鬼金棒

营业中

休息中

⚠️可能有点腻！🍜家楼下主打香菜麻辣味增拉面的一家店！点了一份小辣中麻➕叉烧增量➕面➕溏心蛋的拉面，吃到最后果然有点腻。🌶️首先，很钟意以麻辣风味尤其是麻为主题的拉面店，麻辣程度可以定制，麻来自Shasho Pepper，希望下次鼓起勇气试试变态麻！其次，增量的叉烧，是一整块的叉烧，肉质软嫩，入口即化，有一种一秒钟回到日本街头拉面店的感觉。溏心蛋依旧是我的最爱，一口下去流心的感觉不能更赞。最后，他们家的面份量还是很足够的，汤底也十分浓郁，点到为止恰到好处即可，要不然容易吃丁到起。

👺 鬼 金 棒 ᴷᴵᴷᴬᴺᴮᴼ #銅鑼灣以麻辣湯底為賣點嘅拉麵店真係好少有而且辣度同麻度可以分開選擇勇者可以另外加錢試鬼增麻/ 辣食得辣嘅建議可從中辣中麻開始～⊱ 辣麻味噌拉麵 + 增量叉燒 ( ᴴᴷᴰ 150 ) ⊰湯頭因為用上味噌所以食落比較厚身, 麵就偏硬但夠曬掛麵; 增量叉燒係兩塊超厚身嘅叉燒, 肥瘦參半, 食落滿足感UPUP!⊱ 辣麻味噌沾麵 ( ᴴᴷᴰ 135 ) ⊰沾麵也是毫不遜色, 湯底相對濃味, 將麵浸到湯底再吃也能吃得滿足; 當然麻辣湯就唔建議加湯飲啦哈哈

同朋友都係拉麵愛好者，於是一齊試下呢間日本過江龍拉麵店 — 鬼金棒一入到餐廳就好似置身於日本拉麵店咁，而且更展示左各種鬼怪面具同擺設，設合店名鬼金棒既主題。拉麵店主打麻辣味噌拉麵，客人可以自行選擇自己想食嘅辣度同麻度。除咗拉麵之外，更有飯、拌麵同埋沾麵等等。餐廳好細心，預備左圍裙，驚客人食拉麵既時候整污糟件衫。炒豆芽菜麻辣味噌拉麵(追加味玉，小麻小辣)拉麵係即叫即整，份量都幾多幾足料，先講講湯底，濃稠度適中，揀左小辣小麻，唔算好辣，唔太食得辣既朋友就岩哂，好香味噌同麻油既味道。叉燒大大嚿、半肥瘦，肥瘦分明，口質軟腍入味。拉麵比較粗身，食落有咬口，煙煙韌韌，而且好掛汁。豆芽菜既份量好多，新鮮爽口。味玉辣麻味噌拉麵(追加粟米荀，小麻小辣)粟米筍有好多條，爽口而且新鮮清甜。味玉都好正，中間係糖心，蛋香味濃郁。同朋友一致認為叉燒好正，於是encore，追加多份叉燒，推薦！食辣野又點少得配汽水，絕配！

彈牙大大碗拉麵，日式叉燒控值得一試～～～天氣凍令人好想食拉麵，今晚黎到SOGO行街之後，就嚟咗附近嘅呢一間人氣拉麵店食dinner🍜。～～～餐廳裝修好別緻，麻雀雖小，卻是周圍都有打卡位，而且吧檯上面有自助加水位，好方便。同大部份嘅拉麵店一樣，餐牌味道選擇唔算太多，不過佢哋餐點就非常有個人特色。～～～叫咗兩款拉麵試下，玉米筍辣麻味噌拉麵同埋增量叉燒x2 辣麻味噌拉麵。辣嘅程度同埋麻嘅程度都可以自己揀，可以迎合到唔同客人嘅口味。拉麵一上枱就聞到濃濃嘅香味，紅紅綠綠的一片，加上大大舊肉🥩，非常吸睛。～～～麵質非常彈牙，而且帶有麵粉香氣，咬口十足。熱辣辣的一碗令人暖上心頭，爽脆芽菜，外嫩內流心嘅味玉，香甜玉米芯🌽，入口味道豐富，而且份量十足，好大方，男仔食都非常夠。～～～餐廳：鬼金棒 地址：銅鑼灣謝斐道530號地舖

銅鑼灣呢間拉麵店即係長期人氣成日去到都要排隊，今次同朋友行街行咗一陣見到門口冇人等位先行到入去主力嘅一定係麻辣味噌拉麵，仲有好多款俾你揀，今次我就揀咗一款特製麻辣味噌拉麵特製嘅意思就係增量嘅叉燒，千祈唔好以為叉燒，只係平時好薄嗰一種。而係好厚肉嘅半肥瘦叉燒，用咗特製嘅醬汁加埋味噌拉麵嘅湯底真係幾正。第二款朋友叫咗沾麵黎食，估唔到都幾有驚喜湯底，比起拉麵濃多少少感覺濃稠一啲。而且個沾麵嘅湯底都夠熱所以食落去都幾正，加埋版就真係完美。因為棉質比較粗，所以掛湯能力都幾高，加埋其他配料嚟食都真係唔錯食麻辣拉麵點可以唔飲嘢，可樂肥仔水是必須的成間拉麵店嘅氣氛都好好，而且好有feel。而且上菜嘅速度都幾快，如果有機會可以試埋佢個飯到咗味增嘅醬汁同埋肉碎都真係唔錯，強烈建議可以將個飯加埋味噌湯嘅拉麵汁一齊食，嗰種湯飯嘅味道真係超正

今日同朋友行開銅鑼灣經過世貿大廈個天又凍凍地想食有湯既野之前食過尖沙咀個間幾好所以就帶朋友過嚟試吓辣麻肉碎拌麵(小辣, 小麻,)$115事關朋友唔食得太辣所以叫左個小麻小辣，個拌麵俾我想像中好食啲肉碎好香芽菜係煮過嘅芽菜好值得一讚個味玉真係好好食拌麵超正⭐️⭐️⭐️⭐️⭐️特製麻辣味噌拉麵(小辣, 小麻)$135淨係條粟米仔就已經睇得出好有心機碗麵擺得好靚，賣相好好個特制叉燒煮得好入味，好軟個湯底好濃味⭐️⭐️⭐️⭐️⭐️味玉$15⭐️⭐️⭐️⭐️⭐️味玉好正，忍數唔住同朋友一人加多左粒🙈

霸氣麻辣拉麵店香港人飲食習慣愛好濃味嗜辣每個月總有一兩日想食碗熱騰騰既拉麵消消悶氣鬼金棒拉麵自由選配多種配料 辛辣麻辣 分5級不嗜辣者都可以選初級體驗下辣味帶來既興奮快感味玉辣麻味噌拉麵眾所周知成碗拉麵既主角之一就係溏心蛋流心蛋黃6分熟入口即融鹹香蛋黃汁徘徊係口腔入邊拉麵非常掛汁入味大大舊既五花肉脂肪層分明食到製作人用心炆到軟淋既每啖心機值得一讚！麻辣味噌沾麵今次叫左小麻小辣食唔到辣既朋友都推介試下有微微辛辣既香味湯底非常濃厚肉嘅油脂鋪滿湯面層一啖吸入掛上湯汁既拉麵 爽！唯獨食到最後會有啲油膩感見議沾麵配日式茶會比較解膩是香港極致拉麵麵店之一！

這間拉麵店是專吃辣的拉麵。麻和辣的程度可以分開選。店內有很多鬼面和鬼金棒👹。我們點了兩個麵。麻辣味噌沾麵配玉米筍和增量叉燒這個沾麵我選了小辣和中麻。因為我叫了小辣，所以不是很辣，是BB辣的等級。中麻就剛剛好。感覺到麻的感覺但又不會太過麻。沾麵的麵和餸是分開上的。叉燒有1.5大舊，份量非常足夠。舊肉雖然大，但很軟熟。個沾麵醬比拉麵既湯底濃很多。喜歡吃濃的朋友應該會很喜歡。另外，玉米筍是分開上的。應該有十條或以上。增量叉燒x2麻辣味噌拉麵這個我選了少辣和少麻，因為點了小辣的關係，食落個湯不算辣和麻，兩大塊叉燒真的很好大，好好味同好滿足。這個份量大食的朋友都會很飽。拉麵會比沾麵辣。所以小辣對我依啲食得唔辣嘅人，就剛剛好。

呢間位於世貿附近既拉麵店相信都唔需要介紹😎，門口就有枝鬼金棒好易認。見朋友幾推薦呢間既拉麵，今日準時放工一於去試下。去到未到7點，唔使等位，食完出黎就排晒長龍😱。位置雖然唔算大，但紙巾、水呢啲都有提供，仲有埋圍裙，好貼心😍。🔅增量叉燒x2 辣麻味噌拉麵 ($135+$15味玉)揀左中辣小麻，唔好睇個湯咁深色，其實啱啱好😝，係日式既辣度同麻度😝。叉燒肥瘦相間，比例啱啱好，比普通叉燒厚好多但好入味👍🏻。麵條偏粗硬身，份量仲好多，正常女仔食量係食唔晒🙈。🔅辣麻味噌沾麵 ($100+$15味玉)呢碗朋友叫左揀左小辣無麻，佢仲怕好辣所以無撈晒啲辣粉😝，可以自己再調較下辣度。沾麵濃而不膩，唔係得個鹹字😎。沾麵既麵最緊要夠掛湯，呢間都唔錯👍🏻，又夠爽口彈牙。味玉好香蛋味，流心好正🤤。🔅無糖可樂 ($15)💬拉麵同沾麵都幾滿意，如果有埋餃子、炸物呢啲小食就好啦🥺。

❀特製麻辣味噌拉麵（小辣小麻）$120有齊流心蛋、芽菜、粟米筍同埋2 件肥叉燒。拉麵有咬口彈牙，幾吸湯。溫泉蛋確實必食，流心呈深橙紅色，似鹹蛋黃色😝❀增量叉燒x2 辣麻味噌拉麵 $135 + 溫泉蛋 $15食肉獸最適合，有2 大件厚叉燒，肥瘦均勻。麻辣味同酸菜魚湯有區別，油份充足，keep住湯熱度。麻味唔算好出，下次可以叫中麻増量豆芽菜 $30坐係Bar檯見到師傅炒芽菜on fire ，真係好有鍋氣，加左一大碟芽菜全部清晒🤣🧡𝑳𝒊𝒌𝒆 & 𝒇𝒐𝒍𝒍𝒐𝒘 𝒎𝒚 𝑰𝑮 @annasan.cat

同朋友行完街, 天氣又勁凍～ 見到有間日式拉麵店～ 食過暖笠笠拉麵暖下個身先! 見到佢地既拉麵有分辣度同麻度～ 岩晒我呢d又要食d辣但又唔食得太辣既人❣ 莞荽辣麻味噌拉麵 $110見呢到推介莞荽辣麻味噌拉麵, 一於試下～ 我揀左小辣, 無麻～ 一大舊叉燒, 超林呀～ 內面有芽菜,玉米粟, 大量莞荽, 青蔥,花生碎等配料~湯底好濃， 加埋莞荽！ 令到個味道更惹味❣ 增量叉燒辣麻味噌拉麵 $115個增量叉燒辣麻味噌拉麵揀左小辣，小麻加埋小麻 令到味道好出～ 同埋食到暖笠笠拉麵爽口彈牙～ 完全唔覺得食落好林加埋佢塊增量既叉燒， 勁厚肉呀 又林又入味真係第一次係拉麵店食到咁厚嘅叉燒忍唔到再另加！ 另加： 增量叉燒 $35超厚既一大舊叉燒～ 半肥瘦既五花肉😍😍😍😍 好邪惡呀！ 又勁林 入口一咬就溶咁🤤🤤❣飲品：可樂 x2 $30食完熱辣辣嘅拉麵加上辣辣地 點可以唔飲番杯可樂爽下🤩 飲完都唔覺凍 因為成大碗暖笠笠拉麵P.S. 呢度好貼心㗎～ 有圍裙提供, 唔使食到整污糟晒啲衫🤪

鬼金棒的辣與麻可以分開自選，就算不能受辣，都可以選擇麻的程度。鬼金棒的裝修運用紅與黑兩種強烈對比色。鬼面具、鬼公仔加狼牙棒，再加上播著打鼓聲，感覺很日式。增量叉燒x2辣麻味噌拉麵鬼金棒的增量叉燒很厚的一大條，有點像中式的東坡肉，燉得軟滑甘香，入口鬆化。友人點了中辣中麻，味道剛好，不會辣得流汗。炒豆芽菜辣麻味噌拉麵此碗拉麵叫了無辣小麻，真的只有小小麻味。另加玉米荀及味玉，玉米荀份量不少，用大火炒過，迫出水分，增加香氣，入口清爽宜人。味玉蛋黃色澤橙紅，真正流心，濃杰黏口。鬼金棒的拉麵粗身帶曲，入口非常煙韌，配上帶蒜味濃湯，寒冬食用確是感到全身溫暖。

今日約咗朋友食晏，佢話帶我去食啲好特別嘅嘢，原來係麻辣版拉麵，又真係幾新奇！我都未試過😯呢度應該係屬於少數除咗拉麵都有細碗飯提供嘅日式拉麵店，一家大細嚟都唔驚唔啱食👍👅增量叉燒味噌拉麵 (小麻小辣)叉燒比較似五花肉，肥瘦梅花間竹，脂肪入口即溶🤤拉麵粗身彈牙👍👅芫荽中麻小辣味噌拉麵加味玉湯底可以自己揀麻辣程度🙌🏻個人認為中麻小辣係完美😎本身都好熱愛芫荽，食落好香，呢種麻辣湯底但係配溏心蛋加日式拉麵好有川菜fusion日本菜既感覺，好特別😂呢個新穎嘅配搭特別得黎都幾好食，有驚喜！😁

今日同朋友嚟到鬼金棒呢間拉麵店，店舖裝修用咗，日本惡鬼做主題好有特色👹，另外係用qr code嚟落單，餐廳主打麻辣拉麵，而且有5️⃣個級別嘅辣到比你揀。增量叉燒辣麻味噌拉麵 (小辣，小麻) $120叉燒有兩大舊，唔係平時食開圓形好薄身嗰款嘅叉燒，而係厚切五花腩，叉燒有少少肥膏食落軟淋淋好嫩滑，味玉做到好唐心嘅效果，拉麵比較粗身，麵質比較硬，食落幾彈牙，湯底好濃郁帶有小小麻辣味，鍾意食比較濃味嘅朋友仔可以試下，加咗小辣好惹味。特製麻辣味噌拉麵 (無辣，無麻) $130湯底好濃郁嘅麻油香味，加咗粒味玉$15，仲有一大舊叉燒、芽菜、玉米筍，芽菜好掛湯，連埋拉麵一齊食好有口感。

小時候不喜歡吃芫荽，長大後不知何時喜歡上了，仲係瘋狂地喜愛。自從遇見呢間拉麵店，得知有芫荽拉麵，大大碗鋪滿整碗，久不久就來幫襯。 店內裝潢都非常特別，牆上掛滿面具，還有鼓聲，好有氣氛。今日食炒豆芽菜辣麻味噌拉麵，追加了芫荽。味噌湯底，要求少辣，濃稠而惹味。麵條有韌性，吸湯力不錯。芽菜和芫荽增加了嚼口感，每嘴嚼一口那芫荽香就表露無遺！义燒亦是極品，大大件，肉質非常軟腍，有點似豬軟骨的口感，滋味得令人難忘。