鬼金棒

营业中

休息中

其實老實說已經經過呢間舖頭好多次成日都話想試吓但係又驚會好辣點知入到去發現原來辣同麻都可以選擇保險一啲 所以嗌咗兩樣都係小辣同埋小麻首先呢個就係味玉辣麻味噌拉麵上到嚟個感覺就係非常之香因為我哋坐係吧枱 所以見到其實每一碗拉麵都有用人手炒過啲料呢個價錢都算係略貴但都有手功費喺度件叉燒略瘦左少少🤏btw 個蛋咬開係偏紅的！靚蛋😍但係就熟左少少 唔夠流心有d可惜特制既同頭先既比起黎多左舊肉 個湯底甜過頭先嗰碗

天氣忽然急降🥶放工真係凍死人個女呀，決定衝去食碗熱辣辣拉麵先~.📍鬼金棒.🍜玉米筍辣麻味噌拉麵+味玉 ($115) - 挑戰中辣小麻~又唔係太辣喎!中間鋪左一堆燒過嘅玉米筍😍食落口都幾香~配料仲有一件叉燒，肥瘦均勻而且夠哂入味夠哂淋!!麵質係我最鍾意嘅硬度，加埋隻蛋真係好perfect💯🍜芫荽辣麻味噌拉麵 ($110) - 呢碗青BB嘅拉麵望到對眼好舒服😂無辣無麻湯底都好味~🙆🏻‍♂️完全想飲哂成碗!鍾意芫荽或者綠色食物嘅你一定唔可以錯過😆🥢增量豆芽菜 ($30) - 有幸見到師傅爆炒芽菜，聞到好香忍唔住叫左份😆清清地都唔錯喎🍚肉飯 ($45) - 小小嘅一碗飯，有一舊大大嘅肉、滿滿嘅珍珠米飯、勁濃郁嘅肉汁同以為係葱嘅韭菜🤣啱哂食一碗拉麵都唔飽嘅男士們~

天氣開始涼涼地，最啱就係食熱野保下暖，而拉麵就係寒冬內的恩物！6點鐘人少少即刻飛入去，因為呢間到咗7點鐘就超多人等位🐖🐖增量叉燒x2辣麻味噌拉麵 $135 + 味玉 $15-上枱已經香噴噴-師父係廚房炒芽菜炒到火光紅紅 相當夠鑊氣-特別出色的芽菜😋😋-湯底勁香 又麻又辣-惹味至極-味玉流心 而且蛋黃好深色好香-估計係用曉同級數的日本蛋-增量叉燒係必須😂👍🏻-叉燒嫩滑多汁又入味-唔會太肥又夠多肉總括而言，呢間日本拉麵鋪真係好出色，食多幾次都唔會厭🤤

同朋友收工順便嚟食個拉麵個晚餐，排隊都唔算排咗好耐，排咗太概五分鐘左右入到去地方算幾大 座位同座位之間嘅距離唔會太迫我就嗌咗莞茜辣麻味噌拉麵$110(少麻少辣)朋友就嗌咗增量叉燒辣麻味噌拉麵$115(少麻中辣)一嚟到叉燒份量超大份，不過食落我又覺得好普通無乜味 而且有少少太厚 口感上麻麻個麵嘅質感都ok 掛湯能力幾好而且份量算多而湯底方面算係杰嘅質感試咗朋友嘅中辣，我覺得都唔算太辣下次可以挑戰下大辣🤣🤣🤣

身邊幾個朋友都提及過鬼金棒，今日終於試左了！真是沒有介紹錯！嘿嘿我果碗是多茜小辣小麻，茜拉麵味道都幾夾！平時都是食開譚仔10小辣，呢個辣度剛剛好了。拉麵有芽菜有粟米仔！蔬菜都有炒過好香口，濃頭非常濃郁！麻香味十足。舊厚切叉燒半肥瘦真係好滋味好肥美！口感軟腍又入味！很不錯成碗拉麵分量十足，同埋好夠熱！嘿嘿粗身麵條比較有咬口 但一樣咁掛湯！粒味玉要大讚，中間真係溏心，而且好有蛋香味！調味適中嘿嘿店內店外裝修都幾有特色！嘿嘿

朋友話我食黎食去都係豬骨湯拉麵，今日拉左我去食一間主打食辣既日本拉麵。🤭🤭🤭係咪辣到好似地獄咁？所以依到既裝修都好似去左地獄咁👹👹仲有d好似比人超渡破地獄緊既音樂🤣🤣朋友係芫荽怪，所以佢叫左個我淨係見到芫荽嘅拉麵🤣個芫荽係成堆咁多到見唔到d麵！見朋友食到好high咁，我都食左啖，可能我唔中意芫荽，所以我覺得好似有小小苦。但佢就覺得好正☘️☘️☘️☘️☘️我就貪心d叫左一個咩都有既,除左芫荽😆我地其實都鍾意食辣，係又唔食得太辣，所以都只係叫咗小麻小辣。見到下面有個地獄級嘅辣叫做鬼增辣😖😖😖見到都驚驚，可以食得好辣嘅朋友可以加$15試下💪🏻💪🏻講返我嗰個特製麻辣味增拉麵，勁中意裏面嗰隻蛋蛋🥰🥰個蛋黃係橙紅色，蛋味勁濃，仲要流心，勁正正諗返起都覺得我應該再加錢食多隻👍🏻，果兩舊肉肉好淋好入味，粟米仔又好爽口。成碗野口感都好豐富。味增嘅湯底飲☺️on top加上麻辣嘅味、仲有芽菜同韭菜，有小小似麻辣米線既感覺，但呢個就多咗啲蒜蓉嘅味！今天來講都幾特別。

見openrice咁多人讚就去試試係咪真係咁好味芫茜麻辣拉麵$110芫茜比我想像中少，成碗麵得1舊叉燒，芽菜，蔥，粟米荀係咁多麻辣中辣中麻唔算辣可以大辣麻就一啲麻既感覺都冇叉燒，一舊長方型，唔滑味道可以芫茜 唔新鮮，有啲乾乾皺皺粗麵與湯唔夾 啲麵掛唔到湯味湯冇特別 飲完後超口喝總括$110冇蛋冇紫菜得1舊叉燒仲要唔好味 真心覺得超唔值額外加芫茜一碟要$30大元。😱啲芫茜是日本直送嗎？貴到離地依個價錢好食過佢既拉麵大把。

鬼金棒有別於一般日本拉麵店，不是普通嘅豬骨拉麵，佢嘅湯底係有麻辣味，非常特別！每次經開望到個餐牌都會不其然吞口水，今次終於有機會試！湯底麻度同辣度都可以選擇，有分幾個level，可以跟據自己嘅接受程度去點。特製辣麻味噌拉麵 ($120)大碗得黎好多配料，超多蔥蒜，仲有兩舊大叉燒。揀左小辣大麻，小辣唔夠辣，建議叫中辣。麵條粗幼適中，咬落彈牙有質感，而且好掛湯，啖啖都好濃郁～增量叉燒辣麻味噌拉麵 ($115)呢碗揀左中辣中麻，真係幾辣下，麻度十足，食到條脷拮拮下，好鬼過癮！但一定要叫汽水滅火🤯🤯🤯 增量叉燒好厚，但有少少鞋。芽菜有炒過，爽口好香好好食👍🏻 下次會揀增量芽菜！味玉 (+$15)流心蛋黃濃香，色澤橙黄，熟度恰好，高質！🙌🏻 加入少少辣汁，味道更豐富❗️汽水 ($15)一定要嗌，唔嗌會後悔😂😂😂另外餐廳非常貼心，有提供圍裙，咁就唔怕湯汁彈到成身都係啦😆😆

平時行街經過鬼金棒，已有很多人排在外等難得放假可早點食，少人點，看到內裡裝飾都好神秘咁，暗暗的燈，很有氣氛我地三人特意上bar 枱坐，看到師傅炒芽菜好有獲氣咁就點了兩個拉麵同兩個飯我地女生不太食倒辣，所以拉麵湯底都只是少辣同少麻一款拉麵是味玉味噌拉麵🍜有一舊厚厚的豚肉 ，拉麵是粗身的再夾著有獲氣的芽菜再有點小辣，湯底很特別幾惹味的另一個是玉米筍辣麻味噌拉麵🍜玉米🌽份量都多，其實都算飽肚，不用添加肉跟著有大肉飯，好彩份量不算太大，難得在拉麵店有飯，真想試下所以就叫左，大肉同拉麵內的肉一樣 yummy

-之前去台北旅行時見哩間係要排長龍嘅拉麵店，喺香港見到當然要直入試試🤤-佢哋主打麻辣，而且可自選麻度和辣度👹👹👹今次我點咗味玉麻辣味噌拉麵，滿足曬我想食溏心蛋同叉燒嘅心✌🏻💛 好喜歡店家對湯嘅溫度嘅掌握，拉麵夠熱真係好食好多👻 而且佢哋嘅芽菜好入味，令人食唔停口🙊❤️-不過下次可以叫中麻，因小麻我真係feel唔到個麻喺邊😅（註：我平時唔食得好辣，譚_我食10小辣😂-食完冇口渴絕對係一件好事🤤 而且佢個溏心蛋真係好好味👻❤️

二訪呢間拉麵店 上次已經好欣賞佢麻同辣可以分別揀高中小無 不過上次覺得唔夠辣 今次再訪加碼🌽玉米荀辣麻味噌拉麵 （中辣中麻) $100+$15因為上次食過玉米荀燒過超好食 今次再加😂玉米荀山真係好正 食到尾都仲有好多麵質軟硬適中 好掛湯中麻麻味夠刺激 🍜增量叉燒辣麻味噌拉麵 （小麻小辣）$135 +$15上次試過呢到嘅叉燒唔錯 今次決定叫增量 有兩大舊 叉燒好淋 炙燒過 好香好好食不過味玉就煮得有少少過左龍🍜整體呢到嘅拉麵煮係好有特色 當日都有日本人到訪 絕對係一間會回訪嘅拉麵店

作為一個芫荽控, 見到極多芫荽黨員推介而間既拉麵, 我就專登過來試試~本身我係食辣既, 不過為左想食芫荽既原汁原味, 同埋想試下佢湯底, 我就無叫麻辣味噌湯啦~芫荽味噌湯拉麵（$110）拉麵一捧埋黎就勁香芫荽味!!😋芫荽都幾多!! 不過湯底就真係一般般, 唔夠濃味...豚肉就有三分之二都係肥膏....搞到成個湯都好油...唯一想讚既係佢粒溏心蛋, 真係好好味👍🏻總括而言, 碗拉麵性價比唔高, 可以不試~如果食拉麵既話, 個人暫時覺得都係一蘭最好味😣

每次經過呢間拉麵，門口都排長龍。一入去，個環境就偏黑，而且牆上有好多鬼面👺👺俾人有種感覺就係，夠膽你就來，挑戰鬼嘅麻辣程度👺👺😆😆辣度: 無辣，小，中，大，鬼辣(+$15)🌶🌶麻度: 無麻，小，中，大，鬼麻(+$15)👺👺由於我地2個都唔係食辣人士，所以就逐步逐步嚟。今次試咗小辣先，個湯底係即叫即煮，好濃郁，而小辣程度，啱曬我地😜😜(平時係唔會食辣嘅，下次仲要揀埋小麻先得😌😌)🔸特製麻辣味噌拉麵($120)🥚🌽依個招牌拉麵入面有兩舊叉燒，一隻味玉和一件玉米。拉麵嘅質感煙煙銀銀，熟到啱啱好，好有水準，而且仲好入味。全隻味玉係流心，好足本。玉米就有燒過嘅，咬落去脆脆地，又香，真係好正。叉燒就偏厚身，即使係肥少少，但都唔會好油膩😚😚🔸增量叉燒x2辣麻味增拉麵($135）🥓🥓嘩！勁大件叉燒，比起招牌拉麵嗰舊叉燒係真係多一倍，貨真價實，成個碗咁大，仲要係油脂勁分明，一肥一瘦，啱晒我呢啲食肉獸🤩🤩🔸可樂zero & 芬達($15/罐)🥤🥤食辣野必備冰凍汽水😆😆呢度仲好細心，會提供一次性嘅圍裙，即使你着住白色衫，都唔使驚食到污糟晒😍😍

每隔一排都會黎食鬼金棒！我唸幾個月就一次點解？因為就係呢碗芫荽加拉麵 每一次我都清哂佢芫荽辣麻味噌拉麵爆多既芫荽鋪係麵上，充滿住芫荽香！我仲加咗增量叉燒！五花腩咁樣，啖啖肉食落去好爽麵條適中掛到湯，湯底非常之濃厚味噌 但係又唔會太咸另外加咗隻糖心蛋睇圖都知非常之靚，流心蛋黃超黃！食拉麵必定要加特製辣麻味增拉麵味道其實差不多，順帶一提其實雖然佢寫住辣但係可以揀唔辣！辣度可以揀之餘 麻度都可以揀！建議揀中麻 非常之過癮㗎

第一次食專門食辣的拉麵店，店內裝潢好配合個店名，牆上面掛滿咗鬼面具，係吧枱位置都幾有特色，掛住d狼牙棒，背景音樂都係好日式果種祭典音樂，完全好似去左日本咁。我最欣賞係呢間拉麵店好貼心，每位客人都有紙製小圍裙，唔洗驚食麵時湯汁會彈到件衫😁— — — — — — — — — — — — — — — — — — —【芫荽辣麻味噌拉麵(小辣、中麻)】$110芫荽控必叫，爆多芫荽，真係啖啖都食到芫荽。湯底呢，一開始食小辣覺得都唔係好辣，覺得唔多滿足，點知慢慢後勁就出來了，愈食愈刺激😆 叉燒唔係平時食到一片片果種，都幾大舊，而且係經過燜煮，肉質夠腍，有少少似食豬軟骨嘅肉咁☺️— — — — — — — — — — — — — — — — — — —【增量叉燒辣麻味噌拉麵(無辣、小麻)】$115好中意呢到嘅拉麵每款口味都有得揀辣度同麻度，真係啱晒唔同口味嘅朋友，唔食得辣嘅朋友嚟到唔洗怕，可以揀唔辣架，齋麻都好味，湯底都好濃郁😮 但又唔會死鹹，讚👍🏻 個增量叉燒真係好大舊，啖啖肉，食呢個麵都好飽。