養心殿台式養生鍋 (已搬遷) 新店位置

香港最近流行台式火鍋常常乘車都有看到養心殿的廣告感覺好好吃似的所以便和朋友試一下麻辣湯底不太辣 但味道很好養生湯底有淡淡的蔘味 感覺很養生牛頸脊十分雪花 但這已是大份的了份量有回少 我們三個人吃也不夠兩款丸都很有特色黑松露蝦丸有蝦肉在內 且黑松露味也不太淡梅菜豬肉丸十分特別 我平常不吃梅菜的但這次感覺良好當蜂巢豆腐吸收了湯底後就好像在喝湯一樣 美味鮮淮山是不錯的火鍋料煮一會兒感覺爽爽的 很不錯亦有人喜歡煮長一點 口感會變得粉粉的各有特色隨湯底會附上一份鴨血自己加進湯裡鴨血口感很好👍🏻窩筍是我近期的喜好無論是麻辣火鍋 雞煲 或水煮魚我都會點這個水餃十分大隻 每人一隻已十分足夠了鮮腐竹金錢肚總括是不錯的一餐 將來也會再來吃

友人大力推介火煱店，12月時終於一試～我哋叫咗個鴛鴦鍋，分別係酸菜白肉鍋同寧神養心鍋。我好鍾意個酸菜白肉鍋好惹味！😋（其實兩個鍋都好好食）樣樣都好味不過一口肥牛粒同埋響鈴係我當晚既最愛，我哋6人仲encore 左呢兩款。當晚只要6點入座830前離場就有7折啦非常抵，share Fb page 再送1杯冰凍酸梅湯😍埋單每人HKD 230 非常之飽。推介～ 我要帶媽媽來🤗 ===============當晚啤酒妹妹上來sell酒。啤酒妹妹：「有冇興趣.....」 同行友人邊啖住碗養心湯底邊道：「唔駛，我地養緊生。」😂😂😂😂😂😂

又同朋友出來見一見面，打邊爐是我們的最愛.由於養生殿的湯底十分出名，一於去試下.本食店離mtr 3min 十分方便易找的.like facebook 有咸檸7 送的.好夠味的咸檸7 ，又夠大杯，又可以下一下火.湯底有竹絲雞，十分足夠又滑，可能當湯飲添.由於鴨湯底有很多鴨肉添，可以補一補身.至於手打的丸十分新鮮爽口，雲吞蝦又爽囗又大隻，十分足料.最想不到連熟食又有水準，又滑又夠味的.新鮮的蔬菜拼盤.提提大家一定要訂位、平日也十分多人.

養心殿，打再台式火鍋旗號，當然要試下。Ｂｏｏｋ左１０：００ｐｍ入座，去到等左３０分鐘。叫左綜合鍋，麻辣鴨血加美人鍋，即係有隻鳥雞！個人經驗去台灣，成日食麻辣鴨血鍋，都幾了解一個鍋應該要點先夠台式。個人覺得鴨血部份唔錯，湯底揀左中辣個辣度岩岩好。美人鍋都幾好飲！想叫本地手切牛，但冇貨。叫左雪花牛，綜合丸，海蝦，松板豬，Ａ菜，響鈴，餃（唔記得咩名）總括黎講，個人覺得食火鍋只要料新鮮，都會ｏｋ，最緊要個湯底，特別打正旗號台式火鍋湯底的確唔錯的！

Want try this hot pot long long long time..............this hot pot made from Taiwan..........I order this black chicken with peach resin.................strong taste.....👍🏻👍🏻👍🏻Many many peach resin......!👍🏻👍🏻👍🏻Giant grouper...👍🏻👍🏻👍🏻Many type of special meatball...Dumplings....All food are up to the standard 👍🏻

旺角養心殿地點頗方便，從地鐵銀行中心出口出來，向油麻地方向走不遠就到了。以木為主的裝修，間出一個又一個的空間，有點古代風味，而侍應生們都是有禮和細心的。今天安排了我們內進一個只有兩張細枱的小房間，頗舒適清静的。我們選了美人鍋+酸菜白肉鴛鴦鍋美人鍋藥性温和又可美顏，藥味不重，這天氣食用也很合適。酸菜白肉鍋的酸菜新鮮，食落有點酸酸爽，頗討好的。白肉是豬味重，肉質香爽的極品豬王，鍋內還有QQ的寬粉條，吸滿湯底很好味，隨鍋還有一份免費追加的酸菜及極品豬王花腩。手切牛肉牛肉油脂分佈勻，肉質非常稔滑，牛肉味很重，入口溶化。梅菜豬肉餃豬肉爽甜，梅菜味豐富，有家的味道。還有新鮮嫩綠的水耕生菜。只要 讚好Facebook專頁及簽到，便有免費的冰凍下火的鹹檸七， 真是火鍋的好拍檔 很不錯呢！

今日同朋友黎旺角行街，順便試下旺角呢間好出名既養心殿，主要係食藥材火鍋養心殿的燈光比較暗，檯凳以木材為主，營造古典雅緻的氣氛我地叫左鴛鴦鍋（美人鍋+養生鍋）美人鍋裡面有桃膠，烏雞等材料，滋陰補虛勞，最適合貪靚既女士養生鍋裡面有好多名貴既藥材和人參手工丸併盤（12粒）鵝肝墨魚丸，黑松露蝦丸，芝士牛肉，墨魚丸，蝦丸，梅菜豬肉丸，全部各2每款肉丸都好彈牙新鮮肉眼肥牛牛味很重，而且都好新鮮蜂巢金錢肚和鴨血清江菜+珍珠筍寬粉條烚到透明就食得，咬落帶點煙韌，寬粉吸曬d湯汁，一試難忘

知道旺角有一間連鎖嘅精品火鍋店-養心殿台式養生鍋，就專程去試吓佢嘅特色火鍋底。餐廳裝修古色古香，門口仲要好有氣派。店員安排我哋入座，多數以四人枱設計，而且每一台都有屏風隔住，私隱度極高，朋友們可以暢所欲言。我哋比較喜歡藥材鍋底，所以我哋選擇咗寧神養心鍋拼秘製薑母鴨鍋。當中嘅寧神養心鍋配以多種名貴藥材及20斤鮮魚，仲要用4小時餚製而成，湯底主要以川芎、白芷、天麻、當歸同埋鮮雞豬肉材料製成，所以味道好香濃。飲一啖湯底藥材味同埋鮮魚味道濃郁，非常滋補。等緊火鍋配料期間，我哋叫咗小食-滷水大腸滷水鴨舌同埋老油條。滷水小食滷得非常入味。老油條外脆內軟，只需要放入火鍋湯底灼1至2秒就食得，脆口之餘仲有少少林嘅口感。火鍋配料多款選擇，而且Menu有兩版紙任揀，我哋叫咗鴨血、即炸響鈴卷、千層凍豆腐、有機秋葵、野生竹笙、梅菜豬肉丸、自家製鮮蝦雲吞同埋自家製韭菜餃等。我最鍾意嘅雲吞同埋韭菜餃打邊爐，韭菜餃入面有好多韭菜粒同鮮肉，皮一啲都唔厚，好足料。鴨血同埋千層凍豆腐都係可以吸汁既食物，吸收哂藥材湯底嘅香料同埋精華，所以非常入味。即炸響鈴卷即叫即炸，非常香脆，將響鈴卷浸落去湯底3秒鐘就食得，味道混雜咗藥材

一向都喜歡吃台式食物，朋友推介旺角養心殿台式火鍋店，約埋三五知己去試吓佢個招牌火鍋。火鍋店位於商場入面，只需要上幾層電梯就到門口，門面非常開陽，容易搵到。餐紙中火鍋湯底同埋食物配料多款選擇。近火鍋店門口嘅位置，仲有幾款醬料供給客人自由混醬。火鍋湯底有六款選擇，每款都好想試吓，所以我哋選擇咗鴛鴦湯底-美人鍋拼養生鍋。美人鍋湯底呈現奶白色的，飲一啖落去非常清甜，入面嘅藥材同埋火鍋配料非常滋補養顏，當中有桃膠，含豐富膠原蛋白質。養生鍋則有好濃郁嘅藥材味道，入面仲有我最鍾意嘅鴨血，可以索晒湯底嘅味道。火鍋配料中嘅韭菜餃非常出色，除咗賣相吸引之外，仲要好大隻，皮薄餡靚，入面嘅韭菜同埋肉碎味道好新鮮。黑松露蝦丸叫咗半份有四粒，每一粒都好大粒，四個人嚟食可以每人試一粒，而且好多火鍋配料都可以叫半份，兩個人食都可以叫多款火鍋配料試吓。食落去黑松露味道濃郁，蝦肉爽口彈牙，兩者好match。另外再叫左即炸響鈴卷、蟹籽墨魚滑、鵝肝墨魚丸、手切牛肉同埋厚脂黑毛豬梅花肉等，好多火鍋配菜都想試吓！最後我哋四個都捧住個肚出門口，非常滿足，價錢唔貴，而且合理，最欣賞就係火鍋湯底夠晒特色，所以下次一定會再encore。

🇹🇼養心殿台式養生鍋真❤️推介 打邊爐好去處👍🏻 首先湯底 有六款麻辣鍋 ,酸菜白肉鍋 均為$128養心鍋（魚湯），薑母鴨鍋 均為$168美人鍋（烏雞湯）,養生鍋（人參味較重）均為$188可以雙併✌🏻️✌🏻但價錢以較貴既收費如美人配白肉=$188如養心配白肉=$168此外 麻辣鍋可加送一份鴨血，酸菜白肉鍋亦可加送一碟酸菜白肉💢但雙併湯底時只可以二選一💢食物方面推介：炸午餐肉、鴨血、貢丸、墨魚滑、魚皮餃👍🏻👍🏻👍🏻👍🏻丸類都比較爽口彈牙 個人比較喜歡但餃子 本人認為一般😝肉類推介：手切牛、霜降牛、黑毛豬梅花肉、羊肉片👍🏻👍🏻👍🏻👍🏻👍🏻 每日七點前離座 或九點半後入座都有半價優惠八點半前離座都有7折抵食👍🏻👍🏻👍🏻 分店越開越多旺角 佐敦 尖沙咀 荃灣 銅鑼灣 馬鞍山 將軍澳都有俾分既話我會食物：4/5環境：4/5服務：3/5價錢：合理未試真係要試下 高質素👍🏻 #養心殿#養心鍋#酸菜白肉鍋#麻辣鍋#美人鍋#養生鍋#薑母鴨鍋#炸午餐肉#丸#鴨血#貢丸#魚皮餃#打邊爐#食評#推介#墨魚滑#半價優惠#七點前離座#d_don_food#旺角#佐敦#尖沙咀#美食#香港#銅鑼灣#馬鞍山#將軍澳#旺角美

同朋友係旺角睇完戲肚餓想搵野食，於是去咗呢間人人都話好食嘅養心殿！呢間位於旺角新興大樓，就近地鐵站同朗豪坊，行完街或者睇完戲食就岩晒！門口已經好多人排隊，好彩一早Book 咗位，準時交到枱。行入鋪頭時，沿路聞到湯底香味，坐低即刻急不及待叫咗最出名的美人鍋同酸菜白肉，美人鍋仲有半隻烏雞‌～最吸引係響鈴，即叫即炸！美人鍋加酸菜白肉鍋 $188美人鍋用咗烏雞、杞子、金華火腿等熬製而成，內含豐富膠原，最適合女仕飲用！仲可以拆咗烏雞肉食，肉質滑之仔，吸收埋湯水精華霜降肉眼肥牛  $178脂肪比例略有遜色，不過口感還可以接受墨魚滑 $88份量雖被預期中小，但味道卻超出想像，第一次食到咗彈牙同鮮味十足既墨魚滑即炸響鈴 $68即叫即炸口感的確唔同好多！厚身不在話下，層次被普通現成多出3-4層，就算放奈咗落湯底都仍然可以烏龍麵  $48口感煙韌，基本上放落湯到浸3分鐘已經食得，健康得黎又唔會整到成鍋油淋淋

選了養生鍋搭麻辣鍋既鴛鴦湯鍋，一次過滿足又有嗜辣的又想養生既朋友仔養生鍋內有好多材料咁有好足料既人參，好多條好足料，加入些藥材，老雞及豬肉精心肴制既湯底白白的湯可以就甘飲，補而不燥而鴛鴦鍋的另一面係麻辣湯，紅紅的可以加入鴨血，估不到好滑又唔會散開凍豆腐吸左麻辣湯，鮮豆味帶特別既口感，有趣口味道地而不膩，幾惹味極上雪花肥牛入口林又滑，肥肉均衡，雪花一條條，好有牛味厚脂黑毛豬梅花肉好似雪花牛一樣，肥肉均衡，好有肉味，鮮嫰juicy黑牛柏葉好少見到，爽口，味鮮手工丸類拼盤，嘩，大大盤！鵝肝墨魚丸有鵝肝既甘香，外表墨魚丸又幾彈牙！而黑松露蝦丸彈牙而有松露既鮮味！芝士牛肉丸中有芝士流出，墨魚丸及蝦丸鮮而味道濃郁！梅菜豬肉丸就cross over, 味道特別帶甜梅菜味

台灣最興就係食滋補養生鍋，近年香港都興起唔少台式火鍋。呢一間係我試過既台式火鍋最好食既一間。一大班朋友最適合就係打邊爐，一班人烚下烚下，又可以試多啲唔同種類既食物。-我哋叫左鴛鴦鍋，係美人鍋同養生鍋，美人鍋入邊係有雞，桃膠等等。養生鍋就藥材味比較重，有台灣既感覺。-好推介炸午餐肉，將午餐肉放入湯底滾一滾就可以食，香脆可口，雖然價錢唔平，我哋都encore左幾次。-另外呢度有好多特色既丸類同餃類，值得一試！

呢間餐廳都幾出名, 成日都見好多人排隊而且booking 成日都好full. 早排終於有機會同朋友一齊去食啦, 而且我地仲係幾日前已經打電話去book定位. 非常之期待~~ 火鍋湯底主打係養生滋補湯底, 所以大部份都係加入左藥材去滾. 湯底價錢亦唔算貴, 就算要雙併鴛鴦鍋, 都係只收最貴果個鍋底價錢. 再加上鍋底裡面的原材本身都唔少, 所以都算幾抵食.  最後我地揀左個鴛鴦鍋: 美人鍋 併 麻辣鍋 美人鍋的湯底材料有半隻烏雞, 桃膠, 金華火腿 同埋 藥材(紅棗,南棗,杞子,沙蔘,淮山等…), 補而不燥相對比較温和, 飲落有淡淡的藥材香味, 唔難入口. 烏雞加桃膠, 簡直滋陰補虛勞得黎又充满膠原蛋白, 非常啱貪靚的女士們. 而且烏雞原來有半隻咁多,仲唔細隻咖, 啖啖肉得黎肉質都幾嫩滑, 唔錯. 而麻辣鍋我地就叫左小辣, 所以食落麻香又唔會太刺激.  麻辣鍋除左用左好多種香料同藥材(紅棗,杞子,桂圓等…)外, 仲有鴨血和凍豆腐可以食. 鴨血滑嘟嘟, 口感Q彈Q彈咁, 而凍豆腐就正於吸洒麻辣湯底, 香辣美味.  麻辣鍋原來仲係包埋免費追加鴨血一份咖, 正~ 手工丸併盤 (12粒) 包括有

上兩個星期同朋友食養心殿，對上一次係養心殿講緊都成年之前，個陣覺得麻麻地，因為覺得唔太夠味咁。今次就決定比多次機會佢，今次叫咗鴛鴦鍋,價錢唔貴鍋底係$128蚊就可以有鴛鴦湯底，另外只要叫鴛鴦湯底都可以揀返另外送有一份鴨血或者白肉。酸菜白肉鍋內亦有唔少寬粉足足有成碗咁多，酸菜味唔濃， 但味道清新唔會話好濃味，亦都唔攻鼻。麻辣鍋點左小辣，食落唔算麻，但鴨血同豆腐好香好入味，唔錯。另外亦都有叫到響鈴，一碟有六件。雖然唔係新鮮炸起但係舊舊都脆卜卜。雲吞都叫咗半份，豬肉紮實另外亦都有蝦肉在內，爽口彈牙。 亦都有叫到蟹棒，雖然蟹棒似係來貨貨色， 不過不失。亦有叫到紫淮山麵，呢隻麵食囉佢唔算話好彈牙但係都幾爽口條條都好滑，口感幾好，唔錯！