養心殿台式養生鍋 (已搬遷) 新店位置

朋友被餐廳邀請去試食，也叫我們大伙四人一起去了。養心殿在香港有五六家分店，但一直是旺角店人氣最旺點評最多評價最高。今晚我們已經訂了位，但晚飯時間來到，門前早已擠滿人，還是要等十五分鐘才能入座。進去後，看到竹林深處的間格頗見心思，每桌之間都有木排隔開，只是走廊通道有點狹窄，座位也有點擠。這裡吃的都是滋補養生的湯底和食材，我們這次叫了雙拼鍋（養生鍋有更重藥膳香味，美人鍋則有點牛奶順滑味），兩種湯底很好喝。而肉類（霜降肥牛，小羔羊肉片）的口感，無論牛肉羊肉很好。肉丸（鵝肝墨魚丸，黑松露蝦丸，梅菜豬肉丸）餃子（魚皮餃，麻辣牛肉餃，水蓮餃）也各叫三份，名字看上去有特色，吃進嘴裡沒啥特別，但也知道是真材實料。豆類菜類（炸響鈴，千層凍豆腐，蔬菜盤，萵筍）也新鮮。就火鍋而言，價錢稍貴，就是輕奢級的消費，但相比食材的檔次，算是物有所值。

是晚朋友飯聚, 當然要吃火鍋啦,因為可以邊食邊聊, 又沒時間限制.此店位於雅蘭中心和創興中心之間,位置也很容易找到, 上電梯後就會聞到濃濃的藥材味,來到時間大約晚上7:30, 店外已有幾組顧客在等位.因為訂了位, 所以稍為等一下就可以入座.店內人頭擁擁, 非常熱鬧,不過檯與檯之間都有間隔, 感覺也很私隱.湯底有不同選擇, 有藥材鍋, 薑母鴨鍋, 麻辣鍋, 美人鍋及酸菜白肉鍋,最後選了美人鍋, 非常豐富, 內有原隻烏雞, 桃膠, 杞子, 南棗及金華火，最重要是烏雞很大隻又夠淋呢！點了以下:沖繩黑糖烏梅汁微酸的很易入口, 不會過甜, 和火鍋是絕配, 正手切牛肉鋪得整整齊齊像朵花, 超吸引的,肉質超淋及肉味濃, 厚薄剛剛好, 正涮鍋小羔羊肉片一卷卷的上檯, 雖然是羊肉, 但沒穌味,口感和牛肉不同, 好味沙巴龍躉班原條龍躉班, 很鮮甜又啖啖肉, 好味剛好中和一下之前的膩蟶子皇大大隻又新鮮, 比手掌還要長, 非常鮮甜餃子拼盤自家製 6 款餃子, 每款2粒有鮮蝦雲吞, 極品水餃, 麻辣牛肉餃, 韮菜餃, , 魚皮餃, 水蓮餃每粒都很飽滿, 份量十足, 好味台灣A菜沒貨, 改了唐生菜,也不錯呢, 最

食物好足料，清雞湯好清甜，飲左幾碗，哈哈唔夠既，仲有人服侍剪開湯入面既雞肉👍🏻👍🏻👍🏻另一邊係好spicy , 同樣好足料，成堆辣椒🌶️，唔怕既朋友仔可以叫中辣或以上👍🏻

臺灣興麻辣鍋，係香港都可以食到，呢間仲有養生材料加入去，更勝平時的火鍋味道，所以特別揀了鍋料一半麻辣鍋，一半養生鍋，個養生鍋仲可以當湯飲，有足料既湯，飲湯好甜極上雪花肥牛好大碟，雪花肥牛卷起一卷卷，放在麻辣火鍋湯中，入口又滑又林，仲有麻辣味道滲入肥牛中，好味厚脂黑毛豬梅花肉又係一卷卷，我覺得豬肉放入養生鍋內，吸收了淡淡既藥材香甜，入口滑又不膩，不錯食完雪花肥牛不禁encore, 叫左碟手切肥牛， 上枱肉色好靚，肉和脂肪比例平均，而且入口質味較厚，更有牛肉味，滑而香大腸入了麻辣湯味道，更好味。大腸入口好林軟，有肥膏但比例適中，好喜歡打到尾聲，放了切片年糕，吸收了唔同湯既精華味道，年糕咬落煙煙刃刃，有嚼口，不錯咸檸七好啱飲，涷涷的七喜帶咸味，好解渴呀黑糖烏梅汁又生津又解渴，酸甜的，好適合今天的火鍋

旺角交通方便，食肆林立， 由於我很喜歡打邊爐，今晚約了三五知己去了繁榮既旺角區「養心殿台式養生鍋」打邊爐！由於我們來到很早，一入到來，我哋直接被安排窗邊一張卡位，地方很寬敞，環境很寧靜！我們選了麻辣鍋+酸菜白肉鍋！麻辣鍋：可能我們叫小辣，所以不算太辣，味道很好！ 而且仲可以追加鴨血一份，鴨血沒有一股腥味，簡直同麻辣鍋係完美的配搭！酸菜白肉鍋：很清甜湯底，又有QQ寬粉麵係裡面，加上不肥的白肉，口感十分清爽，簡直是完美的配搭！極上雪花肥牛：肉質很有咬口，很簿的牛肉，只要輕輕灼灼就吃得，仲可保留肉汁！厚脂黑毛豬梅花肉：豬肉肉質柔軟，很新鲜，絕對沒有肉的腥味！鮑魚：鮑魚大大隻，涮一涮就變軟，很新鮮很鮮甜！

今天和朋友終於試到很久以前已經很想嘗試的養心殿火鍋，我們一早已經訂坐，不用等便可以進去開始大吃大喝，這間餐廳的裝修古典雅致，座位不會很迫。我們首先點了美人鍋和祕制姜母鴨鍋，兩款火鍋湯底都很足料，美人鍋主要以烏雞為材料湯底清甜美味，建議在打邊爐前先喝幾口嘗試。而火鍋材料方面，我們點了手切肥牛，自製水蓮餃，魚皮餃，墨魚滑，即炸脆響鈴，蔬菜拼盤和千層凍豆腐。最為驚喜的是肥牛和響鈴，肥牛肥瘦適中，油脂分布均勻，響鈴新鮮即炸，爽脆可口。其他食材亦比一般火鍋店的品質較為好。最後結帳時還有甜品贈送，我們點了榴槤雪糕， 濃郁香滑，感到十分美味和滿足。

呢排成日想打邊爐，見到呢間好評No.1既餐廳就一於要食下！去到8點鐘book左枱好快都安排到入坐。醬料齊全，不過其實用唔著（湯底夠曬味！）一坐底見到有野送咁緊係唔執輸啦！大大杯，鹼檸夠味👍🏻👍🏻👍🏻叫左份細既手切肥牛，結果一d都唔細！好有肉味！羊肉都正，但就冇咩蘇味（我個人鐘意蘇d😂),咁佢就岩曬d唔鐘意羊蘇味既人啦！墨魚滑爽滑彈牙！份量有成個杯咁多，整返開一粒粒都可以整到10幾廿粒內嫁。呢個幾得意，唔會浸落湯就即刻淋曬，要好肉肥牛咁滾多2滾但都重係好脆口，係我食過以黎最脆既響鈴！講咁耐都唔記得咗介紹個湯底，因為鍾意食辣，所以無論佢其他湯底幾吸引我今次都係揀麻辣。勁多料！不過台式既火鍋一向辣都唔會太辣，所以我揀大辣。同預期一樣，叫大辣就岩岩好啦，台式香辣，唔會有好麻既感覺，入面重比我食到有龍眼！本身湯底都已經有五六件鴨血，另外仲可以免費追加，免費都咁多份量！超正！飽到差啲食唔落個薯粉！薯粉彈牙唔會一patpat!整體來講雖然價錢唔算平但係分量超多，加上質量非常好，抵食！

朋友自從在台灣吃過台式火鍋後, 一直念念不忘,所以便帶她們到養心殿一解相思之苦了, 哈哈旺角分店位子方便易找, 大廈外掛著養心殿的招牌紅燈籠.此店晚上8:30後入座會有7折呢, 而且經營時間至到早上6點,在旺角唱K後都不怕沒東西吃.店內位子很多, 但依然全場滿,每檯之間都有木條裝飾做間隔, 感覺頗為古典.部份湯底會有藥材, 不喜歡藥材的也可選擇麻辣鍋, 酸菜白肉鍋及美人鍋,朋友說最近很缺骨膠原, 所以選了美人鍋, 哈哈～此湯底內有桃膠, 原隻烏雞, 杞子, 南棗及金華火腿, 很足料！有別於一般煲湯的烏雞,這裡的肉質比想像中淋及厚身, 所以一整隻都可以吃,沒錯, 是一整隻雞, 吃完後都飽了一半啦。另外還點了以下:手切牛肉油脂分佈很好, 輕輕一淥就可以, 很淋又有肉味, 正喜歡吃肉的朋友一直大讚呢餃子拼盤有6款不同的自家製餃子, 每款各2粒有極品水餃, 鮮蝦雲吞, 韮菜餃, 麻辣牛肉餃, 魚皮餃, 水蓮餃，每款都大大粒, 非常足料, 6款都好味沙巴龍躉班一整條連魚頭, 肉質鮮甜而且不會有太多骨, 而且魚肉相對沒那麼膩, 好味蟶子皇每隻都比手掌還要長, 很爽很鮮甜是晚吃得超飽超滿足, 火鍋湯

同朋友講左好耐話要食，今次終於食得成。太肚餓既關係一坐底就點左盤鹵味，啲牛好入味！美人鍋終於到左，有成隻烏雞，仲有大量桃膠，湯好甜，飲左好多碗先開始打邊爐😋響鈴係即炸，好新鮮。手切牛肉，必食！黑松露丸、芝士牛丸都好正，不過麻辣牛肉餃食落好似水餃皮包住粒牛丸咁，雖然好味但係口感好古怪最後甜品係雪糕，第一次食呢款雪糕，成個球拎住食，好味好新奇！

呢間台式火鍋店自從食過一次後就好似上左癮咁, 每隔一陣就想又黎烚下烚下有鴛鴦鍋底, 價錢只以較高湯底收費, 一次過可以食到兩種湯底, 有人食辣有人唔食得辣都無問題啦!麻辣鍋 ($128) 以多種香料及藥材, 橙紅色夠晒刺激, 湯鍋內加入鴨血及凍豆腐, 可選擇辣度 (小辣級就OK啦我), 仲加送多一份鴨血比你, 份量都唔少架! 呢度嘅鴨血真係無得輸架, 口感超嫩滑, 似食緊果凍咁, 但又唔會一夾即散, 配麻辣湯底真係好鬼正架, 夾埋D芫茜一齊食就仲多一份香味! 另外個"索湯尤物"凍豆腐又係正, 不過小心入口時會被熱湯燙到呀!另一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成, 滾起時已聞到好香藥材味!  當然要試下頭啖湯, 飲落有頗濃藥材香味但好易入口, 真係好似一碗補身湯咁!湯底仲有竹絲鷄及魚頭, 鷄肉烚完都仲係滑, 當然唔好浪費照食; 而另外個魚頭煎香左一D都唔會腥, 魚雲夠滑, 兩者結合增加左湯底嘅鮮甜度 !"LIKE佢Facebook及打卡仲有無酒精類飲品一杯請你飲" 呢個優惠仍然係度, 當然要拎個電話比個LIKE先啦, 贈飲無難度!御選

一段時間冇打邊爐，又心思思喇，呢間想試左好耐喇，今次book左位終於有得食，晚飯時間好多人，一定要book位呀餐廳設計好有台式風味，卡位坐得幾舒服第一時間落左個湯底先，我地揀左麻辣鍋同酸菜白肉，麻辣小辣唔會太辣，湯底有鴨血同凍豆腐，白肉鍋酸味啱啱好，正手工丸拼盤，粒粒都彈牙爽口，個人喜愛梅菜豬肉丸，有住家味呀鮮蝦雲吞，大大粒鮮蝦好新鮮叫多左份凍豆腐，索晒麻辣汁好好味炸響鈴，一上台仲係熱辣辣，真係啱啱炸出黎紫淮山面，第一次試，食落有d似上海面，又滑又有咬口蔬菜拼盤同水耕菜，新鮮青綠，見到都好開胃菊花紀子露。好清甜，好適合食完麻辣野降火最後仲有甜品，好味

推薦指數：⭐️⭐️⭐️⭐️⭐️今次目的唔係去打邊爐，而係食佢嘅午市套餐！聽朋友講好抵食！1️⃣鹽酥蚵仔肉燥飯 set $78先講一講啲配菜有三款：菜甫、竹荀(醃得超好食 冇押味架😭)、泡菜。然後係跟餐附送既台式燉湯！救命好好飲！係人參烏雞湯，好足料都好鮮甜，帶點甘味！好想日日飲🤤！肉燥飯啲肉燥食落同普通台式餐廳唔同！只係醃過，有酒香🤤如果再多啲俾我送飯就好啦！第一次食鹽酥蚵仔，幾驚喜，唔會腥，份量還蠻多！抱歉，我食唔哂🙈因爲都幾滯⋯如果係蚵仔煎會更好食！下次都係嗌鹽酥雞好啲😛 最後配埋杯杞子菊花露！享受🤤👍

今次係我第二次去養心殿,上一次去嘅係尖沙咀分店,兩間嘅裝修格局都差唔多,稍為昏暗嘅環境,好似竹籠咁嘅設計同埋功夫櫈喺度嘅特色. 旺角站行幾分鐘就到,不過我建議喺油麻地站行過去,因為旺角站人山人海,條路又逼爆,油麻地行過去未必會快啲,但係會順暢好多.大約等咗十分鐘就有位,2人枱都算鬆動嘅.又到揀湯底線,因為好想食雞,所以叫咗一個美人鍋,係有原隻烏雞既.個鍋依然係銅鑼咁既樣,好有氣勢.裏面有好多啫喱狀有少少咬口嘅嘢,朋友話係桃膠,係平民燕窩喎.係唔係我就唔知,但係索咗啲湯汁都幾好味.另外,烏雞係上枱嘅時候只係僅僅熟,要滾多陣先可以食.我諗係故意嘅,免得一開始食曬啲雞就食唔到其他嘢.唔使因為怕雞煲到老,限著自己一開始食曬啲雞先,咁樣都唔錯.裏面仲有一啲元肉,紅棗同杞子之類,依啲香味係我嘅至愛,其中紅棗特別多,俾我反轉咗個煲食曬佢~極上雪花肥牛,雪花分佈都算均勻,相對較濃既肉味,特別之處反而係非常軟滑,食落去係會覺得軟綿綿嘅,不過就未到入口即溶嘅地步喇~涮鍋小羔羊肉片,我從來唔食無騷味嘅羊肉,但係我朋友就啱啱相反.好彩依碟羊肉就係啱啱喺中間位置,只有微微騷味,我同埋朋友都啱食.羊肉味唔算太濃,

終於來到這裏吃火鍋了! 聽朋友說, 這間很有名氣的, 基本上沒有預早訂枱也不能在六時或七時進去吃火鍋。 吃完火鍋後, 我的感想也是: 值得再重來的。首先, 店員安排我們坐在二人枱, 店員的服務態度很好。火鍋湯底方面, 我們選擇了鴛鴦鍋, 一邊是養生鍋, 另一邊是美人鍋。火鍋材料方面, 我們點了山水滑豆腐 、唐生菜、鴨血、鮮甜三蔬 (秋葵、玉米、山藥)、酒香白肉、紫淮山麵。美人鍋入面有桃膠、杞子、南棗、原隻烏雞絲和金華火腿。桃膠含豐富膠原蛋白, 裏面有很多粒 南棗和紅棗, 是補血的食材。湯底非常鮮甜, 店員建議我們在湯底滾起時, 先嘗一嘗湯, 才開始我們的火鍋晚餐。只是喝湯, 我也喝了三碗, 湯底真的很鮮甜, 味道很濃郁, 有烏雞和紅棗的味道。養生鍋配以多款藥材, 有人蔘、火腿、老雞及豬肉, 精心炮製而成的。湯底的人蔘味很突出, 味道豐富。店員不時會為我們添加湯底, 重點是湯底不是普通的雞湯, 而是加入我們本身點的火鍋湯底, 所以, 一邊吃火鍋, 就算不斷加湯, 也不會減少湯底原先的味道。個人幾推薦紫淮山麵, 我今次也是第一次吃這種麵, 很喜歡它的質感和味道。吃完火鍋後, 還有紫米露吃

餐廳的位置都幾方便，係地鐵站附近。最近都開左幾間台式火鍋店，之前試左一間，今次有朋友生日所以去宜間試下。店的裝潢都差唔多，係中國式的長方枱，坐的位置就有少少迫。火鍋的湯底選擇好多，可以一次試兩個唔同湯底，試左麻辣湯同美人湯，麻辣湯底唔錯唔太辣可以接受，美人湯的湯料都好多，而且可以免費加鴨血。台式火鍋的鴨血好好味，而火鍋的配料都好多，丸類都有好多種好特別，可以叫一個丸的拼盤，每樣都有的試下，的牛肉都幾好食。最特別的係有雪糕送，獨立包裝的曲奇味雪糕球，味道幾好。