麻味噌拉麵🌶。拉麵包埋：叉燒 粟米筍 芽菜我再額外加多左一粒味玉呢粒味玉真係冇加錯，又香又軟，你睇下蛋黃既顏色幾靚 🙈🙈朋友就叫左🌟增量叉燒辣麻味噌拉麵🌟一上菜果時「嘩！」左出黎，原來叉燒唔係以一塊塊，而係一大舊既形式呈現出黎 🙀舊叉燒足足有我隻手咁長，仲要極厚！ 好似平時煲湯一大塊豬展咁😂😂😂 不過叉燒煮好淋！入口即溶，有quota嘅真係唔怕食😛再黎一粒100分既味玉～好圓滿既一餐呀！拉麵爽口彈牙同時好掛湯。我碗麵最後都食唔哂🙈呢個就係我地既order 啦！下次再幫襯，我會想試中麻中辣既芫荽味噌拉麵！ 大家記得點都要食佢既味玉呀！100分推介！

個人係芫荽控特登同朋友去鬼金棒銅鑼灣分店試試芫荽拉麵🍜QR Code落單好方便，唔洗幾分鐘就上齊兩碗麵😁 芫荽辣麻味噌拉麵+味玉溏心蛋 $110 + $15揀左小辣小麻，滿滿的芫荽蓋哂成碗麵，粗身的拉麵好彈牙麻辣度剛剛好，湯底超濃郁，同芫荽出其地夾，叉燒厚厚的一塊，仲有層油脂，肥瘦肉連埋芫荽一齊食好滿足🤤溏心蛋係食拉麵必備，半熟流心的蛋黃蛋味濃郁，蛋白滑嫩辣麻肉碎拌麵+增厚叉燒 $100 + $35肉碎好香口，好惹味拌麵的麵條較粗身，好彈牙又煙韌，叉燒好大份，一碗食落肚超飽

鬼金棒出名食麻辣拉麵，呢日同朋友一齊好想食辣嘢， 入咗呢間試吓🥰🍜特製麻辣味味噌拉麵 $120呢間餐廳嘅拉麵全部都有得自選辣度同埋麻度，呢碗個湯底揀咗小辣小麻，唔算太辣同太油，食落好惹味🤣 啲拉麵都好有咬口，每條麵都掛到啲湯汁🥺 配料方面有一隻溏心蛋、粟米筍同芽菜，溏心蛋夠流心，粟米筍爽脆，芽菜份量都幾多，可以解膩😉 嚿叉燒大大嚿，雖然好厚但煮到好淋，所以輕輕一咬就咬開咗😍 🐷增量叉燒辣麻味噌拉麵 $115呢碗叫咗小辣同中麻🤪 個湯底唔會太辣，加重咗麻嘅感覺真係好正～ 不過比起小辣小麻個湯底就會油少少🌶 增量咗啲叉燒有兩大舊，肥瘦層次好分明，口感啱啱好，而且索晒啲湯，鍾意食叉燒嘅朋友唔好錯過😆呢度嘅拉麵大大碗，而且配料比得一啲都唔孤寒，對得住價錢😝 餐廳仲好貼心準備咗口水肩，着白色衫都唔怕啦😎 小編同朋友平日嘅晏晝嚟食唔使排隊可以直入🤩 鍾意食辣嘢嘅朋友可以試吓呢間🥳-味道: 8.5/10服務: 9/10環境:8/10回頭率: 8/10總評: 8/10💰人均消費: $120

上次試咗尖沙咀分店、今次去開銅鑼灣、當然要去鬼金棒朝聖吓。室內擺設簡簡單單、好有日式店feel、幾特別、面積不過比尖沙咀舖畧細。店員安排兩人枱、點餐是用QR code、嗌了芫茜麻味噌拉麵、另外一個係增量叉燒味噌拉麵、味玉兩隻。芫茜麻味噌拉麵係小編嘅至愛、之前吃過念念不忘、最鍾意係勁多芫茜、離遠都聞到陣陣的芫茜味、好適合芫茜控人仕去食👍增量叉燒麻味噌拉麵、大大塊2件叉燒、份量十足、超多芽菜、湯底濃郁、麫質地彈牙、一吃難忘🤩玉子即温泉疍、吃起來滑順同清爽、配麫食一流👍食拉麵配上冰凍汽水、直情系绝配。

請同事食生日飯，佢話想食拉麵， 又知佢鍾意食銅鑼灣嘅鬼金棒， 咁一於就食呢間東京過江龍麻辣拉麵店啦。12:45pm 到場， 都坐滿9成人， 連吧枱都坐埋， 最後一張2人枱都比我地坐埋， 生意好返好多了。特製麻辣味噌拉麵， 先飲頭啖湯， 湯底麻辣味非常香濃， 唔會死辣， 隻溫泉蛋煮得剛剛好， 蛋味香， 重有蛋汁流出。义燒有3件 (+增量), 肥瘦適中， 肥膏位又香又滑， 入口即溶咁， 非常好食。增量义燒辣麻味噌拉麵， 一條义燒都霸左半隻碗， 份量超多， 义燒好軟好滑， 軟綿綿一樣， 要整到咁林， 一定花好多時間。 另外， 麵底似伊麵底， 扁身較林較軟， 同平時食開嘅拉麵唔一樣。

今日約咗朋友喺銅鑼灣食lunch，帶咗佢去呢間拉面店鬼金棒，之前喺尖沙咀都食過，今次就喺銅鑼灣世貿對面，地理位置超方便，12:15左右去到，店入面已經坐左3枱左右，仲剩返兩張枱位，之後就係吧枱，我哋方便傾偈就揀咗枱位，去到12:45左右已經全場爆滿，出邊仲要等位。之後就係掃QR code點餐，因為我哋兩個食量都比較大，一個就揀咗增量叉燒x2辣麻味噌拉麵，另一個就揀咗增量叉燒辣麻味噌拉麵加玉子，因為朋友唔食辣，佢當然就揀咗冇辣味，我就揀咗小辣小麻，嚟到增量叉燒真係好大份，同埋肉質入口即溶，佢個面底係適中粗度，未去到粗麵咁飽，但又唔係一蘭嗰種幼面冇乜口感，我個人幾鍾意呢一隻面，另外值得一讚嘅係佢粒糖心蛋，真係做到糖心效果，連少少湯底一齊食感覺非常之正，因為我碗麵加咗辣嘅關係，食到一半就忍唔住嗌埋兩罐汽水，最後埋單都係$150一個人左右，喺銅鑼灣食到咁高質嘅拉麵價錢又唔算貴，朋友都話會再介紹人哋嚟。

星期五晚又係周圍搵好野食嘅Best timing，今次同朋友揀左呢間日式拉麵店鬼金棒，聽個名都feel到會係重口味嘅拉麵。我地一行二人，好快就搵到座位，店內環境同一般拉麵店差唔多，都係長長窄窄咁，個子高大嘅朋友或者會坐得無咁舒服；另外，有一點令我失望嘅係：店內無籃子提供，我地嘅隨身物品又唔可以放喺自己張凳(無凳pan)同隔離凳(有其他食客)，所以只可以放落地下，成件事都幾污糟......如果佢可以參考其他食店咁：要人搭枱嘅同時亦能夠提供足夠嘅儲物空間俾食客，咁客人嘅感觀一定好好多，唔使食得咁辛苦。食物方面，我嗌左一份味玉辣麻味噌拉麵，拉麵無得揀軟硬度，份量充足，叉燒夠入味；配菜有溫泉蛋(味玉)、玉米筍、豆芽菜等等。整體嚟講，湯底偏油偏咸，麻味已經揀左中麻但略感不足，可能俾辣味遮蓋左；最令人驚喜嘅係味玉，顏色鮮紅，蛋味超濃郁，值得一試！缺點嚟講：價錢偏貴($100)，外面有唔少高質拉麵店都做緊兩位數價錢嘅反襯之下，更顯得呢間拉麵店性價比低。

今次已經係我第二次嚟呢間食拉麵😍 一直對佢個叉燒念念不忘😋 可惜今次佢電子落單壞咗，用手寫單，所以比漏咗增量叉燒，不過原本拉麵入邊嗰舊叉燒都幾大嚿嘅😉 【玉米筍辣麻味噌拉麵】$100我唔食得辣，所以叫咗個無辣小麻， 呢度好貼心可以選擇唔同辣度同麻度😉 就算叫唔辣湯底，都好濃郁，有少少麻味， 好易入口，啱唔食得辣嘅人😋 而且佢分量都幾多，有七八條玉米筍同埋一舊厚切叉燒，正 😆【特製麻辣味噌拉麵】$120朋友食到少少辣，所以叫咗小辣小麻， 朋友覺得有少少辣嘅湯底仲有層次，仲有隻糖心蛋😆【Coke Zero】$15

呢間店鋪係尖沙咀同銅鑼灣都有分店 今次係銅鑼灣食 有Bar枱或普通座位選擇坐☺️餐廳主打辣麵 並有得自選辣度及麻辣度 鍾意食辣既就可以去挑戰下 吾食得辣都可以走辣架🌶✨味玉辣麻味增拉麵 ($100)呢碗簡左小辣中麻 食落辣味不太重 下次可以試下中辣 湯底味道鹹淡適中 而麵質煙韌有咬口🤤份量亦很足！而味玉超流心 中間仲係橙色蛋黃 十分香🤍另外配有叉燒 呢到既叉燒好好似厚切 並吾係平時拉麵嗰種薄叉燒 會更有咬口✨增量叉燒辣麻味增拉麵 ($115)簡左小辣小麻 而麵質及湯底同上面介紹果碗一樣 唯一不同的是呢款既叉燒係增量版 更大舊同更厚肉 叉燒仲好軟淋 索哂湯汁好香濃🥰

一直唔係太鍾意食拉麵嘅我，今日朋友叫我試吓食呢間，因為佢之前食話話好好食，所以我今日就黎試吓，點知估佢唔到又真係好好食😍話明鬼金棒所以都以日本嘅鬼神為主🤣當日去到都full哂，上面都有好多鬼神面具特製麻辣味噌拉麵小麻小辣 $120拉麵有溏心蛋,叉燒,玉米筍,芽菜。味增味非常濃郁,但係又唔覺得好鹹,同埋有少量花椒，香得來黎唔會太搶。而拉面係較粗嘅麵條,食落好彈。叉燒方面用左厚切五花腩見瘦分明,雖然唔算話好入味但就好腍。麻辣味噌沾麵小麻小辣 $100沾麵湯汁會比較濃厚,又唔會過鹹,因為拉麵比較粗身食落有少少似食緊麻辣米線。味玉 $15糖心蛋唔算入味但蛋味好重又好流心。