食之劇場餐廳 (已結業)

响西貢玩完一日，因為慶祝生日，所以特別訂位去西貢白沙灣果間酒店。天色漸沉，假日响碼頭嘅人慢慢散去，我地算係逆流，餐廳唔算大，有塊大玻璃可以飽覽白沙灣海景前菜係好有驚喜，用木盒裝住，而且一打開就有煙飄出嚟，雖然外面係個簡潔嘅木盒，但入面係放滿裝飾，煙霞散開，就出現眼花撩亂的裝飾，感覺就像找到世外桃園三款前菜美得融入裝飾之中，通透鮮紅的水果蕃茄沙律、茂密小巧的百頁草 ，還有迎接春季的櫻葉乳酪荀子 食物要按順序進食：水果蕃茄沙律，清新開胃，百頁草 ，清爽帶丁點苦澀，看起來少少的，卻藏多瓣，所以口感豐富櫻葉漬乳酪玉子 ，乳酪香醇口感細緻，而且花枝非只是裝飾，花枝芳香清香配合乳酪精彩繽紛的前菜，為食之劇場的上演展開序幕剌身有帶子同黑魚甘目帶子好彈牙，味道鮮甜，金目鯛刺身充滿光澤，肉鮮無腥味。除咗食材新鮮美味，調味都有精心炮製，調味碟裝著透明汁液，沾點刺身能引發鮮味，一問才知道是自家製的蒸餾脫色豉油蒸物 海胆鰻魚 高湯 蒸蛋這道是食材豪華的家常菜，蒸蛋上覆蓋著高湯，令蛋味陞華，魚橙色的海胆在中央，鮮甜可口跟蛋味配合，美味得差點忘記鰻魚，但鰻魚卻大得有點喧賓奪主，而且蒲燒鰻魚味濃，再配合蒸蛋的軟滑口

食之劇場位於西貢the pier hotel 樓下的餐廳，同男朋友周年紀念日所以去左住一晚，酒店送左我地早餐券兩張，咁一早就去試佢的早餐，我見餐牌都係$160左右一個餐，有美式同日式，咁我叫左美式早餐，餐廳經理禮貌相當好，服務態度亦是很完美，咁我叫左一個美式早餐有牛角包🥐，芝士，火腿，溫泉蛋，沙律菜同番茄，早晨食返個靚早餐仲可以望住個靚海景，心情特別愉快👍🥰佢飲品我就簡左蘋果汁。下次有機會我會試佢的午餐或者晚餐定食

食之劇場餐廳位於酒店地下，窗外泊滿了不少船隻，有一種寧靜而浪漫的氣氛。引入日本白神山地的礦泉水，完美地呈現出日本當地的風味。店內裝潢以木色為主，也有設有吧台外，更有和室獨立房間(私隱度甚高，非常浪漫。)餐牌上的菜式以簡而清的「海」、「雲」、「天」三款精選和食晚宴作介紹(價錢以$600 - $1100不等)。打開師傅準備的精美木盒，立即呈現飄煙效果，有種檀香的味道，甚有為醇厚。前菜三點: 日本水蕃茄、京都銀杏、乳酪玉子。日本水蕃茄水番茄新鮮，紮實有彈性，水嫩而多汁。京都銀杏銀杏有一種咸香味，爽口且有口感。乳酪玉子口感細滑，有一種乳酪的幼滑綿綿的感覺。刺身2點 - 鯛立魚 / 深海池魚天然鯛立魚日本鯛立魚為七福神之一，可見日本多麼看重鯛魚，味道清鮮甜美，入口即化，添上點點的柚子與岩鹽，更顯魚味香濃。深海池魚腩位部份深海池魚腩位味道甘甜味美，油脂豐富，口感卻超爽。燒物 - 子持魷魚想都沒想過有這一款菜式，果然是以最時鮮的食材製作，配上香甜的燒汁來烹製。魷魚筒內藏有滿滿的魷魚子孫，要把火候拿捏得很好，才可呈現這啫喱狀，吃下軟綿可口，鮮味無渣的質感，口感軟滑彈牙，鮮味十足。 那份彈牙的口感，真有

現在不能去旅行，那麼就到一間充滿濃濃日本味的餐廳用餐來止癮吧！日式風的用餐空間，寧靜優雅的氛圍，精巧的擺盤，走進用餐就彷彿置身日本。前菜3點賣相非常悅目，令人驚豔。日本水蕃茄，清甜鮮美，味道清新，胃口為之一振。京都銀杏飽滿，柔韌軟糯，清香可口。乳酪玉子，口感幼滑，入口帶有乳酪的味道，很特別。刺身2點北海道鮮帶子佐些許岩鹽，肉身肥厚，肉質柔軟，鮮味濃郁，味道鮮爽帶甜。金目鯛經輕輕火炙，燒出油脂的香味，增添風味。肉質嫩滑，油分甘香，味道鮮美。日式海膽鰻魚茶碗蒸海膽鮮甜，茶碗蒸質地滑順軟嫩，裡面加入了鰻魚，除了充滿蛋香，還滲透著鰻魚的香味，味道非常夾，十分美味。松葉蟹甲羅燒配多士蟹蓋內放了松葉蟹膏及蟹肉，中間再放上蟹籽，配以烘脆過的多士，每一口都充滿香脆與鹹香的多層次口感，口感豐富。鰤魚手卷 鰤魚肉質甜美，脂膏豐腴，入口即化，加上手卷用圓筒形可以從頭到尾都吃到餡料，口感澎湃。沖繩豚肉牛蒡麵豉湯甜品櫻花葉十勝紅豆蓉綿密清香，質感幼滑，紅豆味濃郁。自家製士多啤梨雪糕口感軟滑，酸酸甜甜，每一口散發著濃濃的士多啤梨味。高雅寧靜的用餐環境，各道菜式的擺盤都甚具心思，賞心悅目。每一道菜都高質美味，無可挑

今晚同男朋友黎到西貢白沙灣食Omakase享受下。我揀左海Umi set，係最平個個。首先有一個木盒裝住三款前菜，一打開會有櫻花煙燻飄出黎。前菜有櫻花葉漬乳酪玉子、京都銀杏、長崎縣水果番茄。番茄最好食，酸酸甜甜。有兩款刺身：深海池魚、北海道帶子。帶子肥美鮮甜，讚。蒸物係鰻魚蒸蛋，蛋上面有北海道海膽，用木魚湯黎蒸，食落好滑。燒物係北海道松葉蟹蓋伴多士，蟹籽同蟹肉撈匀同多士一齊食，正。手卷係白飯魚手卷，白飯魚好多。湯係豆腐麵豉湯，清清地。甜品係自家製咖啡雪糕同紅豆櫻花花瓣羊羹，好味又唔太甜。

黃氏力牆今日生日，同太太去咗西貢試下網上好多人推介呢間海景日式料理餐廳。餐廳每個位都可以望到海景， 真係人生一大享受。有如置身日本高級餐廳餐廳。我哋點咗兩個午餐，頭款係沙律，蔬菜非常新鮮，只需加上少少橄欖油同醋，已經可以帶出蔬菜嘅新鮮。同時，職員亦會為客人添上日本礦泉水，畀你餐前清一清口腔，呢種餐桌禮儀同埋認真嘅態度，完全跟足日本正宗高級餐廳認真要求，各位真係要感受下。處理呢餐既主廚會主動出來先介紹自己，亦會逐一介紹今日我地係餐牌上選擇既所有菜式。制作十分認真。首先師傅為我地安排第一道菜，汁煮金倉魚---佢唔係用煎封方法處理，而係改用汁煮熟方法處理，呢到菜最重要係完全冇腥味，魚質鮮甜，食完之後你會好期待之後嘅菜。之後到主菜前，侍應會再擺啲漬物同埋麵豉湯先，跟住就到我今日嘅主菜燒汁豚肉丼。師傅會出嚟講解食法同煮法，正宗食法係每一塊豚肉包住飯食，醬汁嘅精華已經入曬每片豚肉，食落去真係入口即溶，只有日本當地先食到嘅質素，有時候食好嘢真係唔使下下去到日本，呢個亦係一個唔錯選擇。最後自家製*提拉米蘇雪糕*亦係無得頂，啖啖都留下提拉米蘇after taste 係口腔，真係用心制作，每道菜。好抵讚

入咗西貢唔係一定要食海鮮嘅， 仲有另類嘅選擇 ， 因為亦正嘅關係我哋都唔係好敢去遊客多嘅地方 食嘢， 我哋入到西貢嗰度呼吸下新鮮嘅空氣， 咁啱又係我老公嘅生日， 食好啲一啲都唔那個 ，呢度環境望住個無敵大海景 ，情調十足， 由於呢度係酒店 所以呢度嘅服務質素亦都好高， 只要你一陣食完嘢佢就會好快咁樣幫你清潔檯面 ，會提供手拍畀你清潔！呢度嘅食物質素亦都好高 因為佢哋個廚師都有同我哋對話 講到食物點樣點樣整 感覺到佢哋喺食材嘅選擇同埋烹飪嘅方法落咗好多心機 對廚藝嘅認真值得敬佩呢度嘅環境不得不讚之外 佢哋嘅食物非常之新鮮當日我係去食一啲嘅午餐套餐 佢哋嘅擺設嘅都好靚 好似食緊藝術品一樣， 頭盤係沙律 蔬菜新鮮酸酸的打開了你的胃口， 再嚟一個 金倉魚魚鮫 好入味， 啖啖肉! 主菜就係佢哋嘅鰻魚飯， 聽聞要用佢哋特製醬汁醃咗一晚跟住再將佢燒， 我哋用嘅係新鮮嘅鰻魚，所以食落去軟綿綿 嘅感覺，而且一條骨都沒有， 廚師真係好細心！ 佢哋用嘅米都好好味， 好有米味，而且帶甜，粒粒分明！正！ 最後呢一個 自家製 terimisu雪糕, 完美嘅句號！

青森蘋果係人都識，青森白神山地之水你又知唔知？佢係天然的泉水，PH值高達7.2，含對人體健康的礦物質。今日白神山地之水引領我來到位於西貢白沙湾碼頭酒店地下的『WA -theater』，呢度有無敵海景同埋大細不一的游艇景，對住如此美景嘆美食，夫復何求?間餐廳有午市，下午茶，晚市，午市做套餐，晚市就做Omakase。呢日所見套餐有6樣，仲有個all day Breakfast。佢嘅鰻魚套餐有前菜，野菜沙律，鰻魚飯，味噌汁，漬物及自家製甜品。前菜有驚喜，首先係好靚的碗仔装住两件南瓜，但食落卻是栗子味，估佢唔到。野菜沙律，新鮮有機菜配日式柚子醋，清新柔和，酸甜適中。鰻魚飯，廚師即場燒，大半條的鰻肥美飽满，汁香味濃，仲有山椒粉另上，由自己調配。漬物有牛蒡，紅酒喬頭，及蒜頭，坊間少有。甜品是自家製Tiramisu雪糕，唔會干篇一律，吃吃吓甚至見到微細咖啡粒，好有層次感，每啖嗒落都係不一樣的味道，時淡時濃，幾過癮。

今次去同女友慶祝生日，搵咗間係西貢白沙灣新開嘅Omakase，貪佢個門口對住個海邊，仲有遊艇會，好似好高級咁。我自己揀咗個中價嘅「雲」menu。三款前菜用個木盒裝住，有櫻花煙燻嘅主題，裝飾分我畀滿分。分別有長崎縣嘅水果番茄，京都銀杏，仲有櫻花葉漬乳酪。個蕃茄有柚子汁，好惹味開胃；而個乳酪本身冇咩味，但有啲煙燻嘅氣味，加上質感好似芝士咁，都幾特別。之後有牡丹蝦刺身同黑陸刺身。黑陸都有煙燻味，唔止鮮味，仲有煙燻香。至於熟食首先就有個燒太刀魚捲蘆筍拌小紅莓汁。呢道菜畀我嘅感覺唔似日本菜，反而似西餐。不過太刀魚同蘆筍都好夾，好好味。隨後有子持魷魚，魷魚內捲住咗啲魚籽係入面，Q彈加Q彈，口感一流。去到壽司環節喇。有三件壽司，分別係真鯛，金目鯛同深海池魚。如果我冇估錯，師傅應該係由淡至濃味咁serve，因為我覺得件池魚最有鮮味，而前兩件雖然都鮮但比較淡口。甜品之前有個湯潤一潤，係豚肉麵豉湯。飲落其實似燉肉湯多過麵豉湯，因為個豚肉味好濃郁，而且有少少好似藥材味，我幾鍾意。食埋個佢地自家製嘅咖啡雪糕，同埋紅豆櫻花花瓣羊羹做甜品。羊羹好清甜，不過食唔出櫻花味，可能因為我自己本身唔知櫻花應該係咩味，哈哈。

今日黎到西貢，疫情關係感覺好似親親大自然比較安全~冇咁多人~揀左黎呢間食之劇場既餐廳食OMAKASE~做過下功課見到呢間OMAKASE價錢合理, 個景又勁靚, 所以都特登黎食! 呢個位其實都幾方便,揸車既話出面有勁大個位係可以泊車, 唔係揸車都唔緊要, 巴士同小巴站都勁近~ 基本上一落車行兩分鐘就入到餐廳! 我地分別叫左海同雲SET, 分別係600$同800$, 其實真係好抵既價錢就試到OMAKASE, TST/CWB 既OMAKASE 都唔止呢個價位, 同埋呢度個景真係超值!餐廳位於PIER HOTEL 地下, 行入去個陣有勁大個海景, 入到餐廳望出黎真係好靚!!! 黃昏黎就PERFECT! 天未黑齊見到出面咁靚! 佢供應既水係白神山地之水~唔知係咪心理作用定真係咁, 飲落又真係好飲D ! haha! 師傅係我地揀完餐後都好快出到個前菜~ 個前菜仲有好特別既效果會出哂煙咁! 真係好靚! 前菜分別有魷魚、白果等! 味道都真係好唔錯, 有得睇又有得食! 跟住會有刺身同燒物~ 海同雲既分別係海有蒸蛋, 手卷, 而雲就係煮物同3件壽司~ 食完前菜就到刺身啦~我諗都唔駛點形容! 因為睇相都睇得

辛苦了一段日子今日難得約到好耐冇見嘅妹妹食飯特意揀咗呢間遠離繁囂嘅地方Omakase，全交比師傳拍板，充滿驚喜估唔到價錢相宜，平時呢個價只可以食lunch用嘅水係白神山地已經帶來第一個驚喜第一道送上時充滿神秘感由主廚師傳為我哋奉上一個木盒打開有陣陣煙霧，係蘋果木煙盒裡有由左至右，魷魚配蛋黃醬，京都銀杏，茨城縣鮟康魚肝食材新鮮自然好味魚肝口感味道令人驚喜，全無腥味到刺身部份雲餐有牡丹蝦，深海池魚蝦身肉厚爽甜池魚魚味濃郁海餐有金目鯛，深海池魚尤其特別嘅係配上透明豉油主廚師傅話豉油係用上蒸餾嘅方法所以唔會死咸更突顯出刺身嘅鮮甜海餐鰻魚龍蝦汁蒸蛋蒸蛋非常滑溜，鰻魚份量多，估唔到食落都係非常之滑，口感好好雲餐好特別嘅一道菜，主廚師傅介紹，佢係取其吞拿魚比較特別嘅位置—面頰，燒完後，肉身依然滑身海餐松葉蟹加黃金膏配多士同平時係出面燒物店食嘅好唔同佢完全冇蟹膏死咸嘅感覺反而有好多蟹肉，味道係鮮甜，帶有少少蟹膏嘅咸味，配多士食非常惹味雲餐北海道八爪魚以焙茶去煮，再蒸大概3小時口感林滑，完全冇食八爪魚腳會遇到嘅咬唔開問題好用心嘅一道菜由左至右，上至下順序排列:金目鯛壽司燒左口魚魚邊壽司魚子壽司柚子鰓魚蓉

今日朋友生日想搵間舒服啲環境靚啲嘅餐廳食飯朋友提議去呢間食之劇場餐廳 果然冇揀錯 餐廳樓底好高 裝潢簡約 隔離就係大大個海景非常舒服雲 Kumo Set $800@前菜三點前菜用咗個木盒嚟裝住 師傅提醒我哋可以準備影相或者拍片 之後先會打開木盒 木盒打開就會有煙燻嘅效果出現 呢個係櫻花木嘅煙燻效果三款前菜由左至右分別係螢光魷魚 京都銀杏同埋鮟鱇魚肝螢光魷魚質感滑溜 食落一啲腥味都冇 好香濃嘅鮮味咬落去京都銀杏先知原來係熱嘅 鹹鹹地脆脆地鮟鱇魚肝冇想像中咁腥 加咗柚子汁減低咗個油膩感刺身兩點深海池魚好新鮮 原來中間包住咗魚肝 口感更加豐富珍寶牡丹蝦好大隻 非常鮮甜彈牙燒物燒物係柚子醬油漬燒吞拿魚魚鮫 呢個燒物好特別食落有少少似叉燒 外面嘅醬汁甜甜地 咬落去食到好香嘅魚油味 煮物慢煮八爪魚配蔬菜第一次食慢煮八爪魚 真係好特別 口感軟淋到想像唔到 同平時食開嘅八爪魚真係好大分別配菜有豆腐 紅蘿蔔 松茸菇 同埋蕪菁蕪菁都幾特別 外圍軟內圍較硬壽司三貫鰤魚蓉壽司 鰤魚蓉魚味清甜 如有香充斥喺口腔入面三文魚籽壽司 三文魚子大大粒左口魚壽司 左口魚都非常高質 入口即溶椀物豚肉麵豉湯 食到咁上下飲碗湯

黎到西貢，雖然呢度成日比人話係美食沙漠，但原來沙漠度都巾綠州既，食之劇場就係呢個綠州喇，位置golf場隔離，一睇就知係for d有錢人食既格調，但omakase 黎講，原來都唔太貴，性價比真係幾高。環境方面，呢間真值得滿分，新新淨淨既和式裝修，配合埋個超級無敵大海景，清幽遠離嘈雜市區，加上咁精緻既餐具，帶女友黎食就真係一流/一班fd黎西貢chill下都真係幾唔錯。刺身方面，都算係唔錯，幾新鮮鮮下，值得一提既佢個前菜有個乾冰effect，出場都幾grand幾唔錯，就算唔食得都睇得下呀。蟹膏方包，方包熱辣辣，蟹膏又好味又夠鮮甜。壽司方面，睇住師傅即叫即實真係份外好味，仲會拎埋遞到你手上，上面舊刺身就一路都幾好，個飯整得都好好，軟硬適中，配埋個白豉油，就岩岩好。

平時係坑口入開西貢搭小巴都會經過白沙灣,每次經過既時間都會見到間酒店係海旁,係好奇心既驅使下上網search下果間酒店既時候發現原來酒店旁有間日本料理餐廳.上網見到餐廳內食物好吸引,就即興今日lunch去試下.lunch set一共有4款,一個set包晒前菜,野菜沙律,白飯,味噌汁,主菜及自家甜品.未開始既時間店員先會送上日本白神山水及毛巾,毛巾係乾式既壓縮毛巾,店員會細心慢慢將水注入毛巾內,當水滲入壓縮毛巾時,毛巾會慢慢升脹起變成一條即棄毛巾.餐牌上表明餐廳內所有食物均以日本神山水烹調,白神山水為軟水,據說更能帶出食物原有既鮮味.野菜沙律分量都幾多,蔬菜新鮮爽脆,車厘茄入口香甜而且無草腥味,配上柚子沙律醋汁酸酸甜甜十分開胃.前菜為汁煮牛蒡,牛蒡同紅蘿蔔煮得夠入味得黎咬落仍然保持爽脆.黑豚腩片醬燒丼採用北海道夢之大地黑豚腩片,豚腩片切得好薄,見到肥肉同瘦肉層次分明,肉質新鮮到見到豚腩肉面既光澤.豚腩肉入口香脆,口腔內先會感覺到醬汁醬汁既甜味,後有腩肉甘香既油分會慢慢滲出,腩脂肪香醇而不燥,配上珍珠米一瞬間已經將整個丼合清空.最後配上和暖又香濃既味噌湯十分完滿.自家製Tiramisu雪糕

近排好少出街 咁啱有朋友約我去西貢玩 難得出街就順便睇下附近有咩好食 最後決定嚟白沙灣食Omakase呢間食之劇場主要都係食Omakase total有三個set 我就揀咗Umi Set值得一提嘅呢度嘅水係用咗日本白神山水 所有嘅菜式都會用白神山水嚟烹調嘅3 kinds of AppetizerAppetizers用咗個木盒嚟裝住 打開仲會有煙燻嘅效果 好夢幻仲有檀香嘅香味  三款appetizers 分別有最左嘅螢光魷魚 中間嘅京都銀杏同埋右邊鮟鱇魚肝 魷魚好新鮮個底仲有凍豆腐 銀杏食落去暖暖地 鮟鱇魚肝食落唔會好腥 仲加咗柚子汁嚟調味2 kinds of Seasonal Sashimi兩款sashimi分別有北海道帶子同埋深海池魚 配白鼓油 帶子非常之厚肉 好鮮甜 深海池魚中間包住魚肝都幾特別 食落好新鮮爽口Steamed Egg蟹膏鰻魚茶碗蒸 蟹膏味非常之香濃 蛋蒸得好滑溜 入面仲有鰻魚 口感好豐富Grilled Dish甲羅燒配烤多士 呢款甲羅燒冇落到蟹膏味道比較清 蟹子份量好足食落脆卜卜 配埋烤多士真係一流Handroll Sushi用白飯魚整成嘅卷物都係第一次食 平時食開