食之劇場餐廳 (已結業)

Wa-Theater今晚特意來西貢食一間隱世Omakase，餐廳讓人有一種很舒適的感覺。前菜一打開有非常精緻的三碟前菜，就有煙冒出來和撲鼻而來的香味。煮物有京都南瓜煮鯖魚，鯖魚味道濃郁，零腥味甲羅燒配多士蟹肉好有口感份量好多，同多士一起你食都唔會覺得好膩蟹肉配洋蔥能充分帶出松葉蟹的味道。鰻魚海膽蒸蛋鰻魚同海膽香甜，加上嫩滑的雞蛋，好味到不得了贊！👍豆腐麵豉湯用日本白神水煮出來，豆腐超級嫩滑，麵豉湯味道濃郁不咸，不錯。整體環境寧靜，舒適整潔，十分享受，餐廳的服務水準非常優秀

今日難得放假，決定去一間bookmark 左好耐既日本餐廳食個午餐，放鬆一下。餐廳係The Pier酒店地下，環境寧靜，而且可以望住一望無際既大海景，享受美食。一入到餐廳就有種置身於日本既感覺，環境舒適，空間感十足，坐bar枱可以望住廚師製作美食，另外亦有包廂適合同朋友傾計食飯，私隱度非常高！餐廳雖然主打omakase ,但午市都有lunch set 選擇，今次我揀左黑豚腩片醬燒丼試一試。店員為我地斟水嘅時候介紹咗依支係來自青森縣嘅白神山地礦泉水，飲落清甜，而且所有菜式都會用白神山地水烹調。首先上既係野菜沙律，醬汁酸甜開胃，沙律菜都好新鮮前菜係京都南瓜，南瓜浸左木魚汁，味道清甜主菜係黑豚腩片醬燒丼，黑豚腩片肥瘦均勻，師傅將腩片切得薄薄一片，燒既時候更加香脆可口！值得一讚既係師傅好細心地將蔥花均勻咁曬係腩片上，食既時候每一塊都可以食到蔥既香味！而且醬汁均勻咁樣塗係每一塊肉上，味道甜甜地，送飯一流！最後仲有自家製嘅Tiramisu雪糕，唔會太甜，而且仲有香濃既甜酒味，好味！餐廳環境一流，食物高質，好適合慶祝節日既時候黎食！

天都未黑又肚餓，今日嚟到西貢享受人生，見呢間咁高級又特別，一於試吓先！由於天未黑，想影下由餐廳裡面影出去嘅環境，係正架！爭在今日天氣麻麻，但落完雨都覺得舒服啲！不如入正題啦！呢份精品睇得又食得！仲有煙出😂烏賊製作得好出色！點解可以咁簡單又咁好食？好難以形容個種新鮮又甜既刺身味道！再嚟呢兩份魚生都係超水準呀！呢間餐廳係用透明醬油，我覺得比起平時食開既豉油香同甜！提昇晒刺身嘅水準，一流！呢份非一般蒸蛋真係食到我流晒口水，香滑味濃甜厚！無得輸！吞拿魚嘅面豬登！燒得好香！第一次食呢個部位，好得！其實淨係賣相都無得輸，加上麵包有淡淡束香，好夾！哈哈！我覺得好似關東煮，但主角真係煮得好腍好岩食，未試過食得咁開心！唔多逐件介紹，總之就係件件新鮮，味道恰當好處。味增湯我一向都無好感，但呢度零舍好飲，味道剛好，唔會過咸，肉味鮮甜！最後甜品賣相一流，相當好食，令人忘懷！

響呢個時勢，Bi真係好需要一個可以喘息的空間脱下口罩，呼吸一口新鮮空氣。所以BI去到西貢白沙灣碼頭的日式餐廳 食個靚lunch去之前已經好期待，因為友人曾經響食之劇場食過晚餐，從相片可見，擺盤非常靚，係打卡之選餐廳非常闊落，空間感十足，日光照射，令人感覺十分温暖我order 嘅係鰻魚套餐，首先係粟米沙律個汁夠哂酸，係一個好好嘅開胃菜！響我食緊前菜嘅時候，師傅即刻燒鰻魚，好榮幸今次食飯可以見到洪師傅，佢為我講解整個鰻魚飯嘅製作方法原來鰻魚係預先用醬油浸住，燒嘅時候可以乾燒，鰻魚來自東京灣個汁有調製過，唔會死甜，張住個口可以食到魚味值得一讚店家對於醬汁嘅要求 亦都可以體現於佢地用嘅鼓油客人一般望到呢碟淺黃色嘅液體，會以為係油但原來係鼓油，咸中帶有少少甜味配白身魚尤其好，因為唔會搶咗魚原有嘅鮮味實在係好新奇！總括而言，食物有心思，環境又舒適，又多新奇賣點，絕對岩哂同家人朋友慶祝再黎！

呢晚男朋友為咗幫我慶祝搵到新工，竟然特地搵咗間喺西貢白沙灣海邊嘅高級日本餐廳食omakase，超期待啊🤣入到去已經俾佢日本木系風格裝潢吸引住，設計簡潔俐落得嚟，配合柔和嘅燈光，環境好優雅舒服，而師傅同店員都好友善客氣，安排咗我哋坐bar枱，可以邊欣賞住專業嘅廚藝手細，邊品嚐住細膩嘅味道😳👅未上菜之前，店員斟咗兩杯來自日本白神山嘅天然泉水俾我哋，而泉水比一般嘅水更清純健康，證明無論食用定飲用都咁講究🧐 木盒煙燻效果三款前菜開盒之前，師傅提醒我哋要影低佢開蓋嘅後嘅煙霧效果，又真係估唔到咁驚喜！開出嚟後嘅木盒，好似一份藝術品😌 擺盤十分精美之餘，原來食物都係由左至右，淡至濃咁，用心考慮過再擺出嚟，而聽住師傅嘅介紹每一道菜式，更加明白佢對食材嘅別出心裁👍🏻👨🏻‍🍳用白神山水，京都銀杏造嘅豆腐，上面嘅北海道小八爪魚嘅鮮味，同淡香嘅豆乳味道好夾，入口好滑溜🤤銀杏用烤焗過之後，已經散發住佢完本嘅清香味，而上面少少嘅鹽粒亦點綴咗佢嘅味道。䄂子魚肝用咗䄂子去癖走咗本身魚竿嘅腥味，食落去質感好軟滑，彷彿交響樂咁。刺身- 深海池魚王拼金目鯛賣相擺得好靚，有金目鯛及深海池魚皇，切得好厚身，食落味道好甘香鮮甜，

今日係加人工嘅大日子，咁啱就加咗$800人工，所以就決定用呢$800食餐好嘅，有朋友介紹黎呢間白沙灣嘅酒店，去食平民價錢omakase ，最平$600已經可以有交易，環境仲要好靚，氣氛好好一坐低餐廳就話所有嘅食物都係用八神山嘅水來做，一飲落去就感受到真係比平時嘅水更加清甜解渴。「雲」 ($800)前菜就係一個木箱，打開個木箱之後出現煙燻效果，非常有特色，前菜一共有三款第一款係用白神山水同京都銀杏造嘅豆腐，上面有兩條玻璃魷魚令到成個豆腐都充滿鮮味翡翠銀杏銀杏呈現出翡翠般嘅顏色，但有少少甘甜嘅味道袖子汁魚肝我充滿期待的一道前菜，柚子汁正正可以去掉魚肝嘅腥味，獨特嘅質感同埋開胃嘅味道，令到我更加期待之後嘅食物刺身食完前菜之後隨即而來嘅就係刺身，刺身有金目鯛及牡丹蝦，每一件都切得好厚。金目鯛上面有火炙過嘅痕跡，有一種獨特嘅味道。而牡丹蝦就肉質充滿着黏性，肉質肥美~另一個亮點就係餐廳有自家製嘅透明醬油 ，師傅用蒸餾工序令到豉油變成透明，令到點豉油嘅時候唔會影響到刺身嘅外觀燒物陰暗漬吞拿魚魚胶 食材用左長崎縣吞拿魚 油脂嘅味道好重 ，陰暗漬嘅處理手法唔會令到個食物失去水份，燒完出嚟仲係好Juicy

兩個人食lunch , 本來想試吓新嘢，好味日本嘢，但點咗壽司set , (完全唔知食咗d乜，最貴係海膽壽司)老婆話最多值$168但佢哋收4百幾唔好意思個set 仲有個好難食嘅烏東好有味精味！　燒黑豚飯set ，完全（唔）性價比，得8塊好薄豚用（完全冇汁係飯，係燒豚加白飯問侍應比汁，但居然比鰻魚汁我但個汁仲要超咸，黑豚飯加鰻魚汁收我3百幾）超級搵笨如果佢哋收一半價都會覺得貴，好多酒店日本餐廳仲好味，仲比佢平.人生之中最搵笨餐廳服務，可以係話扮好服務！唔好意思真係太服嘅餐廳唔想其他人會中焦所以以忍唔住寫出食評

Homeoffice 的日子悶得很 ，特意來到西貢海邊餐廳嘆omakase。來到餐廳,外面玻璃牆身，室內以木枱為主，給人嫻靜舒適感覺，設計時尚。我們坐Bar位，可以casual d,又可以近距離看廚師烹製食物。首先服務員先送上白神山地之水。接著一木盒送來，打開，有些煙冒出來，好夢幻呀 入邊有好精緻嘅前菜三點 。服務員提議左至右食。有京都豆腐 ，豆乳涼涼地，銀杏細細粒，綠色的，熱熱地，而淮山發菜是爽的。北海道海膽鰻魚蒸蛋茶碗蒸上面有海膽，入面仲要有鰻魚喔~原來表層有木🐟高湯的蜆汁，鮮味出眾，鰻魚蛋滑，鰻魚味香，個人最愛。刺身就有深海池魚、火炙金目鯛。火炙金目鯛，口感一流溫度剛好，唔會冰凍，非常新鮮。松葉蟹甲殼燒伴多士 🦀蟹殼上有勁多蟹肉絲 鮮味出晒，加埋少少魚子 增加咗唔少口感 😆😆最後當然是甜品啦，有十勝紅豆糕和泡芙雪糕，個人甚愛它的雪糕，豆乳味濃。

Wa-Theater再次食依間高級餐廳，店員服務一流，先送上世界自然遺產白神山地出產的礦泉水，格外清純前菜打開木盒，就有煙燻效果有京都豆乳豆腐十分嫩滑，上面加上牛油果蓉和酸梅醬燒銀杏日本風味，鹹鹹地幾特別燒物松葉蟹肉的甲羅燒配上多士，蟹肉份量超多，搽在多士口感滿足。蒸碗物鰻魚海膽蒸蛋，蒸蛋又滑又彈蒸蛋滑溜。甜品十勝紅豆蓉，為整餐畫上完美句號。看著海灣醉人景色，隱世清幽的環境，十分完美與外邊緊張環境明顯不同#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig

呢間餐廳之前已經食過，唔單止附近環境非常優美，而且食物亦好高質。今次我就叫左一個鰻魚飯嘅午餐。首先就有一個野菜沙律，沙律菜非常新鮮，而且配上少少和風汁更加清新，而且亦都好開胃。之後嘅前菜就係南瓜，好夠軟熟，而且配上本身嘅湯亦都好搭。終於黎到主菜，鰻魚好大舊，而且非常肥美，而d飯用嘅係日本嘅珍珠米，再撈少少鰻魚汁食亦非常滿足。飲完個面豉湯之後就到最後嘅甜品，而今日嘅甜品就係自家製嘅tiramisu雪糕，味道非常濃郁，又唔會太甜，真係好正。

難得有機會同另一半去西貢散散心, 上網搵到呢間充滿正評嘅日式餐廳, 晚餐主打廚師發板, 當然唔可以放過🙃我地揀左海套餐, 有前菜, 刺身, 手卷, 蒸蛋, 燒蟹蓋, 麵豉湯同甜品, 唔好睇每碟分量小小, 食到我地超飽, 而且好滿足😍淨係前菜已經非常有心思, 打開木盒有效果好靚嘅煙燻效果, 師傅仲提示我哋可以準備好相機食先❤️食物配搭好有心機, 食材亦好新鮮👍🏻特別係海膽蒸蛋, 蛋蒸得好滑溜, 襯上海膽嘅鮮甜味, 完全係完美嘅配搭!! 底下仲有鮮甜嘅鰻魚, 非常有驚喜! 另外北海道蟹肉配多士亦好出色, 蟹肉鮮甜, 伴上卜卜脆嘅蟹籽, 完全係雙重享受, 無論就咁食抑或係伴多士食都一流!😋

最近出外用餐特別擔心人多密集，臨近情人節先生特意搵到呢間位於西貢遊艇會附近嘅OMAKASE，提早慶祝，避免人流高峰。餐廳位於酒店地下，面朝碼頭，窗外泊滿艇仔，有種寧靜嘅氛圍。Dinner menu非常簡單，有「海」、「雲」、「天」三款精選和食晚宴。我哋揀咗中價位嘅「雲」，包括三款前菜、兩款刺身、一份燒物、一份煮物、三件壽司、湯同甜品，相當豐富。點好食物後侍應拎出無味嘅消毒紙巾清潔餐枱，喺呢個時勢，呢個簡單嘅舉動真係好令人放心，更令人留下深刻嘅正面印象。首先師傅會喺人客面前打開木盒，呈現眼前嘅係我哋最期待嘅飄煙效果，仲帶有檀香嘅味道，別出心裁。盒入係今晚嘅頭盤——前菜三點，從左至右分別係京都豆腐、京都銀杏同鮟鱇魚肝。凍豆腐係用白神山泉水自家製造，豆味好香，感覺清新，上面有兩隻小小嘅螢光魷魚，鮮味突出，配搭凍豆腐恰到好處；銀杏微暖，口感煙韌，帶有淡淡嘅鹹香，銀杏嘅味道非常突出，同剛剛嘅京都豆腐有好鮮明嘅對比，好有驚喜；鮟鱇魚肝口感綿密，配上特製嘅酸汁減低膩滯感，同時亦令鮮味更加突出。完成精緻嘅前菜之後，師傅開始準備刺身，食OMAKASE最好嘅地方就係你永遠唔會知道師傅為你準備咩食物，令你可

見成日home office有啲悶，於是約女友入西貢relax下，係機緣巧合之下，我就搵到呢一間位於白沙灣酒店嘅一間日本餐廳，咁岩夠鐘食下午茶，所以決定去試一試新野。去到門口有塊落地大玻璃，係餐廳入面一眼望晒出面個海景，未食食物都已經眼球食先，同情侶黎食一流！下午茶分別有幾個set，我同女友都揀唔落手，就直接叫廚師拍板，佢分別幫我地order左一個壽司set & 鰻魚飯套餐，我地都覺得可以就直接點頭答應。我地坐係bar枱前，一路望住廚師切魚生、燒鰻魚，個肚就一路打鼓，口水都吞左幾啖，好想啲野食快啲到！首先佢就先黎左個沙律，頂頂個胃，然後黎左碟南瓜拌木魚絲，同醫油入晒味，食落夠滋味！然後就到主菜出場，先講壽司set，件件十分鮮甜，魚片入口即溶，最深刻係件魚子壽司🍣粒粒飽滿多汁，入口果下無得頂！再黎就係鰻魚飯，每邊都燒得岩岩好，非常之香，再配合埋食店自家制既醫油，簡直perfect！食埋落口終於都知道高級食店整既鰻魚同出面完全無得比。主菜食完都已經有飽意，甜品都差啲諗住唔食，侍應同我地講係由廚師親自整出黎，所以點都要試下，擺到面前見到係普通雪糕，以為無乜特別，結果食落喜出望外，非常滑，奶味

見好耐無同男朋友撐枱腳決定揸車入西貢同佢食餐好既餐廳室內裝潢非常高級 對外就係無敵海景🌊唔講以為去左日本😍可能因為中午時段唔太多人 好好彩咁包左場岩哂我地兩個靜靜地傾下計 嘆美景同美食我地分別簡左set D-鰻井 $380 同set E-壽司定食 $420 唸住share黎食🍽餐廳提供由白神山地出產既礦泉水 飲落真係唔同d第一道菜係野菜沙律 酸酸地好開胃之後就上前菜 醬油漬煮目魚係食緊沙津同前菜期間就見到師傅準備緊我地既壽司定食夠新鮮師傅上菜前好細心地介紹每款壽司🍣個人最愛係北海道帆立貝同蟹子壽司 好鮮甜配上芥末同蒸餾壽司豉油 一流！呢個餐會配埋日式烏冬 一人份量黎講都算多跟住就係鰻魚井🍱 配味噌湯 鰻魚肥美 肉質滑嫩飯底配上甜甜既鰻魚汁 簡直回味無窮最後甜品有師傅手製嘅冧酒提子雲呢拿雪糕非常creamy而且奶味重 非常滿足👍🏼大家有機會絕對要黎試試😋

今晚同女朋友嚟咗西貢入邊食廚師發板咁我自己就要左一個雲嘅套餐 價錢來講都幾抵食 先$800就已經包左三樣前菜 季節刺身兩樣燒物煮物 壽司三樣 湯同埋甜品💕咁首先這個好精緻嘅前菜咁入邊呢就有三樣唔同嘅嘢食包括有日本嘅牛乳豆腐日本嘅銀杏仲有胡麻醬雪梨味道上非常之爽口同清新係一個比較開胃嘅前菜而且佢嘅擺設都好靚之後嘅刺身就係兩種唔同嘅魚係油甘魚同金線錭佢哋嘅感覺比較爽口 但肉質非常鮮美而且厚切上面仲用火輕輕地帶過d香味就出晒嚟之後就會有一個燒物咁佢個上面嘅醬汁係用咗佢特別調製經過處理之後呢就燒一燒旁邊仲放咗啲mayo醬俾你去點味道非常香口咁之後呢我就會有一個甲羅燒蟹蓋將松葉蟹嘅蟹整左出黎後燒香上面就放有一啲蟹子成個感覺都非常之鮮味同埋香味十足而且佢旁邊仲有四塊烘過嘅麵包用嚟配埋燒過既松業蟹非常一流之後就有三舊唔同嘅壽司包括有帶子金線叼同埋蟹子壽司👍首先非常佩服佢哋嘅食材真係keep得好新鮮而且壽司飯嘅份量拿捏得唔錯到最後有一碗麵豉湯上面仲用咗豚肉去整佢嘅鮮味就更加好因為多咗肉類嘅油香到最後仲有士多啤梨泡芙同埋紅豆糕做甜品