養心殿台式養生鍋 (已搬遷) 新店位置

朋友仔生日，佢話想打邊爐，可以一路食一路傾計，我就立即提議去養心殿台式火鍋，因為我好掛住個麻辣湯底呀，仲有最正嘅鴨紅！食物有好多選擇，丸類餃類都可以叫半份！又係叫麻辣鍋拼酸菜白肉鍋叫麻辣鍋可以加送一份鴨紅，係我至愛啊！軟林林滑嘟嘟手切肥牛，雖然有啲貴，但物有所值！入口鬆化黑柏葉唔係度度都有㗎一致投票，全晚最正係呢個厚切嘅炸午餐肉，真係天下無敵新鮮嘅炸響鈴蜂巢凍豆腐吸左啲湯汁超正超辣雜菜藍爭啲忘記咗呢個寬粉條，索左啲湯之後非常好味旺角店地理位置都幾方便，樓下就係車站，食完大家各自搭車返屋企，呢間高質火鍋店， I will be back!

今日又約咗班friends 打邊爐，原先諗住book嗰啲任食火鍋，唔使諗咁多！😜約咗喺旺角區應該大把選擇，點知最後一致決定都係去返養心殿台式火鍋，其實早幾個日先喺馬鞍山食過，大家應該對佢念念不忘，所以再嚟let’s hotpot day!又係叫咗個鴛鴦喎，麻辣湯底唔少得，加埋酸菜白肉鍋，一邊辣一邊唔辣！啱晒各人需求😍手切肥牛入口即溶，水準之作鵝肝墨魚丸和梅菜豬肉丸各有特色即炸響鈴卷實在太好味，最後又係要re-order多一份啲侍應全部都好好，自動自覺加湯加茶，唔使三催四請，今時今日好少咁嘅服務態度值得一讚👍

雖然養心殿係香港已經開左好耐，但一直未食過，適逢男朋友生日，佢話要食養心殿😂😂😂，所以提早book左旺角分店。由於我食6點，時間尚早，所以去到店內唔係太多客人。但值得一提的是，養心殿係7點半前埋單離座，會有半價優惠，非常抵食。如果覺得平時正價太貴既朋友，不妨可以係中午黎食，或者係食個early dinner~今次我地叫左麻辣鍋同養生鍋，養生鍋湯料非常足，有不少人參，紅棗，藥材，碌過既食物都非常入味，但男朋友覺得味道有啲苦，所以要睇返大家口味啦。至於麻辣鍋叫左中辣，一樣非常入味，叫麻辣鍋既會贈送一碟鴨血，可惜我地都唔食鴨血，浪費左😭至於食物方面，個人認為聖子最好食，非常新鮮爽口。叫左碟細既手切牛肉，都唔錯，但食左一半開始有d漏另外仲叫左大腸，竽絲，鮮蝦雲吞，雜錦蔬菜，都係正常野。叫左2支果汁，一支蘋果，一支檸檬，個人認為檸檬有啲酸，蘋果較好飲。惟獨男朋友堅持想食炸午餐肉，我食左2塊，佢一個人食左6塊😂😂😂最後都食得飽飽！侍應態度良好，有d扣分位就係我坐個邊係無分隔，而且隔離有部大風扇吹著，好凍，不過都會再去食。

妹妹吃過後今晚特地帶媽媽過來吃養生鍋，我當然也來蹭飯。想不到養生的朋友真不少，幸好提前預約，否則就要跟他們一樣排隊了。裡面的環境挺寬敞的，還有一個個小隔間，哥哥仔的服務也很好，照顧著每一個鍋是否煮開、有沒有水和客戶的需要。想美人也想養生，所以點了鴛鴦鍋，美人鍋和養生鍋。養生湯在煮的過程中已經聞到一陣陣藥膳味了，好想打開開吃，可是還沒正在滾起來。左養生鍋：有名貴藥材，火腿，老雞和人參等等精心熬製而成，湯底非常非常濃香甘甜，沒喝過這麼好喝的湯底。另一個是美人鍋：有原隻烏雞，滋陰補虛，平時都不太喜歡吃雞皮，但是這個吸收了精華之後的雞皮嫩滑和征服了味蕾；桃膠，含有豐富膠原蛋白，喝完感覺皮膚充滿了膠原，發現我們仨都很喜歡湯。御選梅花豬：肉片煮完依然很大片，就算煮久一點，也不會太硬，最重要的是沒有豬騷味。新鮮食材在養生鍋煮過後不點醬油，這樣更好吃。

雖然是夏天，但無阻香港人食四季火鍋的興致。今晚約了朋友打邊爐，幸好有預約，否則要等位。要了個鴛鴦鍋，美人鍋含豐富膠原蛋白，很適合愛美的我們。而且有半隻兩烏雞，很嫩滑。養生鍋有很多藥材及人參，味道濃而不烈，蠻不錯。真的忘記了是為了飲湯，還是打邊爐而來。由於本身已有很多材料，所以不用點很多亦夠飽。水蓮餃漲卜卜，很結實。而墨魚丸就不過不失。值得一讚的是可以選擇半份。雜錦蔬菜盤什麼都有，菇類及蔬菜都齊全。紫淮山麵可以在容器內煮，很方便。有雪糕送想不到9點多離開時還有那麼多人等位，原來是9點半後入座有7折。

養心殿火鍋店如其名，主打台式養生火鍋湯底，期待咗好耐終於有機會一試由於每款湯底都十分吸引，經過一番爭扎後揀咗薑母鴨拼麻辣湯底。先講較特別既薑母鴨湯，湯頭十分鮮甜，而且好多嫩滑鴨肉，加上多種藥材十分滋補！女仕們值得多喝幾口，薑味更會愈來愈濃！麻辣湯相對平凡，沒有份外香辣惹味同時較少油脂浮面，算是坊間比較健康清淡的麻辣湯。特別在加上了桂圓乾作配料，帶出一絲清甜食物全部都好新鮮，整體令人十分滿意，重點係湯底冇咩味精，不用像平食火鍋時需配上大量飲品

一行8人6大2小，被安排喺死角落位置，熱到不可思議， 好似去咗火焰山。火鍋店有足夠冷氣啊是常識吧？旁邊有食客投訴，所以推來一把風扇，但是送風角度有限，未能受惠。食完離開，發現食店其他位置冷氣正常，請店家好好檢查冷氣可覆蓋嘅範圍，為食客為員工着想，當中有位員正特別燥底，在火焰山工作，也是難怪的。一行8人被安排一張6人檯，放完8套餐具及飲品後，基本上已沒有位置放食物，好迫，食得不自在。點了鴛鴦鍋，包括麻辣火鍋及酸菜白肉鍋，鴨血好滑，加點了兩次。本來想點手切肥牛及牛坑腩，可惜賣晒（其實6pm已入場，一開舖就賣晒，奇怪）另外點了雪花肥牛、梅花豬、酒香豚肉、餃子、凍豆腐、蜂巢牛肚、大腸頭、寬粉、只淮山麵、稻庭烏冬、響鈴.....總括而言，食物ok，價錢偏貴、環境逼夾。

早前我係養心殿吃過一次後一直對佢麻辣湯底念念不忘， 所以決定同朋友又到旺角食我最鍾意既養心殿。雖然上次去係他們的荃灣分店，但估不到旺角呢間既裝修都係差不多，同樣都走古代中國風，而且坐位亦一樣舒服。湯底當然要照舊食盡兩款，揀鴛鴦啦！上次食過麻辣鍋鍋，我們都好喜歡，所以今次當然再次叫呢鍋。除此之外，我們還試左寧神養心鍋。寧神養心鍋主要有天麻、當歸、鮮雞、鮮魚、豬肉等制成；湯底好鮮甜，又帶有少少胡椒的香味。湯料都非常豐富，藥材多之外，入面仲有烏雞和大大個魚頭。麻辣鍋，今次叫左中辣。跟上次一樣超香濃足料，而鍋內還加入了鴨血和凍豆腐，鴨血相當滑身又帶有少少QQ的口感，配上麻辣鍋來吃別有一番風味，凍豆腐可以完全有吸收麻辣鍋的精華!手切牛肉 (細)手切牛肉細份都好大碟，而且非常新鮮，口感鬆化加上好重牛味，同時又唔會太油膩，好正！響鈴熱辣辣脆卜卜，拖一拖就食得手工黑松露蝦丸拼雲吞，手工丸鮮打質數高。雜錦蔬菜盤裏面有粟米、雜菌、娃娃菜同唐生菜，每一款都好新鮮，特別喜歡粟米夠清甜。爽甜萵苣蜂蜜苦瓜汁，同係台灣街邊飲既一模一樣咁正

同女友再嚟旺角分店下午打邊爐，今次叫麻辣(中辣) / 鴨湯。 麻辣好似失色咗，有點死辣，亦唔夠之前香( 不過依然好過好多舖頭 ). 鴨湯就依然咁好飲。 另外叫咗:1) 手切牛: 近排幾處打邊爐啲牛都唔级呢度2) 猪腸 : 巧肥！我麻麻3) 酒香白肉: 好香酒味，配麻辣都夾4) 蝦滑: 彈牙5) 豆皮: 必叫6) 水蓮: 今次佢同你剪咗，唔知係咪咁失咗水份，所以無平時食嘅咁爽甜7) 曲奇味雪糕球: 10蚊粒，好味8) 仲有雞子: 補身用下午時間人手會少啲，難免無笑容，不過店員都盡責嘅。 而家旺角同馬鞍山分店都試咗幾次，遲下去埋其他嘅。 呢間真係值得介紹比老友

雖然冬天沒到，但有時都會心血來潮想打邊爐，一年四季對火鍋從不抗拒，本身我都好喜愛食台式火鍋，而依間係我常會選擇之一，係其他地方分店食過，而依度旺角店就第一次食，預先訂左晚上九點，但都等左半個鐘先入得，估唔到閒日旺區都咁爆場，但我地都耐心咁等，為左食佢依度既湯鍋 店員好友善帶我地入座，今次叫左寧神養心鍋拼麻辣鍋，寧神養心鍋湯中有足料藥材餚製之外，仲用左二十斤鮮魚用四小時精餚而成，店員話先飲啖湯再開始火鍋都未遲，依個鍋係我第一次點，一飲啖湯就驚喜萬分，味道非常之香濃，鮮味突出，藥材味道雖然重，但飲落好舒服，真係飲得出餚製左非常足時間，完全係一邊飲一邊點頭，非常推介而家一邊係麻辣鍋，點左小辣，湯中除左藥材，仲有鴨血，入口爽刃彈牙，食到咁上下仲可以免費追加鴨血一份，所以唔洗額外再點多份，已經好夠食，而湯底都好香濃，辣味都好夠，本身我都喜愛食辣，我自己覺得麻辣份量剛剛好，惹味又唔會蓋至食材本質味道，正呢御選梅花豬今日唔想食牛肉，所以點左梅花豬，份量都唔少，而且豬肉片色澤鮮嫩呈粉灼熟後入口讚不絕口，口感軟熟，食落又啖啖肉，食得出食材新鮮，的確唔錯，下次都必點梅菜豬肉丸 (半份)梅菜同豬肉碎砌成一粒

是晚黎到養心殿，原本叫左美人鍋，但係食完先發現佢黎左個薑母鴨鍋味道都尚可～但係如果唔係優惠時段黎就略嫌貴左少少... 同埋適合多人黎，咁個湯底就可以多d人share～講番個湯底，鴛鴦鍋岩哂我呢d中意食辣但係又唔想淨係食辣既人餐牌都有好多選擇，最好食係個響鈴，牛肉未食都睇到幾新鮮，配落麻辣湯底都仲食到肉既鮮味其他丸、餃同蟹柳都幾好味～下次再黎會想真係試番個美人鍋同埋會再叫響鈴同牛肉麻辣湯底都要再encore

食完養心殿成日都心思思想再食，今晚就一於去旺角另一分店Encore美人鍋（左）、麻辣鍋（右）麻辣鍋依然係必叫之選，辣得過癮，同埋唔會愈食愈咸美人鍋就第一次叫，有超多桃膠，之前睇電視話係美顏之選 另外，仲會有原隻烏雞，size就好似韓國人蔘雞湯咁，啖啖肉 而且烏雞比普通雞更補身！霜降肉眼肥牛今次就叫左碟牛試下，牛味重，仲好有咬口炸午餐肉超級推介！店員上菜話就咁食都可以咖，所以我地等湯滾嗰陣就食左塊，熱辣辣 外皮薄脆，好正如果放湯其實就好似響鈴咁淥幾秒，就可以保持到脆口即炸脆響鈴必嗌咖啦，即炸脆卜卜蟶子今次嗌左海鮮，蟶子好鮮甜，唔錯今晚送既糖水係芋頭西米露加芋圓，夠晒台式風味 而且無因為係免費所以馬虎

每逢假日的晚上，這間台式打邊爐店總是人山人海，今次決定中午來食午市套餐。一入門口已充滿台式老店的風格，還安排超大窗口位，食午餐都可以睇景服務員好有禮貌，好好的服務。每次去台灣必食台灣牛肉麵，來到這台式店，當然要食招牌台北牛肉麵，再點了一個九層塔三杯雞午市套餐。難得來到，當然要點一個薑母鴨窩。先來午餐，午餐的賣相不錯吧，配菜伴碟，還有一碗湯。牛肉麵條做得不錯，煙韌又彈也不軟爛，牛肉煮至軟腍入味，充滿牛肉的味。還有，湯超足料，入口有藥材味道，真的好似跟台灣飲的一樣九層塔三杯雞，很喜歡醬汁拌飯，雞也很嫩滑，而且很入味，單單用醬汁拌飯就能食一碗飯還有一定要食配菜，雪凍的冰籮白，甜甜酸酸，超消暑。再來薑母鴨窩，有半隻鴨，好多配菜，湯底也是超足料，飲一啖湯，感覺是老火鴨湯我們再點雪花肥牛、聖子、魚子醬丸，全部都好鮮、好甜，下次一定要叫多幾個朋友來一齊食。超治癒的午餐🥣

說說早二天是小妹的生日, 又大一年, a year older a year wiser!希望今年事事順利, 大家都身體健康!!!家人有見我大壽, 特別在二星期前訂了養心殿和我慶祝為什麼會選這裡呢?因為每次經過見到養心殿的廣告牌, 我就比幾款養身美人鍋所吸引了, 很想試試它們的湯底,另外還有台式火鍋小食! 旺角店真的超多人, 到達後店員領我們到後面的偏廳, 雖然有點黑, 但情調不錯~坐好開好茶(茶位每位HKD 20)後, 就可以自己混醬, 弄好自己的醬料~ 我們點了湯底- 一半是酸菜白肉鍋, 另一半是美人鍋~可以一次過試勻二款不同湯底~酸菜 白肉鍋有東方大白菜, 極品豬王花腩肉, QQ 粉條, 口感酸辣而美人鍋就有原隻烏雞, 杞子, 南棗及金華火腿等等, 女士養顏佳品~ 兩款湯底都各具特色!!! 美人鍋真的很濃味, 遠遠就聞到葯材的氣味, 再加上原隻烏雞和其它配料, 味道又鮮又濃又滋補, 我都喝了好幾碗呢~而酸菜白肉都不錯, 味道微酸辣, 白肉有少少脆骨係入面, 食落去好滋味! 我地還點了幾款火鍋材料包括千層涷豆腐、鴨血, 蟹子墨魚滑, 烏冬, 鵝肝墨魚丸(半份4粒)和黑松露蝦丸(半

同朋友book台book左8點，早到左少少在門外有幾排櫈比我地坐，等到搭正先入得，係出面可以揀左湯底先。6個湯底除左藥材都有麻辣同酸菜白肉，研究過d藥材之後我地揀左一個養生一個酸菜白肉，因為有朋友其實好怕藥材味好快上到台，超大鍋，湯都有得加，酸菜白肉係另上既，黎到等佢滾起就即刻試啖湯先兩煲湯都超足了齋飲湯都好滿足， 本身就好鍾意飲湯佢個人參湯好香人參味， 同埋湯料本身就有凍豆腐， 我哋唔知道仲另外嗌多咗添， 而酸菜白肉 本身碟豬肉都唔少 ,都有兩三個人嘅份量， 咁食個湯好似抵啲咁。叫咗碟肥牛 雪花好靚好香牛味切得有厚好好食， 水餃都好推薦, 牛柏葉係冇漂過嘅黑栢葉 咬起呢有啲 煙韌 有口感, 不過就有人唔鍾意食覺得太硬啦。個人參湯真係好補， 我忍唔住飲咗兩三碗， 飲到個人興烚烚， 明明冇酒 但就好似飲咗酒咁 ，心跳加速 行氣活血。