影片
更多
2018-09-16
9458 浏览
今次係我第二次去養心殿,上一次去嘅係尖沙咀分店,兩間嘅裝修格局都差唔多,稍為昏暗嘅環境,好似竹籠咁嘅設計同埋功夫櫈喺度嘅特色. 旺角站行幾分鐘就到,不過我建議喺油麻地站行過去,因為旺角站人山人海,條路又逼爆,油麻地行過去未必會快啲,但係會順暢好多.大約等咗十分鐘就有位,2人枱都算鬆動嘅.又到揀湯底線,因為好想食雞,所以叫咗一個美人鍋,係有原隻烏雞既.個鍋依然係銅鑼咁既樣,好有氣勢.裏面有好多啫喱狀有少少咬口嘅嘢,朋友話係桃膠,係平民燕窩喎.係唔係我就唔知,但係索咗啲湯汁都幾好味.另外,烏雞係上枱嘅時候只係僅僅熟,要滾多陣先可以食.我諗係故意嘅,免得一開始食曬啲雞就食唔到其他嘢.唔使因為怕雞煲到老,限著自己一開始食曬啲雞先,咁樣都唔錯.裏面仲有一啲元肉,紅棗同杞子之類,依啲香味係我嘅至愛,其中紅棗特別多,俾我反轉咗個煲食曬佢~極上雪花肥牛,雪花分佈都算均勻,相對較濃既肉味,特別之處反而係非常軟滑,食落去係會覺得軟綿綿嘅,不過就未到入口即溶嘅地步喇~涮鍋小羔羊肉片,我從來唔食無騷味嘅羊肉,但係我朋友就啱啱相反.好彩依碟羊肉就係啱啱喺中間位置,只有微微騷味,我同埋朋友都啱食.羊肉味唔算太濃,
又到揀湯底線,因為好想食雞,所以叫咗一個美人鍋,係有原隻烏雞既.個鍋依然係銅鑼咁既樣,好有氣勢.裏面有好多啫喱狀有少少咬口嘅嘢,朋友話係桃膠,係平民燕窩喎.係唔係我就唔知,但係索咗啲湯汁都幾好味.另外,烏雞係上枱嘅時候只係僅僅熟,要滾多陣先可以食.我諗係故意嘅,免得一開始食曬啲雞就食唔到其他嘢.唔使因為怕雞煲到老,限著自己一開始食曬啲雞先,咁樣都唔錯.裏面仲有一啲元肉,紅棗同杞子之類,依啲香味係我嘅至愛,其中紅棗特別多,俾我反轉咗個煲食曬佢~
極上雪花肥牛,雪花分佈都算均勻,相對較濃既肉味,特別之處反而係非常軟滑,食落去係會覺得軟綿綿嘅,不過就未到入口即溶嘅地步喇~
涮鍋小羔羊肉片,我從來唔食無騷味嘅羊肉,但係我朋友就啱啱相反.好彩依碟羊肉就係啱啱喺中間位置,只有微微騷味,我同埋朋友都啱食.羊肉味唔算太濃,應該反而適合大部分人嘅口味.
黑柏葉比起爽脆更加接近煙韌,都幾索汁同埋香口.
即炸脆響鈴真係非常香脆,係香同埋脆,當然唔會有油益味,係咁椅浸一浸落滾湯後即刻夾返上來就食得.唔好浸咁耐變咗腐皮卷,浪費食物.
丸類全部都可以揀半份,但係反正全部都想試,所以就叫咗個手工丸類拼盤,即係有齊曬墨魚丸,蝦丸,牛丸,豬肉丸.最想講嘅就係蝦丸,係真係有蝦味嘅,甚至有少少嗰種質感.雖然咁樣先至係做得啱嘅蝦丸,但係又有幾多間做得到.
雜錦蔬菜盤,大路野就有唐生菜,粟米同埋金菇,估唔到仲有埋秋葵.洗得非常乾淨,夠曬新鮮,咬得出嘅索索聲同埋菜青味.
飲埋幾支啤酒作為火鍋完美既完結~
张贴
