養心殿台式養生鍋 (已搬遷) 新店位置

養心鍋呢一兩年開左唔少分店，油尖旺、銅鑼灣等都有分店，生意都幾好，有幾位朋友都講過想試，去完今次，都覺得值得再去，黎緊同朋友Gathering都會食多次。賣台式火鍋，但裝修系傳統中式風格，以深褐木色作主調，旺角地方無甘寬敞，但都唔算窄。火鍋湯底可雙拼，揀左寧神養心鍋同養生鍋，詳細用料可參考餐牌，簡單黎講前者系魚湯，用料與一般川芎白芷天麻魚湯差唔多，味道都相似，幾鮮味，所以除左做湯底，直接飲用都唔錯，仲可以無限加魚湯，正啊！後者就系雞湯，仲加左啲藥材、豬肉等等。手切牛肉 (細: 238/ 大: 338) - 2-3人食細份就夠，睇落好新鮮，脂肪量唔算多，所以肉味幾濃，滑度亦足夠，基本上系必選。御選梅花豬 (118) - 共有12塊，感覺有少少貴，但質素又真系幾好，豚肉味香口，帶少少油香。自家製鮮雲吞 (80/份) - 皮薄之餘亦夠滑，蝦肉大大粒又有肉味。翠絲水蓮 (88) - 台灣好興食水蓮，相反港式/中菜的確較少見，水蓮翠綠，質感清脆爽口，味道亦較清甜，用黎打邊爐唔錯。寬粉條 (38) - 質感Q彈，煙煙韌韌，粉條本粉無咩味道，但就夠吸汁，所以建議等到差唔多最後，湯底去到最鮮甜時再煮，

第一次食養心殿！之前經過都未有機會嘗試，今次朋友生日提出要食，一問之下，原來身邊好多朋友都食過話好好味，今次我終於有機會因為知道會有好多人，所以幾日前已打電話訂位！初初打電話無人聽，隔咗一陣就有人打返黎問是否book位，最後訂了晚上7:00食，依家有優惠八點半前埋單可以有折！可以叫鴛鴦鍋我哋揀咗美人鍋同養生鍋！白色嘅係養生鍋，我比較鍾意因為藥材味重！之後叫咗牛肉，超好食！$2xx叫咗梅菜豬肉丸，蝦丸，雲吞，魚皮餃！全部叫左細碟，四個人每人一粒夠了仲有炸午餐肉同埋生蠔最欣賞嘅地方係喺不收切餅費同開瓶費！！最啱慶祝生日

平日和同事傾談的時候，嗰嗰都話食過養心殿，覺得味道不錯，見到旺角有分店又就腳，一於去試試吧！見到D湯底已經好吸引！原來可以一個價錢，選鴛鴦湯底🍲，太好了！小食類，肉類，海鮮類，豆品類，丸類，餃類．．．選擇都有好多🤔酸菜白肉鍋一又酸又香，酸菜味特別醒胃！養生鍋－人參味好重，湯底以老雞，豬肉和多種藥材肴制而成，直接飲用已經好好味！甘好味的湯底，當然唔少得即炸脆響鈴＄68，熱辣辣，脆卜卜，一放入湯鍋五秒鐘，吸收湯底精華即用，太好味了海鮮拼盤－＄138海蝦新鮮生猛，蝦頭好多膏👍🏻鮑魚爽口帶海水味😋自家製水蓮餃（半份）－＄42黑松露蝦丸（半份）－＄48蝦丸彈牙，每一啖都充滿黑松露味道！

又開始轉涼 打邊爐係最好既選擇人大左就非常留意養生既野見到呢間台式火鍋有個養生鍋點都要試下滋補一下地方都幾大 幾寬落好復古既裝修 好有空間感有幾款湯底揀仲有好多配料選擇我地揀左個養生鍋湯底好濃好有人參味入面有好多藥材同原條人參仲有火腿 老雞 豬肉落配料前真係可以當湯咁飲番幾碗其他火鍋配料都好新鮮黑松露蝦丸好彈牙 估唔到蝦同黑松露味道又好夾蟹捧好新鮮 唔係雪藏既芋絲雜錦蔬菜盤鴨血千層凍豆腐好令人回味一餐 價錢中等食完台式湯底真係食唔番其他湯底！

終於同朋友去朝聖 食台式養心殿火鍋 講咗好耐 見今日唔使排隊 就即刻試下！因為身邊有好多朋友都有推介餐牌上面有六個湯底選擇 我哋揀咗麻辣鍋同埋寧神養心鍋 麻辣鍋入面本來就有凍豆腐 再跟一份豬紅 辣度有得自行選擇！ 豬紅好嫩滑好入味 豆腐亦都吸收哂湯既精髓 十分正寧神養心鍋亦超級足料 鍾意食魚頭飲魚湯既朋友仔絕對唔可以錯過 鍋入邊有一個大魚頭同埋半隻烏雞 唔使講都感受到個湯有幾好味啦 咁足料真係第一次見 怪唔得好多朋友推介！我地叫多咗份霜降肉眼肥牛 同埋手打墨魚滑牛肉睇落去唔多 但其實只不過係圈起來唔係好覺！一d雪味都無 好嫩口！墨魚滑都好新鮮好爽口 必叫！最後打邊爐一定唔少得降火凍飲 我地叫咗個杞子菊花 一大瓶夠2-3人飲 唔算好甜 可以去除打邊爐既油膩感！埋單既時候 職員仲送上左芋圓紫米露 煙煙韌韌既芋圓 為呢餐飯畫上左完美既句號

服務態度差，訂位時無講明唔可以碌咭，前一日打黎確認定位時先至講，已經即時用WhatsApp問返嗰個人，嗰個人話可以幫我搞，點知去到食嘢嘅時候埋單，服務員堅持話唔可以碌咭，問多兩問，仲話卡機壞咗碌唔到，碌唔到卡又點樣儲里數？其實如果唔俾碌卡就不如一直都話唔俾碌卡，唔好又比又唔比，令到客戶無所適從嘢食係幾好，但係服務態度唔好，幾好食都無用我哋叫咗個美人鍋，落晒食物佢先至提我地要飲咗個湯先，下次大家去嘅時候記得飲咗湯先好落嘢食

養心殿於旺角的分店在新興大廈 (雅蘭中心附近)，人氣極旺，就算是閒日的晚上，也車水馬龍，平均也要等好幾檯客人，不算太久。養生鍋 & 寧神養心鍋 ($188/雙拼): 任何湯底可自由雙拼，無額外收費，只以較高款式價錢為準。寧神養心鍋的是魚湯湯底，湯料有川芎、白芷、天麻、當歸、雞、魚頭及豬肉，非常鮮甜好喝；養生鍋除了有以藥材、人蔘、老雞、豬肉及火腿製的湯底，亦有豬紅及凍豆腐，亦可直接飲用，無限加湯。手切牛肉 ($338/大): 色澤鮮紅，脂肪比例適中，富油香及幼滑之餘，亦不失牛肉鮮味。輕灼數秒即能享用，牛肉控必點之選！酒香白肉 ($58): 這款價錢相對划算，薄切豬腩肉片肥瘦適中，酒味非常香濃，完全滲入肉中，推介！手工丸類拼盤 (12粒): 手打丸類質感相當彈牙，且富有肉汁，質素蠻不錯。六款丸類分別是鵝肝墨魚丸、墨丸魚、黑松露蝦丸、蝦丸、芝士牛肉丸及梅菜豬肉丸。奉送台式芋圓紅豆沙: 餐廳會向每位客人奉送飯後甜品，是日款式為芋圓紅豆沙，紅豆沙甜度適中，不會太膩，芋圓煙韌，十分有咬勁。

秋風起,又係打邊爐既季節,上星期約左老媽子打邊爐! 今次唔要再食d任食火窩,要食好d,食正d! 不過又唔想老人家食火窩太熱氣,所以想食d補身d既,一於去食"養心殿"! 食台式養生火窩!養心殿真係好full, 旺角店要提早成個星期book先有位! 果晚7點30去到,見到全店已經坐滿晒,真係好多人!食火窩之前,好肚餓,所以叫左個滷水牛展食住先!估唔到又幾大碟喎,台式餐廳滷野真係有一手,好入味!牛展切得好薄,咬落好juicy,好香滷水味!食完即小食過後,我叫媽媽睇下想試乜野湯底! 點知佢二話不說,話黎養心殿當然叫招牌養生鍋啦!果然識食! 養生鍋個湯底奶白色,聞到好大陣藥材味,浮面見到好多人參,仲有好濃既金華火腿同雞味!果然真材實料,好香!見到咁正既湯底,唔飲返碗點對得住自己?真係好好飲!而且個湯底有好多鴨血同蜂巢豆腐,吸收晒d湯汁,好好味!咁正既湯底又點可以無肉呢,不過媽媽唔食牛,所以就叫左個厚脂黑毛豬梅花肉,每片都切得好薄,卷起來好靚! 基本放係湯底入面,灼幾下就食得!肉味鮮甜,充滿人參味,好正!再來就叫左半份鮮蝦雲吞,同半份鵝肝墨魚丸! 鮮蝦雲吞皮薄涵靚,好多蝦肉,雲吞吸收可湯底既味道,

今日偉大嘅母親生日 一於去食好啲！😆😆一早book左旺角養心殿平日夜晚去到好多人都等左十分鐘坐低即刻叫酸菜白肉+麻辣鴛鴦鍋 酸菜白肉湯底有薯粉麻辣鍋湯底有豆腐同鴨血食到記得有咩料😂😂依舊好惹味我地叫左鴨肉但最特別嘅係我哋叫咗個水蓮菜餃同平時出邊食嘅餃子好唔同 食落好爽 yummy yummy 😍肉丸拼盤有好多唔同味 每粒都好新鮮好好味另外 金錢肚做到落鍋索晒啲汁😜正正子🤗服務方面 waiter 清理空碟 留意火力都做到足照顧周到 加湯加水自動波👍

上一次光顧這店時正值生病，什麼味道也嘗不出來，所以要再給它多一次機會。•最近在做優惠，20:30前離座可享7折優惠。•最奇怪是這分店只收現金😧。現在到處也用信用卡、八達通，甚至wechatpay、支付寶。無現金支付大行其道的潮流下，這家付款動輒便過千元的餐廳，竟然只收現金🙄。非常不便利顧客！😩•1️⃣ 麻辣鍋 （少辣）非常香、辣、帶少麻！有位朋友原本說不吃辣，但輕輕嘗了一口湯底後，便放棄了另一個不辣的湯底😂，可想而知這湯底的魅力有多大😋。•2️⃣ 養生鍋-原本怕不能接受它的人參味，沒想到人參味提昇了這湯底的味道👍。•3️⃣ 老油條 $58這個超好吃，前後點了兩份😍。這老油條可以即食或是點火鍋湯底吃。油條炸得很脆，點麻辣湯底吃，油條吸了麻辣湯，令人欲罷不能👍👍。•4️⃣ 手切牛肉(細) $238這是最貴的牛肉！由於我不吃牛，所以不能告訴你它的味道如何，但吃牛的朋友吃後，他明白為何那麼貴，是有原因的🤗，因為很美味！😋•5️⃣ 御選梅花肉 $118肉質嫩滑，兩個字「美味」！朋友吃了也說好味道！😍•6️⃣ 鵝肝墨魚丸🦑✔️墨魚丸很彈牙！中間包有鵝肝粒。•7️⃣ 蟹子墨魚滑上次吃過覺得質感很滑很彈牙，所以這次要再點來吃🤣。•

養心殿這個名字其實都聽過很多遍，可是一直沒機會去試。最近天氣轉涼，朋友約飯局，腦海就出現了它。選了旺角分店，被安排到偏廳。燈光雖然稍暗，但座位的劃分也不錯，大伙兒的火鍋聚會絕對不是問題。餐牌上比較注目的一定是生猛海鮮，池魚王，金目鯛，平目魚等的新鮮食材，相信也比較少出現在火鍋店。打邊爐的湯底是重要的一環，這裡也有不同特色的湯底，鴛鴦鍋也不會另收費，只以較高價錢的湯底收費。養生鍋 $188養生鍋以名貴藥材，人參等，加上火腿，老雞和豬肉肴制而成，散發陣陣的人參藥材香，建議火鍋前先嚐一口，感受一下養生的味道，入口就是舒服的感覺。麻辣鍋 $128麻辣鍋相信也不用我多加介紹，辣的程度可自由選擇。麻辣鍋最吸引的地方相信是免費追加鴨血一份，厚身又爽滑，也令麻辣鍋變得更加抵食。極上雪花肥牛 $188牛肉上的雪花分明，牛肉香腍。老油條 $58老油條的香脆程度值得一讚，脆而不硬，口感一流。更重要的是老油條沒太大的油膩感，多吃也不會有強烈的罪惡感。即炸脆響鈴 $68雖然沒老油條般的驚喜，但一樣是少油膩又脆口，而且即炸的溫度襯熱食就最好不過。涮鍋小羔羊肉片 $108羊肉片嫩口，有不錯的羊羶香味。蜂巢牛肚 $8

今日難得收早，見最近天氣凍凍地，就約左成班朋友去食shabu shabu la.香港最近呢幾年開左好多好多唔同種類既火鍋店。有日式既，有台式既，有四川既，有泰式既，有粥底既，有藥膳既。但係女人係要補下既，一於就試下最近好有名既養心殿la一坐低，d staff就會問你要食咩湯底。揀好就好快送到黎，我地揀左美人鍋同養生鍋。正呀。至於醬汁就自助既呢就要自己行去拎la. 個湯好足料呀，又夠味。環境好，服務好，食物又好食呀。

養心殿之前食過另一間分店, 都好似唔錯~ 今次黎開旺角, 一於試埋呢間旗艦店啦!menu都係一樣~ 可以雙拼湯底! 咁就唔使煩試邊個啦!我地就雙拼左美人鍋、養心鍋! 真材實料! 有成隻烏雞同埋魚頭, 而且有大量中藥材、飲完之後覺得好暖、完全無口渴既感覺~佢仲有埋桃膠tim! 真係夠哂補阿首先黎既係鵝肝墨魚丸同埋自家製極品水餃真係有舊鵝肝係入面架!味道都唔錯~ 個水餃都好足料即炸響鈴~ 呢個真係新鮮炸上黎、熱騰騰既! 放落個湯到煮幾秒, 吸到味之餘仲係脆脆地! 好正阿細既手切肥牛。見到咁令既雪花分佈都知道唔錯啦!!寬條粉佢好細心有個lay去裝住D粉, 咁就唔驚D粉走失左啦! D粉索哂湯既味道~ 又好煙un~酒香白肉~呢個有好香既玫瑰露味道、豬肉都切得好薄, 不過係略覺得佢肥左D萵荀~ 最後佢仲送糖水~ 係台灣芋圓阿! 唔太甜, 幾好食左咁多野, 兩人埋單768~ 都唔平架, 低D野食幾高質、湯底正, 最岩秋冬進補一下!

知道養心殿幾出名，但都係第一次黎食，估唔到真係好好味環境方面，燈光偏暗，佈置裝修帶點中國古典風，幾特別。食物方面，價錢係貴，但質素非常好。湯底我地要左美人鍋拼養生鍋，美人鍋勁好味，同埋好足料，湯入面有烏雞，啲烏雞肉好嫩滑好正，仲有桂圓肉又係好正，本身甜甜地之餘再吸收埋啲湯令個味道更有層次同好味! 另一邊養生鍋都唔錯，味道係似人蔘雞湯，而亦都好足料，好多人蔘同杞子等等，入面仲有幾舊唔知係咪鴨血（我唔食既），同埋好似豆腐既野（同普通豆腐唔同質感，咬落綿綿地幾得意）。其他餸我地叫左極品雪花肥牛，半份自家製手工餃，年糕，寬粉，響鈴。肥牛好好食，完全唔會韌餃子皮薄餡靚，年糕寬粉都唔錯，特別係寬粉好吸收啲湯味響鈴亦非常出色，同平時食開既唔同，呢到果啲係更好味! 我地另外仲叫左兩支蘋果汁，不過後尾食完先醒起上fb打卡係有野飲送，蠢左哈哈～臨尾我地食得七七八八，就有職員送上兩粒雪糕，一粒抹茶味一粒益力多味，抹茶味好香濃幼滑，而益力多味就有少少似沙冰feel，但都好食。養心殿係我暫時食過最正既火鍋，非常令人回味!

入座先知茶市有半價，一大驚喜，埋單三百幾四百，如果晚市兩個人食但要比全價就貴咗啲，所以多人食除開應該會合理啲。叫咗麻辣同川芎湯，兩個湯底好夠味又有層次，淨係淥個麵食都好滿足。麻辣本身有啲鴨血，另外會再送多一客。川芎湯就有魚頭同半隻烏雞。鴨血滑嫩但難入味，麻辣湯入面本身仲有冰豆腐，吸哂湯勁正。墨丸質地同味道怪怪地，招牌水餃就硬實到一個點。都話食個麵最好，兩個湯配新竹米粉都正。哩枝似cc lemon嘅汽水都幾好飲。羊肉幾好，唔會過肥，羶味剛好，兩個湯都好配。餐廳啲服務生講嘢都幾騷擾，大聲叫嚟叫去，希望可以控制下吧。同埋地下枱都油林咁。