影片
更多
2021-10-13
35 浏览
🍴 𝐓𝐚𝐬𝐭𝐞：𝟖/𝟏𝟎 🙋🏻♀️ 𝐒𝐞𝐫𝐯𝐢𝐜𝐞: 𝟔/𝟏𝟎呢間鬼金棒係日本有☠️死神拉麵店稱號，過江龍嚟咗香港開店，主打麻辣味噌湯底嘅拉麵店，鋪頭用嘅味噌係日本店直送到港再配合熬咗8小時的湯底調製，今次嚟咗尖沙咀分店試吓´•.̫ • `湯底有分🌶五種麻度同辣度選擇：「大麻大辣」，「大麻小辣」，「小辣小麻」等等⋯自由配搭，任君選擇|'ᴗ')而最犀利嘅鬼增級更加係用咗健力士世界紀錄裡面最辣嘅卡羅萊納死神辣椒，聽到都辣😰。另外，餐廳係會以唔同顏色嘅碗代表返所揀嘅辣度：⚪️白色＝走辣，小辣，中辣🔴紅色＝高級辣⚫️黑色= 鬼增級辣今次我哋分別叫咗兩款唔同味道試吓。呢度麵條係粗身麵條，幾煙韌但如果喜歡食軟身麵嘅朋友可以叫佢煮淋啲，因為個人一向喜歡偏軟身啲嘅拉麵，就覺得有小小偏硬，可以再爽彈少少。🔹味玉辣麻味噌拉麵 - 小辣小麻 🤏🏻🌶：小辣小麻當然唔算係好麻辣，但就非常惹味濃郁，有啲似濃郁版嘅擔擔麵，小小麻辣，食落好過癮，唔係好食到辣嘅朋友適合叫呢個，已經相當滿足又唔會辣到嘴都腫曬😚！叉燒都係好軟淋又入味，肥瘦適中。溏心蛋外面熟透，裡面流心，掌握得好好。🔹增量叉燒辣麻味噌拉麵 - 中辣中麻🌶：呢個係
🙋🏻♀️ 𝐒𝐞𝐫𝐯𝐢𝐜𝐞: 𝟔/𝟏𝟎
呢間鬼金棒係日本有☠️死神拉麵店稱號，過江龍嚟咗香港開店，主打麻辣味噌湯底嘅拉麵店，鋪頭用嘅味噌係日本店直送到港再配合熬咗8小時的湯底調製，今次嚟咗尖沙咀分店試吓´•.̫ • `
湯底有分🌶五種麻度同辣度選擇：「大麻大辣」，「大麻小辣」，「小辣小麻」等等⋯自由配搭，任君選擇|'ᴗ')而最犀利嘅鬼增級更加係用咗健力士世界紀錄裡面最辣嘅卡羅萊納死神辣椒，聽到都辣😰。
另外，餐廳係會以唔同顏色嘅碗代表返所揀嘅辣度：
⚪️白色＝走辣，小辣，中辣
🔴紅色＝高級辣
⚫️黑色= 鬼增級辣
今次我哋分別叫咗兩款唔同味道試吓。呢度麵條係粗身麵條，幾煙韌但如果喜歡食軟身麵嘅朋友可以叫佢煮淋啲，因為個人一向喜歡偏軟身啲嘅拉麵，就覺得有小小偏硬，可以再爽彈少少。
🔹味玉辣麻味噌拉麵 - 小辣小麻 🤏🏻🌶：
小辣小麻當然唔算係好麻辣，但就非常惹味濃郁，有啲似濃郁版嘅擔擔麵，小小麻辣，食落好過癮，唔係好食到辣嘅朋友適合叫呢個，已經相當滿足又唔會辣到嘴都腫曬😚！叉燒都係好軟淋又入味，肥瘦適中。溏心蛋外面熟透，裡面流心，掌握得好好。
🔹增量叉燒辣麻味噌拉麵 - 中辣中麻🌶：
呢個係男朋友叫嘅，個麻辣味比我嗰個辣小小，味噌味亦較濃郁，試一啖好似無太大分別，試多啖就會發現有後勁辣，湯底更濃更有層次。而香濃程度都相當足夠，有少少花椒味道，唔係一般死辣。增量叉燒係厚切五花腩，油份相當足夠，脂肪比例都剛好，啖啖肉滿足😍！
鋪頭有樣嘢相當細心，佢有即棄圍巾提供，唔驚整污糟件衫，餐廳環境亦有唔少鬼怪嘅擺設同埋塗鴉，幾有特色。湯底亦相當高質，無令我失望，值得再嚟～
香港較少拉麵店係主打麻辣湯底，喜歡嗜辣嘅朋友絕對可以試試👍🏻！
———————٩(ˊᗜˋ*)و♪———-————
张贴
